LEPIN PADAHK KAN
1 Lepin padahk en Solomon,+ nanmwarkien Israel,+ nein Depit pwutak:+
2 Lepin padahk pwukat kin kapwunguhkala* oh kaloalokongeiukala;+
Oh re kin seweseiuk en wehwehki mahsen erpit kan;
3 Pwe ken alehdi kaiahn+ me pahn kihong uhk dehde mwahu,
Pwung,+ pilipil mwahu,*+ oh pwung pahrek;
4 Pwehn kaloalokongihala+ me soakoahiek;
Pwehn padahkihong mwahnakapw men loalokong oh koahiek en madamadau.+
5 Aramas loalokong men kin rong oh alehdi kaweid tohto;+
Aramas emen me ahneki dehde mwahu kin alehda kaweid erpit+
6 Pwehn wehwehki lepin padahk oh mahsen* apwal,
En aramas loalokong lokaia kan oh kahk kan.+
7 Lemmwiki* Siohwa iei tepin loalokong.+
Aramas pweipweite me kin mwamwahliki erpit oh kaiahn.+
10 Samwa, ma me dipan akan song kasongeiuk, dehr dukula pahrail.+
11 Ma irail nda: “Kohdo iang kiht.
Kitail rapahki ahnsou mwahu en kakerehdi nta.
Kitail pahn rukula oh peiong aramas soh dipe kan, ongete mehn kaperen.
12 Kitail pahn kadalleirailla ni ar momourte duwehte Sousou.*
Kadalleirailla douluhl duwehte irail akan me pahn kohdihla nan pwoahr.
13 Kitail pahn adihasang ar kepwe kesempwal kan koaros;
Kitail pahn kadirehkihla imwatail kan dipwisou lohdi kan.
15 Samwa, dehr idawehn irail.
Ke dehr keid nan alarail kan,+
16 Pwe nehrail kan kin tengetenge wia me suwed;
Re kin karkaruwaru en kolahng kakerehdi nta.+
17 Sohte katepen kihpeseng uhk pwoat wasa me menpihr men kin kilikilengdo.
18 Ihme kahrehda mepwukat kin wonohn rukuruk pwe ren kakerehdi nta;
Re kin wonohn rukuruk pwe ren kihsang mouren* meteikan.
19 Ih wiewia pwukat me irail kan me kin rapahki mwohni ni ahl mwersuwed kin wia,
20 Erpit mehlel+ kin liklikwer ni ngihl laud nanialo.+
E kin kalakalaudehla ngile nan wasahn tuhpene kan.+
21 E kin liklikwer ni keimwen* nanial katairong kan.
Ni ewen kelen kahnimw kan, e kin ndinda:+
22 “Kumwail me soakoahiek kan, ia erein amwail pahn kin perenki amwail soakoahiek?
Kumwail sounkepit kan, ia erein amwail pahn kin perenki kepit?
Oh kumwail me pweipwei kan, ia erein amwail pahn kailongki loalokong?+
23 Kumwail mwekidki ei peneu.*+
24 Pwehki I kin ekehker kumwail, ahpw kumwail kin kahng rong,
I kin kapahwei pehiet, ahpw sohte me kin tetehk,+
25 Kumwail kin pohnsehsehla ei kaweid koaros
Oh soikala ei peneu,
26 I pil pahn kouruhrkin kumwail ni kahpwal eh lelohng kumwail;
I pahn kapailokei kumwail ni dahme kumwail masak eh leledo,+
27 Ni dahme kumwail masak eh leledo duwehte melimel ehu,
Oh ni kahpwal eh leledo duwehte kisinieng en melimel ehu,
Ni ahnsou me lokolok oh apwal lelohng kumwail.
28 Ni ahnsowo, re pahn kin likweriong ie, ahpw I sohte pahn sapeng;
Re pahn tihwohkihla ar rapahkin ie, ahpw re sohte pahn diar ie,+
29 Pwehki re kailongki loalokong,+
Oh re kahng kasalehda me re lemmwiki Siohwa.+
30 Re kahng alehda ei kaweid;
Re mwamwahliki ei peneu koaros.
32 Pwe ketihwo en me soakoahiek pahn kemeirailla,
Oh seukautih en me pweipwei kan pahn kamwomwirailla.
33 Ahpw mehmen me pahn rong ie pahn momour ni eh sohte perki mehkot+
Oh e sohte pahn pwunod pwehki eh masak kahpwal.”+
2 Samwa, ma ke alehdi ei mahsen kan
Oh nahkpene ei kehkehlik kan duwehte dipwisou kesempwal,+
2 Sang ni omw rong kanahieng erpit+
Oh ritingada omw mohngiong en dehdehkihla mwahu;+
3 Oh pil, ma ke peki ken ahneki koahiek en wehwehki+
Oh peki ken ahneki dehde mwahu;+
4 Ma ke pousehlahte raparapahki met duwehte silper,+
Oh ke pousehlahte raparapahki met duwehte dipwisou kesempwal kan me ekiekla;+
5 Eri ke pahn wehwehkihla dahkot lemmwiki Siohwa,+
Oh ke pahn diar loalokong me pid duwen Koht.+
6 Pwe pein Siohwa me kin ketikihda erpit;+
Loalokong oh koahiek en dehdehki kin pwilisang nan doauese.
7 E kin ketin nahkpene erpit mehlel ong me pwung;
E ketin wia mehn sansar ehu ong irail akan me kin weweid ni loalopwoat.+
8 E kin ketin mwasamwasahn elen pwung pahrek,
Oh e pahn ketin sinsile elen irail kan me kin loalopwoatohng ih.+
9 Eri ke pahn wehwehkihla dahkot pwung, mehlel oh pwung pahrek,
Elen wiewia mwahu koaros.+
10 Ni omw kin alehda erpit nan omw mohngiong+
Oh loalokong kin kansenamwahwihiuk,+
11 Koahiek en madamadau pahn sinsileiuk,+
Oh koahiek en dehdehki pahn pereiuk,
12 Pwehn doareiukasang ahl suwed,
Sang aramas me kin koasoia soahng suwed kan,+
13 Sang irail akan me kin kesehla elen pwung
Pwehn weweid nan elen rotorot,+
14 Sang irail akan me kin perenki wiewia suwed,
Me kin perenki tiahk suwed kan,
15 Me alarail kan kin pirek
Oh elen ar mour pwon kin widing.
16 Met pahn doareiukasang lih suwed* men,
Sang en lih me kin wia tiahk samin* eh lokaia widing kan,*+
17 Me kin kesehla eh pwoud* me kin mihmi reh sangete ni eh pwulopwul+
Oh kin manokehla inou lap en eh Koht;
18 Pwe imweo kin kohkohdilahng mehla,
Oh ele kan kin kohkolahng me melahr akan me sohte ar kehl.+
20 Eri idawehn elen aramas mwahu
Oh mihmihte nan ahl en me pwung kan,+
21 Pwe me pwung kante me pahn kousoan nin sampah,
3 Samwa, dehr manokehla dahme I kin padahkihwei,*
Oh kapwaiada* ei kehkehlik kan ni keneinei,
2 Pwehki re pahn katohtohwehla omw rahn akan
Oh omw sounpar kan oh omw popohl.+
3 Ke dehr mweidohng limpoak loalopwoat oh lelepek* en kohkohsang uhk.+
Pirehiong mepwukat ni tepinweromw;
Ntingihedi mepwukat nan mohngiongomw;+
4 Ke ahpw pahn diar kupwuramwahu oh dehde mwahu
Mwohn silangin Koht oh aramas.+
7 Ke dehr medewe me ke wia aramas loalokong men.+
Lemmwiki Siohwa oh sohpeisang me suwed.
8 Met pahn duwehte wini ehu me kin kamwahwihala paliweromw*
Oh kin kakehlakahda omw tih kan.
9 Wauneki Siohwa ni omw patohwanohng ih omw soahng kesempwal kan,+
Tepin wahnsahpw kan* sang wahn sapwomw* kan koaros;+
10 Omw imwen nahk kan ahpw pahn direkihla douluhl soahng mwahu kan,+
Oh omw wasahn tiak kreip kan pahn wuduwudengkihla wain kapw.
12 Pwe Siohwa kin ketin panawih irail akan me e kin ketin poakohng,+
Duwehte pahpa men eh kin panawih nah pwutak me e kin poakohng.+
13 Meid peren aramas me kin diar erpit+
Oh aramas me kin ahneki dehde mwahu;
14 Alehdi erpit mwahusang alehdi silper,
Oh ahneki erpit katep laudsang naineki kohl.+
15 Erpit kesempwal sang rahr* kaselel;
Sohte mehkot me ke mwahuki kak pahrekiong met.
16 Mour werei kin mi ni peh palimaun;
Kepwehpwe oh lingan kin mi ni peh palimeing.
17 Ele kan kin kansenamwahu,
Oh eh ahl akan koaros kin mie popohl.+
18 Erpit iei tuhkehn mour ehu ong irail akan me kin kolokol,
Oh meteikan pahn wiahkin irail aramas peren kei.+
19 Siohwa ketin poahsoanehda sampah ni erpit.+
Oh e ketin koasoanehdi teng nanleng ni kupwurokong.+
20 Sang ni sapwellime kupwurokong, pihl loal kan tohrohrpeseng
Oh depwek kan pahnlahng dingidingki pwoaik.+
21 Samwa, tamatamante mepwukat.*
Pere erpit mehlel oh koahiek en madamadau;
22 Mepwukat pahn kihong uhk mour
Oh pahn wia mehn kapwat ehu ni tepinweromw;
23 Eri ke ahpw pahn alialu nan alomw ni omw sohte perki mehkot,
25 Ke sohte pahn masak soahng kamasepwehk ehu me wiawi ni soh kasikpe+
De pil melimel me kohkodohng aramas suwed.+
26 Pwe Siohwa pahn ketin kadehdehda me ih me utupen omw koapworopwor;+
E pahn ketin perehsang nehmwen lidipo.+
28 Ke dehr ndaiong mehn mpomw, “Kohwei; pwurodo mwuhr! I pahn kihong uhk lakapw,”
Ma ke kakehr kihong ih ni ahnsou wet.
29 Ke dehr koasoakoasoane mehkot suwed ong mehn mpomw+
Ni eh kin kousoan limwahmw oh koapworopworkin uhk.
31 Ke dehr peiriniong aramas lemei men+
De pil alasang eh mwekid kan,
32 Pwe Siohwa kin ketin kalahdeki aramas widing,+
Ahpw E kin ketin kompoakepahnki aramas pwung kan.+
33 Siohwa kin ketin keriahla imwen aramas suwed men,+
Ahpw e kin ketin kapaia imwen aramas pwung kan.+
34 Pwe e kin ketin kiparamatki irail akan me kin kepit,+
Ahpw e kin ketin kupwuramwahwih me opampap.+
35 Me loalokong pahn sohsohki wahu,
Ahpw me pweipwei kan kin kalingana dahme sohte wahupe.+
4 Samwa ko, kumwail rong amwail pahpa ni eh kapwungkumwailla;+
Rong kanahieng pwe kumwail en wehwehkihla,
2 Pwe I pahn kihong kumwail kaweid mwahu;
4 Semeio kin padahkih ie oh nda: “Kolokol teng nan omw mohngiong dahme I kin nda.+
Kapwaiada ei kehkehlik kan oh momourte.+
5 Nantihong alehda erpit oh koahiek en wehwehki.+
Ke dehr manokehla, oh dehr sohpeisang dahme I nda.
6 Ke dehr kesehla erpit, oh e pahn pereiuk.
Poakohng erpit, oh e pahn sinsileiuk.
7 Erpit me keieu kesempwal,+ eri alehda erpit,
Oh mehkoaros likin met, pil alehda koahiek en wehwehki.+
8 Kesempwalki douluhl erpit, oh e pahn kasapwiluhkada.+
Pwehki omw pwoalehdi, e pahn kawauwihiukala.+
9 E pahn wiahla elin kapwat kaselel ehu pohn moangomwen;
E pahn kapwatahkinuhkada nihn lingan ehu.”
