KEIEUN KRONIKEL

5 Nein Saped pwutak kan iei Komer, Makok, Madai, Seipan, Tupal,+ Mesek+ oh Tiras.+

6 Nein Komer pwutak kan iei Askenas, Ripahd oh Dokarma.+

7 Nein Seipan pwutak kan iei Elisah, Tarsis, Kittim oh Rodanim.

8 Nein Ahm pwutak kan iei Kus,+ Misraim, Pud oh Kenan.+

9 Nein Kus pwutak kan iei Sehpa,+ Apila, Sapta, Raama+ oh Sapteka.

Nein Raama pwutak kan iei Sipa oh Dedan.+

10 Kus nainekihda Nimrod.+ Ih me tepin wiahla aramas lapalap men nan sampah.

11 Misraim nainekihda Ludim,+ Anamim, Lehapim, Napduim,+ 12 Padrusim,+ Kasluim (mehn Pilisdia kan+ kohsang reh) oh Kaptorim.+

13 Kenan nainekihda Saidon,+ me iei nah mesenih, oh Ed,+ 14 oh pil mehn Sepus,+ mehn Amor,+ mehn Kirkas,+ 15 mehn Ip,+ mehn Aruk, mehn Sin, 16 mehn Arpahd,+ mehn Semar oh mehn Amad.

18 Arpaksad nainekihda Sela,+ oh Sela nainekihda Eper.

19 Pwutak riemen ipwidiong Eper. Eden emeno iei Pelek,*+ pwehki nan eh mwehio sampah* tohrohrpeseng. Eden rie pwutako iei Sokdan.

20 Sokdan nainekihda Almodad, Selep, Asarmaped, Sira,+ 21 Adoram, Usal, Dikla, 22 Opal, Apimael, Sipa, 23 Opir,+ Apila+ oh Sopap; irail pwukat koaros nein Sokdan.

28 Nein Eipraam pwutak kan iei Aisek+ oh Ismael.+

29 Iet irekidien ar peneinei kan: Nein Ismael mesenih iei Nepaiod,+ mwuri Kedar,+ Adpeel, Mipsam,+ 30 Misma, Duma, Massa, Adad, Tima, 31 Setur, Napis oh Kedema. Ih nein Ismael pwutak kan met.

32 Pwutak kan me Ketura,+ en Eipraam pekehi, naitikihada iei Simran, Soksan, Medan, Midian,+ Ispak oh Suhah.+

Nein Soksan pwutak kan iei Sipa oh Dedan.+

33 Nein Midian pwutak kan iei Epa,+ Ihper, Anok, Apida oh Eldaa.

Irail pwukat koaros iei kadaudok en Ketura.

34 Eipraam iei semen Aisek.+ Nein Aisek pwutak kan iei Esau+ oh Israel.+

35 Nein Esau pwutak kan iei Elipas, Reuel, Sius, Salam oh Kora.+

36 Nein Elipas pwutak kan iei Teman,+ Omar, Sepo, Katam, Kenas, Timna oh Amalek.+

37 Nein Reuel pwutak kan iei Nahad, Sera, Sammah oh Mihsa.+

38 Nein Seir+ pwutak kan iei Lotan, Sopal, Sipeon, Anah, Dihson, Eser oh Dihsan.+

39 Nein Lotan pwutak kan iei Ori oh Omam. Rien Lotan lih iei Timna.+

40 Nein Sopal pwutak kan iei Alpan, Manaad, Epal, Sehpo oh Onam.

Nein Sipeon pwutak kan iei Aiah oh Anah.+

41 Nein Anah pwutak* iei Dihson.

Nein Dihson pwutak kan iei Emdan, Espan, Idran oh Seran.+

42 Nein Eser+ pwutak kan iei Pilan, Saapan oh Akan.

Nein Dihsan pwutak kan iei Us oh Aran.+

43 Irail pwukat iei nanmwarki kan me kin kakaun sapwen Edom+ mwohn nanmwarki kan ar tepida kaunda mehn Israel kan:*+ Pela nein Peor; eden eh kahnimwo Dinapa. 44 Ni Pela eh mehla, Sopap nein Sera, me kohsang Posra,+ uhd wiliandi ih oh tepida kakaun. 45 Ni Sopap eh mehla, Usam, me kohsang sapwen mehn Deman kan uhd wiliandi ih oh tepida kakaun. 46 Ni Usam eh mehla, Adad nein Pedad, me kalowehdi Midian nan sapwen* Mohap, uhd wiliandi ih oh tepida kakaun. Eden eh kahnimwo Apid. 47 Ni Adad eh mehla, Samla, me kohsang Masreka, uhd wiliandi ih oh tepida kakaun. 48 Ni Samla eh mehla, Saul, me kohsang Rehopod limwahn Pillapo, uhd wiliandi ih oh tepida kakaun. 49 Ni Saul eh mehla, Paal-anan nein Akpor uhd wiliandi ih oh tepida kakaun. 50 Ni Paal-anan eh mehla, Adad uhd wiliandi ih oh tepida kakaun. Eden eh kahnimwo Pau, oh eden eh pwoudo Mehtapel, nein Madred, nein Mesahp serepein. 51 Adad eri mehla.

Kaunen keinek kan en Edom iei Kaunen keinek Timna, Kaunen keinek Alpa, Kaunen keinek Seded,+ 52 Kaunen keinek Olipama, Kaunen keinek Ela, Kaunen keinek Pinon, 53 Kaunen keinek Kenas, Kaunen keinek Teman, Kaunen keinek Mipsar, 54 Kaunen keinek Makdiel, Kaunen keinek Iram. Irail pwukat me kaunen keinek en Edom kan.

2 Iet nein Israel+ pwutak kan: Reupen,+ Simion,+ Lipai,+ Suda,+ Isakar,+ Sepulon,+ 2 Dan,+ Sosep,+ Pensamin,+ Napdali,+ Kad+ oh Aser.+

3 Nein Suda pwutak kan iei Er, Onan oh Sela. Irail meh silimen pwukat ipwidiong ih sang rehn nein Sua serepeino, lihen Kenan.+ Ahpw Er, nein Suda mesenih, kin kansensuwedih Siohwa, kahrehda E ketin kemehla ih.+ 4 Damar,+ en nein Suda pwutak pwoud, naitikihong ih Peres+ oh Sera. Patpene koaros, Suda naineki pwutak limmen.

5 Nein Peres pwutak kan iei Esron oh Amul.+

6 Nein Sera pwutak kan iei Simri, Edan, Eman, Kalkol oh Dara. Irail koaros meh limmen.

7 Nein Karmi pwutak* iei Eikar,* me wahdo kahpwal ong Israel,+ me sohte lelepek ong dahme pahn kamwomwmwomwla.+

8 Nein Edan pwutak* iei Asaraia.

9 Nein Esron pwutak kan me ipwidiong ih iei Serameel,+ Ram+ oh Kelupai.*

10 Ram iei semen Aminadap.+ Aminadap iei semen Nahson+ me kaunen kadaudok en Suda kan. 11 Nahson iei semen Salma.+ Salma iei semen Pohas.+ 12 Pohas iei semen Oped. Oped iei semen Sehsi.+ 13 Sehsi iei semen Eliap me mesenih, Apinadap+ me keriemen, Simea me kesilimen,+ 14 Nedanel me kapahmen, Raddai me kelimmen, 15 Osem me kewenemen, Depit+ me keisimen. 16 Riarail lih kan iei Seruaia oh Apikail.+ Nein Seruaia pwutak kan iei Apisai,+ Sohap+ oh Asahel,+ meh silimen. 17 Apikail naitikihada Amasa,+ oh semen Amasa iei Seder mehn Ismael.

18 Kalep* nein Esron, naineki pwutak kan sang rehn eh pwoud Asuhpa oh Seriod; oh irail pwukat me nah pwutak kan: Sehser, Sohpap oh Ardon. 19 Ni Asuhpa eh mehla, Kalep pwoudikihda Eprata,+ oh liho naitikihong ih Urr.+ 20 Urr iei semen Uri. Uri iei semen Pesalel.+

21 Mwuhr Esron wendi rehn nein Makir serepein, Makir+ me semen Kilead.+ Esron pwoudikihda liho ni eh sounpar 60, oh liho naitikihong ih Sekup. 22 Sekup iei semen Sair,+ me ahneki kahnimw 23 nan sapwen Kilead.+ 23 Mwuhr Kesur+ oh Siria+ kihsang irail Apod-sair,+ iangahki Kenad+ oh kisin kahnimw 60 me kapilpene. Aramas pwukat koaros wia kadaudok en Makir semen Kilead.

24 Mwurin Esron+ eh mehla nan Kalep-eprata, Apaisa en Esron pwoudo naitikihong ih Asuhr,+ me semen Tekoa.+

25 Serameel nein Esron mesenih, naineki pwutak kan, iei Ram me mesenih, Puna, Oren, Osem oh Ahisa. 26 Serameel pil pwoudikihda emen lih tohrohr, ede Adara. Ih me inen Onam. 27 Ram, me nein Serameel mesenih, naineki pwutak kan, me iei Maas, Seimin oh Eker. 28 Nein Onam pwutak kan iei Sammai oh Sada. Nein Sammai pwutak kan iei Nadap oh Apisur. 29 Eden en Apisur pwoud iei Apieil, me naitikihong ih Apan oh Molid. 30 Nein Nadap pwutak kan iei Seled oh Apaim. Ahpw Seled mehla sohte nah pwutak. 31 Nein Apaim pwutak* iei Isi. Oh nein Isi pwutak* iei Sesan, oh nein Sesan pwutak* iei Alai. 32 Sada, me rien Sammai, naineki pwutak kan, me iei Seder oh Sonadan. Ahpw Seder mehla sohte nah pwutak. 33 Nein Sonadan pwutak kan iei Peled oh Sasa. Irail pwukat me kadaudok en Serameel.

34 Sesan sohte naineki pwutak, ihte serepein kan. Mie nein Sesan ladu mehn Isip men ede Saroa. 35 Sesan kihong nah laduwo Saroa emen nah serepein ko en pwoudikihda, oh liho naitikihong ih Attai. 36 Attai iei semen Nadan. Nadan iei semen Seipad. 37 Seipad iei semen Eplal. Eplal iei semen Oped. 38 Oped iei semen Sehu. Sehu iei semen Asaraia. 39 Asaraia iei semen Eles. Eles iei semen Eleasa. 40 Eleasa iei semen Sismai. Sismai iei semen Sallum. 41 Sallum iei semen Sekamaia. Sekamaia iei semen Elisama.

42 Nein Kalep*+ me rianiki Serameel pwutak kan, iei Mesa me mesenih, me wia semen Sip oh nein Maresah pwutak kan, Maresah me semen Ipron. 43 Nein Ipron pwutak kan iei Kora, Tappua, Rekem oh Sema. 44 Sema iei semen Raham me semen Sorkeam. Rekem iei semen Sammai. 45 Nein Sammai pwutak iei Maon. Maon semen Pedsur.+ 46 Epa, en Kalep pekehi, naitikihada Aran, Mosa oh Kases. Aran iei semen Kases. 47 Nein Sadai pwutak kan iei Rikem, Sodam, Kesan, Pelet, Epa oh Saap. 48 Maaka, en Kalep pekehi, naitikihada Seper oh Tirana. 49 Liho eri naitikihada Saap me semen Madmanna+ oh Sihpa me semen Makpena oh Kipia.+ Nein Kalep+ serepein iei Aksa.+ 50 Irail pwukat me kadaudok en Kalep.

Urr,+ nein Eprata+ mesenih, naineki pwutak kan, Sopal me semen Kiriad-searim,+ 51 Salma me semen Pedleem+ oh Arep me semen Pedkader. 52 Kadaudok en Sopal, semen Kiriad-searim iei: Aroe oh elep tohn Menuod. 53 Peneinei kan en Kiriad-searim iei mehn Idri,+ mehn Pud, mehn Sumad oh mehn Misra. Mehn Sorah+ oh mehn Estaol+ kohsang irail pwukat. 54 Kadaudok en Salma kan iei tohn Pedleem kan,+ mehn Netopa kan, tohn Adrod-ped-sohap kan, elep en mehn Manaad kan, oh mehn Sor kan. 55 Peneinei en sounnting kan me kin kousoan nan Seipes iei mehn Tirad kan, mehn Simead kan oh mehn Sukad kan. Irail mehn Ken+ pwukat kohsang Ammad me semen peneinei en Rekap.+

3 Iet nein Depit pwutak kan me ipwidiong ih nan Ipron:+ Amnon+ me mesenih, eh nohno iei Ahinoam+ mehn Sesreel; Daniel me keriemen, eh nohno iei Apikail+ mehn Karmel; 2 Apsalom+ me kesilimen, me Maaka nein Talmai nanmwarkien Kesur serepein naitikihedi, Adonaisa+ me kapahmen, nein Akkid; 3 Sepataia me kelimmen, eh nohno iei Apital; oh Idream me kewenemen, eh nohno iei Ekla en Depit pwoud. 4 Irail meh wenemen pwukat me ipwidiong Depit nan Ipron; e kin kakaun wasao sounpar 7 oh sounpwong 6, oh e kin kakaunki sounpar 33 nan Serusalem.+

5 Iet irail kan me ipwidiong Depit nan Serusalem:+ Simea, Sohpap, Nadan+ oh Solomon;+ inen meh pahmen pwukat iei Padsipa+ nein Ammiel serepein. 6 Oh nah pwutak duwemen teiko iei Ipar, Elisama, Elipelet, 7 Noka, Nepek, Sapia, 8 Elisama, Eliada oh Elipelet. 9 Irail pwukat koaros iei nein Depit pwutak kan, likin nah pwutak kan me eh pekehi kan naitikihada, oh Damar+ me riarail serepein.

10 Nein Solomon pwutak iei Reopoham;+ semen Apaisa,+ semen Asa,+ semen Seosopat,+ 11 semen Sehoram,+ semen Ahasaia,+ semen Sehoas,+ 12 semen Amasaia,+ semen Asaraia,+ semen Sodam,+ 13 semen Ahas,+ semen Esekaia,+ semen Manase,+ 14 semen Amon,+ semen Sosaia.+ 15 Nein Sosaia pwutak kan iei Sohanan me mesenih, Sehoiakim+ me keriemen, Sedekaia+ me kesilimen, Sallum me kapahmen. 16 Nein Sehoiakim pwutak iei Sekonaia,+ me nah pwutak iei Sedekaia. 17 Sekonaia, me selidi, naineki pwutak kan, iei Sealtiel, 18 Malkiram, Pedaia, Senassar, Sekamaia, Osama oh Nedapaia. 19 Nein Pedaia pwutak kan iei Serupapel+ oh Simei; oh nein Serupapel pwutak kan iei Mesullam oh Ananaiah (oh Selomid iei riara serepein); 20 oh nah pwutak limmen teikan iei Asupah, Ohel, Perekaia, Asadaia oh Susap-esed. 21 Nein Ananaiah pwutak kan iei Pelataia oh Sesaia; nein Sesaia pwutak* iei Repaia; nein Repaia pwutak* iei Arnan; nein Arnan pwutak* iei Opadaia; nein Opadaia pwutak* iei Sekanaia; 22 oh nein Sekanaia pwutak kan: Semaia oh nein Semaia pwutak kan (Addus, Ikal, Paraia, Nearaia oh Sapad)—Irail koaros meh wenemen. 23 Nein Nearaia pwutak kan iei Elioenai, Iskaia oh Asrikam, meh silimen. 24 Oh nein Elioenai pwutak kan iei Odapaia, Eliasip, Pelaia, Akkup, Sohanan, Delaia oh Anani, meh isimen.

4 Nein Suda pwutak kan iei Peres,+ Esron,+ Karmi, Urr+ oh Sopal.+ 2 Reaia, nein Sopal iei semen Sahad; Sahad iei semen Ahumai oh Lahad. Irail pwukat me peneinei en mehn Sorah kan.+ 3 Iet nein semen Etam+ pwutak kan: Sesreel, Isma oh Idpas (oh eden riarail serepeino iei Asselelponi), 4 oh Penuel me semen Kedor, oh Eser me semen Usa. Irail me nein Urr,+ nein Eprata mesenih oh semen Pedleem.+ 5 Asuhr+ semen Tekoa+ pwoudiki lih riemen, Ihla oh Naara. 6 Naara naitikihong ih Ahusam, Ehper, Temeni oh Ahasdari. Irail pwukat me nein Naara. 7 Oh nein Ihla pwutak kan iei Sihret, Isar oh Edan. 8 Kohs iei semen Anup, Sopepa oh peneinei en Aharel nein Arum.

9 Seipes waunsang rie kan; oh eh nohnou kihong ede Seipes,* oh nda: “I kaipwidi ih ni medek.” 10 Seipes eri likweriong Koht en Israel, patohwan: “Maing, komw ketin kapaia ie oh ketin kalaudehla sapwei oh nin limomwi en kin ieiang ie oh pereiehsang kahpwal, pwe sohte mehkot en kauweiehla!” Koht eri ketin kapwaiada dahme e pekio.

11 Kilep rien Suha iei semen Meir, me wia semen Eston. 12 Eston iei semen Pedrapa, Pasea oh Tehinna, me wia semen Ir-nahas. Irail pwukat me wia ohlen Reka kan. 13 Oh nein Kenas pwutak kan iei Odniel+ oh Seraia, oh nein Odniel pwutak* iei Adad. 14 Meonodai iei semen Opra. Seraia iei semen Sohap me wia semen tohn Ke-arasim kan. E adaneki Ke-arasim* pwehki irail wia tohndoadoahk saman kei.

15 Kalep+ nein Sepune naineki pwutak kan, iei Iru, Elah oh Naam; oh nein Elah pwutak* iei Kenas. 16 Nein Sehallelel pwutak kan iei Sip, Saipah, Tiria oh Asarel. 17 Nein Esrah pwutak kan iei Seder, Mered, Ihper oh Salon; liho* liseiankihda oh naitikihada Miriam, Sammai oh Ispa me wia semen Estemoa. 18 (Oh eh pwoud mehn Suhso naitikihada Sired me wia semen Kedor, Iper me wia semen Soko, oh Sekudiel me wia semen Sanoah.) Irail pwukat nein Pidaia, nein Parao serepein, me Mered pwoudikihda.

19 En Odaia pwoud, rien Naham serepein, naineki pwutak kan me wia semen Keila mehn Karm oh Estemoa mehn Maakad. 20 Oh nein Sihmon pwutak kan iei Amnon, Rinna, Penanan oh Tilon. Oh nein Isi pwutak kan iei Sohed oh Pensohed.

21 Sela+ nein Suda naineki pwutak kan, iei Er me wia semen Leka, Laada me wia semen Maresah, oh pil kadaudoke, peneinei en Aspea kan, me sounwia likou kaselel kan, 22 oh Sokim, ohlen Kosepa kan, Sohas oh Sarap me pwoudikihda lihen Mohap kan, oh Sasupiliem. Kileldien mepwukat wia poadopoad en mahsie.* 23 Irail sounwia dahl kei me kin kousoan Nedaim oh Kedera. Irail kin kousoan wasao oh kin doadoahkohng nanmwarkio.

