Hao for Rememberim Olketa Scripture

Hao, enitaem iu stragol for rememberim wanfala fevaret Bible verse? Hem maet wanfala scripture wea comfortim iu, or helpem iu for againstim eni rong tingting, or wea iu laek for sharem witim samwan. (Ps. 119:​11, 111) Bae iumi storyim samfala idea wea savve helpem iu for rememberim olketa scripture.

• Iusim datfala tag feature lo JW Library^® app. Taem iu readim wanfala scripture lo Bible lo JW Library and iu laek for rememberim, iu savve sevem or tagim, mekem hem isi for iu faendem bihaen.

• Putim datfala scripture lo ples wea iu savve lukim. Raetem daon verse wea iu laek for rememberim lo wanfala pis pepa, and putim lo ples wea hem isi for iu lukim evritaem. Samfala putim saed lo mirror blo olketa, olketa narawan putim lo door blo ice blo olketa. And tu, olketa narawan savve tek piksa lo scripture wea olketa laek rememberim, and putim olsem screen saver lo computer or mobile phone blo olketa.

• Mekem olketa card and iusim. Raetem wanfala scripture lo wansaed blo card and toktok blo datfala verse lo narasaed. Then lukim toktok blo datfala verse or trae for tingim, wea insaed lo Bible nao toktok blo verse kam from.