10 Samwa, rong oh ale ei mahsen kan,
Oh omw sounpar kan pahn tohtohla.+
12 Ni omw alu, sohte mehkot pahn kerempwa omw kahk kan;
Ma ke pahn tang, ke sohte pahn dipekelekel.
13 Kolokolete kaiahn; ke dehr kesehla.+
Sinsile, pwe e pid omw mour.+
16 Pwe re sohte kak meir lao re wia dahme suwed.
Re sohte kin meir ma re sohte wiahiong emen en pwupwudi.
17 Tiahk suwed oh tiahk lemei
Rasehng pilawa oh wain ong irail.
19 Elen me suwed kan kin rasehng rotorot;
Re sohte kin ese dahme re kin dipekelekelki.
20 Samwa, tehk mwahu dahme I kin nda;
Rong kanahieng* ei mahsen kan.
21 Tamatamante mepwukat;
Kolokol mepwukat nan mohngiongomw,+
22 Pwe irail akan me kin diarada mepwukat pahn mour+
Oh paliwararail kan pwon* pahn roson.
24 Ke dehr lokaia likamw,+
Oh dehr mweidohng lokaia widing en kohieisang nan ewomwen.
25 Mesomw kan en kilikilenglahte mwowe,
Ei, kilikilangete dahme mi mwohmw.+
27 Ke dehr wetlahng palimaun de palimeing.+
Kawetsang nehmwen dahme suwed.
5 Samwa, tehk mwahu ei erpit.
Rong kanahieng* dahme I kin padahngki duwen dehde mwahu,+
2 Pwe ken kak pere omw koahiek en madamadau
Oh kilin ewomw kan en kolokol loalokong mehlel.+
5 Neh kan kin kohkohdilahng mehla.
Eh kahk kan kin inenlahng nan Sousou.*
6 E sohte kin medewe duwen elen mour.
E kin kohkohseli, ahpw e sehse ia wasa e kohkohla ie.
7 Eri samwa ko, kumwail rong ie
Oh dehr sohpeisang dahme I ndinda.
8 Keiwei dohsang soangen lih menet;
Ke dehr keilahng limwahn wenihmw en imweo,+
9 Pwe ke de sohla adamwahu rehn meteikan+
De pil dolung apwal erein omw sounpar kan;+
10 Pwe mehn keiru kan en dehr doadoahngkihla omw pai* kan+
Oh dahme ke koadoahkihada en dehr kohla nan imwen mehn liki men.
11 Pwe ma soh, ke pahn weiweirek ni imwilahn omw mour
Ni udukomw oh paliweromw eh pahn luwetala+
12 Oh ke pahn nda: “Ia uwen ei kailongki kaiahn!
Ia uwen ei mohngiong eh mwamwahliki peneu!
13 I sohte kin rong ngilen ei sounkaweid kan
De pil rong kanahieng ei sounpadahk kan.
16 Ia duwe, omw utuhnpihl kan en pwilieila liki,
Omw piletik kan en pwillahng ni wasahn tuhpene kan?+
17 Ren wiahte ahmw kelehpw,
Oh ke dehr ehukihong mehn keiru kan.+
Mweidohng eh dihdi kan en kin kansenamwahwihiuk* ahnsou koaros.
Ken pereperenki eh limpoak ahnsou koaros.+
20 Samwa, dahme kahrehda ken pereperenki lih suwed* men
22 Me suwed men kin lohdi nan pein eh sapwung kan,
Oh e pahn lidipdi nan selen dipe kan.+
23 E pahn mehla pwehki e sohte kaiahnda
Oh salongala pwehki e me nohn pweipwei.
6 Samwa, ma ke inoukidahr me ke pahn pwukoahki en mehn mpomw pweipwand,+
Ma ke itipeiongehr* mehn keiru men,+
2 Ma ke pitida pahn omw inou,
Oh lohdi pahn omw lokaia kan,+
3 Eri samwa, ke pwupwudier nan pehn mehn mpomwo.
Wia met pwe ken kasaledekeiukala:
Kohla oh aktikitikla oh peki rehn mehn mpomwo ni ngidingid.+
4 Dehr mweidohng pwoaren mesomw kan en meirla,
De pil kilin mesomw kan en meirpene.
5 Kasaledekeiukala duwehte kasel men me pitsang nan pehn sounpwek mahn men,
Duwehte menpihr men me pitsang nan pehn sounpoar menpihr.
6 Kowe aramas pohnkahke,+ kohla oh sukuhlsang ketitik kan;
Kilang dahme re kin wia oh loalokongla.
7 Mendahki sohte ar sounkaweid, soumas de kaun,
8 Re kin kaunopada kanarail mwenge ni ahnsoun karakar,+
Oh re kin nahkpene kanarail mwenge ni ahnsoun dondol.
9 Kowe aramas pohnkahke, ia erein omw pahn wonohn wasahn?
Iahd me ke pahn pwourda?
10 Ekis meir, ekis kihpene mesomw kan,
Ekis epidipe pwe ken kommoal,+
11 Oh ke pahn mwadang semwehmwehla duwehte lipirap men eh wiahkintehieu peiong uhk,
Oh e pahn duwehte ohl emen me wa tehtehn pei eh kihsang omw kepwe kan koaros.+
12 Aramas soh katepe oh suwed men kin kohkohseli oh wie lokolokaia likamw;+
13 E kin manih aramas,+ kamwakid neh oh kin idseli.
14 Sang ni mohngiong widing,
E kin ahnsou koaros koasoakoasoane mehkot suwed+ oh kin kahrehda akamai.+
15 Kahrehda eh kahpwal pahn mwadangete lelohng;
Ni ahnsowohte e pahn ohla oh sohte kak mwahula.+
16 Mie soahng weneu me Siohwa kin ketin kalahdeki;
Ei, soahng isuh me e kin ketin suwedki:
17 Mas aklapalap,+ au likamw,+ oh peh kan me kin kakerehdi ntahn aramas soh dipe,+
18 Mohngiong me kin koasoanehdi mehkot suwed,+ oh neh me kin mwadang tangalahng me suwed,
19 Sounkadehde likamw men me kin lokaia likamw ahnsou koaros,+
Oh aramas emen me kin kahrehda akamai nanpwungen pirien kan.+
21 Ahnsou koaros katengehdiong mepwukat nan mohngiongomw;
Pirehiong mepwukat ni tepinweromw.
22 Ni omw pahn aluseli, e pahn kahluwaiuk;
Ni omw pahn wendi, e pahn sinsileiuk;
Oh ni omw pahn pirida, e pahn koasoiong uhk.*
23 Pwe kehkehlik iei lamp ehu,+
Oh kosonned iei marain ehu,+
Oh peneu me kin kihda kaiahn iei elen mour.+
25 Ke dehr mwahuki ih pwehki eh kaselel+
Oh ke dehr lohdiong pahn lingan en pwoaren mese kan,
26 Pwe lihen netiki paliwere men pahn kahrehiong ohl emen en semwehmwehla oh ihte me e kak pwainda iei lopwon en pilawa ehu,+
Ahpw ahn emen ohl tohrohr pwoud kin saikedi mouren* emen ohl.
27 Ia duwe, aramas emen kak kihong kisiniei nan mwaremware oh sohte kamwasikahla eh likou kan?+
28 De aramas emen kak alu pohn mwoalus okohk ahpw sohte kamwasikahla pahn neh kan?
29 Ih pil duwen emen me wendi rehn en mehn mpe eh pwoud;
Mehmen me doahke liho sohte pahn kak pitsang kalokepe.+
30 Aramas sohte kin mwamwahliki lipirap emen
Ma e pirap pwehn kamedihala pein ih ni eh men mwenge.
31 Ahpw ni eh dierekda, e pahn pwain pak isipak;
E pahn mweidala mehkoaros me kesempwal nan imwe.+
32 Mehmen me kin kamwahl rehn lih emen sohte ahneki lamalam mwahu;*
Aramas me kin wia met kin kauwehla pein ih.+
34 Pwe luwak kin kahrehiong ohl pwopwoud men en kin lingeringer;
E sohte pahn poakehla emen ni eh pahn dupuk.+
35 E sohte pahn ale uwen pweipwei ehu;*
E sohte pahn nsenamwahula, sohte lipilipil ia uwen laud en kisakis me ke wiahda.
2 Kapwaiada ei kehkehlik kan oh momour;+
Sinsile ei kaweid* duwehte omw apwahpwalih pwoaren mesomwen.
3 Pirehiong mepwukat ni sendin pehmw kan;
Ntingihedi mepwukat nan mohngiongomw.+
4 Ndaiong erpit, “Kowe riei serepein,”
Oh ekerki koahiek en wehwehki “kisehi,”
6 I kilikilengdihsang ni wenihmwtok en imweio,
Sang ni perehpen ei wenihmwtoko,
7 Oh I kilikilang me soakoahiek kan,
I tehkada mwahnakapw men me sohte ahneki lamalam mwahu* nanpwungen me pwulopwul kan.+
8 E alialu limwahn ahl me wetlahng imwen liho,
Ih eri alulahng ni imwen liho
9 Nin soutik, mwohn eh rotorotala,+
Mwohn wasa pwongier oh rotorotala.
10 Ngehi eri kilangada liho eh tuhwong pwutako.
Liho likouda duwehte* lihen netiki paliwere men+ me ahneki mohngiong widing.
11 Liho ewen wedei oh kahngohdi.+
E sohte mwahn kin mihmi* ni imweo.
12 Ehu ahnsou e mi liki, mwuri e mi ni wasahn tuhpene kan,
Oh e kin wie euwieuseli ni keimwen ahl akan koaros.+
13 Liho eri koledi pwutako oh metik;
E kilmosulla oh ndaiong ih:
14 “I anahne wiahda meirong en kaminimin kan.+
Oh rahnwet I kapwaiadahr ei inou kan me I kahukihla.
15 Ihme kahrehda I kohieidohng tuhwong uhk,
Pwe I en rapahkin uhk oh I diaruhkadahr!
16 I kidimkidahr ei pehto likou kaselel kan,
Likou linen me poh tohto me kohsang Isip.+
17 I kamweredier pohn ei pehto mir, aloi* kan oh sinamon.+
18 Kohdo, kita nim sang nan kep en limpoak lao lel nimenseng;
Kita pereperenkipene tiahk en limpoak,
19 Pwe ei pwoudo sohte mi nihmwo;
E seiloaklahng wasa doh.
20 E wahda edin mwohni ehu,
Oh e sohte pahn pwurodo lao lel rahnen maram mat.”
21 Liho kin pitiheki pwutako eh koasoi kadek kan.+
E kin widingehki ih lokaia kansenamwahu.
22 Pwutako ahpw mwadangete idawehnla liho, rasehng kouwol men me pahn kolahng kamakamala,
Rasehng me pweipwei men me pahn kalokolok ni eh selidi nan lepin tuhke toutou kan,*+
23 Lao arep pwoat doakoapeseng eh eho;
Rasehng menpihr men me pihrdohng nan lidip ehu, e sehse me eh mour* milahr nan keper.+
24 Eri samwa ko, kumwail rong ie;
Kumwail rong kanahieng dahme I kin nda.
25 Ke dehr mweidohng omw mohngiong en sohpeilahng elen liho.
Irail kan me e kemelahr me inenen tohto.+
27 Imweo kin kolahng nan Sousou;*
E kin kohdilahng nan pere rotorot kan en mehla.
8 Erpit sou kin liklikwer?
Dehde mwahu sou kin kalakalaudehla ngile?+
2 Pohn wasa ile kan+ ni keilen nanialo,
Erpit kin kesihnenda wasa me ahl akan kasangpeseng ie.