24 Nein Simion+ pwutak kan iei Nemuel, Seimin, Sarip, Sera oh Saul.+ 25 Saul naineki Sallum, me naineki Mipsam, me naineki Misma. 26 Oh nein Misma pwutak kan iei Amuel, me naineki Sakur, me naineki Simei. 27 Oh Simei naineki pwutak 16 oh serepein 6; ahpw rie pwutak kan sohte naineki seri tohto, oh sohte emen rehn arail peneinei kan me naineki seri tohto duwehte peneinei en keinek en Suda kan.+ 28 Irail kin kousoan nan Peersipa,+ Molada,+ Asar-sual,+ 29 Pila, Esem,+ Tolad, 30 Peduel,+ Orma,+ Siklak,+ 31 Ped-markapod, Asar-susim,+ Pedpiri oh Saaraim. Ih arail kahnimw kan met lao lel ni mwehin Depit.

32 Arail wasahn kousoan kan iei Etam, Ain, Rimmon, Token oh Asan,+ kahnimw limau, 33 iangahki arail wasahn kousoan kan me mi limwahn kahnimw pwukat lella Paal. Ih met kileldien eden arail peneinei kan oh wasa kan me re kin kousoan ie. 34 Oh Mesopap, Samlek, Sosa nein Amasaia, 35 Soel, Sehu nein Sosipaia nein Seraia nein Asiel, 36 oh Elioenai, Saakopa, Sesohaia, Asaia, Adiel, Sesimiel, Penaia, 37 oh Saissa nein Sipi nein Allon nein Sedaia nein Simrai nein Semaia; 38 aramas pwukat me adarail kan kileldi wia kaunen arail peneinei kan, oh peneinei en samarail mehn mahs ako tohtohla. 39 Irail eri kohla limwahn Kedor, ni palimesehn wahwo, pwe ren rapahki mohs ong neirail pelinmen kan. 40 Kedekedeo re diarada mohs mwahu kan me diren mwenge, oh sahpwo me laud, mwele oh meleilei. Aramas akan me kin kousoan wasao mahso iei mehn Ahm kan.+ 41 Aramas pwukat me adarail kan kileldi ahpw kohdo ni mwehin Nanmwarki Esekaia+ en Suda oh kamwomwala impwal en mehn Ahm kan oh mehn Meun kan me kin kousoan wasao. Re kamwomwirailla leledo rahnwet; oh re kousoanla nan ar wasa kan pwehki eh mie mohs ong neirail pelinmen kan.

42 Ekei mehn Simion kan, meh 500, kohla pohn Nahna Seir+ iangahki nein Isi pwutak kan, Pelataia, Nearaia, Repaia oh Ussiel, me kahluwa irail. 43 Oh re kemehla luhwen mehn Amalek kan+ me pitila oh re kousoanla wasao leledo rahnwet.

5 Iet nein Reupen+ pwutak kan, nein Israel mesenih. Ih me mesenih ahpw pwehki eh kasaminehla en eh pahpao pehto,+ eh pwuhng en mesenih uhd kohieng nein Sosep+ pwutak kan, Sosep nein Israel. Kahrehda Reupen sohte iang kileldi nin duwen emen me ahneki pwuhng en mesenih. 2 Suda+ siksang rie kan oh kaun emen pahn kohsang reh,+ ahpw Sosep me ahneki pwuhng en mesenih. 3 Reupen nein Israel mesenih naineki pwutak kei, iei Anok, Pallu, Esron oh Karmi.+ 4 Kadaudok en Soel kan* iei Semaia, Kok, Simei, 5 Maika, Reaia, Paal, 6 oh Peerah, me Nanmwarki Tiklad-pilneser+ en Asiria kalipehla; ih me wia kaunen mehn Reupen kan. 7 Rien Peerah kan nin duwen kileldien arail peneinei kan iei, Seiel me kaun, Sekaraia, 8 oh Pela nein Asas nein Sema nein Soel, me kin kousoan Aroer+ lella Nepo oh Paal-meon.+ 9 Palimesehn eh wasahn kousoano lella ni tepin sapwtehno me kohla lel ni Pillap Iupreitis,+ pwehki neirail pelinmen kan tohtohla nan sapwen Kilead.+ 10 Ni mwehin Sohl, mehn Reupen kan mahweniong mehn Akar kan oh kaloweiraildi, kahrehda re kin kousoan nan arail impwal kan wasa koaros ni palimesehn Kilead.

11 Kadaudok en Kad kan kin kousoan limwahrail nan sapwen Pasan lella Saleka.+ 12 Nan Pasan, Soel me kaun, Sapam me keriau oh Sanai oh Sapad. 13 Oh kisehrail kan nin duwen samarail mehn mahs ako iei Maikel, Mesullam, Sipa, Sorai, Sakan, Saia oh Eper, irail koaros meh isimen. 14 Irail me nein Apieil pwutak, Apieil nein Uhri nein Seroa nein Kilead nein Maikel nein Sesisai nein Sado nein Pus. 15 Ahi nein Apdiel nein Kuni me wia kaunen arail peneinei. 16 Re kin kousoan nan Kilead,+ nan Pasan+ oh kisin kahnimw kan me kapilpene, oh lella ni mohs en Saron pwon. 17 Irail koaros iang kileldi ni mwehin Nanmwarki Sodam+ en Suda oh ni mwehin Nanmwarki Seropoham*+ en Israel.

18 Mie sounpei kehlail 44,760 nan karis en mehn Reupen kan, mehn Kad kan oh elep keinek en Manase, me kin wa mehn sansar oh kedlahs oh me kin doadoahngki kesik ketieu kan,* oh irail kaiahnda ong mahwen. 19 Irail mahweniong mehn Akar kan,+ Setur, Napis+ oh Nodap. 20 Oh ni ar mahweniong irail, Koht ketin sewese irail oh ketikihong nan pehrail mehn Akar kan oh koaros me iang irail. Pwe irail likweriong Koht peki sawas nan mahweno, oh e ketin karonge ar pekipeko pwehki ar likih ih.+ 21 Re kihsang neirail pelinmen kan—kamel 50,000, sihpw 250,000 oh dongki 2,000—iangahki aramas 100,000. 22 Me tohto kamakamala, pwehki Koht mehlelo me ketin wia mahweno.+ Oh re kousoanla nan sapwarailo lao lel ahnsou me re kalipilipalao.+

23 Kadaudok kan sang elep keinek en Manase+ kousoanla nan sahpwo sang Pasan lel Paal-ermon oh Senir oh Nahna Ermon.+ Re inenen tohto. 24 Iet kaunen arail peneinei kan: Ihper, Isi, Eliel, Asriel, Seremaia, Odapaia oh Sadiel; irail sounpei kehlail kei, ohl ndand kei oh kaunen arail peneinei. 25 Ahpw re wiahda mwekid salelepek ong Koht en samarail mehn mahs ako oh kaudokiong en aramas en sahpwo koht kan,*+ me Koht ketin kamwomwala mwohrail. 26 Koht en Israel eri ketin kamwakid Nanmwarki Pul en Asiria+ (me iei, Nanmwarki Tiklad-pilneser+ en Asiria) en kalipehla mehn Reupen kan, mehn Kad kan oh elep keinek en Manase oh wairaillahng Ala, Apor, Eira, oh pillap Kosan,+ wasa me re mihmi ie lel rahnwet.

6 Nein Lipai+ pwutak kan iei Kerson, Kohad+ oh Merari.+ 2 Nein Kohad pwutak kan iei Amram, Isar,+ Ipron oh Ussiel.+ 3 Nein Amram+ seri kan* iei Aaron,+ Moses+ oh pil Miriam.+ Oh nein Aaron pwutak kan iei Nadap, Apihu,+ Eliesar+ oh Idamar.+ 4 Eliesar iei semen Pineas; Pineas+ iei semen Apisua. 5 Apisua iei semen Pukki; Pukki iei semen Ussi. 6 Ussi iei semen Serahia; Serahia iei semen Meraiod. 7 Meraiod iei semen Amaraia; Amaraia iei semen Ahidup.+ 8 Ahidup iei semen Sadok;+ Sadok iei semen Ahimas.+ 9 Ahimas iei semen Asaraia; Asaraia iei semen Sohanan. 10 Sohanan iei semen Asaraia. E kin papah nin duwen samworo nan tehnpaso me Solomon kauwada nan Serusalem.

11 Asaraia iei semen Amaraia; Amaraia iei semen Ahidup. 12 Ahidup iei semen Sadok;+ Sadok iei semen Sallum. 13 Sallum iei semen Ilkaia;+ Ilkaia iei semen Asaraia. 14 Asaraia iei semen Seraia;+ Seraia iei semen Sehosadak.+ 15 Oh Sehosadak kalipilipala ni Siohwa eh ketin doadoahngki Nepukadnesar en kalipehla tohn Suda oh Serusalem kan.

16 Nein Lipai pwutak kan iei Kersom,* Kohad oh Merari. 17 Iet eden nein Kersom pwutak kan: Lipni oh Simei.+ 18 Nein Kohad pwutak kan iei Amram, Isar, Ipron oh Ussiel.+ 19 Nein Merari pwutak kan iei Mahli oh Musi.

Iet eden kaunen peneinei en mehn Lipai kan:+ 20 Kadaudok en Kersom+ kan iei Lipni, Sahad, Simma, 21 Soha, Iddo, Sera, Seaderai. 22 Kadaudok en Kohad kan* iei Aminadap, Kora,+ Assir, 23 Elkana, Epiasap,+ Assir, 24 Tahad, Uriel, Usaia, Saul. 25 Nein Elkana pwutak kan iei Amasai oh Ahimod. 26 Kadaudok en Elkana* iei Sohpai, Nahad, 27 Eliap, Seroham, Elkana.+ 28 Nein Samuel+ pwutak kan iei Soel me mesenih oh Apaisa me keriemen.+ 29 Kadaudok en Merari kan* iei Mahli,+ Lipni, Simei, Ussah, 30 Simea, Akkaia, Asaia.

31 Iet ohl akan me Depit idihada pwe ren kaweid sounkoul kan ni tehnpesen Siohwa mwurin Kohpwao eh wisikdohng wasao.+ 32 Irail me pwukoahki koul ni impwal sarawio, me iei impwal en mihtingo, lao Solomon kauwada tehnpesen Siohwa nan Serusalem,+ oh re kin wia ar doadoahk me kileldiong irail.+ 33 Iet ohl akan me wia doadoahk wet iangahki neirail pwutak kan: Mehn Kohad kan, Eman+ sounkoulo, me nein Soel,+ me nein Samuel, 34 me nein Elkana,+ me nein Seroham, me nein Eliel, me nein Toa, 35 me nein Sup, me nein Elkana, me nein Mahad, me nein Amasai, 36 me nein Elkana, me nein Soel, me nein Asaraia, me nein Sepanaia, 37 me nein Tahad, me nein Assir, me nein Epiasap, me nein Kora, 38 me nein Isar, me nein Kohad, me nein Lipai, me nein Israel.

39 Rie* Asap+ kesihnen ni palimauni; Asap me nein Perekaia, me nein Simea, 40 me nein Maikel, me nein Paaseia, me nein Malkaisa, 41 me nein Edni, me nein Sera, me nein Adaia, 42 me nein Edan, me nein Simma, me nein Simei, 43 me nein Sahad, me nein Kersom, me nein Lipai.

44 Kadaudok en Merari kan,+ riarail kan, kesihnen ni palimeing en Eman; emen irail iei Edan+ me nein Kisi, me nein Apdi, me nein Malluk, 45 me nein Asapaia, me nein Amasaia, me nein Ilkaia, 46 me nein Amsi, me nein Pani, me nein Semer, 47 me nein Mahli, me nein Musi, me nein Merari, me nein Lipai.

48 Riarail kan, mehn Lipai teikan, idihdida ong* doadoahk koaros en impwal sarawio, tehnpesen Koht mehlelo.+ 49 Aaron oh nah pwutak kan+ kin wiahiong meirong kan en edinieida pohn pei sarawi en meirong isihso+ oh pohn pei sarawi en warpwohmwahwo,+ oh re kin wia doadoahk kan me pid soahng kan me keieu sarawi, pwehn wiahda tomw ong Israel,+ duwehte mehkoaros me Moses, ladun Koht mehlelo, kehkehlingki. 50 Iet kadaudok en Aaron+ kan: Eliesar,+ Pineas, Apisua, 51 Pukki, Ussi, Serahia, 52 Meraiod, Amaraia, Ahidup,+ 53 Sadok,+ Ahimas.

54 Iet arail wasahn kousoan kan, wasa kan me re kauwada kahnimpwal kan* nan sapwarailo: ong kadaudok en Aaron kan me kisehn peneinei en mehn Kohad kan, ni tepin usuhs eh kohieng irail, 55 re kihong mehn Kohad kan Ipron+ nan sapwen Suda, iangahki mohs akan me kapilpene. 56 Ahpw mohs kan oh wasahn kousoan kan en kahnimwo, re kihong Kalep+ nein Sepune. 57 Oh re kihong kadaudok en Aaron kan kahnimw en rukula kan,*+ Ipron+ oh pil Lipna+ iangahki eh mohs akan, Sattir,+ Estemoa iangahki eh mohs akan,+ 58 Ilen iangahki eh mohs akan, Depir+ iangahki eh mohs akan, 59 Asan+ iangahki eh mohs akan oh Ped-semes+ iangahki eh mohs akan; 60 oh sang nan sapwen keinek en Pensamin, Kepa+ iangahki eh mohs akan, Alemed iangahki eh mohs akan, Anadod+ iangahki eh mohs akan. Patpene arail kahnimw kan koaros ong arail peneinei kan, meh 13.+

61 Luhwen mehn Kohad kan ale* kahnimw eisek sang nan sapwen peneinei en keinek teikan oh elep keinek en Manase.+

62 Ong peneinei en mehn Kersom kan, re alehdi kahnimw 13 sang nan sapwen keinek en Isakar, keinek en Aser, keinek en Napdali oh keinek en Manase nan Pasan.+

63 Ong peneinei en mehn Merari kan, sang ni usuhs re alehdi kahnimw 12 sang nan sapwen keinek en Reupen, keinek en Kad oh keinek en Sepulon.+

64 Eri mehn Israel kan kihong mehn Lipai kan kahnimw pwukat iangahki ar mohs akan.+ 65 Oh pil sang ni usuhs re kihong kahnimw pwukat sang nan sapwen keinek en Suda, keinek en Simion oh keinek en Pensamin, kahnimw ko me adarail kan kileldi ie.

66 Ekei peneinei en mehn Kohad kan alehdi kahnimw kan nin duwen sapwarail sang nan sapwen keinek en Epraim.+ 67 Re kihong irail kahnimw en rukula kan,* Sekem+ iangahki eh mohs akan pohn wasa nahnahn Epraim, Keser+ iangahki eh mohs akan, 68 Sokmeam iangahki eh mohs akan, Ped-oron+ iangahki eh mohs akan, 69 Aisalon+ iangahki eh mohs akan, Kahdrimmon+ iangahki eh mohs akan; 70 oh luhwen peneinei en mehn Kohad kan alehdi Aner iangahki eh mohs akan oh Pileam iangahki eh mohs akan sang elep keinek en Manase.

71 Re kihong mehn Kersom kan Kolan+ nan Pasan iangahki eh mohs akan oh Astarod iangahki eh mohs akan sang elep keinek en Manase;+ 72 oh sang nan sapwen keinek en Isakar, Kedes iangahki eh mohs akan, Daperad+ iangahki eh mohs akan,+ 73 Ramod iangahki eh mohs akan oh Anem iangahki eh mohs akan; 74 oh sang nan sapwen keinek en Aser, Masal iangahki eh mohs akan, Apdon iangahki eh mohs akan,+ 75 Ukok iangahki eh mohs akan oh Rehop+ iangahki eh mohs akan; 76 oh sang nan sapwen keinek en Napdali, Kedes+ nan Kalili+ iangahki eh mohs akan, Ahmmon iangahki eh mohs akan oh Kiriadaim iangahki eh mohs akan.

77 Re kihong luhwen mehn Merari kan Rimono iangahki eh mohs akan, Tapor iangahki eh mohs akan sang nan sapwen keinek en Sepulon;+ 78 oh nan sapwen Sordan limwahn Seriko, ni palimesehn Sordan, sang nan sapwen keinek en Reupen, re alehdi Peser nan sapwtehno iangahki eh mohs akan, Sahas+ iangahki eh mohs akan, 79 Kedemod+ iangahki eh mohs akan oh Mepaad iangahki eh mohs akan; 80 oh sang nan sapwen keinek en Kad, Ramod nan Kilead iangahki eh mohs akan, Mahanaim+ iangahki eh mohs akan, 81 Espon+ iangahki eh mohs akan oh Saser+ iangahki eh mohs akan.

7 Nein Isakar pwutak kan iei Tola, Pua, Sasup oh Simron+—meh pahmen. 2 Oh nein Tola pwutak kan iei Ussi, Repaia, Seriel, Samai, Ipsam oh Semiuel, irail me wia kaunen arail peneinei kan. Kadaudok en Tola kan wia sounpei kehlail kei oh ni mwehin Depito re lella meh 22,600. 3 Oh kadaudok en Ussi kan* iei Israhaia oh nein Israhaia pwutak kan: Maikel, Opadaia, Soel oh Issaia—meh limmen pwukat koaros wia kaun ekei. 4 Irail oh kadaudokarail kan pwoudiki lih tohto oh naineki pwutak tohto, eri sang kaunen arail peneinei kan, mie sounpei 36,000 nan arail kariso me kak iang mahwen. 5 Oh kisehrail kan sang peneinei en Isakar koaros wia sounpei kehlail kei, meh 87,000 nin duwen kileldien arail peneinei kan.+

6 Nein Pensamin+ pwutak kan iei Pela,+ Pihker+ oh Sediael+—meh silimen. 7 Nein Pela pwutak kan iei Ehspon, Ussi, Ussiel, Serimod oh Iri—meh limmen—kaunen arail peneinei kan, me wia sounpei kehlail kei, oh meh 22,034 iang mi nan kileldien arail peneinei kan.+ 8 Oh nein Pihker pwutak kan iei Semira, Sohas, Elieser, Elioenai, Omri, Seremod, Apaisa, Anadod oh Alemed—irail pwukat koaros nein Pihker pwutak. 9 Nan kileldien arail peneinei kan me kasalehda kaunen arail peneinei kan oh kadaudokarail kan, mie sounpei kehlail 20,200. 10 Oh kadaudok en Sediael+ kan iei Pilan oh nein Pilan pwutak kan: Sius, Pensamin, Ehud, Kenahna, Sedan, Tarsis oh Ahisahr. 11 Irail pwukat koaros wia kadaudok en Sediael* oh irail me kaunen arail peneinei kan. Mie sounpei kehlail 17,200 nan peneinei pwukat me onopadahr en iang kariso kohla mahwen.

12 Mehn Suppim oh mehn Uppim kan iei kadaudok en Ir;*+ mehn Usim kan iei kadaudok en Eiher.

13 Nein Napdali+ pwutak kan iei Sahsiel, Kuni, Seser oh Sallum—kadaudok en Pila+ kan.*

14 Nein Manase+ pwutak kan: Asriel, me eh pekehi en Siriao naitikihong. (E naitikihedi Makir+ semen Kilead. 15 Makir rapahkihong en Uppim oh Suppim ara pwoud, oh eden rie serepeino iei Maaka.) Eden me keriemeno iei Selopehad,+ ahpw Selopehad naineki serepein tohr.+ 16 Maaka, en Makir pwoud naitikihong ih pwutak emen oh kihong ede Perehs; oh eden rie pwutako iei Sehres; oh nah pwutak kan iei Ulam oh Rekem. 17 Oh nein Ulam pwutak* iei Pedan. Irail pwukat me kadaudok en Kilead nein Makir nein Manase. 18 Oh rien Kilead serepein Ammoleked. E naitikihedi Isod, Apieser oh Mala. 19 Oh nein Semida pwutak kan iei Aian, Sekem, Liki oh Aniam.

