Wat Nao Kingdom blo God Bae Duim lo War?

Evriwea lo world olketa war continue for distroem staka samting, staka pipol kasem bigfala pain, and safa tumas. Tingim samfala report hia:

• “Last year barava staka pipol dae bikos lo war, especially lo Ethiopia and Ukraine winim eni nara year since 1994.”—Peace Research Institute Oslo, June 7, 2023.

• “War lo Ukraine hem just wanfala lo olketa war wea continue for worst lo 2022. Evriwea lo world, 27% moa politikol violence happen last year winim year bifor, and affectim samting olsem 1.7 billion pipol.”—The Armed Conflict Location & Event Data Project (ACLED), February 8, 2023.

Bible givim hope. Hem sei dat “God wea rul lo heven bae startim wanfala kingdom wea no enitaem bae hem distroe.” (Daniel 2:44) Taem Kingdom, wea minim gavman hem rul, God bae “finisim olketa [war] long evriples long wol.”—Sams 46:9, SIPB.