3 Limwahn ewen kehl kan me kohlongala nan kahnimwo,
Ni wasahn pedolong kan en kahnimwo,
E kin wie likilikwer ni ngihl laud:+
4 “Kumwail aramas akan, I liklikweriong kumwail;
I kin kalakalaudehla ngileiet ong aramas koaros.*
5 Kumwail me soakoahiek kan, sukuhlki dehde mwahu;+
Kumwail me pweipwei kan, alehda koahiek en wehwehki.*
6 Rong, pwe dahme I kin nda me kesempwal,
Kilin ewei kat kin koasoia dahme pwung;
7 Pwe eweiet kin koasoia me mehlel ni ngihl kadek,
Oh kilin ewei kat kin tatki dahme suwed.
8 Mehkoaros me I kin nda me pwung.
Sohte ehu rehn mepwukat kin likamw de widing.
9 Koasoi pwukat koaros kin sansal ong irail akan me kin dehdehki
Oh kin pwung ong irail akan me diaradahr loalokong.
10 Ale ei kopwung,* a kaidehn silper,
Oh loalokong, a kaidehn kohl me keieu kaselel,+
11 Pwe erpit kin mwahusang rahr* kaselel;
Soahng teikan koaros me aramas mwahuki sohte kak pahrekiong met.
12 Ngehi, erpit kin kousoan rehn dehde mwahu;
I diaradahr loalokong oh koahiek en madamadau.+
13 Lemmwiki Siohwa kin wehwehki kailongki me suwed.+
I kin kailongki ahn aramas ar kin kasapwilda pein irail, aklapalap,+ wiewia suwed oh koasoi suwed.+
15 Pwehki ngehi, nanmwarki kan kin pousehlahte kakaun,
Oh lapalap akan kin wiahda kosonned pwung kan.+
16 Pwehki ngehi, kaun akan kin pousehlahte kakaun,
Oh lapalap akan kin wia kopwung me pwung.
17 I kin poakepoake irail akan me kin poakohng ie,
Oh irail akan me kin rapahkin ie pahn diariehda.+
18 Kepwehpwe oh lingan kin mi rehi,
Oh pil sohso kesempwal* oh pwung.
19 Wahi kan mwahusang kohl, pil kohl kan me mwakelekeldahr,
Oh dahme I kapwarehda kin mwahusang silper me keieu kaselel.+
20 I kin weweid nan elen pwung,
Nanwerengen ahl en pwung pahrek;
21 I kin kihong irail akan me poakohng ie sohso kesempwal,
Oh I kin kadirehla arail imwen nahk kan.
22 Siohwa ketin wiaiehda nin duwen tepin sapwellime kepikipik,+
Iei keieun sapwellime doadoahk mahsie.+
24 I ipwidier ni ahnsou me saikinte mie pihl loal kan,+
Ni ahnsou me pihl kan saikinte kusda sang nan utuhnpihl kan.
25 I ipwidier mwohn nahna kan,
Oh mwohn dohl akan ar koasoandiong nan dewahr,
26 Ni ahnsou me e saikinte ketin wiahda sampah oh mohs akan
De tepin mwodol en pwehl kan.
27 Ni ahnsou me e ketin kaunopada lahng,+ I mihmi mwo;
Ni ahnsou me e ketin kilelehdi irepen lahng oh sehd,*+
28 Ni ahnsou me e ketin koasoanehdi* depwek kan nan wehwe,
Ni ahnsou me e ketin poahsoanehda utuhnpihl loal kan,
29 Ni ahnsou me e ketin koasoanehdi irepen sehd
Pwe pihl akan sohte pahn daulihala dahme e ketin koasoanehdi,+
Ni ahnsou me e ketin wiahda* poahsoanen sampah,
30 Ahnsowo I mihmi limwah nin duwen tohndoadoahk saman men.+
Ngehi me kin kapakaparanih+ rahn koaros;
I kin pereperen mwohn silangi ahnsou koaros;+
31 I perenkihda sampah me wiawihda ong aramas en kousoan ie,
Oh I uhdahn perenkihda aramas akan.*
32 Eri samwa ko, kumwail rong ie;
Ei, meid peren irail akan me kin idawehn elei kan.
34 Meid peren aramas me kin rong ie
Sang ni eh kin sangkenei kohdo* ni ei wenihmw kan rahn koaros,
Sang ni eh kin awiawih limwahn uhren ei wenihmw kan;
35 Pwe mehmen me kin diar ie pahn diar mour,+
Oh e pahn alehdi kupwuramwahu sang Siohwa.
36 Ahpw mehmen me kin pohnsehse ie kin kamedekihala pein ih,
Oh irail akan me kin kailongkin ie kin poakohng mehla.”+
9 Erpit mehlel kauwadahr imwe;
E wiadahr* uhr isipwoat.
3 E kadarala nah lidu serepein kan
Pwe ren likwer sang wasa ile kan en kahnimwo oh nda:+
4 “Mehmen me soakoahiek, en kohdo wasaht.”
E kin ndaiong aramas me sohte ahneki lamalam mwahu:*
5 “Kohdo, tungoale kenei pilawa
Oh iang nim wain me I doaloadahr.
7 Mehmen me kin kapwungala sounkepit men pahn mwamwahlla,+
Oh mehmen me kin panawih aramas suwed pahn medengkihla.
8 Ke dehr panawih sounkepit men, pwe e pahn kailongkin uhk.+
Panawih aramas loalokong men, oh e pahn poakohng uhk.+
9 Kihong aramas loalokong men kaweid, oh e pahn loalokongla.+
Padahkih aramas pwung men, oh e pahn kalaudehla eh loalokong.
12 Ma ke loalokongla, omw loalokong pahn wia kamwahupomw,
Ahpw ma ke wia sounkepit men, kowe kelehpw pahn pwukoahki.
13 Lih pweipwei men kin ewen wedei.+
E kin sawehwe oh sohte douluhl ese mehkot.
14 E kin mwomwohd ni wasahn pedolong en imweo
Pohn wasahn mwomwohd en wasa ile kan en kahnimwo,+
15 Liklikwerlahng irail me kin keid limwah,
Irail akan me kin alialu kohwei pohn alarail:
16 “Mehmen me soakoahiek, en kohdo wasaht.”
E kin ndaiong irail akan me sohte ahneki lamalam mwahu:*+
18 Ahpw re sehse me melahr akan me sohte ar kehl mi wasao,
10 Lepin padahk en Solomon.+
Pwutak loalokong men kin kaperenda seme,+
Ahpw pwutak pweipwei men kin kansensuwedihala ine.
2 Dipwisou kesempwal me alahldi ni mwersuwed sohte pahn mie kamwahupe,
Ahpw wia dahme pwung kin doarehla aramas sang mehla.+
3 Siohwa sohte pahn ketin mweidohng me pwung men en duhpekla,+
Ahpw e sohte pahn ketin mweidohng aramas suwed en alehdi dahme re mwahuki.
5 Pwutak me kin mwekid ni loalokong kin kihpene wahnsahpw ni ahnsoun karakar,
Ahpw pwutak me kin meirkelik ni ahnsoun dondol kin kanamenekihala pein ih.+
9 Aramas me kin kekeid ni loalopwoat pahn momour ni eh sohte perki mehkot,+
Ahpw aramas me kin kapirekihala ele kan pahn dierekda.+
10 Aramas me kin manih meteikan ni widing kin kahrehda pahtou,+
Oh aramas me kin lokaia pweipwei pahn lokolok.+
12 Kailok kin kahrehda akamai kan,
Ahpw limpoak kin pwaindi sapwung koaros.+
13 Erpit kin dierek ni kilin ewen aramas me ahneki dehde mwahu,+
Ahpw lepin tuhke iei mehn wokih tihnsewen aramas me sohte ahneki lamalam mwahu.*+
14 Irail akan me ahneki erpit kin kesempwalki loalokong,+
Ahpw ewen me pweipwei men kin kahrehda kahpwal.+
15 En aramas kepwehpwe men pai* kin wia eh kahnimw kehl kehlail.
Ahpw aramas semwehmwe kan kin lokolok pwehki sohte ar mehkot.+
16 Wiewiahn aramas mwahu kin kahluwalahng mour;
Ahpw wiewiahn aramas suwed kin kahluwalahng dihp.+
17 Mehmen me kin tetehk kaiahn kin kahluwalahng meteikan nan elen mour,*
Ahpw mehmen me kin pohnsehsehla peneu kin kahrehiong meteikan en salongala.
18 Mehmen me kin ekihla eh kailok kin lokaia likamw,+
Oh mehmen me kin kihpeseng karaunlikamw* kin pweipwei.
19 Mehmen me kin perenki wedewedei sohte kak soikala sapwung,+
Ahpw me kin kaunda ewe kin mwekid ni loalokong.+
20 Lowen aramas pwung men kin rasehng silper me keieu kaselel,+
Ahpw mohngiong en aramas suwed men kin sohte katepe.
21 Lokaiahn aramas pwung men pahn sewese* aramas tohto,+
Ahpw me pweipwei men kin mehkihla eh salamalam.+
22 Kapai en Siohwa me kin kahrehiong aramas en kepwehpwehla,+
Oh E sohte kin ketin kapatahiong medek.*
23 Iang tiahk kanamenek kin duwehte mwadong ehu ong me pweipwei men,
Ahpw erpit kin mi rehn aramas me ahneki dehde mwahu.+
24 Aramas suwed men pahn alehdi dahme e kin masak;
Ahpw aramas pwung men pahn alehdi dahme e kin inengieng.+
26 Rasehng pinike ong ngihn aramas oh ediniei ong pwoaren mesen aramas,
Ih duwen aramas pohnkahke men ong aramas me kadar ih.*
28 Dahme aramas pwung kin kasikasik* kin wahdo peren,+
Ahpw dahme aramas suwed kin koapworopworki pahn sohrala.+
29 Sapwellimen Siohwa wiewia kan kin rasehng wasahn ruk kehlail ong aramas me sohte karaunpe,+
Ahpw e kin wehwehki mwomwlahn aramas suwed kan.+
31 Ewen aramas pwung men kin koasoia* erpit,
Ahpw lowen me kin koasoia soahng suwed kan pahn katoktokdi.
32 Me pwung men kin ese ia duwen eh pahn koasoi kansenamwahu,
Ahpw koasoi en aramas suwed kin widing.
11 Siohwa kin ketin kalahdeki mehn tenek sapwung* kan,
3 Loalopwoat en aramas pwung me kin kaweid irail,+
Ahpw aramas widing kan kin pein kauwehkinirailla ar likamw.+
4 Kepwehpwe* sohte pahn wia kamwahu ehu ni rahnen engieng,+
Ahpw wiewia pwung pahn doarehla aramas sang mehla.+
5 Mouren aramas me sohte karaunpe kin rasehng ahl inen pwehki eh wiewia pwung
Ahpw me suwed men pahn pwupwudi pwehki pein eh suwed.+
6 Me pwung kan pahn poadoandoarla pwehki re kin wia dahme pwung,+
Ahpw ineng en aramas widing kan pahn lidipihedi pein irail.+
7 Ni aramas suwed men eh kin mehla, eh koapworopwor kin sohrala;
Oh dahme e kin kasikasik me poahsoankihda eh kehl pil kin sohrala.+
8 Me pwung men pahn pitsang kahpwal,
Ahpw me suwed men pahn lokolongki kahpwal.+
9 Lokaiahn aramas me sohpeisangehr Koht* kin kauwehla mehn mpe,
Ahpw loalokong kin doarehla aramas pwung.+
10 Wiewia kadek en aramas mwahu men kin kahrehiong kahnimw ehu en perenda,
Oh ni aramas suwed men eh mehla, kin mie weriwer en peren.+
11 Pwehki kapai en aramas pwung men, kahnimw ehu kin lapalapala,+
Ahpw lokaiahn aramas suwed kin karangkehdi kahnimwo.+
12 Mehmen me sohte kin ahneki lamalam mwahu* kin mwamwahliki mehn mpe,
Ahpw aramas me kin uhdahn ahneki dehde mwahu kin nennenla.+
13 Sounkaraun likamw kin kohkohseli oh kasalehda koasoi rir kan,+
Ahpw aramas likilik kin kolokol koasoi rir.*
15 Mehmen me kin inoukihda en pwukoahki en mehn keiru men lohn uhdahn pahn lokolongki,+
Ahpw mehmen me sohte kin* itipe pwehn wiahda kilelepen pweipwand pahn nsenamwahu.