20 Epraim+ naineki Sudela,+ me naineki Pered, me naineki Tahad, me naineki Eleada, me naineki Tahad, 21 me naineki Seipad, me naineki Sudela. E* pil naineki Eser oh Elead. Ohl en Kahd+ kan me ipwidi nan sahpwo kemeirahla pwehki irail* kohdilahng kihsang neirail pelinmen kan. 22 Ara pahpa Epraim kin mwahieikin ira erein rahn tohto, oh kiseh ko eri kin kohdo kansenamwahwih. 23 Mwurin mwo e wendi rehn eh pwoudo oh liho liseianda oh naitikihda pwutak emen. Ahpw Epraim kihong ede Peraia* pwehki liho neitik ni ahnsou me kahpwal lelohng eh peneinei. 24 Oh nah serepein Seera, me kauwada Pali Pah+ oh Pali Powe Ped-oron+ oh Ussen-seera. 25 Ripa oh Resep wia kadaudok en Epraim. Resep nainekihda Tela, Tela nainekihda Tahan, 26 Tahan nainekihda Ladan, Ladan nainekihda Ammihud, Ammihud nainekihda Elisama, 27 Elisama nainekihda Nun oh Nun nainekihda Sosua.*+

28 Sapwarail oh arail wasahn kousoan kan iei Pedel+ oh kisin kahnimw kan me kapilpene, oh lella ni palimese en Naaran, oh ni palikapi en Keser oh kisin kahnimw kan me kapilpene, oh Sekem oh kisin kahnimw kan me kapilpene, lella Aia* oh kisin kahnimw kan me kapilpene; 29 oh limwah iei kadaudok en Manase kan, Ped-sean+ oh kisin kahnimw kan me kapilpene, Taanak+ oh kisin kahnimw kan me kapilpene, Mekiddo+ oh kisin kahnimw kan me kapilpene oh Dor+ oh kisin kahnimw kan me kapilpene. Kadaudok en Sosep kan, nein Israel, me kousoanla wasa pwukat.

30 Nein Aser pwutak kan iei Imnah, Ispa, Ispi oh Peraia,+ oh riarail serepein Sihra.+ 31 Nein Peraia pwutak kan iei Iper oh Malkiel, me wia semen Pirsaid. 32 Iper nainekihda Saplet, Somer oh Odam oh Sua, riarail serepein. 33 Nein Saplet pwutak kan iei Pasak, Pimahl oh Aspad. Irail pwukat me nein Saplet pwutak. 34 Nein Semer* pwutak kan iei Ahi, Roka, Sehuppa oh Aram. 35 Rien Semer pwutak Elem* naineki pwutak kan me iei Sopah, Imna, Seles oh Amal. 36 Nein Sopah pwutak kan iei Suah, Arneper, Sual, Peri, Imra, 37 Peser, Od, Samma, Silsa, Idran oh Peera. 38 Nein Seder pwutak kan iei Sepune, Pispa oh Ara. 39 Nein Ulla pwutak kan iei Arah, Anniel oh Risaia. 40 Irail pwukat koaros kadaudok en Aser, kaunen arail peneinei kan, sounpei pilipilda oh kehlail kei, kaunen kaun akan; oh nin duwen me sansalda ni kileldien arail peneinei,+ aramas 26,000+ me kak iang karis en sounpei mahwen.

8 Pensamin+ nainekihda Pela+ me mesenih, Aspel+ me keriemen, Ahara me kesilimen, 2 Nohah me kapahmen oh Rapa me kelimmen. 3 Nein Pela pwutak kan iei Addar, Kera,+ Apihud, 4 Apisua, Nahman, Ahoa, 5 Kera, Sepupam oh Uram. 6 Iet nein Ehud pwutak kan, kaunen peneinei en tohn Kepa+ kan, me kalipilipala nan Manaad: 7 Nahman, Ahisa oh Kera—ih me kalipeirailla oh e nainekihda Ussa oh Aihud. 8 Saharaim nainekihda seri kan nan sapwen* Mohap mwurin eh kadarirailla. Eh pwoud kan iei Usim oh Paara.* 9 Oh sang eh pwoud Odes, e nainekihda Sopap, Sipia, Mesa, Malkam, 10 Sies, Sakaia oh Mirma. Ih nah pwutak kan met, kaunen arail peneinei kan.

11 Sang rehn Usim e nainekihda Apitup oh Elpaal. 12 Oh nein Elpaal pwutak kan iei, Eper, Misam, Semed (me kauwada Ono+ oh Lod+ oh kisin kahnimw kan me kapilpene), 13 Peraia oh Sema. Irail pwukat me wia kaunen peneinei en tohn Aisalon+ kan. Irail me kasarehla tohn Kahd kan. 14 Oh Ahio, Sasak, Seremod, 15 Sepadaia, Arad, Eder, 16 Maikel, Ispa, Soaa, nein Peraia pwutak; 17 oh Sepadaia, Mesullam, Iski, Iper, 18 Ismerai, Islaia, Sopap, nein Elpaal pwutak; 19 oh Sakim, Sikri, Sapdi, 20 Elienai, Silledai, Eliel, 21 Adaia, Peraiah, Simrad, nein Simei pwutak; 22 Ispan, Eper, Eliel, 23 Apdon, Sikri, Ahnan, 24 Ananaiah, Elam, Andodaisa, 25 Ipdeia, Penuel, nein Sasak pwutak; 26 oh Samserai, Seharaia, Adalaia, 27 Saaresaia, Elaisa, Sikri, nein Seroham pwutak. 28 Irail pwukat me wia kaunen peneinei sang kadaudokarail kan. Kaun pwukat kin kousoan nan Serusalem.

29 Semen Kipeon, Seiel, kin kousoan nan Kipeon.+ Eden eh pwoudo iei Maaka.+ 30 Oh nah mesenih Apdon, mwuri Ser, Kis, Paal, Nadap, 31 Kedor, Ahio oh Seker. 32 Miklod iei semen Simeah. Oh irail koaros kin kousoan limwahn riarail kan nan Serusalem oh pil limwahn riarail teikan.

33 Ner+ iei semen Kis, Kis iei semen Sohl;+ Sohl iei semen Sonadan,+ Malkisuha,+ Apinadap+ oh Espaal.*+ 34 Oh nein Sonadan pwutak iei Meripaal.+ Meripaal* iei semen Maika.+ 35 Oh nein Maika pwutak kan iei Pidon, Melek, Tarea oh Ahas. 36 Ahas iei semen Sehoadda; Sehoadda iei semen Alemed, Asmaped oh Simri. Simri iei semen Mosa. 37 Mosa iei semen Pinea, me naineki Rapah, me naineki Eleasa, me naineki Asel. 38 Asel naineki pwutak wenemen, oh adarail kan iei Asrikam, Pokeru, Ismael, Searaia, Opadaia oh Ahnan. Irail pwukat koaros nein Asel pwutak. 39 Oh rieo Esek naineki pwutak kan, iei Ulam me mesenih, Sius me keriemen oh Elipelet me kesilimen. 40 Oh nein Ulam pwutak kan wia sounpei kehlail kei me samanih kesingki* kesik ketieu, oh neirail pwutak kan oh nein neirail pwutak kan me tohto, lella meh 150. Irail pwukat koaros iei kadaudok en Pensamin.

9 Mehn Israel kan koaros kileldi nin duwen peneinei oh ntingdi nan Pwuhken Nanmwarkien Israel kan. Oh Suda kalipiliplahng Papilon pwehki eh salelepek.+ 2 Tepin aramas akan me pwurodo nan sapwarail nan arail kahnimw kan iei ekei mehn Israel kan, samworo kan, mehn Lipai kan oh ladu kan en tehnpas sarawio.*+ 3 Oh ekei kadaudok en Suda,+ Pensamin,+ Epraim oh Manase kan kousoanla nan Serusalem: 4 Udai nein Ammihud nein Omri nein Imri nein Pani, irail koaros kadaudok en Peres+ nein Suda. 5 Oh kadaudok en Sailo kan, Asaia me mesenih oh nah pwutak kan. 6 Oh kadaudok en Sera+ kan, Seuel oh riarail meh 690.

7 Oh kadaudok en Pensamin kan, Sallu nein Mesullam nein Odapaia nein Assenua, 8 Ipneaia nein Seroham, Elah nein Ussi nein Mikri oh Mesullam nein Sepataia nein Reuel nein Ipnaisa. 9 Oh riarail kan nin duwen kileldien peneinei, irail meh 956. Ohl pwukat koaros me kaunen arail peneinei kan.

10 Oh sang samworo kan, iei Sedaia, Sehoiarip, Sakin,+ 11 Asaraia nein Ilkaia nein Mesullam nein Sadok nein Meraiod nein Ahidup, kaun emen ni tehnpesen* Koht mehlelo, 12 Adaia nein Seroham nein Pasuhr nein Malkaisa, Maasai nein Adiel nein Sahsera nein Mesullam nein Mesillemid nein Immer, 13 oh riarail kan, kaunen peneinei kan, ohl kehlail oh koahiek 1,760, me kak iang wia doadoahk kan ni tehnpesen Koht mehlelo.

14 Oh sang mehn Lipai kan, iei Semaia+ nein Assup nein Asrikam nein Asapaia sang kadaudok en Merari; 15 oh Pakpakkar, Eres, Kalal, Madanaia nein Mika nein Sikri nein Asap, 16 Opadaia nein Semaia nein Kalal nein Sedudun, oh Perekaia nein Asa nein Elkana, me kin koukousoan nan wasahn kousoan en mehn Netopa kan.+

17 Silepen ewen kehl kan+ iei Sallum, Akkup, Talmon, Aiman oh riarail pwutak Sallum me kaun, 18 oh leledo ahnsowo ih me kin mi ni palimesehn ewen kelen nanmwarki.+ Ih irail me silepen ewen kelen kahnimpwal en mehn Lipai kan. 19 Oh Sallum nein Kore nein Epiasap nein Kora, oh rie ohl mehn Kora kan sang peneinei en seme mehn mahs ako, me pwukoahki doadoahk en sile wenihmwen impwalo, oh samarail ko kin mi ni kahnimpwal en Siohwa nin duwen silepen ewen kehl. 20 Pineas+ nein Eliesar+ me kin wia arail kaun mahso; Siohwa kin ketin ieiang ih. 21 Sekaraia+ nein Meselemaia me silepen ewen kelen pedolong en impwal en mihtingo.

22 Patpene ohl 212 me pilipilda ren sinsile wasahn pedolong kan. Irail kin mi nan ar wasahn kousoan kan sang ni kileldien arail peneinei.+ Depit oh sounkilang kaudiahlo+ Samuel, me idihada irail pwukat ong doadoahk en aramas likilik kan. 23 Irail oh neirail pwutak kan me pwukoahki doadoahk en silepen ewen kehl kan en tehnpesen Siohwa,+ me wia impwal ehu. 24 Silepen ewen kehl ko kin mi ni pali pahieu—palimese, palikapi, paliepeng oh palieir.+ 25 Ekei pak, riarail kan kin kohlongodo sang nan ar wasahn kousoan kan pwehn iang irail papah erein rahn isuh. 26 Mie kaun pahmen ong silepen ewen kehl ko me kin wia doadoahk en aramas likilik kan. Irail mehn Lipai kei, oh re pwukoahki apwalih pere kan* oh wasahn nahk dipwisou kesempwal kan en tehnpesen Koht mehlelo.+ 27 Re kin pepehd nipwong nan ar wasa kan oh sinsile tehnpesen Koht mehlelo, pwehki re kin apwalih pwukoahn silasil oh kin kolokol kih oh kin ritingada tehnpaso nimenseng koaros.

28 Ekei irail kin apwalih dipwisou kan+ me kin kadoadoahk ong kaudok; irail kin wadek mepwukat ni ar kin wahlongodo oh ni ar kin wahieila. 29 Ekei irail idihdida ren apwalih dipwisou kan, dipwisou sarawi kan koaros,+ pilawa amas mwahu,+ wain,+ leh,+ warpwohmwahu pwetepwet*+ oh lehn palsam.*+ 30 Ekei nein samworo ko pwutak kan me kin doaloahda lehn palsam pwohmwahu kan. 31 Oh mehn Lipai men ede Mattidaia, nein Sallum mesenih, mehn Kora, iei ih me kin wia doadoahk en aramas likilik duwen soahng kan me kin umwda nan delen uhmw kan.+ 32 Ekei riarail mehn Kohad kan me kin pwukoahki pilawa koasoakoasoako.*+ Re kin kaunopada met ong ni sapad koaros.+

33 Irail pwukat me sounkoul kan, kaunen peneinei en mehn Lipai kan nan pere kan* en tehnpas sarawio, irail sohte kin iang wia pwukoa teikan; pwehki mie ar pwukoa nin rahn oh nipwong. 34 Iei irail pwukat me wia kaunen peneinei en mehn Lipai kan nin duwen kileldien kadaudokarail kan. Irail kin kousoan nan Serusalem.

35 Semen Kipeon, Seiel kin kousoan nan Kipeon.+ Eden eh pwoudo iei Maaka. 36 Oh nah mesenih Apdon, mwuri Ser, Kis, Paal, Ner, Nadap, 37 Kedor, Ahio, Sekaraia oh Miklod. 38 Miklod iei semen Simeah.* Oh irail koaros kin kousoan limwahn riarail kan nan Serusalem oh pil limwahn riarail teikan. 39 Ner+ iei semen Kis; Kis iei semen Sohl;+ Sohl iei semen Sonadan,+ Malkisuha,+ Apinadap+ oh Espaal. 40 Oh nein Sonadan pwutak iei Meripaal.+ Meripaal iei semen Maika.+ 41 Oh nein Maika pwutak kan iei Pidon, Melek, Tahrea oh Ahas. 42 Ahas iei semen Seira; Seira iei semen Alemed, Asmaped oh Simri. Simri iei semen Mosa. 43 Mosa iei semen Pinea, oh Pinea naineki Repaia, me naineki Eleasa, me naineki Asel. 44 Asel naineki pwutak wenemen, oh adarail kan iei Asrikam, Pokeru, Ismael, Searaia, Opadaia oh Ahnan. Irail me nein Asel pwutak.

10 Eri mehn Pilisdia kan wie mahmahweniong Israel. Oh ohlen Israel kan tangasang mehn Pilisdia kan, oh me tohto kamakamala pohn Nahna Kilpoa.+ 2 Mehn Pilisdia ko pwakipwakihete oh karakaranih Sohl oh nah pwutak ko, oh mehn Pilisdia ko kemehla nein Sohl pwutak ko Sonadan, Apinadap, oh Malkisuha.+ 3 Mahweno inenen ukla ong Sohl, oh sounkesik ketieu ko ahpw diarada ih, oh re kahrehiong eh ohla.+ 4 Sohl eri ndaiong nah sounwa tehtehn mahweno: “Usada noumw kedlahsen oh doakoahkiniehdi, pwe ohl soh sirkumsais pwukat en dehr kohdo oh wiakauwe+ ie.” Ahpw nah sounwa tehtehn mahweno sohte men wia met pwehki e uhdahn masak. Sohl eri ale nah kedlahso oh pein lukupoardiong powe.+ 5 Ni sounwa tehtehn mahweno eh kilang me Sohl melahr, e pil pein lukupoardiong pohn nah kedlahso oh mehla. 6 Eri Sohl oh nah pwutak silimeno mehla, oh tohn eh peneinei ko koaros* pil iang mehla.+ 7 Ni ahnsou me aramas en Israel koaros nan wahwo* esehda me koaros tangehrdoaui oh pil Sohl oh nah pwutak ko melahr, re ahpw tepida kohkohsang nan arail kahnimw kan oh tangdoaui; mehn Pilisdia ko eri kohdo oh kousoanla nan kahnimw ko.

8 Mandahn rahno, mehn Pilisdia kan ahpw kohla pwe ren kihsang dipwisou kan rehn me kamakamalahr ko, irail eri kilangada me Sohl oh nah pwutak ko kamakamalahr pohn Nahna Kilpoa.+ 9 Irail eri kulih oh lupukasang moangeo oh kihsang eh likoun mahweno oh re kadarpeseng rohng nan sapwen mehn Pilisdia kan ren pakairkiseli rohng wet ong arail dikedik kan+ oh aramas akan. 10 Irail eri kihdi eh likoun mahweno nan imwen kaudok en ar kohto oh langahda moangeo nan imwen Dakon.+

11 Eri ni tohn Sapes+ koaros nan Kilead ar rongada mehkoaros me mehn Pilisdia kan wiahiong Sohl,+ 12 sounpei kan koaros ahpw uhda oh wahsang paliweren Sohl oh nah pwutak ko. Re wairaildohng Sapes oh sarepedi tihrail kan pahn tuhke lapalao nan Sapes,+ oh re kaisihsolki erein rahn isuh.

13 Sohl eri mehkihla eh salelepekiong Siohwa pwehki eh sohte peikiong mahsen en Siohwa+ oh pil eh peksawas rehn sounwunahni men+ 14 a kaidehn rehn Siohwa. Eri E ketin kemehla ih oh ketikihong Depit nein Sehsi+ mwoalen nanmwarki.

11 Kedekedeo, mehn Israel koaros ahpw pokonpene rehn Depit nan Ipron+ oh nda: “Kilang! Kiht iei kisehn tihmw kan oh udukomw.*+ 2 Mahso ni ahnsou me Sohl wia nanmwarki, komwi me kin kahluwa Israel nan eh mahwen kan.*+ Oh Siohwa omw Koht ketin mahsanihong komwi: ‘Kowe me pahn apwalih nei aramas en Israel kan, oh kowe me pahn kaunda nei aramas en Israel kan.’”+ 3 Eri ohl mah en Israel koaros ahpw kohdo rehn nanmwarkio nan Ipron, oh Depit wiahda inou lap ehu rehrail nan Ipron mwohn silangin Siohwa. Irail eri keiehdi Depit nin duwen nanmwarkien Israel,+ duwehte mahsen en Siohwa sang Samuel.+

4 Mwuhr Depit oh mehn Israel kan koaros ahpw kolahng Serusalem me iei Sepus,+ wasa me mehn Sepus kan+ wie koukousoan ie nan sahpwo. 5 Tohn Sepus kan kin kepitki Depit, nda: “Ke sohte pahn kak kohdo wasaht!”+ Ahpw, Depit kalowehdi wasahn ruk kehlail en Saion,+ me ahnsou wet wialahr Kahnimw en Depit.+ 6 Depit eri nda: “Mehmen me tepin mahweniong mehn Sepus kan pahn wiahla kaunen karis en sounpei.” Oh Sohap+ nein Seruaia me tepin kohdahla oh ih me wiahla kaun. 7 Depit eri kousoanla nan wasahn ruk kehlailo. Ihme kahrehda re kahdanekihla wasao Kahnimw en Depit. 8 E tepida kauwada dihd kan oh ihmw teikan pidakihpene, sang pohn Dohlo* kohla lel wasa kan me mi limwah, oh Sohap onehda sapahl wasa kan me luhwe nan kahnimwo. 9 Depit eri kin wie kekehlailla,+ oh Siohwa kaunen karis en sounpei kin ketin ieiang ih.

