• Wanem Bible Teachim Abaotem Laef and Dae
    Wastaoa (Pablik)—2017 | No. 4

    • BIBLE TEACHIM TRU SAMTING

      Bible buk Genesis sei: “Jehovah God wakem man from dust bilong graon, and then hem blowim wind bilong laef insaed nose bilong hem, and hem kamap wanfala man wea laef.” Olketa transleitim datfala toktok “man wea laef” from Hebrew word ne’phesh,a wea minim “samting wea gohed for brith.”—Genesis 2:7, footnote.

      Bible showimaot klia taem God wakem man, hem no putim wanfala soul wea no savve dae insaed long hem. Bat Bible sei man hia nao kamap “man wea laef.” Dastawe, nomata iu readim full Bible bae iu no faendem eni scripture wea iusim datfala toktok, “soul wea no savve dae.”

  • Wanem Bible Teachim Abaotem Laef and Dae
    Wastaoa (Pablik)—2017 | No. 4

    • a Samfala Bible transleison, olsem King James Version and Catholic Douay Version, transleitim ne’phesh olsem “soul wea laef.” Bat olketa nara Bible transleison distaem olsem The New English Bible transleitim olsem “samting wea laef,” New International Version and The Jerusalem Bible transleitim olsem “man wea laef,” and Today’s English Version olsem “start for laef.”