Man wea Garem “Love . . . No Hapi Long Olketa Nogud Samting”

Lo evri samting wea olketa tru Christian duim, olketa traem best for followim wei blo love. Man wea garem love bae “no hapi long olketa nogud samting.” (1Co 13:4, 6) Dastawe, iumi stap klia lo eni samting wea mekhae lo olketa nogud wei and violence. And tu, iumi no hapi taem olketa narawan kasem nogud samting, nomata olketa wea spoelem iumi.​—Provebs 17:5.

WATCHIM VIDEO EVRITAEM TINGIM HAO FOR SHOWIMAOT LOVE—NO HAPI LONG OLKETA NOGUD SAMTING, AND THEN ANSAREM OLKETA KWESTIN HIA:

• Hao nao David feel taem hem savve Saul and Jonathan tufala dae?

• Wat kaen sorre singsing nao David raetem abaotem Saul and Jonathan?

• Why nao David no hapi taem Saul hem dae?