10 Iet kaun akan en nein Depit sounpei kehlail kan, me iang mehn Israel kan koaros utungada ih nin duwen arail kaun. Irail koaros sewese ih en wiahla nanmwarki, duwehte me Siohwa ketin inoukihong Israel.+ 11 Iet eden nein Depit sounpei kehlail kan: Sasopeam+ emen kadaudok en Akmoni, kaunen meh silimeno.+ Ehu ahnsowo, e kemehkihla nah ketieuwo aramas daulih 300.+ 12 Mwurin ih iei Eliesar+ nein Dodo mehn Ahoio.+ Ih emen kisehn sounpei kehlail silimeno. 13 E mi rehn Depit nan Pas-dammim,+ wasa me mehn Pilisdia kan pokonpenehn mahwen. Mie pelien sahpw ehu me diren parli, oh sounpei ko tangdoauier pwehki mehn Pilisdia ko. 14 Ahpw e sokedi tengeteng nanwerengen mwahto oh kin doandoare, oh pil kemekemehla mehn Pilisdia ko, Siohwa eri ketin kahrehiong irail en uhdahn kana.*+

15 Meh silimen sang nanpwungen kaun 30 kohdihla ni takaio rehn Depit nan pwoaren paip en Adullam,+ nindoken karis en Pilisdia ehu ar kauwada imwarail impwal kan nan Wahun* Repaim.+ 16 Ni ahnsowo Depit mi nan wasahn ruk kehlailo, oh pwihnen sounpei en mehn Pilisdia ehu mihmi nan Pedleem. 17 Depit eri kasalehda dahme e mwahuki: “I mentehno nimala ekis pilen pwoaren nahk pihl me mi ni ewen kelen Pedleem!”+ 18 Meh silimeno eri nantihlong nan kahnimpwal en mehn Pilisdia ko oh idipada pihl sang nan pwoaren nahk pihl me mi ni ewen kelen Pedleem oh wadohng rehn Depit; ahpw Depit sohte men nim pihlo oh wudekihla mwohn silangin Siohwa. 19 E ahpw nda: “I sohte kak medewehda I en wia met, pwehki I lemmwiki Koht! Ia duwe, I pahn nim ntahn ohl pwukat me kihong arail mour* nan keper?+ Re pangala ar mour* pwe ren wahdo pihlet.” Ih eri sohte nim pihlo. Ih mepwukat me nah sounpei kehlail silimeno wia.

20 Apisai+ rien Sohap pwutako+ pil wiahla kaunen meh silimen; e kemehkihla nah ketieuwo aramas daulih 300, oh e ndandla duwehte meh silimeno.+ 21 Nanpwungen irail meh silimenet, e ndand sang meh riemeno, oh ih me arail kaun; ahpw e sohte pahrekiong tepin meh silimeno.

22 Penaia+ nein Sehoiada iei ohl kommwad men me wiadahr soangen wiewia kommwad kei nan Kapseel.+ E kemehla nein Ariel en Mohap nah pwutak riemen oh doudihla nan pwarer ehu ni ahnsoun sinoh oh kemehla laion emen.+ 23 E pil kemehla lapalahn ohlen Isip men—me reireiki kiupid* limau.+ Mendahki ohlen Isipo kolokol nah ketieuwo duwehte tuhke reirei me sounpahda likou kan kin doadoahngki,+ e peikihong ih lepin tuhke pwoat oh adihasang ketieuwo nan pehn mehn Isipo oh kemehkihla ketieuwo.+ 24 Ih soahng pwukat me Penaia nein Sehoiada wiahda, oh e ndand duwehte sounpei kehlail silimeno. 25 Mendahki e inenen ndand sang meh siliakano, e sohte pahrekiong meh silimeno.+ Ahpw Depit idihada ih en kin apwahpwalih silepe ko.

26 Sounpei kehlail kan en karis ko iei Asahel+ rien Sohap, Elanan nein Dodo sang Pedleem,+ 27 Sammod mehn Eiror, Eles mehn Pelon, 28 Aira+ nein Ikkes mehn Tekoa, Apieser+ mehn Anadod, 29 Sippekai+ mehn Usa, Ailai mehn Ahoi, 30 Maharai+ mehn Netopa, Eled+ nein Paanah mehn Netopa, 31 Idai nein Ripai mehn Pensamin+ sang Kipea, Penaia mehn Piradon, 32 Urai sang nan wahu en Kaas+ kan, Apiel mehn Arapa, 33 Asmaped mehn Pahurim, Eliapa mehn Saalpim, 34 nein Asem pwutak kan mehn Kison, Sonadan nein Sakee mehn Arar, 35 Aaiam nein Sakar mehn Arar, Elipal nein Ur, 36 Ehper mehn Mekera, Ahisa mehn Pelon, 37 Esro mehn Karmel, Naarai nein Espai, 38 Soel rien Nadan, Mipahr nein Akri, 39 Selek mehn Ammon, Naharai mehn Peerod, sounwa tehtehn mahwen ong Sohap nein Seruaia; 40 Aira mehn Idri, Karep mehn Idri, 41 Uraia+ mehn Id, Seipad nein Alai, 42 Adina nein Saissa mehn Reupen, kaunen mehn Reupen kan oh meh 30 iangih; 43 Ahnan nein Maaka, Sosapat mehn Midan, 44 Ussaia mehn Astarod, Sama oh Seiel nein Odam mehn Aroer; 45 Sediael nein Simrai, oh Soaa rie mehn Tis; 46 Eliel mehn Maapa, Seripai oh Sosapaia nein Elnaam pwutak, oh Idma mehn Mohap; 47 Eliel, Oped oh Saasiel mehn Mesopa.

12 Iet ohl akan me kohdo rehn Depit nan Siklak+ ni ahnsou me e sohte saledek en kohkohseli pwehki Sohl+ nein Kis, oh irail iang kisehn sounpei kehlail ko me kin utung ih nan mahwen.+ 2 Re kin weuwa kesik ketieu, oh re kak doadoahngki palimaun oh palimeing en pehrail kan+ pwehn kesingki pahi+ de kesik ketieu kan. Irail keinek en Pensamin,+ me iei rien* Sohl. 3 Me kaun iei Ahieser, iangahki Sohas, ira koaros nein Semaa mehn Kipea;+ Sesiel oh Pelet nein Asmaped,+ Peraka, Sehu mehn Anadod, 4 Ismaia mehn Kipeon,+ sounpei kehlail men nanpwungen meh siliakano+ oh kaunen meh siliakano; oh pil Seremaia, Sahasiel, Sohanan, Sosapad mehn Kedera, 5 Elusai, Serimod, Pealaia, Semaraia, Sepataia mehn Arip, 6 Elkana, Issaia, Asarel, Soeser oh Sasopeam, irail mehn Kora kei;+ 7 oh Soela oh Sepadaia nein Seroham sang Kedor.

8 Ekei mehn Kad kan kohla iangala Depit ni wasahn ruk kehlailo nan sapwtehno;+ irail sounpei kehlail kei, me kaiahnda ong mahwen, koahiek en doadoahngki mehn sansar laud oh ketieu. Masarail kan rasehng mesen laion kan oh re marahra rasehng kasel en pohn nahna kan. 9 Eser me kaun, Opadaia me keriemen, Eliap me kesilimen, 10 Mismanna me kapahmen, Seremaia me kelimmen, 11 Attai me kewenemen, Eliel me keisimen, 12 Sohanan me kawelimen, Elsapad me kaduwemen, 13 Seremaia me kaeisek, Makpannai me kaeisek ehu. 14 Iei irail pwukat me mehn Kad,+ kaunen karis en sounpei kan. Me keieu luwet kakohng meh 100 oh me keieu kehlail kakohng meh 1,000.+ 15 Ih irail pwukat me kotehla Sordan ni keieun sounpwongo ni ahnsou me pillapo lapakehda, oh pwakihpeseng aramas ako koaros me kin kousoan nan wasa karakarahk kan ni palimese oh palikapi.

16 Ekei ohlen Pensamin oh Suda kan pil kohdo rehn Depit ni eh wasahn ruk kehlailo.+ 17 Depit eri kohieila mwohrail oh ndaiong irail: “Ma kumwail kohdo rehi ni popohl pwehn sewese ie, eri I pahn kasamwo kumwail nin duwen kompoakepahi. Ahpw ma kumwail pahn pangiehla rehn ei imwintihti kan ni pehi kat eh sohte wiahda mehkot sapwung, eri, Koht en samatail mehn mahs ako en ketin mahsanih met oh kadeik.”+ 18 Ngehn sarawi* ahpw tiada pohn* Amasai,+ kaunen meh siliakan, oh e nda:

“Maing Depit, kiht sapwellimomwi. Maing nein Sehsi, se iang komwi.+

Depit eri kasamwo irail oh idihirailda nanpwungen kaunen karis en sounpei ko.

19 Ekei sang keinek en Manase pil iangala Depit ni eh iang mehn Pilisdia kan kohla mahweniong Sohl; ahpw Depit sohte sewese mehn Pilisdia ko, pwe mwurin ar koasoipene, kaunen mehn Pilisdia ko+ kadarala ih, ndinda: “E pahn pwurala rehn eh kaun Sohl oh atail mour pahn mihla nan keper.”+ 20 Ni Depit eh kohla Siklak,+ iet irail akan me iangala ih sang Manase: Adnah, Sosapad, Sediael, Maikel, Sosapad, Elihu oh Silledai, kaunen meh kid kan en Manase.+ 21 Re kin sewese Depit mahweniong pwihnen loallap kan, pwehki irail koaros ohl kehlail oh kommwad kei,+ oh re wiahla kaunen karis en sounpei. 22 Rahn koaros aramas kin kohkohdo rehn Depit+ pwehn sewese ih, lao re wiahla lapalahn karis en sounpei ehu duwehte karis en Koht.+

23 Iet uwen tohtohn ohl akan me onopadahng mahwen me kohdo rehn Depit nan Ipron+ pwehn sewese ih wiliandi Sohl oh wiahla nanmwarki nin duwen kehkehlik en Siohwa.+ 24 Ohlen Suda kan me wa mehn sansar laud oh ketieu, me onopadahng mahwen iei meh 6,800. 25 Mehn Simion kan, sounpei kehlail oh kommwad kan iei meh 7,100.

26 Mehn Lipai kan iei meh 4,600. 27 Sehoiada+ me kaunen kadaudok en Aaron kan,+ oh me iangih meh 3,700, 28 oh pil Sadok+ mwahnakapw kehlail oh kommwad men, iangahki kaun 22 sang peneinei en seme mehn mahs ako.

29 Mehn Pensamin kan, rien* Sohl+ kan, iei meh 3,000. Mahso me tohto rehrail kin loalopwoat utung peneinei en Sohl. 30 Mehn Epraim kan, mie sounpei kehlail oh kommwad 20,800, me ndand nanpwungen peneinei en samarail ako.

31 Sang elep keinek en Manase, meh 18,000 me pilipilda ren kohdo kasapwiladahng Depit nanmwarki. 32 Keinek en Isakar, mie kaun 200 me kin wehwehki dahme Israel pahn wia oh ahnsou mwahu en wia met, oh riarail kan* koaros mi pahn ar kaweid. 33 Keinek en Sepulon, mie meh 50,000 me kak iang karis en sounpei, me kin onopada ni ireken mahwen ni ar wa tehtehn mahwen kan koaros. Irail koaros kin iang Depit ni loalopwoat unsek. 34 Keinek en Napdali, mie kaun 1,000, oh me kin iang irail iei meh 37,000 me kin wa mehn sansar laud oh ketieu. 35 Mehn Dan kan, irail kan me kin onopada ni ireken mahwen iei meh 28,600. 36 Oh keinek en Aser, irail kan me kak iang karis en sounpei onopada ni ireken mahwen iei meh 40,000.

37 Sang palio Sordan,+ mehn Reupen kan, mehn Kad kan oh elep keinek en Manase, mie sounpei 120,000 me kin wa soangsoangen tehtehn mahwen koaros. 38 Irail koaros ohl kei me kin iang ireken mahwen; ni mohngiong unsek re kohdo Epron pwe ren kasapwilada Depit en wia nanmwarkien mehn Israel kan koaros, oh pil luhwen mehn Israel kan koaros miniminkihpene ar men* kasapwilada Depit nanmwarki.+ 39 Oh re mihmi rehn Depit wasao erein rahn siluh, mwengemwenge oh niminim dahme riarail kan kaunopadahng irail. 40 Oh irail kan me mi limwahrail, oh pil irail kan sang wasa doh nan Isakar, Sepulon oh Napdali, kin wahwahdo mwenge kan pohn dongki kan, kamel kan, dongki laud kan* oh kou kan—pilawa amas, keik pik oh reisin me idaidpene, wain, leh oh kou oh sihpw tohtohie, pwe peren kipehdier Israel.

13 Depit eri koasoiong kaunen meh kid kan oh kaunen meh epwiki kan oh kaun teikan koaros.+ 2 Depit eri ndaiong mwomwohdisohn Israel pwon: “Ma e mwahuwong kumwail oh ma Siohwa atail Koht ketin kupwurki, a kitail kadarala pakair rehn luhwen riatail kan nan sapwen Israel pwon oh pil rehn samworo kan oh mehn Lipai kan me mi nan ar kahnimw kan*+ ren kohdo oh iang kitail. 3 Oh kitail pahn kapwurehdo Kohpwahn inou lap+ en atail Kohto.” Pwe re sohte kin apwalih ni mwehin Sohlo.+ 4 Mwomwohdiso pwon pwungki ren wia met, pwe met mwomwen pwung ong aramas ako koaros. 5 Depit eri kapokonepene Israel pwon, sang ni pillap* en Isip lella Lepo-amad,*+ pwe ren wahdo Kohpwahn inou lap en Koht mehlelo sang Kiriad-searim.+

6 Depit oh Israel pwon eri kohdahla Paala,+ me iei Kiriad-searim me mi nan sapwen Suda, pwe ren wahdahdo sang wasao Kohpwahn inou lap en Koht mehlelo, Siohwa, me kin ketiket nan mwoale pohnangin* kerup ko,+ wasa me aramas ako kin likweriong mware. 7 Ahpw, re kihdiong Kohpwahn inou lap en Koht mehlelo pohn kuruma kapw ehu+ oh wahsang ni imwen Apinadap, oh Ussah oh Ahio me kakahluwa kurumao.+ 8 Depit oh Israel pwon wiewia kasarawi mwohn silangin Koht mehlelo ni ngoang laud, ni ar koul, kesengki arp, keseng sahl teikan, dampwurin,+ simpal,*+ oh sowi.+ 9 Ahpw ni ar lellahng ni wasahn kihsang kilin krein* nan Kidon, Ussah ahpw poarala oh koledi Kohpwahn inou lapo, pwe kou ko kereniong kesehdi. 10 Siohwa eri ketin engiengda pahn Ussah, oh E ketin kemehla ih wasao pwehki eh poaralahng Kohpwahn inou lapo,+ oh e mehla wasao mwohn silangin Koht.+ 11 Ahpw Depit lingeringerda* pwehki Siohwa eh ketin engiengda pahn Ussah; oh wasao adanekihla Peres-ussa* leledo rahnwet.

12 Depit eri masakada Koht mehlelo rahno oh nda: “Ia duwen ei kak patohwando rehi Kohpwahn inou lap en Koht mehlelo?”+ 13 Depit sohte wahla Kohpwahn inou lapo wasa me e kin mihmi ie nan kahnimw en Depit, ahpw e uhd koasoanehdi en wisikla ni imwen Oped-edom, mehn Kahd. 14 Kohpwahn inou lap en Koht mehlelo mihmi rehn tohnimwen Oped-edom, oh e mihmihki nan imweo erein sounpwong siluh, oh Siohwa kin ketin kapaia tohnimwen Oped-edom oh mehkoaros me e ahneki.+

14 Nanmwarki Airam+ en Dair ahpw kadarala meninkeder kei rehn Depit, iangahki tuhke sidar, sounwia takai* oh deiksang kan pwe ren kauwada tehnpas ehu ong ih.+ 2 Oh Depit ese me Siohwa ketin katengehdi ih teng nin duwen nanmwarkien Israel,+ oh E ketin wiahiong ih en wiahla nanmwarki lapalap men pwehki sapwellime aramas en Israel kan.+

3 Depit eri katohtowehla eh pwoud kan+ nan Serusalem oh Depit nainekihda pil ekei pwutak kan oh serepein kan.+ 4 Iet eden seri kan me ipwidiong ih nan Serusalem:+ Samua, Sohpap, Nadan,+ Solomon,+ 5 Ipar, Elisua, Elepelet, 6 Noka, Nepek, Sapia, 7 Elisama, Peeliada oh Elipelet.

8 Ni mehn Pilisdia kan ar rongada me Depit keidier nin duwen nanmwarkien Israel pwon,+ mehn Pilisdia kan koaros eri kohdahdo rapahki Depit.+ Ni Depit eh rongada duwen met, e ahpw kohla mahweniong irail. 9 Eri mehn Pilisdia ko ahpw kohdo oh tepida mahwen nan Wahun* Repaim.+ 10 Depit eri kalelapek rehn Koht, patohwan: “I en patohdahla rehn mehn Pilisdia ko? Komw pahn ketikihong irail nan pehiet?” Siohwa eri ketin mahsanihong ih: “Kohdahla, pwe I uhdahn pahn kihong irail nan pehmwen.”+ 11 Depit eri kohla Paal-perasim,+ oh e kaloweiraildi wasao. Depit eri nda: “Koht mehlelo ketin kauwehla ei imwintihti kan sang ni pehi kat rasehng dihd ehu me pihl kamwerehdi.” Ihme kahrehda re kahdaneki wasao Paal-perasim.* 12 Mehn Pilisdia ko kesehdi arail koht kan wasao, oh ni Depit eh ruwes, koht pwukat ahpw isihsla.+

13 Mwuhr mehn Pilisdia kan pil pwurehng pwurodo mahwen nan wahwo.*+ 14 Depit eri pwurehng kalelapek rehn Koht, ahpw Koht mehlelo ketin mahsanihong ih: “Ke dehr inendahla rehrail, ahpw pidekla mwurirail oh mahweniong irail mwohn tuhke peika kan.+ 15 Oh ni omw pahn rongada ngilen karis kohkohwei pohn tuhke peika ko, eri tepida mahwen, pwe Koht mehlelo pahn ketin tiengla mwohmw pwe en ketin kemehla karis en sounpei en mehn Pilisdia kan.”+ 16 Depit eri kapwaiada soahng koaros me Koht mehlelo ketin ruwesehki ih,+ oh re kemehla karis en mehn Pilisdia ko sang Kepa lel Keser.+ 17 Oh en Depit ndand ahpw kohpeseng nan sahpw akan koaros, oh Siohwa ketin kahrehiong wehi kan koaros ren masak Depit.+

15 Oh Depit usehlahte kauwada tehnpese kan nan Kahnimw en Depit, oh e kaunopada wasa ehu ong Kohpwahn inou lap en Koht mehlelo oh kauwada impwal ehu ong met.+ 2 Ni ahnsowo, Depit eri nda: “Sohte emen me pahn wa Kohpwahn inou lap en Koht mehlelo ihte mehn Lipai kan, pwe Siohwa ketin pilirailda ren wa Kohpwahn inou lap en Siohwa oh papah ih ahnsou koaros.”+ 3 Depit eri kapokonepene Israel pwon nan Serusalem pwe ren wahdahdo Kohpwahn inou lap en Siohwa wasa me e kaunopadahro.+

4 Depit eri kapokonepene kadaudok en Aaron kan+ oh mehn Lipai kan:+ 5 sang mehn Kohad kan, Uriel me kaun oh rie kan meh 120; 6 sang mehn Merari kan, Asaia+ me kaun oh rie kan meh 220; 7 sang mehn Kersom kan, Soel+ me kaun oh rie kan meh 130; 8 sang kadaudok en Elisapan+ kan, Semaia me kaun oh rie kan meh 200; 9 sang kadaudok en Ipron kan, Eliel me kaun oh rie kan meh 80; 10 sang kadaudok en Ussiel+ kan, Aminadap me kaun oh rie kan meh 112. 11 Oh pil Depit ekerodo samworo Sadok+ oh Apaiadar+ oh mehn Lipai kei, Uriel, Asaia, Soel, Semaia, Eliel oh Aminadap, 12 e ahpw ndaiong irail: “Kumwail kaunen peneinei en mehn Lipai kan. Kumwail kasarawihkumwailla, kumwail oh riamwail kan, oh wahdo Kohpwahn inou lap en Siohwa, Koht en Israel wasa me I kaunopadahro. 13 Pwehki kumwail sohte wa Kohpwahn inou lapo nin tapio,+ Siohwa atail Koht ketin engiengdahr pahtail,+ pwehki kitail sohte rapahki wiepe pwung en wa Kohpwahn inou lapo.”+ 14 Samworo kan oh mehn Lipai kan ahpw kasarawihala pein irail pwe ren wahdahdo Kohpwahn inou lap en Siohwa, Koht en Israel.