18 Aramas suwed kin ale pweine me widing,+
Ahpw aramas me kin wia dahme pwung kin ale ketingpe me mehlel.+
19 Mehmen me kin tengediong wia me pwung pahn mourla,+
A mehmen me kin ngoangki wia me suwed pahn mehla.
20 Siohwa kin ketin kalahdeki irail kan me mohngiong mwersuwed,+
Ahpw e kin ketin kupwurperenki irail kan me sohte mie karaunparail.+
21 Kamehlele met:* Aramas suwed pahn ale kalokolok,+
Ahpw nein aramas pwung kan seri kan pahn pitila.
22 Lih kaselel men me kin soikala lamalam mwahu
Kin rasehng rihng kohl ehu ni tumwen pwihk.
23 Ineng en aramas pwung kin imwila mwahu,+
Ahpw dahme me suwed kin koapworopworki kin imwikihla engieng.
24 Emen kin kihwei ni sapan* oh ni imwila e kin alehdi me tohto;+
A emen kin kolokol dahme e anahne kihwei, ahpw e kin semwehmwehla.+
26 Aramas pahn keriahla me kin kahng netiki krein,*
Ahpw re pahn kapaia me kin netikihla.
27 Mehmen me kin nantihong rapahki en wia me mwahu pahn alehdi kupwuramwahu,+
Ahpw mehmen me kin rapahki me suwed—ih met me uhdahn pahn lelohng ih.+
28 Mehmen me kin likih eh reken kepwe pahn pwupwudi,+
Ahpw me pwung pahn pweida rasehng tuhke losolos.+
29 Mehmen me kin wahdo kahpwal* nan eh peneinei sohte pahn sohsohki mehkot,*+
Oh me pweipwei pahn wiahla ladu en aramas loalokong.
30 Dahme aramas pwung kin kapwarehda kin rasehng tuhkehn mour pwoat,+
Oh aramas me kin sewese meteikan* ren wia me mwahu me loalokong.+
31 Mehlel, ma me pwung men nin sampah kin ale dahme e warohng ale,
Ia uwen laud en me suwed men oh me dipan men ar pahn ale dahme re warohng!+
12 Mehmen me kin perenki ale kaiahn kin poakohng loalokong,+
Ahpw aramas me sohte ahneki madamadau kin kailongki peneu.+
2 Aramas mwahu kin alehdi kupwuramwahu en Siohwa,
Ahpw E kin ketin kadeik aramas me kin wia pilahn mwersuwed kan.+
3 Suwed sohte kak kahrehiong aramas emen en pweida,+
Ahpw me pwung pahn duwehte tuhke pwoat me sohte kak usuhsda.
4 Lih pwopwoud koahiek men kin wia nihn ehu ong eh pwoud,+
Ahpw lih pwopwoud me kin wia tiahk kanamenek kin rasehng soumwahu ehu me kin kauwehla tihn ohlo.+
5 Madamadau en aramas pwung kin pwung pahrek,
Ahpw kaweid en aramas suwed kin widing.
6 Lokaiahn aramas suwed kin wia lidip keper ehu,*+
Ahpw ewen aramas pwung kin doareirailla sang nan keper.+
7 Ni me suwed kan ar pahn mwomwla, re pahn sohrala,
Ahpw imwen aramas pwung pahn mihmihte.+
8 Aramas emen kin ale kaping pwehki loalokong en ewe,+
Ahpw aramas me ahneki mohngiong suwed pahn mwamwahlla.+
9 Wia aramas mwahl men oh naineki ladu
Mwahusang aramas me kin pohnmwahsohki pein ih ahpw sohte kene mwenge.*+
10 Aramas pwung men kin apwalih nah mahn akan,+
Ahpw en aramas suwed men kadek pil kin lemei.
11 Mehmen me kin koadoahke sapwe pahn medkihla mwenge,+
Ahpw me kin pwakipwakih soahng soh katepe sohte kin ahneki lamalam mwahu.*
12 Aramas suwed kin peirinki dahme me suwed teikan kin koledi,
Ahpw aramas pwung kin rasehng tuhke me kalewe teng oh kin kapwarehda wah mwahu.
13 Aramas suwed kin pein lohdiong nan eh koasoi suwed kan,+
Ahpw aramas pwung kin tangasang kahpwal.
14 Aramas emen kin nsenamwahuki soahng mwahu kan sang wahn eh koasoi,*+
Oh e pahn ale ketingpe sang dahme peh kan kin wiahda.
16 Aramas pweipwei men kin mwadangete* kasalehda eh lingeringer,+
Ahpw aramas loalokong men kin pohnsehsehla* kapailok kan.
17 Sounkadehde lelepek men pahn kin koasoia me mehlel,*
Ahpw sounkadehde likamw kin lokaia likamw.
18 Koasoi en salamalam kin rasehng dongkihdi kedlahs pwoat,
Ahpw lowen me loalokong kin kamwahwihala wasa.+
19 Kilin au me kin mehlel pahn mihmi kohkohlahte,+
Ahpw loh me kin likamw pahn mihmihte ni ahnsou mwotomwot.+
20 Widing kin mi nan mohngiong en irail akan me kin koasoakoasoane mehkot kamedek,
22 Siohwa kin ketin kalahdeki kilin au me kin likamw,+
Ahpw irail akan me kin mwekid ni lelepek kin kaperenda kupwure.
26 Aramas pwung kin rapahki eh mohs ni keneinei,
Ahpw me suwed kin alu nan alarail kan oh salongala.
27 Me pohnkahke sohte kin pwakih seike,+
Ahpw pwerisek iei en aramas pai kesempwal.
28 Ahl pwung kin kolahng mour;+
Sohte mehla nan ahlo.
13 Pwutak loalokong men kin rong eh pahpa ni eh kin kapwungohng,+
2 Aramas emen pahn tungoale dahme mwahu sang wahn eh koasoi* kan,+
Ahpw dahme aramas widing men kin keieu inengieng* iei tiahk lemei.
3 Mehmen me kin sinsile ewe* kin doarehla eh mour,*+
Ahpw mehmen me sohte kin kaunda ewe pahn mwomwla.+
5 Me pwung men kin kailongki likamw,+
Ahpw wiewiahn aramas suwed kin kahrehda kanamenek oh mwamwahlla.
6 Pwung kin perehla me sohte dipe,+
Ahpw suwed kin kesehdi me dipan.
7 Mie me kin mwomwehda kepwehpwe, ahpw sohte ah mehkot;+
Pil mie me kin mwomwehda semwehmwe, ahpw ahneki kepwe tohto.
11 Kepwe me emen kin mwadang alehdi* pahn kedekedeo sohrala,+
Ahpw kepwe me emen kin ekisekis kihpene* pahn tohtohla.
12 Koapworopwor me kin pwand en pweida kin kahrehiong mohngiong eh mworusala,+
Ahpw ni en aramas emen eh ineng kin pweida, met kin rasehng tuhkehn mour.+
13 Mehmen me kin mwamwahliki kaweid* pahn ale kalokepe,+
Ahpw mehmen me kin wauneki kehkehlik pahn ale ketingpe.+
15 Aramas me ahneki dehde mwahu kin kenikenla rehn meteikan,
Ahpw mour en aramas widing kan me apwal.
16 Aramas me ahneki lamalam mwahu kin mwekid ni loalokong,+
Ahpw me pweipwei kin kasalehda pein eh pweipwei.+
18 Mehmen me kin pohnsehse kaiahn pahn semwehmwehla oh namenekla,
20 Mehmen me kin ieiang* me loalokong pahn loalokongla,+
Ahpw mehmen me kin ehuong me pweipwei pahn lokolongki.+
21 Kahpwal kin pwakipwakih me dipan akan,+
Ahpw me pwung kan pahn ale ketingparail ni soahng mwahu tohto.+
22 Aramas mwahu men kin pwilikihdi sohso ong nein nah seri kan,
Ahpw en me dipan akan kepwe kan pahn nekinekla ong me pwung men.+
23 En me semwehmwe mwaht me deipwelda kin kapwarehda wah tohto,
Ahpw met* kakete koakoahksang pwehki kopwung sapahrek.
24 Mehmen me sohte kin kaiahne* nah seri kin kailongki,+
Ahpw mehmen me kin poakohng nah seri kin nantihong* kaiahne ih.+
2 Mehmen me kin wia dahme pwung kin lemmwiki Siohwa,
Ahpw mehmen me kin widing* kin mwamwahliki Ih.
3 Lokaiahn aklapalap en aramas pweipwei kin rasehng wowoki en tuhke pwoat,
Ahpw kilin ewen me loalokong pahn pere irail.
4 Wasa me sohte kou, dewen kamwenge mahn kin mwakelekel,
Ahpw kehlail en kouwol men kin kahrehda wahnsahpw tohto.
5 Sounkadehde lelepek men sohte pahn likamw,
Ahpw sounkadehde likamw men kin lokaia likamw ahnsou koaros.+
6 Sounkepit kin rapahki erpit oh sohte diar,
Ahpw aramas me ahneki koahiek en wehwehki kin mwadangete esehla mehkot.+
7 Keiweisang aramas pweipwei,
Pwe ke sohte pahn diarada loalokong ni kilin ewe.+
8 Sang ni erpit aramas loalokong kin wehwehki ahl me e kekeid powe,
10 En emen mohngiong kin ese pein eh nsensuwed,
Oh sohte emen likin pein ih kak wehwehki eh peren.
11 Imwen aramas suwed pahn ohla,+
Ahpw impwal en aramas pwung pahn pweida.
13 Mehnda ma aramas emen kokouruhr, eh mohngiong kakete medemedek,
Oh peren kakete imwikihla pahtou.
14 Aramas me ahneki mohngiong suwed pahn dolung imwilahn elen eh mour,+
Ahpw aramas mwahu pahn dolung ketingpen eh wiewia kan.+
15 Aramas soakoahiek kin kamehlele koasoi koaros,
Ahpw aramas loalokong kin medemedewe ehuehu kahk.+
16 Aramas loalokong kin kanahieng oh kin sohpeisang me suwed,
Ahpw aramas pweipwei kin seukautih* oh kin nohn koapworopworki pein ih.
17 Aramas me kin mwadang lingeringerda kin wiahda tiahk en pweipwei,+
Ahpw aramas me kin kasawih soahng kan ni keneinei,* aramas teikan kin kailongki.
18 Me soakoahiek pahn sohsohki pweipwei,
Ahpw me loalokong kan pahn mwarehda loalokong duwehte nihn ehu.+
19 Aramas suwed pahn anahne poaridi mwohn aramas mwahu,
Oh me suwed pahn poaridi ni ewen kehl en aramas pwung kan.
20 Aramas akan, pil mehn mpe kan, kin kailongki me semwehmwe,+
Ahpw aramas kepwehpwe kin dir kompoakparail.+
21 Mehmen me kin mwamwahliki mehn mpe kin wiahda dihp,
Ahpw mehmen me kin kadek ong me tikitik kin peren.+
22 Irail kan me kin koasoakoasoane mehkot kamedek soh pahn salongala?
Ahpw limpoak loalopwoat oh lelepek pahn kohwong irail akan me kin koasoanehdi en wia dahme mwahu.+
23 Mie kamwahupen soangen doadoahk laud koaros,
Ahpw koasoakoasoite kin imwikihla semwehmwe.+
24 En me loalokong kan kepwe kin wia nihn ong irail;
Ahpw me pweipwei kan pahn kin wie pweipweite.+
25 Sounkadehde lelepek men kin doarehla mour,*
Ahpw me widing men kin lokaia likamw ahnsou koaros.
