Service Meeting Schedule

Week Bilong June 9

Song 17

10 min: Announcement bilong kongregeson. Iusim olketa idea long page 4 or olketa narafala idea wea fitim ples wea iumi preach for duim demonstration long April-June Wastaoa and May Awake!

20 min: Hao Iumi Savve Redi for Duim Bible Study. Tok wea kam from August 2004 Kingdom Ministry Bilong Iumi, page 1 and 7. Taem iu story finis, duim wanfala demonstration wea wanfala pablisa hem redi kwiktaem for duim Bible study and no prepare gud. Bihaen, narafala pablisa hem duim demonstration and hem prepare long gudfala wei taem hem tingim olketa idea wea stap long Kingdom Ministry Bilong Iumi wea hem savve iusim for duim Bible study.

15 min: “Gohed for Preach.”a Sapos iu garem taem, askem kongregeson for storyim olketa scripture.

Song 89

Week Bilong June 16

Song 64

10 min: Announcement bilong kongregeson. Talem samfala announcement from Kingdom Ministry Bilong Iumi. Askem evriwan for tekem kam April-June Wastaoa and May Awake! long Service Meeting next week and redi for storyim olketa idea wea olketa laek for iusim long preaching waka.

15 min: Storyim Olketa Gudfala Samting wea Iumi Kasem From Gud Nius. Tok and story witim kongregeson from Ministry Skul buk, page 159. Askem kongregeson for storyim samfala samting wea pipol ting raonem distaem long olketa ples wea iumi preach. Askem sapos eni brata or sista savve storyim samfala idea wea iumi savve iusim for helpem pipol long samting wea olketa ting raonem.

20 min: “Waswe, Famili Bilong Iu Redi for Stap Laef?”b Sapos iu garem taem, askem kongregeson for storyim olketa scripture.

Song 72

Week Bilong June 23

Song 33

10 min: Announcement bilong kongregeson. Readim accounts report and eni thankiu leta from branch office for olketa donation. Talemaot literature offer for July and duim wanfala demonstration.

20 min: Regular Pioneer Waka Savve Mekem Laef Bilong Iumi Kamap Moabeta! Tok wea kam from January 15, 2008, Wastaoa, page 17-19. Sapos kongregeson garem samfala regular pioneer iu savve interviewim tufala, wanfala wea pioneer for longfala taem and narawan wea just start pioneer nomoa. Askem tufala hia for storyim hao pioneer waka hem mekem laef bilong olketa kamap moabeta.

15 min: Redi for Offerim Olketa Niu Magasin. Tok and story witim kongregeson. Bihaen iu storyim lelebet April-June Wastaoa and May Awake! askem kongregeson wanem story nao bae mekem pipol long ples wea iumi preach for laek herem story bilong iumi and why nao olsem. Askem kongregeson for storyim samfala point wea olketa laek for iusim wea olketa magasin hia storyim. Iumi savve askem wanem kwestin for startim story? Wanem scripture long datfala story nao iumi savve readim? Iusim olketa idea long Kingdom Ministry Bilong Iumi or narafala idea wea kongregeson storyim and duim demonstration long hao for offerim tufala magasin hia.

Song 37

Week Bilong June 30

Song 45

10 min: Announcement bilong kongregeson. Askem olketa brata and sista for givim field service report for June.

20 min: Hao for Kamap Moabeta Long Wei wea Iumi Story. Tok and story witim kongregeson from Ministry Skul buk, start long page 62, paragraf 4, go kasem end long page 64. Explainim hao iumi savve followim long ples wea iumi preach. Interviewim wanfala pablisa wea savve tumas hao for story witim pipol taem hem preach long haos tu haos or long enitaem witnessing.

15 min: Waswe, Iu Remember? Tok and story witim kongregeson from April 15, 2008, Wastaoa, page 29.

Song 84

Week Bilong July 7

Song 43

10 min: Announcement bilong kongregeson.

15 min: Need bilong kongregeson.

20 min: “Taem Iumi Preach Long Samwan wea Story Long Difren Languis.”c Service overseer duim disfala part. Taem iu kasem paragraf 2, storyim olketa difren languis grup or kongregeson wea preach long sem ples wea kongregeson preach. Announcem eni arrangement for helpem languis grup or narafala kongregeson for waka tugeta for preach.

Song 29

[Olketa Footnote]