15 Mehn Lipai ko eri wa Kohpwahn inou lap en Koht mehlelo ni ar kapaikada tuhkehn wisik ko,+ duwehte me Moses kehkehlingki sang ni mahsen en Siohwa. 16 Depit eri ndaiong kaunen mehn Lipai kan ren idihada riarail sounkoul kan pwe ren koul ni peren, iangahki mehn keseng kan: keseng sahl kan, arp kan+ oh simpal kan.*+

17 Mehn Lipai kan eri idihada sang nan ar keinek, Eman+ nein Soel, Asap+ nein Perekaia oh Edan+ nein Kusaia sang nan peneinei en Merari. 18 Oh pil mie pwihn keriau en kisehrail kan.+ Iei Sekaraia, Pen, Saahsiel, Semiramod, Seheiel, Unni, Eliap, Penaia, Maaseaia, Mattidaia, Elipelehu oh Mikneaia oh silepen ewen kehl ko Oped-edom oh Seiel. 19 Sounkoul Eman,+ Asap+ oh Edan me kesengki simpal*+ prons kan; 20 oh Sekaraia, Aasiel, Semiramod, Seheiel, Unni, Eliap, Maaseaia oh Penaia me kesengki keseng sahl ko ni ngilen Alamod;*+ 21 oh Mattidaia,+ Elipelehu, Mikneaia, Oped-edom, Seiel oh Asasaia me kesengki arp ko ni ngilen Seminid,*+ oh wia sounpihtih keseng kan. 22 Kenanaia+ kaunen mehn Lipai ko me apwalih wisik en kohpwao, pwe ih me samanih, 23 oh Perekaia oh Elkana silepen ewen kehl kan, me kin doadoahk limwahn Kohpwahn inou lapo. 24 Samworo Sepanaiah, Sosapat, Nedanel, Amasai, Sekaraia, Penaia oh Elieser me peuk sowi ko ni ngihl laud mwohn Kohpwahn inou lap en Koht mehlelo,+ oh Oped-edom oh Sehia me pil kin papah nin duwen silepen ewen kehl, me kin sile Kohpwahn inou lapo.

25 Depit oh ohl mah kan en Israel oh kaunen meh kid kan eri iang kohla pwe ren wahsang kohpwahn inou lap en Siohwa ni imwen Oped-edom+ ni peren.+ 26 Pwehki Koht mehlelo ketin sewese mehn Lipai kan me weuwa kohpwahn inou lap en Siohwa, re ahpw meirongkihla koupwul wol isimen oh sihpw wol isimen.+ 27 Depit likawih likou reirei kaselel me sohte peh, pil duwehte mehn Lipai ko koaros me weuwa Kohpwahn inou lapo, sounkoul kan oh Kenanaia kaunen wisik kohpwao oh sounkoul kan; Depit pil likawih ihpod linen ehu.+ 28 Mehn Israel kan koaros weuwadahla kohpwahn inou lap en Siohwa ni ar weriwerki ar peren,+ iangahki ngilen mehn pepeuk,* sowi kan,+ simpal kan,* oh kesekesengki ni ngihl laud keseng sahl kan oh arp kan.+

29 Ahpw ni kohpwahn inou lap en Siohwa eh lella nan kahnimw en Depit,+ nein Sohl serepein Maikal+ ahpw usuwerieila ni wenihmwtoko oh kilangada Nanmwarki Depit eh lusulusseli oh wiewia kasarawi wet; e ahpw tepida mwamwahlkihla Depit nan eh mohngiong.+

16 Irail eri wahdo Kohpwahn inou lap en Koht mehlelo oh pwilikihdi nan impwal me Depit kauwadahro;+ oh irail wiahda meirong isihs oh meirong en kaminimin mwohn silangin Koht mehlelo.+ 2 Ni Depit eh kanekehla meirong isihs+ oh meirong en kaminimin ko,+ e ahpw kapaiahda aramas ako ni mwaren Siohwa. 3 Ih eri nehkohng mehn Israel kan koaros, ong emenemen ohl oh lih, ehu pilawa pwonopwon, ehu keik deid,* oh ehu keik reisin. 4 E ahpw idihada ekei mehn Lipai kan ren papah mwohn kohpwahn inou lap en Siohwa,+ pwe ren wauneki,* kalahnganki oh kapinga Siohwa, Koht en Israel. 5 Asap+ me kaun, oh Sekaraia me wia sawasepe; oh Seiel,+ Semiramod, Seheiel, Mattidaia, Eliap, Penaia, Oped-edom oh Seiel kin kesengki keseng sahl kan oh arp kan;+ oh Asap kin kesengki simpal,*+ 6 oh samworo Penaia oh Sahasiel kin kaukaule peuk sowi mwohn kohpwahn inou lap en Koht mehlelo.

7 Ih rahno me Depit tepin wiahda koul en kapingkalahngan ong Siohwa oh kaweid Asap+ oh rie kan en koulki, ndinda:

10 Kumwail suweiki mware sarawi.+

Mohngiong en irail akan me kin raparapahki Siohwa en perenda.+

11 Kumwail sohpeiong Siohwa+ oh likih sapwellime manaman.

Kumwail rapahki silangi ahnsou koaros.+

14 Ih me Siohwa atail Koht.+

Sapwellime kadeik kan kin mi wasa koaros nin sampah.+

23 Kumwail aramas koaros nin sampah, kumwail kouliong Siohwa!

Kumwail lohkiseli sapwellime komour ehuehu rahn!+

25 Pwe Siohwa me ketin lapalap oh me keieu warohng ale kaping.

E me lemmwin kowahlap sang koht teikan koaros.+

Kumwail poaridiong* Siohwa ni amwail likawih likou sarawi kan.*+

30 Kumwail aramas koaros nin sampah, kumwail rerrer mwohn silangi!

Sampah* koasoansoandi teng; e sohte kak mwekid.*+

Oh aramas ako koaros ahpw patohwan, “Amen!”* oh re kapinga Siohwa.

37 Depit eri pwilikihdi Asap+ oh rie kan wasao mwohn kohpwahn inou lap en Siohwa, pwe ren usehlahte papah mwohn Kohpwahn inou lapo+ nin duwen koasoandien ehuehu rahn.+ 38 Oped-edom oh rie kan, meh 68, oh Oped-edom nein Sedudun oh Osa me wia silepen ewen kehl kan; 39 oh samworo Sadok+ oh ienge samworo kan kin mi mwohn impwal sarawi en Siohwa ni wasa ileo nan Kipeon+ 40 pwe ren kaukaule wiahda meirong isihs ong Siohwa pohn pei sarawi en meirong isihso, nimenseng oh nin soutik, oh wia mehkoaros me ntingdi nan Kosonned en Siohwa me e ketin kehkehlingkihong Israel.+ 41 Me mi rehrail iei Eman oh Sedudun+ oh meteikan me pilipildahr pwe ren kapingkalahngan ong Siohwa,+ pwehki “sapwellime limpoak loalopwoat me poatopoat”;+ 42 oh me mi rehrail iei Eman+ oh Sedudun me kin doadoahngki sowi, simpal* oh mehn keseng kan me kadoadoahk ong kapinga* Koht mehlelo; oh nein Sedudun+ pwutak kan kin mi ni ewen kehlo. 43 Aramas akan koaros eri pwuralahng ni imwarail kan, oh Depit pil pwurala pwehn kapaia tohnimwe kan.

17 Ni ahnsowohte me Depit soandier nan pein tehnpese, e ahpw ndaiong soukohp Nadan:+ “I kin koukousoan nan ihmw me wiawihkihda sidar,+ a kohpwahn inou lap en Siohwa kin mi nan ihmw likou ehu.”+ 2 Nadan ahpw sapengki Depit: “Wia dahme mi nan omw mohngiong pwe Koht mehlelo kin ketin ieiang uhk.”

3 Pwohngohte, Koht ketin mahsanihong Nadan: 4 “Kohwei oh padahkihong ei ladu Depit, ‘Iet me Siohwa ketin mahsanihen: “Kaidehn kowe me pahn kauwadahng ie tehnpas ehu pwe I en kousoan loale.+ 5 Pwe I sohte kin kousoan nan tehnpas ehu sangete rahn me I kahluwahdo Israel lel rahnwet, ahpw I kin pousehlahte keseu sang ehu impwal lel ehu impwal oh sang ehu impwal sarawi lel ehu impwal sarawi.*+ 6 Erein ahnsowo pwon me I kin ieiang Israel pwon, mie pak me I ndahla mehkot ong sounkopwung en Israel kan me I idihadahr ren apwalih nei aramas akan, oh nda: ‘Dahme kumwail sohte kauwekidahng ie ehu tehnpas me wiawihkihda sidar?’”

7 “Eri ndaiong ei ladu Depit met, ‘Iet me Siohwa kaunen karis en sounpei ketin mahsanih: “I ketikihsang uhk nan mohs akan, sang omw kin apwahpwalih pelinmen kan, pwe ken wiahla kaunen nei aramas en Israel kan.+ 8 Oh I pahn ieiang uhk wasa koaros me ke pahn kohla ie,+ oh I pahn kasohrehsang* omw imwintihti kan koaros mwohmw,+ oh I pahn kahrehiong edomwen en duwehte eden aramas lapalap kan en sampah.+ 9 I pahn pilada ehu wasa ong nei aramas en Israel kan oh koasoaneiraildi, oh re pahn kousoanla mwo oh sohla me pahn lidere irail; oh aramas suwed kan sohla pahn pwurehng kaloke irail* duwehte me re kin wia mahso,+ 10 sang ni rahn me I idihada sounkopwung kan ong nei aramas en Israel kan.+ Oh I pahn kalowehdi omw imwintihti kan koaros.+ Oh I pil mahsanihong uhk, ‘Siohwa pahn ketin wiahiong omw peneinei en wiahla peneinei en nanmwarki ehu.’

11 “‘“Ni omw rahn akan eh pahn imwisekla oh ke pahn kohla rehn semomw mehn mahs ako, I ahpw pahn kihda kadaudokomw men me pahn kohdo mwurimw, emen noumw pwutak kan,+ oh I pahn kauwada oh katengehdi eh manaman en nanmwarki.+ 12 Ih me pahn kauwada tehnpas ehu ong ie,+ oh I pahn kauwada teng mwoale kohkohlahte.+ 13 I pahn wiahla seme oh e pahn wiahla nei pwutak.+ I sohte pahn kihsang ei limpoak loalopwoat reh+ duwehte ei kihsangehr rehn nanmwarkio me momour mwohmw.+ 14 I pahn idihada ih nan tehnpesei oh nan ei wehi kohkohlahte,+ oh mwoale pahn mihmi kohkohlahte.”’”+

15 Nadan eri padahkihong Depit mahsen pwukat koaros oh kasansal wet pwon.

16 Nanmwarki Depit eri patohla oh patohdi mwohn silangin Siohwa oh patohwan: “Ihs ngehi, Maing Siohwa Koht? Oh dahkot ei peneinei me komw ketin wiahkihong ie mepwukat koaros?+ 17 Mwomwen me met sohte itar, Maing Koht, komwi pil ketin mahsanih duwen kadaudok en omwi laduet lellahng ni ahnsou reirei ehu me kohkohdo,+ oh Maing Siohwa Koht, komw ketin wiahkinielahr emen me uhdahn pahn waunla.* 18 Dahme omwi laduet Depit pil kak patohwanohng komwi duwen wahu me kohieng ie, ni omwi uhdahn mwahngih omwi laduet?+ 19 Maing Siohwa, pwehki sapwellimomwi laduet oh nin duwen kupwuromwien,* komw ketin wiadahr soahng kapwuriamwei pwukat koaros sang ni omwi ketin kasalehda omwi lapalap.+ 20 Maing Siohwa, sohte emen me duwehte komwi,+ oh sohte Koht emen likin komwi;+ soahng koaros me se rongkiher salengat ka kadehdedahr met. 21 Oh mehnia wehi nin sampah me duwehte sapwellimomwi aramas en Israel kan?+ Koht mehlelo ketila oh ketin kasaledekirailla* nin duwen sapwellime aramas.+ Komw ketin kahrehiong mwaromwi en ndandla sang ni omwi wiewia manaman kan me inenen kapwuriamwei+ oh ketin pwakihasang wehi kan mwohn sapwellimomwi aramas akan+ me komw ketin kasaledekala* sang Isip. 22 Komw ketin wiahkihla mehn Israel kan sapwellimomwi aramas kohkohlahte;+ oh komwi, Maing Siohwa, ketin wialahr arail Koht.+ 23 Eri, Maing Siohwa, komwi en ketin kapwaiada inou me komw ketin wiadahr me pid sapwellimomwi laduet oh kadaudoke kohkohlahte, oh komwi en ketin wia duwehte me komw ketin inoukidahr.+ 24 Mwaromwi en mihmihte* oh lapalapala+ kohkohlahte, pwe aramas akan en patohwan, ‘Siohwa kaunen karis en sounpei, Koht en Israel iei Koht ong Israel,’ oh kadaudok en sapwellimomwi ladu Depit en kokouda teng kohkohlahte mwohn silangomwi.+ 25 Komwi, ei Koht, ketin kasalehiongehr sapwellimomwi laduet kupwuromwi me iei en wiahiong ei peneinei en wiahla peneinei en nanmwarki. Ihme kahrehda sapwellimomwi laduet eh kak wia kapakap wet ong komwi. 26 Eri met, Maing Siohwa, komwi me Koht mehlel, oh komw ketin inoukihongehr sapwellimomwi laduet soahng mwahu pwukat. 27 Eri, komw kupwurkalahngan oh ketin kapaiahda kadaudok en sapwellimomwi laduet, oh en mihmi kohkohlahte mwohn silangomwi, pwe Maing Siohwa, komw ketin kapaiadahr, oh kapai en kin ieiang kohkohlahte.”

18 Ahnsou ehu mwuhr, Depit kalowehdi douluhl mehn Pilisdia kan oh kihsang nan pehn mehn Pilisdia kan Kahd+ oh kisin kahnimw kan me kapilpene.+ 2 Ih eri kalowehdi Mohap+ oh mehn Mohap kan wiahla nein Depit ladu oh kin wadohng ih kisakis kan.+

3 Depit kalowehdi Nanmwarki Adadeser+ en Sohpa+ limwahn Amad+ ni eh kohkolahng kalaudehla eh manaman ni Pillap Iupreitis.+ 4 Depit kalowehdi kurumahn mahwen 1,000 oh soundak oahs 7,000 oh sounpei alu 20,000.+ Depit eri kauwehla nehn oahs en kuruma koaros likin meh 100.+ 5 Ni ahnsou me mehn Siria kan sang Damaskus kohla pwe ren sewese Nanmwarki Adadeser en Sohpa, Depit ahpw kemehla mehn Siria 22,000.+ 6 Depit eri koasoanehdi pwihn en sounpei kan nan Damaskus en Siria, oh mehn Siria kan wiahla nein Depit ladu oh kin wadohng kisakis kan. Siohwa kin ketikihong Depit kana* wasa koaros me e kin kohla ie.+ 7 Depit pil kihsang mehn sansar kohl me pwonopwon ko rehn nein Adadeser ladu kan oh wahla Serusalem. 8 Nanmwarki Depit alehsang Tipad oh Kun, kahnimw kan en Adadeser, uwen prons me inenen laud. Solomon ahpw doadoahngki prons wet oh wiahda Sehd pronso,+ uhr ko oh dipwisou prons ko.+

9 Ni Nanmwarki Tou en Amad eh rongada me Depit kalowedier karis en sounpei koaros en Nanmwarki Adadeser+ en Sohpa,+ 10 e mwadangete kadarala nah pwutak Adoram rehn Nanmwarki Depit pwehn esehda ia ire oh kapingahki eh mahweniong oh kalowehdi Adadeser (pwe Adadeser kin kalapw mahweniong Tou), oh Adoram wa kohla soangen dipwisou koaros me wiawihkihda kohl, silper oh prons. 11 Nanmwarki Depit kasarawihong Siohwa+ mepwukat iangahki silper oh kohl kan me e wahsang wehi kan koaros: sang Edom oh Mohap, sang mehn Ammon kan,+ mehn Pilisdia kan+ oh mehn Amalek kan.+

12 Apisai+ nein Seruaia+ kemehla mehn Edom 18,000 nan Wahun Soahl.+ 13 E koasoanehdi pwihn en sounpei kan nan Edom, oh mehn Edom kan koaros wiahla nein Depit ladu kan.+ Siohwa ketikihong Depit kana* wasa koaros me e kin kohla ie.+ 14 Depit kin kakaun Israel pwon,+ oh e kin wia kopwung ni pwung pahrek oh kaunda ni pwung nah aramas akan koaros.+ 15 Sohap nein Seruaia me wia kaunen karis en sounpei ko,+ oh Seosopat+ nein Ahilud me wia sounnting. 16 Sadok nein Ahidup oh Ahimelek nein Apaiadar me wia samworo, oh Sapsa me wia sekteri. 17 Penaia nein Sehoiada me kaunen mehn Kered kan+ oh mehn Peled kan.+ Oh nein Depit pwutak kan me mi nan dehu keieu kesempwal kan mi limwahn nanmwarkio.