26 Mehmen me kin lemmwiki Siohwa kin likih ih ni soahng koaros,+
Oh nah seri kan pahn diar wasahn ruk.+
27 Lemmwiki Siohwa iei utuhnpihl en mour,
E kin kasohpeisang aramas lidip en mehla.
28 Lingan en nanmwarki men kin mihmi ni uwen tohtohn aramas me e kaunda,+
Ahpw kaun emen me sohte nah aramas kin lohdi.
29 Mehmen me kin pwand en mwakar kin ahneki dehde mwahu,+
Ahpw mehmen me sohte kin kanengamah kin kasalehda eh pweipwei.+
31 Mehmen me kin widinge me tikitik men kin mwamwahliki Sounwiepeo,+
Ahpw mehmen me kin kadek ong me semwehmwe kin kalinganahla Ih.+
32 Me suwed men pahn pwupwukihdi pein eh suwed,
Ahpw me pwung men pahn diar wasahn ruk pwehki eh loalopwoat.+
33 Aramas me ahneki dehde mwahu* sohte kin mweseiseiki duwen eh erpit,+
Ahpw aramas pweipwei kin ahnsou koaros pakairkiseli dahme e ese.
34 Pwung kin kawauwihala wehi ehu,+
Ahpw dihp kin kanamenekihala tohnwehi kan.
35 Nanmwarki kin perenki ladu men me kin mwekid ni loalokong,+
Ahpw e kin lingeringer pahn mehmen me kin wia tiahk kanamenek.+
2 Me loalokong kin koasoia soahng mwahu kan me e ese,+
Ahpw me pweipwei kin kapwilewei lokaia pweipwei.
9 Siohwa kin ketin kalahdeki elen me suwed,+
Ahpw e kin ketin poakohng mehmen me kin nantihong wia dahme pwung.+
10 Kaiahn kin mwomwen suwed* ong mehmen me kin soikala ahl pwung,+
Ahpw mehmen me kin kailongki peneu pahn mehla.+
11 Sousou* oh wasahn kamwomwmwomwla* kin sansal ong Siohwa.+
Eri, ia uwen mohngiong en aramas eh kin uhdahn sansal ong ih!+
12 Sounkepit men sohte kin poakohng aramas me kin kapwungala* ih.+
E sohte pahn ale kaweid sang me loalokong.+
14 Mohngiong me ahneki koahiek en wehwehki kin rapahki loalokong,+
15 Mour en aramas lokolok men kin suwed ahnsou koaros,+
Ahpw aramas me ahneki mohngiong peren* kin pousehlahte kamakamadipw.+
16 Aramas me ahneki kepwe malaulau oh lemmwiki Siohwa+
17 Tungoale wahntuhke nan wasa me mie limpoak+
Mwahusang tungoale kouwol mworourou* nan wasa me mie kailok.+
18 Aramas me kin mwadang en lingeringer kin kahrehda pei,+
Ahpw aramas me kin pwand en lingeringer kin kameleileidi akamai.+
21 Pweipwei kin kaperen ong mehmen me sohte ahneki lamalam mwahu,*+
Ahpw aramas me ahneki dehde mwahu kin inenweite.+
22 Koasoandi kan sohte kin pweida ma sohte koasoakoasoipene,*
Ahpw sang sounkaweid tohto e pahn pweida.+
23 Aramas emen kin perenda ni eh kihda pasapeng pwung,*+
Oh ia uwen mwahu en lokaia me kin wiawi ni ahnsou me konehng!+
24 Aramas me ahneki dehde mwahu kin keid pohn elen mour me ukadahla,+
25 Siohwa pahn ketin karangkehdi imwen aramas aklapalap,+
Ahpw e pahn ketin pere irepen sapwen liohdi.+
26 Siohwa kin ketin kalahdeki pilahn en aramas suwed,+
Ahpw e kin ketin kupwurperenki koasoi kansenamwahu kan.+
27 Aramas me kin wiahda mwohni ni ahl mwersuwed kin wahdo kahpwal* nan eh peneinei,+
Ahpw me kin tatki ale kisakis ni ahl sapwung pahn mour werei.+
28 Aramas pwung kin medemedewe nan eh mohngiong mwohn eh sapeng,*+
Ahpw ewen aramas suwed kin kapwilewei soahng suwed kan.
29 Siohwa kin ketin dohsang aramas suwed,
Ahpw e kin ketin karonge kapakap en aramas pwung.+
31 Peneu kak doarehla mour,
Mehmen me kin rong peneu pahn loalokongla.+
32 Mehmen me kin kahng ale kaiahn sohte kin kesempwalki eh mour,*+
Ahpw mehmen me kin rong peneu kin alehda koahiek en wehwehki.*+
16 Aramas emen kin kaunopada eh madamadau kan nan eh mohngiong,*
2 Mehkoaros me aramas emen kin wia kin mwomwen pwung* ong pein ih,+
Ahpw Siohwa kin ketin kasawih kahrepen eh wiewia kan.+
4 Siohwa kin ketin doadoahngki soahng koaros pwe kupwure en pweida,
Pil iangahki me suwed, me pahn kamwomwmwomwla ni rahnen kahpwal.+
5 Siohwa kin ketin kalahdeki koaros me kin aklapalap nan ar mohngiong.+
Ken kamehlele* me re pahn ale kalokolok.
6 Sapwung kin pweipweila sang ni limpoak loalopwoat oh lelepek,+
Oh aramas emen kin sohpeisang me suwed sang ni eh kin lemmwiki Siohwa.+
7 Ni Siohwa eh ketin kupwurperenkihda en aramas emen elen mour,
E pil kin ketin kahrehiong eh imwintihti kan en ahneki popohl reh.+
9 Aramas kak koasoakoasoane dahme e pahn wia nan eh mohngiong,
Ahpw Siohwa me kin ketin kaweid eh kahk kan.+
11 Mehn sosohng oh mehn tenek pwung kin pwilisang rehn Siohwa;
E ketin koasoanehdi takain paun koaros nan ehdo.+
13 Ni aramas ar kin nda dahme pwung, met kin kaperenda nanmwarki kan.
Re kin poakohng aramas me kin lokaia mehlel.+
15 Mie mour ni marain en silangin nanmwarki;
Kupwuramwahu en nanmwarki kin rasehng depwek en keteu ni ahnsou me konehng.*+
16 Alehdi erpit mwahusang douluhl alehdi kohl!+
Alehdi wehwe mwahu kin mwahusang alehdi silper.+
17 Elen mour en aramas pwung kin liksang dahme suwed.
Mehmen me kin sinsile ele kan kin doarehla eh mour.*+
18 Aklapalap kin kahluwalahng mwomwla,
Oh madamadau en pohnmwahso kin kahluwalahng dipekelekel.+
19 En kin aktikitik nanpwungen me opampap+
Mwahusang iang me aklapalap paieki dipwisou lohdi kan.
20 Mehmen me kin kasalehda eh dehdehki ire ehu pahn pweida,*
Oh meid peren me kin likih Siohwa.
21 Mehmen me ahneki mohngiong erpit pahn ndandki eh koahiek en wehwehki,+
22 Dehde mwahu iei utupen mour ong irail akan me ahneki,
Ahpw me pweipwei kan kin ale peneu sang pein ar pweipwei.
23 Aramas loalokong kin pilada mwahu eh lokaia kan+
Oh eh lokaia kin kamwakid meteikan.
24 Koasoi kansenamwahu kan kin rasehng dingiding en sukehn loangalap,
Me mem oh kin kamwahwihala tih kan.+
25 Mie ahl pwoat me mwomwen pwung ong aramas emen,
Ahpw ni imwila, e pahn kahluwalahng mehla.+
26 Ineng en men mwenge* en tohndoadoahk men kin kahrehiong ih en doadoahk laud,
28 Aramas me kin wiahda kahpwal* kin kahrehda akamai,+
Oh sounkaraun likamw men kin katohrepeseng nanpwungen kompoakepah keren kan.+
29 Aramas lemei kin pitih mehn mpe
Oh kin kahluwalahng nan ahl sapwung.
30 E kin manih aramas ni eh kin koasoakoasoane mehkot suwed.
E kin ngalispene kilin ewe kan ni eh kin wia mehkot kamedek.
32 Aramas me kin pwand en lingeringer+ kin mwahusang aramas kehlail,
Oh aramas me kin kaunda eh lingeringer kin mwahusang aramas me kalowehdi kahnimw ehu.+
33 Mehn usuhs kin lekdekiong nan likou,*+
Ahpw pilipil koaros sang ni usuhs kin pwilisang rehn Siohwa.+
17 Tungoale pilawa madekeng nan wasa me mie popohl*+
Mwahusang iang tungoale mwenge* tohto nan ihmw ehu me mie akamai.+
2 Ladu men me ahneki dehde mwahu pahn kaunda nein eh soumas pwutak me kin wia tiahk kanamenek;
E pahn iang ahneki sohso duwehte emen nein soumaso pwutak kan.
3 Silper oh kohl kin kamwakelda nan wasahn kisiniei mwehl,+
Ahpw Siohwa me kin ketin kasawih nan mohngiong en aramas.+
4 Aramas suwed kin perenki rong lokaia kamedek,
Oh aramas widing kin rong karaunlikamw.+
5 Mehmen me kin kauwe me semwehmwe kin mwamwahliki Sounwiepeo,+
Oh mehmen me kin perenkihda en emen paisuwed pahn ale kalokolok.+
6 Nihn en aramas mah men iei nein nah seri kan.*
Oh pahpa kan* me wia lingan en neirail seri kan.*
7 Koasoi mwahu* sohte pwungohng aramas pweipwei men.+
Eri ia uwen eh sohte pwung kaun* emen en lokaia likamw!+
8 Kisakis kin rasehng takai kesempwal ehu* ong me nainekio;+
E kin kahrehiong en pweida wasa koaros me e kohla ie.+
9 Mehmen me kin mahkohng* sapwung ehu kin rapahki limpoak,+
Ahpw mehmen me kin koasoakoasoia sapwungo kin katohrepeseng nanpwungen kompoakepah keren kan.+
10 Aramas loalokong men pahn mwadangete wehwehki sang ni lipwoar ehu+
Ahpw me pweipwei men sohte pahn wehwehki mehnda ma e pil wowoki pak epwiki.+
11 Aramas suwed men kin raparapahkihte en uhwong,
Ahpw meninkeder lemei men pahn pekederla pwehn kaloke ih.+
12 Kasaingedi pehr men me wah kan wisiksangehr
Mwahusang kasaingedi me pweipwei men nan eh mwekid pweipwei kan.+
13 Ma aramas kin dupungki me suwed me mwahu,
Eri, suwed sohte pahn kohkohsang nan imweo.+
15 Mehmen me kin wiahki me suwed mwakelekel oh mehmen me kin kadeikada me pwung+
—Ira koaros kasaut ong Siohwa.
18 Aramas me sohte ahneki lamalam mwahu* kin itipe oh pwungki
Me e pahn pwukoahki en emen pweipwand mwohn mesen mehn mpe.+
19 Aramas me kin perenki akamai pahn kauwehla kosonned.+
Mehmen me kin kailehda eh wasahn pedolong kin rapahki kahpwal.+
20 Mehmen me ahneki mohngiong mwersuwed sohte pahn pweida,*+
Oh me kin koasoi likamw pahn lelohng kahpwal.
21 Ohl emen me nainekihda seri pweipwei men pahn kin pahtou;
Oh semen seri salamalam men sohte kin peren.+
24 Erpit kin mihmihte mwohn aramas me ahneki dehde mwahu,
Ahpw pwoaren mesen me pweipwei kin kohkohseli lel ni imwin sampah.+
25 Pwutak pweipwei men kin kahrehiong seme pahtou
26 E sohte mwahu en kaloke aramas pwung men,*
Oh en wokih aramas wahu men kin uhwong dahme pwung.
