TAN̈WATKIʼPSTAʼMIÑ JESÚS TAÑITYIJOM
Jeʼm ancianojyaj yooxpadoyyajpa iga jeʼm Jehová ikumun wɨidyiñ
Jaʼyan̈yaj dyaʼ iniidyayyajpa confianza jempɨk iniityyajpa tuum teguedɨʼɨyi. Iga dende wiñɨgam jaʼyan̈yaj dyaʼ iwɨpɨkneyaj jeʼm ityeguedɨʼɨyi y numaaj nawɨwadayyajtaap iyaʼak (Miq 7:3). ¡Jeʼm Dios ikumun tsaam kukakneʼ! Jehová in̈kejayñeʼ jeʼm ancianojyaj iga iwɨpɨkyajiñ jeʼm ityeguedɨʼɨyi jesɨk ikuixyajpa jeʼm kumun (Est 10:3; Mt 20:25, 26).
Jeʼm ancianojyaj dyaʼ ipɨkyajpa jeʼm ityeguedɨʼɨyi juʼuts jeʼm teguedɨʼɨyiyaj ityyajwɨʼɨp yɨʼp naxyukmɨ. Iwɨpɨkyajpa jeʼm ityeguedɨʼɨyi iga ityoyyajpa Jehová y jeʼm tɨwɨtam (Jn 21:16; 1Pe 5:1-3). Jeʼm ancianojyaj ikupɨkyajpa Jesús y iyooxpaʼtyajpa ityumpɨy jeʼm tɨwɨtam iga maymayayajiñ jeʼm Jehová ifamiliajom y odoy ijagan̈tsakyajiñ. Jesɨk nasuntaap, ianmajan̈chiʼiyajpa jeʼm tɨwɨtam y jesɨk itypa tuum desastre o tuum emergencia médica, juchixkej iyooxpaʼtyajpa jeʼm tɨwɨtam. Siiga mityogoyay yooxpadoʼoyi, namuruujɨ tuum anciano itywɨʼɨp in̈kumunjom (Snt 5:14).
JESƗK YAJUM IÑAʼMTAʼM JEʼM VIDEO JEʼM ANCIANOJYAJ IKUIXYAJPA JEʼM KUMUN, KUTSON̈TAʼAMƗ YƗʼPYAJ AKWAGOʼOYIYAJ:
¿Juutypɨk iwɨwaday Mariana jeʼm yooxpadoʼoyi ichiʼiyajwɨʼɨp jeʼm ancianojyaj?
¿Juutypɨk iwɨwaday Elías jeʼm yooxpadoʼoyi ichiʼiyajwɨʼɨp jeʼm ancianojyaj?
Iga iñaʼm yɨʼp video, ¿tyi iñjɨɨspa kun jeʼm yooxakuy iwatyajpaʼap jeʼm ancianojyaj?