19 Mwuri Nahas nanmwarkien Ammon ahpw mehla, oh nah pwutako wiliandi ih wiahla nanmwarki.+ 2 Depit eri nda: “I pahn kasalehiong Anun nein Nahas limpoak loalopwoat+ pwehki eh pahpao eh kasalehiong ie limpoak loalopwoat.” Depit eri kadarala meninkeder kan en kansenamwahwih pwehki eh pahpao mehla. Ahpw ni ahnsou me nein Depit ladu ko lellahng nan sapwen mehn Ammon ko+ pwe ren kansenamwahwih Anun, 3 lapalap akan en mehn Ammon ko eri ndaiong Anun: “Komw medewe me Depit kin kawauwih semomwio ni eh kadarodohng uhk irail kan me pahn kansenamwahwih komwi? Nah ladu kan sou kohdo rehmwi pwe ren dawih sahpwet oh lipoahroke oh kalowehdi?” 4 Anun eri ale nein Depit ladu ko oh sihpih irail,+ oh lupukasang lukopen arail likou ko oh kadarirailla. 5 Ni Depit eh rongada duwen ohl ako, e ahpw mwadangete kadarala meteiko pwehn tuhwong irail, pwehki ohl ako uhdahn namenekla douluhl; oh nanmwarkio ahpw ndaiong irail: “Kumwail mihmihte nan Seriko+ lao amwail alis kan pwurehng wosada, kumwail ahpw pwurodo.”

6 Mehn Ammon kan eri kilangada me Depit kailongkinirailla, eri Anun oh mehn Ammon kan pwainkihda silper dalend* 1,000 kurumahn mahwen oh soundak oahs kan sang Mesopodamia,* Aram-maaka oh Sohpa.+ 7 Irail eri pwain kurumahn mahwen 32,000, iangahki nanmwarkien Maaka oh nah aramas akan. Irail ahpw kohdo oh kauwada kahnimpwal mwohn Medepa.+ Mehn Ammon kan eri kohpene sang nan arail kahnimw kan ong mahwen.

8 Ni Depit eh rongada met, e ahpw kadarala Sohap+ oh karis en sounpeio pwon, iangahki nah sounpei kan me keieu kehlail.+ 9 Oh mehn Ammon kan ahpw kohieila oh koasoansoandi ni ireken mahwen ni wasahn pedolong en kahnimwo nindoken nanmwarki me kohdo ko ar mihmi nan mohso.

10 Ni Sohap eh kilang sounpei kan ar kohkodohng uhwong ih sang mwowe oh mwuri, e ahpw pilada ekei pwihn en sounpei me keieu koahiek nan Israel oh koasoaneiraildi ni ireken mahwen pwe ren tuhwong mehn Siria ko.+ 11 Ih eri kihdi luhwen sounpei ko pahn kaweid en* rie pwutak Apisai,+ pwehn koasoaneiraildi ni ireken mahwen pwe ren tuhwong mehn Ammon ko. 12 Ih eri nda: “Ma mehn Siria kan+ kehlailsang ie, eri ke anahne kohdo doareiehla, ahpw ma mehn Ammon kan kehlailsang uhk, I pahn doareiukala. 13 Kitail anahne kehlail oh kommwad+ pwehki neitail aramas akan oh pwehki kahnimw kan en atail Koht, oh Siohwa pahn ketin wia dahme mwahu mwohn silangi.”

14 Sohap oh nah ohl akan ahpw kolahng mahweniong mehn Siria ko, oh mehn Siria ko ahpw tangdoaui.+ 15 Ni mehn Ammon kan ar kilangada mehn Siria kan ar tangdoaui, re pil tangasang rie pwutako Apisai oh pweieklahng nan kahnimwo. Mwurin mwo Sohap ahpw kohdo Serusalem.

16 Ni mehn Siria ko ar kilangada me re lohdier pahn mehn Israel ko, re ahpw ileklahng meninkeder kan ren ekerodo mehn Siria kan me mi nan sahpw akan ni Pillapo,*+ oh Sopak, nein Adadeser kaunen karis en sounpei me kahluwa irail.+

17 Ni ahnsou me rohng wet lella rehn Depit, e ahpw mwadangete kihpene mehn Israel koaros oh kotehla Sordan oh kohla rehrail oh koasoaneiraildi ni ireken mahwen. Depit eri koasoaneiraildi ni ireken mahwen pwe ren tuhwong mehn Siria kan oh re mahweniong ih.+ 18 Ahpw mehn Siria kan tangasang mehn Israel kan; oh Depit kemehla nein mehn Siria kan soundak kuruma 7,000, oh sounpei alu 40,000, oh e kemehla Sopak, kaunen karis en sounpeio. 19 Ni nein Adadeser ladu kan ar kilangada me irail lohdier pahn Israel,+ re ahpw mwadangete wiahda popohl rehn Depit oh mihla pahn eh manaman;+ oh Siria sohla men sewese mehn Ammon kan.

20 Ni tepin pahro,* ni ahnsou me nanmwarki kan kin kolahng mahwen, Sohap+ kahluwa karis en sounpei kan oh kamwomwala sapwen mehn Ammon kan; e ahpw kohdo oh kapilpene Rappa,+ nindoken Depit eh mihmihte nan Serusalem.+ Sohap ahpw mahweniong Rappa oh kauwehla.+ 2 Depit eri kihsang nihno ni moangen Malkamo, oh diarada me e toutouki dalend* en kohl ehu, oh kapwatki takai kesempwal kan; oh nihno ahpw kodahng pohn moangen Depit. E pil alehda dipwisou lohdi tohto sang nan kahnimwo.+ 3 Oh e ale aramas akan me mi nan kahnimwo oh kihong irail en wia doadoahk+ en resehdi takai, oh doadoahngki mete keng kan oh sile kan. Ih met me Depit kin wiahiong kahnimw en mehn Ammon kan koaros. Depit oh pwihnen sounpei kan koaros eri pwurala Serusalem.

4 Mwurin met, mahwen wiawihong mehn Pilisdia kan nan Keser. Ahnsowo Sippekai+ mehn Usao kemehla Sippai, emen kadaudok en mehn Repa ko,+ oh re lohdi.

5 Oh mahwen pwurehng wiawihong mehn Pilisdia ko, oh Elanan nein Sair kemehla Lahmi rien Kolaiad+ mehn Kahd. Nah ketieuwo duwehte tuhke reirei pwoat me sounpahda likou kan kin doadoahngki.+

6 Mahwen pil pwurehng wiawi nan Kahd,+ wasa me ohl lapala men+ kin mi ie. Sendin peh kan meh 6 oh sendin neh kan meh 6, patpene koaros meh 24; oh e pil wia kadaudok en mehn Repa.+ 7 E kin kepikepitki+ Israel. Sonadan nein Simea,+ rien Depito eri kemehla ih.

8 Irail pwukat iei kadaudok en mehn Repa+ nan Kahd,+ oh Depit oh nah ladu kan me kemeirailla.

21 Sehdan* eri uhwongada Israel oh kamwakidada Depit en wadekedi uwen tohtohn Israel.+ 2 Depit ahpw ndaiong Sohap+ oh kaunen aramas ako: “Kumwail kohwei, wadekedi Israel sang Peersipa lel Dan;+ mwuri padahkihong ie pwe I en ese ia uwen tohtohn irail.” 3 Sohap ahpw nda: “Siohwa en ketin kadirehla sapwellime aramas akan pak 100! Maing ei kaun nanmwarki, irail koaros sou wialahr sapwellimomwi ladu? Dahme kahrehda ei kaun kupwurki wia met? Dahme kahrehda komw pahn kahrehiong Israel en dipada?”

4 Ahpw en nanmwarkio koasoi kan kehlail sang en Sohap. Sohap eri kohieila oh seiloaklahng wasa koaros nan Israel, mwurin mwo e pwurodo Serusalem.+ 5 Sohap eri padahkihong nanmwarkio uwen tohtohn aramas me kileldier. Ohlen Israel kan koaros me kin doadoahngki kedlahs lel meh 1,100,000, oh ohlen Suda kan me kin doadoahngki kedlahs iei meh 470,000.+ 6 Ahpw keinek en Lipai oh Pensamin sohte kileldi nanpwungarail,+ pwehki Sohap eh tatki en nanmwarkio lokaia ko.+

7 Met ahpw uhdahn kansensuwedihala Koht mehlelo, ih eri ketin kaloke Israel. 8 Depit eri patohwanohng Koht mehlelo: “I wiadahr dihp+ laud ni ei wia met. Eri met, komw ketin kalahngan oh mahkohng dipen sapwellimomwi laduet,+ pwe I wiadahr mwekid ehu me uhdahn pweipwei.”+ 9 Siohwa eri ketin mahsanihong Kad,+ nein Depit sounkilang kaudiahlo, mahsanih: 10 “Kohla oh ndaiong Depit, ‘Iet me Siohwa ketin mahsanihen: “I pahn kihong uhk pilipil siluh. Pilada me I pahn kihong uhk.”’” 11 Kad eri kohla rehn Depit oh ndaiong ih: “Iet me Siohwa ketin mahsanihen, ‘Pilada 12 ma erein sounpar siluh en lehk lapalap,+ de erein sounpwong siluh me ke pahn lohdi pahn omw imwintihti kan ni neirail kedlahs kan eh poweiukedi,+ de rahn siluh en kedlahs en Siohwa—soumwahu lusulus nan sahpwo+—me tohnleng en Siohwa pahn kamwomwala+ sapwen Israel pwon.’ Eri medemedewe dahme I pahn patohwan sapengki Mehmeno me ketin kadariehdo.” 13 Depit eri ndaiong Kad: “Met uhdahn kansensuwed ong ie. Menlau dehr mweidohng aramas en kalokei ie;+ mweidohng Siohwa en ketin kalokei ie pwehki sapwellime kadek kalahngan me uhdahn mwuledek.”+

14 Siohwa eri ketin kadaridiong pohn Israel soumwahu lusulus ehu,+ me kahrehda aramas 70,000 nan Israel mehla.+ 15 Oh pil, Koht mehlelo ketin kadarala tohnleng men Serusalem pwehn kasohrehla; ahpw ni tohnlengo eh pahn wia met, Siohwa ketin mahsanihada oh koluhkihla* kahpwal wet,+ oh e mahsanihong tohnleng me wahdo kahpwalo: “E itarehr!+ Kihdi pehmwen.” Sapwellimen Siohwa tohnlengo kesikesihnen karanih en Ornan mehn Sepuso+ eh wasahn kihsang kilin krein.+

16 Ni Depit eh sarada, e kilangada sapwellimen Siohwa tohnleng men eh kesikesihnen nanpwungen sampah oh pahnlahng oh kolokol kedlahs pwoat+ me uhlahng Serusalem. Depit oh ohl mah ko me likawih likoun nsensuwed*+ ahpw mwadangete poaridiong nanpwelo.+ 17 Depit eri patohwanohng Koht mehlelo: “Kaidehn ngehi me nda wadawad en aramas en wiawi? Ngehi me dipada, oh ngehi me wiahda sapwung;+ ahpw sihpw pwukat—dahme re wiadahr? Maing Siohwa ei Koht, komw kupwurkalahngan oh ketin mweidohng nin limomwi en uhwong ie oh peneinei en ei pahpao; a komw dehr ketikihdo kalokolok wet pohn sapwellimomwi aramas akan.”+

18 Sapwellimen Siohwa tohnlengo eri padahkihong Kad+ en ndaiong Depit en kohdahla oh kauwada ehu pei sarawi ong Siohwa pohn en Ornan mehn Sepuso eh wasahn kihsang kilin krein.+ 19 Depit eri kohdahla nin duwen dahme Kad nda ni mwaren Siohwa. 20 Ni ahnsowo, Ornan wie kihkihsang kilin krein, oh ni eh sohpeila oh kilangada tohnlengo, nah pwutak pahmeno me mi reh ahpw rukula. 21 Ni ahnsou me Depit kohdahdo reh, Ornan ahpw kilengla oh kilangada Depit, oh Ornan ahpw mwadangete kohieila sang ni wasahn kihsang kilin kreino oh poaridiong nanpwelo mwohn Depit. 22 Depit eri ndaiong Ornan: “Netikihong* ie pelien sahpwo, wasahn kihsang kilin kreino, pwe I en kauwada powe ehu pei sarawi ong Siohwa. Netikihong ie uwen pweine pwon, pwe kalokolok me kohwong aramas akan en kak uhdi.”+ 23 Ornan ahpw ndaiong Depit: “Komw sapwellimanikihla, oh ei kaun nanmwarki en wia nin duwen me e ketin kupwurki.* Iet I patohwanda kou kan mehn wia meirong isihs oh mehn wurahdeket+ mehn wia tuwi oh wihd mehn wia meirong en krein. I patohwanda mepwukat koaros.”

24 Ahpw Nanmwarki Depit ndaiong Ornan: “Soh, I anahne pwainda ni uwen pweine pwon, pwehki I sohte pahn ale dahme ahmw oh patohwanohng Siohwa de meirongki meirong isihs me I sohte pwainda.”+ 25 Depit eri kihong Ornan kohl me toutouki sekel* 600 nin duwen pweinen wasao. 26 Oh Depit kauwada pei sarawi ehu+ ong Siohwa wasao oh wiahda meirong isihs kan oh meirong en kaminimin kan, oh e likweriong Siohwa, me ketin sapengala ih sang ni eh ketin kadaridi kisiniei+ sang nanleng pohn pei sarawi en meirong isihso. 27 Siohwa eri ketin ruwese tohnlengo+ en kapwurehiong nah kedlahso nan kidipeo. 28 Ni ahnsowo, ni Depit eh tehkada me Siohwa ketin sapengala ih nan en Ornan mehn Sepuso eh wasahn kihsang kilin kreino, e ahpw pousehlahte wiahda meirong wasao. 29 Ahpw, ahnsowo impwal sarawi en Siohwa me Moses wiahda nan sapwtehno oh pei sarawi en meirong isihso kin mihmi pohn wasa ile nan Kipeon.+ 30 Ahpw Depit sohte kak kohla wasao pwehn peksawas rehn Koht, pwehki e masakada kedlahs en tohnleng en Siohwa.

22 Depit eri nda: “Iei met tehnpesen Siohwa Koht mehlelo oh ih pei sarawi wet me Israel pahn kin wia meirong isihs kan powe.”+

2 Depit eri ruwese ren kapokonepene mehn liki kan+ me kin kousoan nan sapwen Israel, oh e koasoanediong irail ren wia soun-par takai, pwe ren kin pwalang oh parada takai kan ong kokoudahn tehnpesen Koht mehlelo.+ 3 Depit pil kaunopada mete tohtohie, mehn wiahda nihl ong wenihmwen ewen kehl kan oh mehn kateng kan, oh prons tohtohie me sohte me kak teneki,+ 4 oh pil tuhke sidar kan+ me sohte kak wadawadedi, pwe mehn Saidon kan+ oh mehn Dair kan+ wadohng Depit tuhke sidar tohtohie. 5 Depit eri nda: “Nei pwutak Solomon me pwulopwul oh soakoahiek,*+ oh tehnpas me pahn kokouda ong Siohwa uhdahn pahn lingan,+ pwe aramas akan nan sahpw koaros pahn esehki+ ndandpe oh linganpe.+ Kahrehda, I pahn kaunopada ong ih.” Depit eri kaunopada dipwisou tohtohie mwohn eh mehla.

6 Oh e pil ekerodo nah pwutak Solomon oh padahkihong en kauwada tehnpas ehu ong Siohwa, Koht en Israel. 7 Depit eri ndaiong nah pwutak Solomon: “I kin inengieng nan ei mohngiong en kauwada tehnpas ehu ong mwaren Siohwa ei Koht.+ 8 Ahpw Siohwa ketin mahsanihong ie, ‘Ke kakeredier nta laud, oh ke wiahier mahwen tohto. Ke sohte pahn kauwada tehnpas ehu ong mwarei,+ pwe ke kakeredier nta laud nin sampah mwohn silangi. 9 Kilang! Ke pahn nainekihda pwutak emen+ me pahn wia ohlen popohl,* oh I pahn kihong ih kommoal sang eh imwintihti kan koaros me kapilpene ih.+ E pahn adaneki Solomon*+ oh I pahn kihong Israel popohl oh meleilei erein eh mwehi.+ 10 Ih me pahn kauwada tehnpas ehu ong mwareiet.+ E pahn wiahla nei pwutak, oh I pahn wiahla seme.+ I pahn kauwada teng mwoale nin duwen nanmwarki en Israel kohkohlahte.’+

11 “Eri, samwa, Siohwa en ketin ieiang uhk, oh ke en pweida oh kauwada tehnpesen Siohwa omw Koht, duwehte me e ketin mahsanihki me pid kowe.+ 12 Siohwa en ketikihong uhk loalokong oh koahiek en wehwehki+ ni eh ketikihong uhk manaman en kaunda Israel, pwe ken kapwaiada kosonned en Siohwa omw Koht.+ 13 Ke ahpw pahn pweida ma ke kapwaiada ni keneinei koasoandi kan+ oh kopwung kan me Siohwa ketin kehkehlingkihong Moses en kihong Israel.+ Kommwad oh kehlail. Ke dehr perki de masak mehkot.+ 14 I uhdahn nantihong kaunopadahng tehnpesen Siohwa kohl dalend* 100,000 oh silper dalend 1,000,000 oh uwen prons oh mete me inenen tohto+ me sohte kak tenekda, oh I kaunopada tuhke kan oh takai kan,+ ahpw ke nek kapatahiong mepwukat. 15 Tohndoadoahk tohtohie mi rehmw—soun-par takai, sounwia takai,+ deiksang oh soangsoangen tohndoadoahk koahiek kan koaros.+ 16 Mie kohl, silper, prons oh mete tohtohie me sohte kak tenekda.+ Eri uhda oh tepida doadoahk, oh Siohwa en ketin ieiang uhk.”+

17 Depit eri ruwese lapalap en Israel kan koaros ren sewese nah pwutako Solomon: 18 “Siohwa amwail Koht sou ketiket rehmwail oh e sou ketikihongkumwailehr popohl* wasa koaros? Pwe e ketikihong ie tohn sahpwet, oh sahpwet lohdier mwohn silangin Siohwa oh sapwellime aramas akan. 19 Eri kumwail koasoanehdi teng nan mohngiongimwail oh mour* unsek pwehn rapahki Siohwa amwail Koht,+ oh tepida kauwada tehnpas sarawi en Siohwa, Koht mehlelo,+ pwe kumwail en wahdo kohpwahn inou lap en Siohwa oh dipwisou sarawi kan en Koht mehlelo+ nan tehnpaso me kokouda ong mwaren Siohwa.”+

23 Ni Depit eh likeilapalahr oh kerenlahngehr imwin eh mour,* e ahpw kasapwilada nah pwutak Solomon en wiahla nanmwarkien Israel.+ 2 Ih eri kapokonepene lapalap en Israel kan koaros, samworo kan+ oh mehn Lipai kan.+ 3 Mehn Lipai kan koaros me mahki sounpar 30 kohda wadawadedier;+ uwen tohtohn me dierek iei meh 38,000. 4 Sang nanpwungarail meh 24,000 kin papah nin duwen sounapwalih doadoahk en tehnpesen Siohwa, oh meh 6,000 nin duwen kaun oh sounkopwung,+ 5 oh meh 4,000 nin duwen silepen ewen kehl,+ oh meh 4,000 kin kapingahki+ Siohwa mehn keseng kan, me Depit nda “I wiahda mepwukat pwehn kapinga Koht.”