27 Aramas me ahneki loalokong sohte kin lokolokaia,+
Oh aramas me ahneki dehde mwahu pahn meleileite.+
28 Ni me pweipwei men eh kin nennenla, aramas pahn wiahki ih aramas erpit men,
Oh me kin kihpene ewe, aramas pahn wiahki ih emen me ahneki dehde mwahu.
18 Mehmen me kin katohrehla pein ih kin rapahkihte pein eh ineng roporop kan;
E kin soikala* erpit mehlel koaros.
2 Aramas pweipwei men sohte kin men wehwehki mehkot;
Ahpw e kin kasalehda dahme mi nan eh mohngiong.+
3 Ni emen eh kin wia me suwed, e pahn mwamwahlla,
Ni emen eh kin wia mehkot kanamenek, e pahn namenekla.+
4 Lokaiahn aramas kin rasehng pihl loal kan.+
Poahsoan en erpit kin rasehng piletik me pwepwengkda.
8 En sounkaraun likamw men lokaia kin rasehng mweremweren mwenge iou;*+
Re kin kohdihlahteieu lel nan kapehd.+
9 Aramas me pohnkahke nan eh doadoahk
Kin wia rien aramas me kin kahrehda ohla.+
10 Mwaren Siohwa iei imwen doulik kehlail ehu.+
Me pwung men kin tangala wasao oh ale perehpe.*+
11 En aramas kepwehpwe men pai iei eh kahnimw kehl kehlail;
Nan eh madamadau, met kin rasehng dihd kehlail ehu.+
12 Mohngiong aklapalap en aramas kin kahluwalahng kahpwal,+
Oh ma ke kin aktikitik, ke pahn ale wahu.+
13 Ni aramas emen eh sapeng mehkot ehu mwohn eh rong dahme mehlel,
Met pweipwei oh kanamenek.+
14 Aramas emen me nan kapehd kehlail kak kanengamahiong soumwahu,+
15 Aramas me ahneki koahiek en wehwehki kin alehda loalokong,+
Oh me erpit kin rong pwehn alehda loalokong.
16 En aramas emen kisakis kin ritingada ahl ong ih;+
Met kin elehiong en tuhwong aramas lapalap akan.
18 Usuhs kin katokehdi akamai kan+
Oh pilada ihs me pwung nanpwungen* aramas kehlail riemen me uhpene.
19 Kansenamwahwih riomw men me nsensuwed kin apwalsang kalowehdi kahnimw kehl kehlail,+
Oh akamai kan kak katohrepeseng aramas duwehte metehn katenge ewen kehl kan.+
21 Mie manaman en lowe me kak kahrehda mehla oh mour;+
Irail akan me kin perenki doadoahngki pahn tungoale wah kan.+
22 Aramas me diaradahr eh pwoud lih mwahu, diaradahr mehkot mwahu,+
Oh e kin alehdi kupwuramwahu en Siohwa.+
23 Aramas semwehmwe kin wia eh pekipek,
Ahpw aramas kepwehpwe kin sapeng ni lemei.
24 Mie kompoakepah kan me onopadahngehr kamwutepene emenemen,+
Ahpw mie kompoakepah kan me kin loalopwoat laudsang pirien ehu.+
3 Pein en aramas emen pweipwei me kin kasapwungehla ele kan,
Oh eh mohngiong kin lingeringerda pahn Siohwa.
4 Aramas kepwehpwe kin dir kompoakepah,
Ahpw aramas semwehmwe, kompoakepah kan pil pahn soikala ih.+
5 Sounkadehde likamw men pahn ale kalokolok,+
Oh mehmen me kin lokaia likamw ahnsou koaros sohte pahn pitila.+
6 Aramas tohto kin rapahki keniken rehn emen me lapalap,*
Oh koaros kin kompoakepahnki aramas me kin kihda kisakis.
7 Aramas semwehmwe men, rie kan koaros kin kailongki ih;+
Eri, ia uwen kompoakepah kan ar kin soikala ih!+
E kin pwakipwakihkin irail eh pekipek kan, ahpw sohte me kin sapeng.
8 Mehmen me kin alehda lamalam mwahu* kin poakohng pein ih.+
Mehmen me kin kesempwalki dehde mwahu pahn pweida.*+
9 Sounkadehde likamw men pahn ale kalokolok,
Oh mehmen me kin lokaia likamw ahnsou koaros pahn sohrala.+
10 E sohte konehng me pweipwei men en momourki kepwe kansenamwahu kan;
Eri, ia uwen eh sohte konehng ladu men en kaunda me lapalap akan!+
11 Aramas emen me ahneki dehde mwahu sohte kin mwadang lingeringerda,+
Oh e wia mehkot lingan ehu ong ih ma e pohnsehsehla* sapwung ehu.+
12 Engieng en nanmwarki rasehng ngiringir en laion,*+
Ahpw eh kupwuramwahu kin rasehng pwoaik me mi pohn dihpw.
13 Pwutak pweipwei men kin kahrehiong seme nan apwal,+
Oh lih pwopwoud me kin lokaia tohto* kin rasehng oas me kin imwpwi ahnsou koaros.+
14 Ihmw oh kepwe wia sohso sang pahpa kan,
Ahpw lih pwopwoud loalokong men kin sang rehn Siohwa.+
16 Mehmen me kin kapwaiada kehkehlik kin pere eh mour;*+
Mehmen me kin seukautihong ele kan pahn mehla.+
19 Aramas me kin mwadang en lingeringer pahn ale kalokepe;
Ma ke song doarehsang ih kalokepe, ke pahn anahne pwurupwurehng wia met.+
22 Limpoak loalopwoat wia mehkot kaselel ehu rehn aramas;+
Oh semwehmwe mwahusang au likamw.
23 Lemmwiki Siohwa kin kahluwalahng mour;+
Mehmen me kin wia met pahn kommoal ni nsenamwahu oh saledek sang apwal.+
24 Aramas pohnkahke kin kihdi peh nan dahl en mwenge,
Ahpw e kin pwangahki kapwurehda peho nan ewe.+
25 Wokih sounkepit,+ pwe me soakoahiek en loalokongla,+
Oh panawih me dehdehki mwahu, pwe e pahn kalaudehla eh loalokong.+
26 Seri men me kin wiakauwe seme oh kausala ine
Kin kahrehda kanamenek oh mwamwahlla.+
27 Samwa, ma ke solahr rong kaiahn,
Ke pahn salongasang mahsen erpit kan.
28 Sounkadehde soh katepe men kin kepitki pwung pahrek,+
Oh ewen aramas suwed kin iouki wiewia suwed.+
20 Wain kin kahrehiong emen en mwomwen pweipwei,+ sakau en wai kin kahrehiong emen en ketihwo;+
Mehmen me salongala pwehki mepwukat sohte loalokong.+
2 Duwehte ngiringir en laion,* nanmwarki men kin kamasak aramas akan;+
Mehmen me kalingeringerihada kin kahrehiong eh mour eh mihla nan keper.+
3 Aramas me sohte kin iang akamai kin warohng ale kaping,+
Ahpw me pweipwei koaros pahn iang akamai.+
4 Aramas pohnkahke sohte kin deipwel ni ahnsoun kopou,
Eri e pahn pekipekseli erein ahnsoun dondol ni eh sohte ah mehkot.*+
5 Madamadau kan* nan mohngiong en aramas rasehng pihl nan pwarer loal kan,
Ahpw aramas me ahneki dehde mwahu kin idipasang.
6 Aramas tohto kin lohki arail limpoak loalopwoat,
Ahpw ihs me kak diar aramas lelepek men?
7 Aramas pwung kin kekeid nan eh loalopwoat.+
Meid peren nah seri kan* me kin kohdo mwuri.+
8 Ni nanmwarki men eh kin mwohndiong nan mwoale pwehn kadeik,+
E kin dehdehki suwed koaros ni eh kin kilangada.+
12 Salengatail me kin rong oh masatail me kin kilang
—Siohwa me ketin wiahda mepwukat koaros.+
13 Ke dehr perenki meir, pwe ke pahn semwehmwehla.+
Pehdpeseng, oh ke pahn medkihla pilawa.+
14 Me kin pwainda kepwe kin nda: “E sohte mwahu, e sohte mwahu!”
Ahpw ni eh kohkohla, e kin suweikiseli duwen eh pwainda dipwisou ni pweitikitik.+
16 Ale en aramas emen likou me inoukihda en pwukoahki en emen tohrohr pweipwand;+
Kihsang kilelepen pweipwando rehn aramaso ma e wiahda met ong lihen liki men.*+
18 Koasoandi kan pahn pweida* ma mie koasoakoasoipene,*+
Oh ni omw kohla mahwen, ke anahne kaweid erpit.+
19 Sounkaraun likamw men kin kohkohseli oh kasalehda koasoi rir kan;+
Ke dehr patehng aramas me kin perenki koasoia meteikan.*
20 Mehmen me kin keria seme oh ine,
Nah lampo pahn kunla ni eh pahn rotorotala.+
21 Sohso me kin alahldi sang ni noahrok nin tapio
Sohte pahn wia kapai ehu ni imwila.+
22 Ke dehr nda: “I pahn dupungki me suwed!”+
Koapworopworki Siohwa,+ oh e pahn ketin kapituhkala.+
23 Siohwa kin ketin kalahdeki mehn paun sapwung,*
Oh mehn tenek likamw kan sohte mwahu.
25 E wia lidip ehu ni aramas emen eh mwadangete werki, “Sarawi!”+
Ahpw mwuhr e medemedewe dahme e inoukihda.+
27 Esingek en aramas emen iei lamp en Siohwa,
Me kin serehda wasa me keieu loal rehn aramaso.
28 Limpoak loalopwoat oh lelepek kin pere nanmwarki;+
Sang ni limpoak loalopwoat e kin kolokolete mwoale.+
21 En nanmwarki mohngiong kin rasehng piletik kan nin limen Siohwa.+
E kin ketin kaweid pwilipwillahn piletik ehu wasa koaros me E ketin kupwurki.+
2 Mehkoaros me aramas emen kin wia kin mwomwen pwung ong pein ih,+
3 En wia dahme pwung oh pahrek
Kin kaperenda kupwuren Siohwa laudsang meirong ehu.+
4 Mas aklapalap oh mohngiong aklapalap
Iei lamp ehu me kin kaweid me suwed, ahpw met dihp.+
5 Koasoandi en aramas pwerisek men kin uhdahn pweida,*+
Ahpw koaros me kin pwurur kin inenwohng semwehmwe.+
7 Tiahk lemei en aramas suwed kan pahn koakoahkeirailla,+
Pwehki ar kahng wia dahme pwung oh pahrek.
8 Elen aramas dipada men kin pirek,
Ahpw wiewiahn aramas min kin inen.+
9 Kousoan pohn keimwen pwelengen ihmw ehu
Mwahusang mihmi rehn lih pwopwoud me kin lokaia tohto* nan ihmw.+
11 Ni sounkepit men eh kin kalokolok, me soakoahiek kin loalokongla,
Oh ni aramas loalokong men eh kin dehdehki mwahu, e kin ese dahme e pahn wia.*+
12 Me Pwung Men kin ketin mahmahsanih imwen me suwed;
E kin ketin kamwomwala me suwed.+
13 Ma mehmen ponehla salenge sang pekipek en me tikitik men,
Sohte me pahn sapeng ih ni eh peksawas.+
14 Kisakis rir kin kameleileidi lingeringer,+
Oh kisakis ni ahl sapwung oh ni rir* kin kameleileidi mwehl.
15 Mwekidki pwung pahrek kin wia mehkot kaperen ong me pwung men,+
Ahpw met wia mehkot kasaut ong irail kan me kin wia me suwed.
