Service Meeting Schedule

Week Long August 11

Song 30

10 min: Announcement bilong kongregeson. Askem kongregeson for talem wanem story long olketa magasin nao pipol laekem. Askem kongregeson for storyim samfala main point wea olketa tingting for iusim. Wanem kwestin nao iumi savve askem for startim story? Wanem scripture from datfala story nao iumi savve readim? Redyim olketa demonstration for showim hao for duim datwan. Askem kongregeson for tekem kam August 1 Watchtower and August Awake! long Service Meeting next week and redi for storyim hao for offerim.

15 min: “Helpem Bible Study for Tinghae Long Jehovah.”a

20 min: “Waswe, Iu Iusim Gud?”b Story witim wanfala pablisa wea garem naesfala story taem hem iusim wanfala long olketa niu kaen story long Wastaoa pablik magasin. Hem savve duim wanfala demonstration abaotem datfala naes story bilong hem. And duim narafala demonstration followim wanem paragraf 2 storyim for startim wanfala study taem iumi iusim disfala story “Samting wea Iumi Lanem From Jesus,” long April-June Wastaoa.

Song 9

Week Long August 18

Song 56

10 min: Announcement bilong kongregeson. Talem samfala announcement from Kingdom Ministry Bilong Iumi.

20 min: Kaleko and Lukluk Bilong Iumi Hem Mekhae Long Jehovah. Tok wea elder duim. From Jehovah hem klinfala God, pipol bilong hem tu mas tinghae long wei for evri samting mas klin. (Ex. 30:17-​21; 40:30-​32) Taem iumi werem gudfala kaleko and iumi luk klin, olsem taem iumi go long preaching, iumi mekem Jehovah hapi and pipol bae praisem hem. (1 Pet. 2:​12) Bat sapos iumi no duim datwan, ‘pipol savve tok spoelem toktok bilong God.’ (Titus 2:5) Storyim samfala naes story from kongregeson or from olketa buk bilong iumi wea showimaot hao naesfala lukluk bilong olketa pablisa mekem samfala tinghae long waka wea iumi duim.

15 min: Redi for Offerim August 1 Watchtower and August Awake! Story witim kongregeson. Storyim lelebet tufala magasin firstaem and askem kongregeson wanem story long magasin nao pipol maet laekem. Wanem kwestin and scripture nao fit for startim story? Duim demonstration long hao for iusim idea long Kingdom Ministry Bilong Iumi. Askem wanfala elder for duim shortfala demonstration wea hem redyim finis abaotem wanfala story long magasin wea fitim ples iumi preach.

Song 42

Week Long August 25

Song 39

10 min: Announcement bilong kongregeson. Readim accounts report and eni thankiu leta from branch office for olketa donation.

15 min: Need bilong kongregeson.

20 min: “Pipol wea Talemaot Gud Nius.” Duim olsem wanfala tok.

Song 50

Week Long September 1

Song 47

10 min: Announcement bilong kongregeson. Askem olketa pablisa for givim field service report for August.

20 min: Nomata Olketa Stap Seleva, Iumi No Forgetim Olketa. Tok wea kam from April 15, 2008, Wastaoa, page 25-28. Talemaot nem bilong eni Christian brata or sista wea stap long nursing hom. Sapos no eniwan, iusim disfala story for strongim kongregeson for helpem olketa olo wea no strong tumas or wea savve duim lelebet waka nomoa long kongregeson.

15 min: Startim Bible Study Long Firstaem Iu Meetim Man Long September. Story witim kongregeson. Long September iumi bae offerim Wanem Bible Teachim buk and trae for storyim tu-thri paragraf firstaem iumi meetim man. Storyim olketa idea from January 2006 Kingdom Ministry Bilong Iumi page 3, 4, 7, 8 and duim wan or tufala demonstration wea showim hao for startim Bible study long firstaem iumi meetim man.

Song 54

[Olketa Footnote]