6 Depit eri koasoaneiraildi* ni pwihn kan+ nin duwen kadaudok en nein Lipai pwutak kan: Kerson, Kohad oh Merari.+ 7 Nein Kerson pwutak kan iei Ladan oh Simei. 8 Kadaudok en Ladan kan iei Seheiel me kaun, Sedam oh Soel,+ meh silimen. 9 Nein Simei pwutak kan iei Selomod, Eisiel oh Aran, meh silimen. Iei irail pwukat me wia kaunen peneinei en Ladan. 10 Oh nein Simei pwutak kan iei Sahad, Sina, Sius oh Peraia. Irail meh pahmen pwukat iei nein Simei pwutak. 11 Sahad me kaun oh Saissah me keriemen. Ahpw Sius oh Peraia sohte naineki pwutak tohto, kahrehda ira wiahla wadawad en peneinei ehu me ahnekipene pwukoa ehu.

12 Nein Kohad pwutak kan iei Amram, Isar,+ Ipron oh Ussiel,+ meh pahmen. 13 Nein Amram pwutak kan iei Aaron+ oh Moses.+ Ahpw Aaron oh nah pwutak kan katohrohrla kohkohlahte+ pwe ren papah nan Wasa Sarawiheo, pwe ren kin wiahda meirong mwohn silangin Siohwa, pwe ren papah ih oh pwe ren pakairki kapai kan ni mware ahnsou koaros.+ 14 A duwen Moses ohlen Koht mehlelo, nah pwutak kan kileldi nanpwungen keinek en mehn Lipai kan. 15 Nein Moses pwutak kan iei Kersom+ oh Elieser.+ 16 Sepuel+ me kaunen kadaudok en Kersom kan. 17 Nanpwungen kadaudok en Elieser kan,* Rehapaia+ me kaun; sohte nein Elieser pwutak likin ih, ahpw nein Rehapaia pwutak kan me uhdahn tohto. 18 Selomid+ me kaunen kadaudok en Isar+ kan. 19 Nein Ipron pwutak kan iei Siraia me kaun, Amaraia me keriemen, Sahasiel me kesilimen oh Sekameam+ me kapahmen. 20 Nein Ussiel+ pwutak kan iei Maika me kaun oh Issaia me keriemen.

21 Nein Merari pwutak kan iei Mahli oh Musi.+ Nein Mahli pwutak kan iei Eliesar oh Kis. 22 Eliesar eri mehla, ahpw sohte nah pwutak, ihte serepein kei. Eri nein Kis pwutak ko me wia kisehrail,* ahpw pwoudikihda serepein ko. 23 Nein Musi pwutak kan iei Mahli, Eder oh Seremod, meh silimen.

24 Ih irail pwukat me kadaudok en Lipai kan nin duwen samarail mehn mahs ako oh kaunen peneinei kan. Mehn Lipai kan me mahki sounpar 20 kohda, wadawadedi oh kileldi ni adarail kan ong doadoahk en tehnpesen Siohwa. 25 Pwe Depit nda: “Siohwa, Koht en Israel ketikihongehr sapwellime aramas akan popohl,+ oh e pahn ketiket nan Serusalem kohkohlahte.+ 26 Pil mehn Lipai kan solahr pahn anahne weuwa impwal sarawio de dipwisawi kan koaros me kin kadoadoahk ong kaudok.”+ 27 Pwe duwehte kaimwiseklahn en Depit kehkehliko, mehn Lipai kan me mahki sounpar 20 kohda wadawadedier. 28 Arail pwukoa iei sewese nein Aaron+ pwutak kan ong doadoahk en tehnpesen Siohwa, apwalih wasa kelpeneo,+ perehn mwenge kan, kamwakele soahng sarawi kan koaros oh doadoahk koaros me anahn ong doadoahk en tehnpesen Koht mehlelo. 29 Re kin sewese kaunopada pilawa koasoakoasoak,*+ pilawa amas mwahu ong meirong en krein, pilawa menipinip me sohte doal ihs,+ pankeik, pilawa me doal leh+ oh doadoahk koaros me pid sohngedi uwen toutou oh laud en mehkot. 30 Re kin mi wasao nimenseng koaros+ pwe ren kalahnganki oh kapinga Siohwa oh re pil kin wia soahngohte nin soutik kan.+ 31 Re kin sawas ahnsou koaros me meirong isihs kan kin kohda ong Siohwa ni rahnen Sapad kan,+ maram pwul kan+ oh erein ahnsoun kasarawi kan,+ duwehte me kileldier nan kosonned, oh re kin kaukaule wia met mwohn silangin Siohwa. 32 Re pil kin wia arail doadoahk nan impwal en mihtingo oh nan wasa sarawio. Re pil kin sewese riarail kan, nein Aaron pwutak kan ong doadoahk en tehnpesen Siohwa.

24 Iet duwen kadaudok en Aaron kan ar tohrohrpeseng ni pwihn kan: Nein Aaron pwutak kan iei Nadap, Apihu,+ Eliesar oh Idamar.+ 2 Ahpw, Nadap oh Apihu mehla mwohn ara pahpao,+ oh sohte neira pwutak; ahpw Eliesar+ oh Idamar usehlahte papah nin duwen samworo kei. 3 Depit, iangahki Sadok+ sang kadaudok en Eliesar* oh Ahimelek sang kadaudok en Idamar, katohrepeseng kadaudok en Aaron kan ni pwihn kan ong arail pwukoahn doadoahk kan. 4 Pwehki mie kaun tohto nan kadaudok en Eliesar sang kadaudok en Idamar kan, irail katohreirailpeseng ni uwen tohtohn irail: Nan kadaudok en Eliesar mie kaunen peneinei 16, oh nan kadaudok en Idamar mie kaunen peneinei 8.

5 Oh pil, irail katohrepeseng kadaudok en Eliesar kan oh kadaudok en Idamar kan sang ni usuhs,+ pwehki kaun akan ong wasa sarawio oh kaun akan ong Koht mehlelo kohsang pwihn riau pwukat. 6 Semaia, nein Nedanel, sekteri en mehn Lipai ko eri kilelehdi adarail kan mwohn nanmwarkio, lapalap akan, samworo Sadok,+ Ahimelek+ nein Apaiadar,+ oh kaunen peneinei en samworo kan oh kaunen peneinei en mehn Lipai kan. Ehu peneinei pilipilda sang Eliesar oh ehu peneinei pilipilda sang Idamar.

7 Keieun usuhs kohieng Sehoiarip; keriau kohieng Sedaia, 8 kesiluh kohieng Arim, kapahieu kohieng Seorim, 9 kelimau kohieng Malkaisa, keweneu kohieng Misamin, 10 keisuh kohieng Akkos, kawaluh kohieng Apaisa,+ 11 keduwau kohieng Sesua, kaeisek kohieng Sekanaia, 12 kaeisek ehu kohieng Eliasip, kaeisek riau kohieng Sakim, 13 kaeisek siluh kohieng Uppa, kaeisek pahieu kohieng Sesepeap, 14 kaeisek limau kohieng Pilka, kaeisek weneu kohieng Immer, 15 kaeisek isuh kohieng Esir, kaeisek waluh kohieng Apises, 16 kaeisek duwau kohieng Pedahaia, kerieisek kohieng Seheskel, 17 kerieisek ehu kohieng Sakin, kerieisek riau kohieng Kamul, 18 kerieisek siluh kohieng Delaia, kerieisek pahieu kohieng Maasaia.

19 Ih arail pwukoa kan met+ ni ar pahn kin kohlongodo nan tehnpesen Siohwa, nin duwen koasoandi me samarail mehn mahso Aaron wiahda, duwehte me Siohwa, Koht en Israel ketin kehkehlingkihong.

20 A luhwen mehn Lipai kan: kadaudok en Amram,+ Supael;+ kadaudok en Supael, Sedeia; 21 a duwen Rehapaia:+ kadaudok en Rehapaia kan, Issaia me kaun; 22 kadaudok en Isar kan, Selomod;+ kadaudok en Selomod kan, Sahad; 23 oh kadaudok en Ipron kan, Siraia+ me kaun, Amaraia me keriemen, Sahasiel me kesilimen, Sekameam me kapahmen; 24 kadaudok en Ussiel, Maika; kadaudok en Maika, Samir. 25 Rien Maika iei Issaia; kadaudok en Issaia, Sekaraia.

26 Nein Merari+ pwutak kan iei Mahli oh Musi; nein Saasaia pwutak kan, Pihno. 27 Nanpwungen kadaudok en Merari kan: Saasaia naineki Pihno, Soham, Sakur oh Ipri; 28 nein Mahli Eliesar oh sohte nein Eliesar pwutak;+ 29 nein Kis pwutak kan, Serameel; 30 oh kadaudok en Musi kan iei Mahli, Eder oh Serimod.

Iei irail pwukat me kadaudok en Lipai nin duwen samarail mehn mahs ako. 31 Oh re pil usuhs+ duwehte me riarail ko, iei kadaudok en Aaron ko wia mwohn Nanmwarki Depit, Sadok, Ahimelek oh kaunen peneinei en samworo kan oh kaunen peneinei en mehn Lipai kan. A duwen kaunen peneinei kan, me tikitik kin alehdi soangen wahwohte me laud kin alehdi.

25 Depit oh kaunen pwihnen doadoahk kan katohrehla ekei nein Asap, Eman oh Sedudun+ pwutak kan pwe ren papah Koht oh wia kokohp ni ar doadoahngki arp kan, keseng sahl kan+ oh simpal kan.*+ Eden irail kan me ahneki pwukoa wet iei, 2 sang nein Asap pwutak kan: Sakur, Sosep, Nedanaia oh Asarela. Nein Asap pwutak kan kin mi pahn kaweid en Asap, me kin wia kokohp pahn kaweid en nanmwarkio. 3 Sang nein Sedudun+ pwutak kan: Kedalaia, Sirai, Sesaia, Simei, Asapaia oh Mattidaia,+ meh wenemen, oh re kin mi pahn kaweid en ar pahpa Sedudun, me kin wia kokohp ni eh kesengki arp oh kin kalahnganki oh kapinga Siohwa.+ 4 Sang nein Eman+ pwutak kan: Pukkaia, Madanaia, Ussiel, Sepuel, Serimod, Ananaiah, Ananai, Elaiada, Kiddalti, Romamti-eser, Sospekasa, Mallodi, Odir oh Maasiod. 5 Irail pwukat koaros nein Eman, me kin kasalehiong nanmwarkio kaudiahl kan me pid rohng kan sang Koht mehlelo pwehn kawauwih Koht;* Koht mehlelo eri ketikihong Eman pwutak 14 oh serepein 3. 6 Irail pwukat koaros kin mi pahn kaweid en ar pahpa pwe ren koul nan tehnpesen Siohwa ni ar kesengki simpal kan,* keseng sahl kan oh arp kan+ ong doadoahk en tehnpesen Koht mehlelo.

Asap, Sedudun oh Eman kin mi pahn kaweid en nanmwarkio.

7 Irail oh riarail kan—koaros patpene meh 288—sounkoul koahiek kei me kaiahnda en kouliong Siohwa. 8 Irail eri usuhski+ arail pwukoa kan, me pwulopwul oh me mah kan, me koahiek iangahki me suksukuhl.

9 Keieun usuhs kohieng Sosep+ nein Asap pwutak, keriau kohieng Kedalaia+ (ih oh kiseh kan oh nah pwutak kan meh 12); 10 kesiluh kohieng Sakur,+ nah pwutak kan oh kiseh kan, meh 12; 11 kapahieu kohieng Isra, nah pwutak kan oh kiseh kan, meh 12; 12 kelimau kohieng Nedanaia,+ nah pwutak kan oh kiseh kan, meh 12; 13 keweneu kohieng Pukkaia, nah pwutak kan oh kiseh kan, meh 12; 14 keisuh kohieng Sesarela, nah pwutak kan oh kiseh kan, meh 12; 15 kawaluh kohieng Sesaia, nah pwutak kan oh kiseh kan, meh 12; 16 keduwau kohieng Madanaia, nah pwutak kan oh kiseh kan, meh 12; 17 kaeisek kohieng Simei, nah pwutak kan oh kiseh kan, meh 12; 18 kaeisek ehu kohieng Asarel, nah pwutak kan oh kiseh kan, meh 12; 19 kaeisek riau kohieng Asapaia, nah pwutak kan oh kiseh kan, meh 12; 20 kaeisek siluh kohieng Supael,+ nah pwutak kan oh kiseh kan, meh 12; 21 kaeisek pahieu kohieng Mattidaia, nah pwutak kan oh kiseh kan, meh 12; 22 kaeisek limau kohieng Seremod, nah pwutak kan oh kiseh kan, meh 12; 23 kaeisek weneu kohieng Ananaiah, nah pwutak kan oh kiseh kan, meh 12; 24 kaeisek isuh kohieng Sospekasa, nah pwutak kan oh kiseh kan, meh 12; 25 kaeisek waluh kohieng Ananai, nah pwutak kan oh kiseh kan, meh 12; 26 kaeisek duwau kohieng Mallodi, nah pwutak kan oh kiseh kan, meh 12; 27 kerieisek kohieng Elaiada, nah pwutak kan oh kiseh kan, meh 12; 28 kerieisek ehu kohieng Odir, nah pwutak kan oh kiseh kan, meh 12; 29 kerieisek riau kohieng Kiddalti,+ nah pwutak kan oh kiseh kan, meh 12; 30 kerieisek siluh kohieng Maasiod,+ nah pwutak kan oh kiseh kan, meh 12; 31 kerieisek pahieu kohieng Romamti-eser,+ nah pwutak kan oh kiseh kan, meh 12.

26 Pwihn en silepen ewen kehl kan+ kileldi nin duwen met: kadaudok en Kora kan, Meselemaia+ nein Kore kadaudok en Asap. 2 Oh Meselemaia naineki pwutak kan: Sekaraia me mesenih, Sediael me keriemen, Sepadaia me kesilimen, Sadniel me kapahmen, 3 Elam me kelimmen, Sehohanan me kewenemen, Eliehoenai me keisimen. 4 Oh Oped-edom naineki pwutak kan: Semaia me mesenih, Sehosapad me keriemen, Soha me kesilimen, Sakar me kapahmen, Nedanel me kelimmen, 5 Ammiel me kewenemen, Isakar me keisimen, oh Peulledai me kawelimen; pwe Koht ketin kapaiahda ih.

6 Oh sang nah pwutak Semaia, mie pwutak kan me ipwidi oh wiahla kaunen peneinei kan, pwehki irail aramas kehlail oh koahiek kei. 7 Nein Semaia pwutak kan: Odni, Repael, Oped oh Elsapad; oh kisehn Elsapad ko Elihu oh Semakaia pil wia aramas koahiek kei. 8 Irail pwukat koaros wia kadaudok en Oped-edom; irail oh neirail pwutak oh kisehrail kan wia aramas koahiek oh warohng doadoahko, peneinei en Oped-edom meh 62. 9 Oh Meselemaia+ naineki pwutak kan oh mie kiseh kan, aramas koahiek 18. 10 Oh Osa nein Merari pil naineki pwutak kan. Simrai me kaun, mendahki kaidehn ih me mesenih, eh pahpao idihada ih nin duwen kaun, 11 Ilkaia me keriemen, Tepalaia me kesilimen, Sekaraia me kapahmen. Nein Osa pwutak kan oh kiseh kan koaros patpene meh 13.

12 Nan pwihn en silepen ewen kehl pwukat, kaun akan ahneki pwukoa duwehte me kisehrail ko ahneki, en papah ni tehnpesen Siohwa. 13 Sohte lipilipil ma peneinei tikitik de laud, irail usuhski+ ehuehu ewen kehl ko. 14 Usuhs ong palimese pwupwudiong Selemaia. Irail eri usuhski nah pwutako Sekaraia, sounkaweid loalokong men, oh eh usuhso kohdiong paliepeng. 15 En Oped-edom usuhso kohdiong palieir, oh nah pwutak kan+ alehdi pwukoa ong imwen nahk kan. 16 En Suppim oh Osa+ usuhso kohdiong palikapi, karanih Ewen Kehl Salleked limwahn ahl ukadao, pwihn en silasil kan mi pali koaros; 17 ehuehu rahn mehn Lipai wenemen kin mi palimese; meh pahmen paliepeng, meh pahmen palieir; oh ni imwen nahk kan,+ sounsilasil riemen kin mi limwahn sounsilasil riemen; 18 a palangk me mi ni palikapi, meh pahmen kin mi pohn ahlo+ oh meh riemen ni palangko. 19 Ih pwihn pwukat me wia silepen ewen kehl kan sang kadaudok en Kora oh Merari kan.

20 A duwen mehn Lipai kan, Ahisa me kin apwalih wasahn nahk dipwisou kesempwal kan en Koht mehlelo oh wasahn nahk dipwisou kan me kasarawihla.*+ 21 Kadaudok en Ladan kan: kadaudok en Kerson kan me kohsang Ladan, Sehiel+ iei emen kaunen peneinei kan me kohsang Ladan mehn Kerson 22 oh nein Sehiel pwutak kan iei Sedam oh rie Soel. Re kin apwalih wasahn nahk dipwisou kesempwal kan en tehnpesen Siohwa.+ 23 Sang mehn Amram kan, mehn Isar kan, mehn Ipron kan oh mehn Ussiel kan,+ 24 Sepuel nein Kersom nein Moses pwutak me wia kaun me kin apwalih imwen nahk kan. 25 A duwen kisehn Sepuel ko, kadaudok en Elieser+ kan iei Rehapaia,+ Sesaia, Soram, Sikri oh Selomod. 26 Selomod menet oh rie kan me kin apwalih wasahn nahk koaros,+ nan wasa me dipwisou kan me Nanmwarki Depit,+ kaunen peneinei kan,+ kaunen meh kid kan oh kaunen meh epwiki kan oh kaunen sounpei kan kasarawihala. 27 Re kasarawihala ekei dipwisou lohdi kan+ sang mahwen+ pwe ren doadoahngki ong apwalih tehnpesen Siohwa; 28 oh pil, soahng kan koaros me sounkilang kaudiahl+ Samuel, Sohl nein Kis, Apner+ nein Ner oh Sohap+ nein Seruaia+ kasarawihala. Mehkoaros me aramas kasarawihala kin kohdi pahn epwelpen Selomid oh rie kan.

29 A duwen mehn Isar kan,+ Kenanaia oh nah pwutak kan idihdida ren apwalih doadoahk teikan likin tehnpesen Koht nin duwen sounapwalih oh sounkopwung+ en Israel.

30 A duwen mehn Ipron kan,+ Asapaia oh kiseh kan, aramas koahiek 1,700, me kin tetehk mwekid en Israel nan sahpw me mi palikapi en Sordan ong doadoahk koaros en Siohwa oh papah nanmwarkio. 31 A duwen mehn Ipron kan, nanpwungen kadaudok en peneinei en Ipron, Seraisa+ me kaun. Ni kapahisek en sounpar en kaundahn Depit,+ repen aramas ahpw wiawi nanpwungen mehn Ipron kan, oh aramas kehlail oh koahiek ahpw dierekda nan Saser+ nan Kilead. 32 Oh kisehn Seraisa aramas koahiek kan meh 2,700, kaunen peneinei kei. Nanmwarki Depit eri idihirailda ren apwalih mehn Reupen kan, mehn Kad kan oh elep keinek en Manase, ong soahng koaros me pid Koht mehlelo oh nanmwarkio.

27 Iet uwen tohtohn mehn Israel kan, kaunen peneinei kan, kaunen meh kid kan oh kaunen meh epwiki kan,+ oh kaun akan me kin papah nanmwarki+ ni ar apwalih mehkoaros me pidada pwihn akan me kin weliali* nan ehuehu sounpwong erein sounpar ehu; aramas 24,000 mi nan ehuehu pwihn.