16 Aramas me kin salongasang elen dehde mwahu
Pahn kommoaldi rehn me melahr akan me sohte ar kehl.+
17 Aramas me kin perenki ahneki ahnsou kaperen* pahn semwehmwehla;+
Aramas me kin perenki wain oh leh sohte pahn kepwehpwehla.
18 Aramas suwed wia pweinen pweipwei sapahl ong aramas pwung,
Oh sounwiding pahn welialihkihda aramas mehlel.+
20 Pai kesempwal oh leh kin dierek nan imwen me loalokong,+
22 Aramas loalokong men kak dauredi* kahnimw en aramas kehlail kan
Oh kauwehla kehl kehlail kan me re kin likih.+
23 Mehmen me kin sinsile ewe oh lowe
Kin kadohwaneweisang ih kahpwal.+
24 Aramas pohnmwahso,* kala oh suwei, ihme ke kin kahdaneki
Aramas me kin mwekid ni aklapalap* oh sohte medemedewe imwilahn eh wiewia.+
25 Dahme aramas pohnkahke kin inengieng pahn kahrehiong en mehla,
Pwe peh kan kin kahng doadoahk.+
26 Rahn ehu pwon e kin medemedewehte dahme e inengieng,
Ahpw aramas pwung kin kihwei ni sapan.+
27 Meirong en aramas suwed kin kasaut.+
Ahpw mehlel ni eh wia meirong ni lamalam suwed!*
29 Aramas suwed kin mwomwen sohte namenek,+
Ahpw aramas pwung kin pilada ahl pwung me e pahn weid loale.+
30 Sohte erpit, de pil dehde mwahu, de pil kaweid me kin uhwong Siohwa.+
2 Me kepwehpwe oh me semwehmwe duwepenehte:*
Siohwa me ketin wiairahda.+
3 Aramas loalokong kin kilangada mehkot keper oh rukula,
Ahpw me soakoahiek kin inenwohngete oh lokolongki imwila.*
4 Imwilahn aktikitik oh lemmwiki Siohwa
Iei kepwehpwe, lingan oh mour.+
5 Dihpw tekatek kan oh lidip kan kin mi nan elen aramas widing,
Ahpw mehmen me kin kesempwalki eh mour* kin dohsang mepwukat.+
6 Kaiahnehda kisin seri* men nan ahl me e pahn weid loale;+
Mehnda ma e mahla e sohte pahn wetsang nan ahlo.+
7 Aramas kepwehpwe men kin kaunda me semwehmwe,
Oh emen me pekihsang emen mehkot kin wia lidun aramas me e pekihsang mehkot reho.+
8 Mehmen me kin kamwarak me suwed pahn dolung kahpwal,+
Oh sokon me e kin doadoahngki ni lingeringer pahn ohla.+
11 Aramas me kin poakohng mohngiong mwakelekel oh eh lokaia kan kin kadek
Pahn kompoakepahnkihla nanmwarki.+
13 Aramas pohnkahke men kin nda: “Mie laion likio!
I pahn kamakamala nanwerengen wasahn tuhpeneo!”+
14 Ewen lih suwed* men kin rasehng pwoahr loal ehu.+
Aramas me Siohwa kin ketin engieng pah pahn pwupwudi loale.
15 Pweipwei kin pirapiriong nan mohngiong en kisin seri* men,+
Ahpw tuhkehn peneu pahn kihsang met reh.+
16 Aramas me kin pitih me semwehmwe pwehn katohtohwehla eh kepwe+
Oh aramas me kin kisekise me kepwehpwe
Pahn semwehmwehla.
17 Rong kanahieng oh rong en aramas loalokong lokaia kan,+
Pwe ken kolokol dahme I padahkihwei nan omw mohngiong,+
18 Pwe ke pahn peren ma ke kolokol lokaia pwukat nan omw mohngiong,+
Ke ahpw pahn koasoia mepwukat ahnsou koaros.+
19 Pwe ken likih Siohwa,
I pahn kihong uhk loalokong rahnwet.
20 I ntingwohnguhkehr
Oh kasalehiong uhk kaweid oh loalokong,
21 Pwehn padahkihong uhk lokaia mehlel oh likilik,
Pwe ken kak pwurekihdo rehn me kadaruhkeweio rohng pwuhng.
22 Ke dehr pirapa aramas semwehmwe pwehki eh semwehmwe,+
Oh ke dehr kaloke aramas tikitik men ni ewen kelen kahnimwo,+
23 Pwe pein Siohwa pahn ketin pere ar repenpwung+
Oh e pahn ketikihsang mouren irail kan me kin widinge irail.
24 Ke dehr patehng aramas me kin mwadang en lingeringer
De iangih aramas me kin kalapw mwehl,
25 Pwe ke de alasang eh mwekid kan
Oh lidipeiukedi.+
26 Ke dehr mi nanpwungen irail kan me kin itipe pwehn wiahda kilelepen pweipwand,
Me kin inoukihda en pwukoahki en emen tohrohr lohn.+
27 Ma sohte omw mehkot me kak kapwungala,
Omw pehto pahn wisiksang!
28 Ke dehr kamwakid pehs en sahpw en mahs ako
Me semomw mehn mahs ako padokedier.+
29 Ke kilangehr aramas me kin koahiek nan eh doadoahk?
E pahn kesihnen mwohn nanmwarki kan;+
E sohte pahn kesihnen mwohn aramas mwahl akan.
23 Ni omw mwohndi pwe ken iang nanmwarki men mwenge,
Tehk kanahieng dahme mi mwohmw;
2 Ma ke ewen mwenge
Kihong naip ni kepinweromwen.*
3 Ke dehr men tungoale kene mwenge kaselel kan,
Pwe mwenge pwukat de pitihiukedi.
4 Ke dehr kapwangahkinuhkada kihkihpene kepwe.+
Uhdi oh kasalehda dehde mwahu.*
5 Ni omw pahn kilengwohng kepweo, e sohte pahn mi mwo,+
Pwe e pahn miehda eh pehnpihr duwehte ikel men oh pipihrla nan wehwe.+
6 Ke dehr tungoale kenen aramas lehk* mwenge;
Ke dehr men tungoael kene mwenge kaselel kan,
7 Pwe e duwehte aramas me kin tetehk ia uwen laud me ke pahn kangala.
E kin nda, “Mwenge oh nim,” ahpw e sohte mehmehlelki dahme e nda.*
8 Ke pahn mwuskihla mweremweren mwenge kan me ke kangala
Oh omw lokaiahn kaping kan pahn sohla katepe.
10 Ke dehr kamwakid pehs en sahpw en mahs ako+
De pil kihsang en me sepwoupwou mwaht.
12 Peikiong kaiahn sang nan omw mohngiong
Oh rong kanahieng mahsen erpit kan.
13 Ke dehr pweieksang kapwungala kisin seri* men.+
Ma ke wokihki tuhke, e sohte pahn mehla.
14 Ke anahne wokihki tuhkeo,
Pwe ken doarehsang ih nan Sousou.*
15 Samwa, ma omw mohngiong loalokongla,
Eri ei mohngiong pahn kin pereperen.+
16 Wasa me keieu loal rehi* pahn kin pereperen
Ni kilin ewomw kan eh kin koasoia dahme pwung.
17 Omw mohngiong en dehr peirinki aramas dipan akan,+
Ahpw lemmwiki Siohwa ahnsou koaros,+
18 Eri omw mour ni ahnsou kohkohdo pahn mwahu+
Oh omw koapworopwor sohte pahn sohrala.
19 Samwa, rong oh loalokongla,
Oh kainenelahng omw mohngiong nan ahl pwung.
20 Ke dehr mi nanpwungen aramas akan me kin nim wain laud,+
Nanpwungen irail kan me kin mehwo en kang uduk,+
21 Pwe me kin kamamsakau oh me kin mehwo pahn semwehmwehla,+
Oh ar kin men meir pahn kahrehiong ar kihoula.
24 Semen me pwung men uhdahn pahn kin pereperen;
Ohl emen me nainekihda pwutak loalokong men pahn kin pereperenki ih.
25 Semomw oh inomw pahn kin pereperen,
Oh me naitikihiukedio pahn kin pereperen.
26 Samwa, rong ie sang ni omw mohngiong unsek,
Oh perenki idawehn elei kan.+
27 Pwe lihen netiki paliwar men kin rasehng pwoahr loal ehu,
Oh lih me kin wia tiahk samin* kin rasehng pwarer wetikitik ehu.+
28 E kin rukuruk euwieuseli duwehte lipirap emen;+
E kin katohtohwehla ohl salelpek kan.
29 Ihs me kin lokolok? Ihs me kin pwunod?
Ihs me kin akamai? Ihs me kin kaulim?
Ihs me kin ohla ni soh kahrepe? Ihs me kin nan mas weitahta?*
31 Ke dehr linganki weitahtahn waino,
De pil eh kin lingaling nan kepo oh eh kin tangamwahu,
32 Pwe ni imwila, e kin keikei duwehte serpent men,
Oh e kin kihwei pwoisin duwehte sineik pwoisin men.
33 Mesomw kan pahn kilangada soahng kan me ehu soahng,
Oh omw mohngiong pahn koasoia soahng suwed kan.+
34 Oh ke pahn duwehte emen me wonohn nan madau,
Duwehte emen me wonohn pohn kadoken kehu en sohp pwoat.
35 Ke ahpw pahn nda: “Re wokihiedier, ahpw I sohte pehm.*
Re kemeiedahr, ahpw I sehse.
Iahd me I pahn pwourda?+
I anahne pil ehu kepen wain.”*
24 Ke dehr peirinki aramas suwed kan,
Oh ke dehr men patehng irail,+
2 Pwe ar mohngiong kin medemedewe tiahk lemei,
Oh kilin awarail kan kin koasoia wiewia suwed kan.
5 Aramas loalokong men kin kehlail,+
Oh aramas kin kalaudehla eh kehlail sang ni loalokong.
7 Me pweipwei men sohte kak alehda erpit mehlel;+
Sohte mehkot e kak nda ni ewen kelen kahnimw ehu.
8 Mehmen me kin koasoakoasoane mehkot suwed
Pahn adaneki kaunen pilahn mwersuwed.+
10 Ma ke mworusala ni ahnsou apwal,*
Omw kehl pahn tikitikla.
11 Doarehla irail akan me kohkolahng mehla,
Oh koledi irail kan me wasawasas kolahng kamakamala.+
12 Ma ke nda, “Ahpw se sehse duwen met,”
Ia duwe, Ih me kin ketin kasawih mohngiong* sou ketin dehdehki?+
Ei, Ih me kin ketin mwasamwasahn uhk pahn mwahngih
Oh pahn ketin katingiheki emenemen nin duwen eh wiewia kan.+
13 Samwa, tungoale sukehn loangalap pwehki e mwahu;
Sukehn loangalap sang nan pesen loangalap me mem.
14 Pil duwehte, ken ese me erpit kin mwahu ong uhk.+
Ma ke diarada, ke pahn ahneki mour ni ahnsou kohkohdo
Oh omw koapworopwor sohte pahn sohrala.+
15 Ke dehr duwehte aramas suwed me kin rukuruk ewieuseli limwahn imwen aramas pwung men;
Ke dehr kauwehla eh wasahn kommoal.
