Wei for Lonely Happen Evriwea​—Hao nao for deal witim?

• “Lo United States, samting olsem haf lo olketa young wan wea age blo olketa between 18 and 25 deal witim wei for lonely and diswan hem kamap bigfala problem.”​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

• “[World Health Organization] announcem dat olketa organizem wanfala niu grup for helpem pipol deal witim wei for lonely bikos datwan hem wanfala urgent health problem, and for promotim wei for fren witim pipol and faendem wei for solvem disfala wei for lonely wea kamap big lo evri kantri.”​—World Health Organization, November 15, 2023.

Bible givim olketa advaes wea savve helpem iumi for savve gud hao for fren gud witim olketa narawan.

Olketa Bible principle wea savve help

No duim olketa samting wea bae mekem iu stap seleva. Olsem wei for iusim tumas social media. Hem gud for faendem chance for story in person and for garem olketa tru fren.

• Bible principle: “Wanfala tru fren hem showim love evritaem, And hem kamap wanfala brata blo iu lo taem blo trabol.”​—Proverbs 17:17.

Luk for chance for helpem olketa narawan. Wei for duim gud samting for olketa narawan hem no just strongim wei wea iumi fren gud witim olketa, bat hem mekem iumi feel gud tu.

• Bible principle: “Man wea givim samting hem barava hapi winim man wea kasem samting.”​—Acts 20:35.

Lukluk lo website hia for kasem olketa helpful information from Bible abaotem hao for fren gud witim nara pipol.