Wat Nao Kingdom blo God Bae Duim Abaotem Health Kea?

“End blo COVID-19 wea hem global health emergency no minim COVID-19 finis nao, and bae no eni global health problem happen moa. . . . Taem next pandemic kam, and hem bae kam, iumi mas redi.”—Dr. Tedros Adhanom Ghebreyesus, director-general blo World Health Organization, May 22, 2023.

Staka pipol continue safa lo physical and mentol problems bikos lo COVID-19 pandemic. Hao, bae olketa gavman and health kea organization redi for next pandemic, and successful for helpem iumi cope witim health problems iumi feisim distaem?

Bible storyim gavman wea bae givim health kea wea iumi needim. Hem sei dat “God wea rul lo heven bae startim wanfala kingdom,” wea minim wanfala gavman. (Daniel 2:44) Taem datfala gavman rul, “no eniwan. . . bae sei: ‘Mi sik.’” (Isaiah 33:24) Evriwan bae healthy and strong moa olsem taem olketa young.—Job 33:25.