Announcement

◼ Literature for July and August: Wanem Nao God Mas Kasem From Iumi? and Bible Story Buk Bilong Mi. September: Wanem Nao Really Samting wea Bible Teachim? Trae for startim Bible study long firstaem iu meetim man. Taem eniwan wea iu story witim garem finis datfala buk, showim hem hao datfala buk savve helpem hem, and hao for duim Bible study. October: Wastaoa and Awake! magasin. Sapos eniwan laek for savve long samfala samting moa, story long hem and showim tract Waswe, Iu Laek for Savve Moa Abaotem Bible? for startim wanfala Bible study.

◼ From August garem faevfala Saturday and faevfala Sunday, hem gudfala month for auxiliary pioneer.

◼ Branch office no savve duim literature order for olketa pablisa wanwan. Presiding overseer shud mekem wanfala announcement evri month bifor literature order bilong kongregeson hem go long branch office, mekem olketa wea laek kasem samfala literature for olketa seleva savve talem brata wea lukaftarem literature. Tingim hao samfala pablikeson hem spesol order.

◼ Literature servant shud kaontem evri literature and magasin wea stap long buk rum long or klosap long August 31, 2008. Diswan hem olsem kaont wea hem savve duim evri month, and hem mas raetem evri samting wea stap long Literature Wea Stap (S-18-SP) pepa. Magasin servant nao bae talem hem haomas magasin hem stap. Secretary bae lukaftarem disfala waka. Hem and presiding overseer nao bae saenem datfala pepa. Kongregeson bae kasem thrifala Literature Wea Stap (S-18-SP) pepa. Plis sendem wanfala pepa long branch office bifor September 6. Wanfala nara pepa bae stap long file. Mek-thri pepa hem for raetem olketa namba taem iu kaontem evri samting.

◼ Iumi bae iusim Wanem Bible Teachim buk for startim and duim olketa Bible study and no disfala Kasem brochure. Iumi bae gohed givimaot Kasem brochure long ministry go kasem taem hem nomoa nao.