kovop58/stock.adobe.com
GOHED FOR LUKAOT!
Hao, Olympics Really Mekem Pipol Wan Mind?—Wat Nao Bible Sei?
During 2024 Summer Olympics, olketa estimatem faev billion pipol bae watchim athletes from 206 kantri wea joinim games. “Iumi joinim event wea mekem world for garem peace,” hem nao wat Thomas Bach, president blo International Olympic Committee talem. “Iumi honorim idea wea Olympics promotim hao evri human being shud stap lo peace and for wan mind, nomata iumi evriwan difren from each other.”
Hao, Olympics savve achivim olketa naes goal olsem? Hao, eni hope for real peace and wan mind?
Hem nao bae mekem peace and wan mind?
Olympics dis year hem no just abaotem sports. Games mekhae lo social and politikol issues wea divaedem pipol. Olketa issue hia includim human rights, racism, religious discrimination, and inequality.
International sporting events olsem Olympics providem entertainment. Bat, events hia showim tu and promotim attitudes and actions wea divaedem pipol, instead for garem peace for olowe, and wan mind.
Bible profesi abaotem attitudes wea mekem hem hard tumas for achivim wei for wan mind distaem. (2 Timothy 3:1-5) For lanem moa samting abaotem disfala Bible profesi, readim article “Did the Bible Predict the Way People Think and Act Today?”
Real hope for world peace and wan mind
Bible storyim real hope for peace and wan mind lo full world. Hem promisim hao evri pipol lo earth bae wan mind lo rul blo gavman lo heven, wea hem “Kingdom bilong God.”—Luke 4: 43; Matthew 6: 10.
Jesus Christ, wea King lo datfala Kingdom bae mekem peace evriwea lo world. Bible sei:
“Olketa raeteous wan bae olsem olketa grass wea grow gud, and peace bae stap evriwea.”—Psalm 72: 7.
“Hem bae rescuem olketa wea poor, wea krae for help. . . . Hem bae rescuem olketa from violence and wei for safa.”—Psalm 72: 12, 14.
Even distaem, olketa teaching blo Jesus mekem staka million pipol lo 239 kantri for wan mind. Olketa Jehovah’s Witness, olketa Christian wea stap evriwea lo world, and olketa lane for stap lo peace. For faendaot hao hem olsem, readim Wastaoa magasin wea garem title “Lusim Wei for Heit.”