Antap left saed: Marek M. Berezowski/Anadolu Agency via Getty Images; bottom left: Halfpoint Images/Moment via Getty Images; center: Zhai Yujia/China News Service/VCG via Getty Images; top right: Ismail Sen/Anadolu Agency via Getty Images; botom raet saed: E+/taseffski/via Getty Images
GOHED FOR LUKAOT!
2023: Wanfala Year wea Pipol Wari tumas—Wat Nao Bible Sei?
During 2023, olketa samting wea happen raonem world hem pruvim iumi stap lo taem wea Bible kolem lo “olketa last day.” (2 Timothy 3:1) Lukim hao olketa samting wea happen hem wat Bible talem finis bae hem happen lo taem blo iumi.
Bible and olketa global event
‘Olketa war and nius abaotem war.’—Matthew 24:6.
“Olketa bigfala faet gohed increase lo staka ples lo world.”a
Lukim olketa article “Hu Nao Bae Sevem Olketa Civilians?” and “World Military Spending Exceedim $2 Trillion.”
“Olketa earthquake bae sekem staka ples.”—Mark 13:8.
“Since start blo 2023, evriwea lo world, 13-fala earthquake wea happen hem winim magnitude 7, wea datwan hem highest record for wanfala year, since taem wea mifala start for duim recording.”b
Lukim article “Big Earthquake Happen lo Turkey and Syria.”
“Samting wea mekem [pipol] barava fraet.”—Luke 21:11.
“Taem blo global warming hem end; distaem hem taem blo global boiling.”—António Guterres, UN secretary-general.c
Lukim article “Summer 2023 Global Heat Wave.”
“Bigfala hangre bae kasem plande pipol.”—Matthew 24:7.
“2023: Nara year wea hard tumas for olketa wea stragol for provaedem kaikai for famili blo olketa.”d
Lukim article “Global Food Crisis Happen Bikos lo War and Climate Change.”
“Evri samting hem hard tumas.”—2 Timothy 3:1.
“Wanfala lo evri eitfala pipol lo world deal witim mentol health problem.”e
Lukim article “Olketa Teenager wea Garem Mentol Health Problem Increase.”
Wat iumi expectim lo 2024?
Iumi evriwan no savve wat nao bae happen lo 2024. Bat olketa samting wea happen lo world distaem showimaot klosap nao bae kingdom blo God, or gavman lo heven, bae tekovarem olketa gavman blo man and finisim evri samting wea kosim wei for safa and wei for wari.—Daniel 2:44; Revelation 21:4.
Distaem, iumi savve kasem help from God taem iumi feel wari. Bible hem sei:
“Lo taem wea mi fraet, mi trustim iu.”—Psalm 56:3.
Hao nao iumi savve showimaot iumi trustim God? Mifala invaetem iu for lanem moa samting abaotem promis lo Bible hao lo future no eniwan bae safa. Traem free Bible course blo mifala for lukim hao iu and famili blo iu savve kasem gud samting from olketa promis lo Bible.
a Foreign Affairs, “A World at War: What Is Behind the Global Explosion of Violent Conflict?” by Emma Beals and Peter Salisbury, October 30, 2023.
b Earthquake News, “Year 2023: Number of Major Earthquakes on Course for Record,” May, 2023.
c United Nations, “Secretary-General’s Opening Remarks at Press Conference on Climate,” July 27, 2023.
d World Food Programme, “A Global Food Crisis.”
e World Health Organization, “World Mental Health Day 2023,” October 10, 2023.