KWESTIN 15
Wat nao savve helpem iu for hapi?
“Hem beta for kaikaim pleit vegetable lo haos wea love hem stap winim fat buluka lo haos wea heit hem stap.”
“Mi, Jehovah, mi God blo iu, Man wea teachim iu for iu nao kasem gud samting, Man wea leadim iu lo road wea iu shud wakabaot followim.”
“Olketa wea luksavve olketa needim God, olketa hapi, bikos Kingdom blo heven hem blo olketa.”
“Iufala mas lovem neiba blo iufala olsem iufala lovem iufala seleva.”
“Samting wea iufala laekem pipol for duim lo iufala, sem samting tu iufala mas duim lo olketa.”
“Olketa wea herem word blo God and obeyim, olketa nao hapi!”
“Nomata man garem staka samting, evri samting hem onam no givim hem laef.”
“So sapos iumi garem kaikai and kaleko, iumi mas satisfae witim olketa samting hia.”
“Bigfala hapi hem kam from wei for givim samting winim wei for kasem samting.”