Wat Nao Kingdom blo God Bae Duim Abaotem Environmental Problems?

“Serious problems witim climate barava affectim pipol, olketa city, and evri living things. Evriwea lo world paoful storms distroem olketa haos and wat pipol duim for gohed laef. From ocean kamap warm tumas, maet staka maka staka living things [dae].”—Inger Andersen, anda secretary general blo United Nations and executive director blo UN Environment Programme, July 25, 2023.

Hao, olketa gavman able for waka tugeta for stretem global issues hia? Hao, hem possible for olketa fixim evriting?

Bible storyim gavman wea savve and bae solvem evri environmental problem blo earth. Bible sei dat “God wea rul lo heven bae startim wanfala kingdom,” wea minim wanfala gavman wea bae kontrolem evriting lo earth. (Daniel 2:44) Taem datfala world gavman rul, pipol “bae no spoelem” each other and no “spoelem” earth.—Isaiah 11:9.