2 Sasopeam+ nein Sapdiel me kin kaun keieun pwihn me kin doadoahk ni keieun sounpwong oh aramas 24,000 mi nan eh pwihn. 3 Ih emen kadaudok en Peres.+ Ih me kaunen kaun akan koaros nan pwihn akan me idihdida ren papah ni keieun sounpwong. 4 Dodai+ mehn Ahoi+ me kin kaun pwihn me kin doadoahk ni keriaun sounpwong, oh Miklod me keriemen en kaun, oh aramas 24,000 mi nan eh pwihn. 5 Penaia+ nein Sehoiada+ kaunen samworo, me kin kaun kesiluhwen pwihn me idihdida ren papah nan erein kesiluhwen sounpwong, oh aramas 24,000 mi nan eh pwihn. 6 Penaia menet iei emen kisehn sounpei kehlail siliakano oh ih me kin apwalih meh siliakano oh nah pwutak Amissapad me kin apwalih eh pwihn. 7 Asahel+ rien Sohap+ me kapahmen en kaun ong kapahieun sounpwong, oh nah pwutak Sepadaia me wiliandi ih, oh aramas 24,000 mi nan eh pwihn. 8 Samud mehn Israhaia me kelimmen en kaun ong kelimaun sounpwong, oh aramas 24,000 mi nan eh pwihn. 9 Aira+ nein Ikkes mehn Tekoa+ me kewenemen en kaun ong keweneun sounpwong, oh aramas 24,000 mi nan eh pwihn. 10 Eles+ mehn Pelon kadaudok en Epraim me keisimen en kaun ong keisuhwen sounpwong, oh aramas 24,000 mi nan eh pwihn. 11 Sippekai+ mehn Usa kadaudok en Sera+ me kawelimen en kaun ong kawaluhn sounpwong, oh aramas 24,000 mi nan eh pwihn. 12 Apieser+ mehn Anadod+ kadaudok en Pensamin me keduwemen en kaun ong keduwaun sounpwong, oh aramas 24,000 mi nan eh pwihn. 13 Maharai+ mehn Netopa kadaudok en Sera+ me kaeisek en kaun ong kaeisek en sounpwong, oh aramas 24,000 mi nan eh pwihn. 14 Penaia+ mehn Piradon kadaudok en Epraim me kaeisek ehun kaun ong kaeisek ehun sounpwong, oh aramas 24,000 mi nan eh pwihn. 15 Eldai mehn Netopa kadaudok en Odniel me kaeisek riaun kaun ong kaeisek riaun sounpwong, oh aramas 24,000 mi nan eh pwihn.

16 Iet kaunen keinek en Israel kan: keinek en Reupen, Elieser nein Sikri me kaun; keinek en Simion, Sepataia nein Maaka; 17 keinek en Lipai, Asapaia nein Kemuel; kadaudok en Aaron, Sadok; 18 keinek en Suda, Elihu,+ emen rien Depit; keinek en Isakar, Omri nein Maikel; 19 keinek en Sepulon, Ismaia nein Opadaia; keinek en Napdali, Serimod nein Asriel; 20 keinek en Epraim, Osea nein Asasaia; elep keinek en Manase, Soel nein Pedaia; 21 elep keinek en Manase nan Kilead, Iddo nein Sekaraia; keinek en Pensamin, Saasiel nein Apner;+ 22 keinek en Dan, Asarel nein Seroham. Ih irail pwukat me lapalap en keinek en Israel.

23 Depit sohte wadekedi irail kan me mahki sounpar 20 kohdi, pwehki Siohwa ketin inoukihda en wiahiong Israel en tohtohla duwehte usuhn nanleng.+ 24 Sohap nein Seruaia eri tepida wadawad, ahpw e sohte kanekehla; oh sapwellimen Koht engieng ahpw kohwong Israel* pwehki met,+ oh uwen tohto me wadawadedi ko sohte ntingdi nan pwuhken poadopoad en Nanmwarki Depit.

25 Asmaped nein Adiel me kin apwalih en nanmwarki wasahn nahk dipwisou kesempwal kan.+ Sonadan nein Usaia me kin apwalih imwen nahk kan* me mi nan mohs kan, nan kahnimw kan, nan kisin kahnimw kan oh nan imwen doulik kan. 26 Esri nein Kilep me kin apwalih tohndoadoahk kan me kin koadoahke mwahto. 27 Simei mehn Rama me kin apwalih mwetin kreip kan; Sapdi mehn Sipmod me kin apwalih wasa me kin nekidala wain kan. 28 Paal-anan mehn Kider me kin apwalih mwetin olip kan oh tuhke sikamor* kan+ nan Sepihla;+ Sohas me kin apwalih wasa me kin nekidala leh kan. 29 Sitrai mehn Saron+ me kin apwalih pelin kou kan me kin mwengemwenge nan Saron, oh Sapad nein Adlai me kin apwalih pelin kou kan nan wasa patapat en wahu* kan. 30 Opil mehn Ismael me kin apwalih kamel kan; Sedeia mehn Meronod me kin apwalih dongki* kan. 31 Sasis mehn Akar me kin apwalih pelin sihpw oh kuht kan. Irail pwukat koaros kaun kei me kin apwalih en Nanmwarki Depit kepwe kan.

32 Sonadan,+ nein rien Depit, wia sounkaweid men, ohl emen me ahneki dehde mwahu oh wia sekteri men, oh Seheiel nein Akmoni me kin apwalih nein nanmwarkio pwutak kan.+ 33 Ahidopel+ me sounkaweid ong nanmwarkio, oh Usai+ mehn Ark me wia kompoakepahn* nanmwarkio. 34 Mwurin Ahidopel, Sehoiada nein Penaia,+ oh pil Apaiadar+ wiliandi ih; oh Sohap+ me wia kaunen nein nanmwarkio karis en sounpei kan.

28 Depit eri kapokonepene lapalap koaros en Israel nan Serusalem: kaunen keinek kan, kaunen pwihn kan+ me kin papah nanmwarkio, kaunen meh kid kan oh kaunen meh epwiki kan,+ kaun akan me kin apwalih kepwe oh mahn koaros me nanmwarkio+ oh nah pwutak kan naineki,+ iangahki lapalap akan en tehnpaso oh aramas kehlail oh koahiek koaros.+ 2 Nanmwarki Depit eri kesihnenda oh nda:

“Riei ko oh nei aramas akan, kumwail rong ie. I kin inengieng nan ei mohngiong en kauwada tehnpas ehu nin duwen wasahn kommoal ong kohpwahn inou lap en Siohwa oh nin duwen utupen aluweluwen atail Koht,+ oh I kaunopadahr mehn kauwada.+ 3 Ahpw Koht mehlelo ketin mahsanihong ie, ‘Ke sohte pahn kauwada tehnpas ehu ong mwarei,+ pwe kowe sounpei men oh ke kakeredier nta.’+ 4 Ahpw, Siohwa, Koht en Israel ketin piliehda sang peneinei en semei pwon pwe I en wiahla nanmwarkien Israel kohkohlahte,+ pwe e ketin pilada Suda nin duwen kaun oh sang peneinei en Suda,+ e ketin pilada peneinei en semeio,+ oh nanpwungen nein semeio pwutak kan, ngehi me e ketin kupwurki en wiahkihla nanmwarkien Israel pwon.+ 5 Oh Siohwa ketikihongieier pwutak tohto,+ oh nanpwungen nei pwutak kan koaros, e ketin pilada nei pwutak Solomon+ en mwohd nan mwoalen Siohwa oh kaunda Israel.+

6 “E ketin mahsanihong ie, ‘Noumw pwutak Solomon me pahn kauwada tehnpesei oh ei wasa kelpene kan, pwe I piladahr ih en wia nei pwutak oh I pahn wiahla seme.+ 7 I pahn katengehdi eh manaman en nanmwarki kohkohlahte+ ma e koasoanehdi teng en peikiong ei kehkehlik kan oh ei kosonned kan,+ duwehte me e kin wiewia ahnsou wet.’ 8 Eri I pahn nda mwohn mesen Israel pwon, sapwellimen Siohwa mwomwohdiso oh mwohn silangin atail Koht: Kumwail kapwaiada oh rapahki ni keneinei kehkehlik kan koaros en Siohwa amwail Koht, pwe kumwail en sapwenikihla sahpw mwahwo+ oh kadakadaur ong noumwail pwutak kan nin duwen sohso poatopoat ehu.

9 “A kowe, nei pwutak Solomon, esehla Koht en semomwo oh papah ih ni mohngiong unsek*+ oh mohngiong* peren, pwe Siohwa kin ketin tetehk mohngiong koaros,+ oh e kin ketin dehdehki ineng en madamadau koaros.+ Ma ke pahn rapahki ih, ke pahn diar ih,+ ahpw ma ke pahn kohkohsang ih, e pahn ketin soikuhkala kohkohlahte.+ 10 Eri, kilang pwe Siohwa ketin piluhkadahr ken kauwada tehnpas ehu nin duwen wasa sarawi ehu. Kommwad oh tepida doadoahk.”

11 Depit eri kihong nah pwutako Solomon pilahn en kauwada+ palangko+ oh pere kan, wasahn nahk kan, perehn powe kan, perehn masloale kan oh ihmw* en tomwo.+ 12 E kihong ih pilahn en kauwada soahng koaros me kasansalohng ih sang ngehn sarawi,* ong wasa kelpene kan+ en tehnpesen Siohwa, ong perehn mwenge kan koaros me kapilpene, ong wasahn nahk dipwisou kesempwal kan en tehnpesen Koht mehlelo oh ong wasahn nahk dipwisou kan me kasarawihla.*+ 13 Oh Depit pil kihong ih kaweid me pid pwihnen samworo kan+ oh mehn Lipai kan, ong pwukoa koaros me pid doadoahk en tehnpesen Siohwa oh ong dipwisou koaros me kin kadoadoahk ong papah nan tehnpesen Siohwa; 14 E koasoanehdi uwen toutoun kohl kan, kohl ong dipwisou koaros ong soangsoangen doadoahk kan, uwen toutoun dipwisou silper koaros ong soangsoangen doadoahk kan; 15 oh pil uwen toutoun soangsoangen dewen lamp kohl kan+ oh lamp kan oh uwen toutoun soangsoangen dewen lamp silper kan oh lamp kan; 16 oh pil uwen toutoun kohl ong tehpel en pilawa koasoakoasoak* kan,+ ong ehuehu tehpel oh pil uwen toutoun silper ong tehpel silper kan, 17 oh pil kohl tohr ong pwohk kan, pwohl kan oh sah kan, oh uwen toutoun ehuehu pwohl kohl tikitik,+ oh uwen toutoun ehuehu pwohl silper tikitik. 18 E pil koasoanehdi uwen toutoun kohl mwakelekel ong pei sarawi en isik warpwohmwahu+ oh ong kurumahn karasaraso,+ me iei, kerup+ kohl ko me kapapeseng ara pehnpihr kan oh pwaindi kohpwahn inou lap en Siohwa. 19 Depit nda: “Limen Siohwa mi pohi, oh e ketikihong ie dehde mwahu pwe I en ntingihedi+ oaritik koaros duwen pilahn en kauwada tehnpaso.”+

20 Depit eri ndaiong nah pwutak Solomon: “Kommwad oh kehlail oh tepida doadoahk. Ke dehr perki de masak, pwe Siohwa Koht, ei Koht, ketin ieiang uhk.+ E sohte pahn ketin mweisang uhk de keseiukala,+ ahpw e pahn ketin ieiang uhk lao doadoahk koaros ong tehnpesen Siohwa imwisekla. 21 Iet pwihnen samworo kan+ oh mehn Lipai kan+ ong doadoahk koaros en tehnpesen Koht mehlelo. Mie noumw tohndoadoahk koahiek kan me men seweseiuk nan doadoahk koaros,+ oh pil lapalap akan+ oh aramas koaros me pahn kapwaiada omw kaweid kan koaros.”

29 Nanmwarki Depit eri ndaiong mwomwohdiso pwon: “Nei pwutak Solomon, me Koht ketin piladahr,+ me pwulopwul oh soakoahiek,*+ oh doadoahk wet me laud, pwe met kaidehn tehnpas sarawi ong aramas ahpw ong Siohwa Koht.+ 2 I wiadahr uwen me I kak pwe I en kaunopada tehnpesen ei Koht, I kaunopada kohl ong soahng kan me kin wiawihkihda kohl, silper ong soahng kan me kin wiawihkihda silper, prons ong soahng kan me kin wiawihkihda prons, mete ong soahng kan me kin wiawihkihda mete,+ tuhke+ ong soahng kan me kin wiawihkihda tuhke, takai oniks kan oh takai mehn kapwat, kisin takai me soangsoangen poh ong kapwat, soangsoangen takai kesempwal kan oh takai alapaster tohto. 3 Oh pil, pwehki ei perenkihda tehnpesen ei Koht,+ pil mie pein nei+ kohl oh silper me I pahn kihda ong tehnpesen ei Koht, patehng mehkoaros me I kaunopadahr ong tehnpas sarawio, 4 iangahki kohl dalend* 3,000 sang Opir+ oh silper mwakelekel dalend 7,000, mehn kidimala dihd en ihmw kan, 5 kohl ong soahng kan me kin wiawihkihda kohl oh silper ong soahng kan me kin wiawihkihda silper, oh ong doadoahk koaros me tohndoadoahk saman kan pahn wia. Eri ihs me inengieng patohwanohng Siohwa kisakis rahnwet?”+

6 Kaunen peneinei kan, kaunen keinek en Israel kan, kaunen meh kid kan oh kaunen meh epwiki kan+ oh kaunen doadoahk kan en nanmwarkio+ ahpw inengieng kohla mwowe. 7 Oh re kihda kohl dalend 5,000, darik* 10,000, silper dalend 10,000, prons dalend 18,000 oh mete dalend 100,000 ong doadoahk en tehnpesen Koht mehlelo. 8 Koaros me naineki takai kesempwal kan ahpw kihla nan wasahn nahk dipwisou kesempwal en tehnpesen Siohwa, wasa me Seheiel+ mehn Kerson+ kin apwalih. 9 Aramas ako ahpw perenkihda ar wiahda meirong pwukat me re nsenki kihda, pwe re patohwanohng Siohwa meirong pwukat ni mohngiong unsek,+ oh nanmwarki Depit pil perenkihda kowahlap.

10 Depit eri kapinga Siohwa mwohn mesen mwomwohdiso pwon. Depit eri patohwan: “Maing Siohwa, Koht en at pahpa Israel, kaping en kohwong komwi kohkohlahte. 11 Maing Siohwa, komwi me lapalahpie+ oh roson+ oh kaselel oh lingan oh wahu,+ pwe mehkoaros nanleng oh nin sampah iei sapwellimomwi.+ Maing Siohwa, komwi me sapwellimanki wehio.+ Komwi me ketin kasapwilkomwihda pohn mehkoaros. 12 Kepwe kan oh lingan kin pwilisang rehmwi,+ oh komwi kin ketin kaunda mehkoaros,+ oh nin limomwi mie manaman+ oh kehl,+ oh limomwi kak kahrehiong koaros en lapalapala+ oh kehlailla.+ 13 Eri, Maing at Koht, met se kapingkalahngan ong komwi oh kapinga mwaromwi lingan.

14 “Ahpw, ihs ngehi oh ihs nei aramas akan pwe sen wia meirong pwukat me se nsenki wiahda? Pwehki mehkoaros pwilisang rehmwi, oh se patohwanohng komwi dahme kohsang nin limomwi. 15 Pwe mwohn silangomwi kiht mehn liki kei me kousoanla sahpwet oh aramas ekei me keseudo sahpwet, duwehte samat mehn mahs ako koaros.+ Pwe at rahn akan nin sampah rasehng mwete ehu+—sohte koapworopwor. 16 Maing Siohwa at Koht, kepwe pwukat koaros me se kaunopada pwe sen kauwada tehnpas ehu ong mwaromwi sarawi pwilisang nin limomwi, oh komwi me sapwellimanki mepwukat koaros. 17 Maing at Koht, I patohwan ese me komw kin ketin kasawih mohngiong+ oh kin kupwurperenki loalopwoat.*+ I pein nsenki patohwanda mepwukat koaros sang mehlel* en ei mohngiong, oh I uhdahn perenkihda kilang sapwellimomwi aramas akan me mi wasaht ar patohwanohng komwi meirong kan sang ni pein nsenarail. 18 Maing Siohwa, Koht en samat mehn mahs ako, Eipraam, Aisek oh Israel, komw ketin sewese aramas pwukat ren kolokolete soangen madamadau oh ineng wet oh ren papah komwi ni mohngiong unsek.+ 19 Oh komw ketikihong nei pwutak Solomon mohngiong unsek,*+ pwe en kak kapwaiada sapwellimomwi kehkehlik kan,+ mehn kataman kan oh koasoandi kan oh wiahda mepwukat koaros oh kaukihda tehnpas sarawio dipwisou kan me I kaunopadahr.”+

20 Depit eri ndaiong mwomwohdiso pwon: “Kumwail kapinga Siohwa amwail Koht.” Mwomwohdiso pwon eri kapinga Siohwa Koht en samarail mehn mahs ako oh kelepwikihdi oh lukupoardiong Siohwa oh nanmwarkio. 21 Oh mandahn rahno, re pousehlahte patohwanohng Siohwa meirong kan oh patohwanohng Siohwa meirong isihs kan,+ koupwul wol 1,000, sihpw wol 1,000, sihmpwul wol 1,000 oh arail meirong en wain kan;+ irail wiahda meirong tohto ong Israel pwon.+ 22 Rahno re pousehlahte mwengemwenge oh niminim ni peren laud mwohn silangin Siohwa,+ oh keriapak en ar kalohkihda Solomon nein Depit eh wiahla nanmwarki oh keiehdi ih mwohn silangin Siohwa nin duwen kaun+ oh pil Sadok nin duwen samworo.+ 23 Solomon eri wiliandi seme Depit oh mwohndi nan mwoalen Siohwa+ nin duwen nanmwarki, oh e kin pweida oh mehn Israel koaros kin peikiong ih. 24 Lapalap koaros,+ sounpei kehlail kan,+ oh pil nein Nanmwarki Depit pwutak kan koaros+ ahpw uhpahiong nanmwarki Solomon. 25 Oh Siohwa ketin kahrehiong Israel pwon en wauneki mehlel Solomon oh kasapwilada ih en lapalapasang nanmwarkien Israel teikan me momour mwowe.+

26 Depit nein Sehsi kaunda Israel pwon, 27 oh uwen reirei* me e kakaunki Israel iei sounpar 40. Nan Ipron e kakaunki sounpar 7+ oh nan Serusalem e kakaunki sounpar 33.+ 28 Oh e mehla mwurin eh momour werei,+ oh e nsenamwahuki mour werei,* kepwe oh lingan; oh nah pwutak Solomon wiliandi ih wiahla nanmwarki.+ 29 A duwen poadopoad en Nanmwarki Depit, sang ni tapi lel ni imwi, e dierek nan nting kan me Samuel sounkilang kaudiahlo, soukohp Nadan+ oh Kahd+ sounkilang kaudiahlo ntingihedi. 30 Nting pwukat koasoia duwen eh kaunda, eh kehlail oh soahng kan me wiawihong ih oh Israel oh wehi koaros me kapilpene.