16 Aramas pwung men kak pwupwudi pak isuh, oh e pahn pwurehng pwourda,+
Ahpw me suwed men pahn pwupwudi douluhl pwehki kahpwal.+
17 Ni omw imwintihti eh kin pwupwudi, dehr perenda,
Oh ni eh kin dipekelekel, dehr mweidohng omw mohngiong en pereperen;+
18 Pwe ma ke wia met, Siohwa pahn ketin mahsanihada oh kupwursuwedkihla,
Oh E sohla pahn ketin engieng pahn omw imwintihtio.+
19 Ke dehr lingeringerda* pwehki aramas suwed kan;
Ke dehr peirinki aramas suwed kan,
20 Pwe sohte koapworopwor ong aramas suwed;+
Marain en aramas suwed pahn kunla.+
21 Samwa, lemmwiki Siohwa oh nanmwarki.+
Ihs me ese soangen mwomwla dah me ira* pahn ketikidiong pohrail?+
23 Mahsen pwukat pil kin kohsang me loalokong kan:
E sohte mwahu en lipilipilki aramas ni ahnsoun kopwung.+
24 Ma mehmen kin ndaiong me suwed men, “Kowe aramas pwung,”+
Aramas akan pahn keriahla ih oh wehi kan pahn kedipa ih.
25 Ahpw irail akan me kin panawih me suwedo pahn pweida mwahu;+
Kapai en soahng mwahu kan pahn kohdiong pohrail.+
26 Aramas akan pahn metik kilin ewen aramas me kin wia pasapeng mehlel.*+
28 Ke dehr wia kadehde pwehn uhwong mehn mpomw ni eh sohte kahrepe.+
Ke dehr doadoahngki kilin ewomw pwehn pitih meteikan.+
29 Ke dehr nda: “I pahn wiahiong ih duwehte me e wiahiong ie;
I pahn dupungkihong ih dahme e wiahda.”+
30 I keid limwahn mwaht me aramas pohnkahke men ahneki,+
Limwahn mwetin kreip en aramas me sohte ahneki lamalam mwahu.*
31 I tehkada me mwahto inenen dipwidipw mehlel;
Dihpw tekatek kan kipehdi pwehlo,
Oh kehl takai en mwahto rengkidi.+
32 I ahpw kilang met oh medemedewe;
I kilang oh esehda mehn kasukuhl wet:*
33 Ekis meir, ekis kihpene mesomw kan,
Ekis epidipe pwe ken kommoal,
34 Oh ke pahn mwadang semwehmwehla duwehte lipirap men eh wiahkintehieu peiong uhk,
Oh e pahn duwehte ohl emen me wa tehtehn pei eh kihsang omw kepwe kan koaros.+
25 Iet pil ekei lepin padahk en Solomon,+ me nein Esekaia+ nanmwarkien Suda ohl akan ntingihedi:
2 Koht kin ketin alehdi lingan pwehki e kin ketin kolokolete ire rir kan,+
Oh lingan kin kohwong nanmwarki kan ni ar kin ropada oaritikpen ire ehu.
3 Duwehte uwen ileile en nanleng oh loal en sampah,
Ih pil duwen sohte me kak wehwehki mohngiong en nanmwarki kan.
4 Kihsang mehkot samin ni silper,
Oh e pahn wiahla silper me uhdahn mwakelekel.+
5 Kihsang aramas suwed mwohn nanmwarki,
Mwoale ahpw pahn katengtengdi pwehki pwung pahrek.+
6 Ke dehr kawauwih pein kowe mwohn nanmwarki,+
Oh ke dehr uh nanpwungen me lapalap,+
7 Pwe e pahn mwahu ma e ndaiong uhk, “Kohdahdo wasaht,”
Sang eh kanamenekihiukala mwohn me lapalap men.+
8 Ke dehr mwadang en lelki mwoalen kopwung mehkot ehu,
Pwe dahme ke pahn wia mwuhr ma mehn mpomw kanamenekihiukala?+
9 Kowe oh mehn mpomwo en koasoiapene dahme kumwa sohte pwungkipene,+
Ahpw ke dehr kasalehiong emen dahme ke rongasang ih,*+
10 Pwe me rongorong uhko en dehr kanamenekihiukala
Oh ke sohte kak kapwure koasoi suwed* ehu me ke kihpesengier.
12 Peneu sang aramas loalokong men ong me perenki rong,
Kin rasehng tiati kohl oh mehn kapwat kohl kaselel.+
13 Meninkeder lelepek men, kin rasehng lemwulemwur en sinoh
Nan karakar en ahnsoun rahk ong ih me kadarala,
Pwe e kin kansenamwahwih eh soumaso.+
14 Aramas me kin suweiki me e pahn kisakis ahpw sohte kihda*
Kin rasehng depwek oh kisinieng me sohte wahdo keteu.+
15 Sang ni kanengamah, ke kak kamwakid emen me ahneki manaman,
16 Ma ke diarada sukehn loangalap, tungoalehte uwen me ke anahne,
Pwe ma ke pahn kangala me laud, ke pahn mwuskihla.+
17 Ke dehr kalapw mwemweitla ni imwen mehn mpomw,
Pwe e de pwangahkinuhkada oh kailongkinuhkala.
18 Aramas me kin wia kadehde likamw duwen mehn mpe
Kin rasehng tuhkehn wowoki, kedlahs oh arep keng pwoat.+
19 Koapworopworki aramas soh likilik* men ni ahnsou apwal
Kin rasehng rukoahki mehkot ngih pwoat me tipw de aluhki neh mwoator ehu.
20 Aramas me kin kouliong me ahneki mohngiong nsensuwed
Kin rasehng emen me kapwuhrasang likou ehu ni rahnen kopou
21 Ma omw imwintihtio* men mwenge, kihong pilawa pwe en tungoale;
Ma e men nimpil, kihong pihl pwe en nim.+
23 Kisinieng en paliepeng kin kahrehdo keteu mosul,
Oh loh me kin lipahned kin kahrehda mas lingeringer.+
24 Kousoan pohn keimwen pwelengen ihmw ehu
Mwahusang mihmi rehn lih pwopwoud me kin lokaia tohto* nan ihmw.+
26 Aramas pwung men me dukula pahn* me suwed men
Kin rasehng utuhnpihl kiried oh pwarer samin ehu.
27 E sohte mwahu en kang sukehn loangalap daulihala,+
Oh e pil sohte mwahu aramas emen en rapahki pein eh lingan.+
28 Aramas me sohte kak kaunda eh lingeringer,
Kin rasehng kahnimw ohla ehu me sohte keledi.+
26 Wahu sohte konehng aramas pweipwei,
Duwehte sinoh ni ahnsoun karakar oh keteu ni ahnsoun dondol.+
2 Duwehte eh kin mie kahrepen menpihr men eh kin tang oh kisin menpihr* men eh kin pipihrla,
Keria sohte kin kohdo ma sohte kahrepe.
3 Mehn wowoki kin ong oahs, mete* kin ong dongki,+
Oh lepin tuhke kin ong tihnsewen aramas pweipwei.+
4 Ke dehr sapeng aramas pweipwei men duwehte eh koasoi pweipwei,
Pwe ke de duwehla ih.*
5 Sapeng aramas pweipwei men duwehte eh koasoi pweipwei,
Pwe e de medewe me e loalokong.+
6 Aramas me kin likihong me pweipwei men doadoahk ehu
Kin rasehng aramas me kin kauwehla pein neh oh kin kamedekihala pein ih.*
7 Lepin padahk nan ewen aramas pweipwei kan
Kin duwehte neh mwoator en aramas dangepel men.+
8 Kalinganahda aramas pweipwei men
Kin duwehte pirehiong takai ehu nan pahi.+
9 Lepin padahk nan ewen aramas pweipwei kan
Kin duwehte tuhke tekatek me mi nan pehn aramas sakaula men.
10 Aramas me kin koadoadoahkih me pweipwei men de irail kan me e kasaingedi
Kin duwehte sounkesik ketieu men me kin kauwehla aramas sohte lipilipil.*
11 Duwehte kidi men me kin pwurehng kang eh mwus,
Aramas pweipwei men kin pwurehng wia eh tiahk en pweipwei.+
12 Ke kilangehr aramas me kin medewe me e loalokong?+
Mie koapworopwor ong aramas pweipwei men laudsang ih.
13 Aramas pohnkahke men kin nda: “Mie laion pwulopwul men nanialo,
Laion men nan wasahn tuhpeneo!’+
14 Duwehte wenihmw ehu eh kin weliwelikek ni insis kan,
Ih duwen me pohnkahke men eh kin koakoahnek nan eh peht.+
15 Aramas pohnkahke kin kihdi peh nan dahl en mwenge,
Ahpw e nohn pwang en kapwurehda peho nan ewe.+
16 Aramas pohnkahke kin lemeleme me e loalokongsang
Aramas isimen me kin kihda pasapeng pwung.
17 Aramas emen me alialu kohwei oh lingeringerkihda* akamai ehu me sohte ahiong,
Kin rasehng aramas me poarehng salengen kidi men.+
18 Aramas sahliel me kin kesingkihwei arep kisiniei oh keper me kak kemehla aramas
19 Kin duwehte aramas emen me pitihedi mehn mpe oh nda, “I kamwakamwante!”+
20 Wasa me sohte tuwi, kisiniei pahn kunla,
Oh wasa me sohte sounkaraun likamw, akamai pahn tokedi.+
21 Duwehte mwoalus eh kin kahrehda ngkengken oh tuwi kin kahrehda kisiniei,
Aramas me mwahuki akamai kin sasaun akamai.+
22 En sounkaraun likamw men lokaia kin rasehng mweremweren mwenge iou;*
Re kin kohdihlahteieu lel nan kapehd.+
23 Koasoi kadek sang nan* mohngiong suwed
Kin rasehng silper melengileng pohn diperen sah pwehl ehu.+
24 Aramas me kin kailongki meteikan kin karirihkihla eh kailok lokaia kansenamwahu kan,
Ahpw nan kapehde, e kin kolokol widing.
25 Mendahki e kin lokaia kadek, ke dehr likih ih,
Pwe mie soahng kasaut isuh nan eh mohngiong.*
26 Mendahki e kin karirihala eh kailok ni widing,
Eh suwed pahn sansalda mwohn aramas akan.
27 Aramas me kin weirada pwoahr ehu pahn pwupwudiong loale,
Oh mehmen me kin katapwurehsang takai ehu—takaio pahn tapwurodohng powe.+
28 Aramas me kin likamw, kin kailongki irail akan me kin medengkihla likamw,
Oh aramas me kin kapohlih meteikan kin kahrehda ohla.+
2 Mweidohng emen tohrohr* en kapingaiuk, a kaidehn pein ewomw;
3 Takai kin toutou oh pihk kin toutou,
Ahpw kahpwal me aramas pweipwei kin wiahda kin toutou sang koaros.+
4 Mwehl kin lemei oh lingeringer kin duwehte lapake,
Ahpw ihs me kakohng luwakahk?+
5 Peneu sansal mwahusang limpoak me sohte sansal.+
7 Aramas med kin kahng tungoale* sukehn loangalap sang nan pesen loangalap,
Ahpw ong me men mwenge, dahme katik pil kin mem.
8 Aramas me kin kohkohlahsang* imwe
Kin rasehng menpihr men me kohkohlahsang pese.
9 Leh oh warpwohmwahu kin kaperenda mohngiong;
Duwehte kompoakepah keren kan ar kin kihda kaweid mwahu.+
10 Ke dehr soikala kompoakepahmw de kompoakepahn semomw,
Oh dehr pedolong nan imwen riomw ni rahnen omw apwal;
Mehn mpomw me karanihiuk mwahusang riomw me dohsang uhk.+
12 Aramas loalokong kin kilangada mehkot keper oh rukusang,+
Ahpw me soakoahiek kin inenwohngete oh lokolongki imwila.*
13 Ale en aramas emen likou me inoukihda en pwukoahki en emen tohrohr pweipwand;
Kihsang kilelepen pweipwando rehn aramaso ma e wiahda met ong lihen liki men.*+
14 Ma ke kapaia iengomw men ni ngihl laud nimensehngie,
E pahn wiahki met keria ehu.
15 Lih pwopwoud me kin lokaia tohto* kin rasehng oas me kin kalapw imwpwi ni rahnen keteu.+
16 Mehmen me kak katokehdi liho kak katokehdi kisinieng
Oh kak kolekihdi leh peh palimaun.
18 Mehmen me kin apwalih tuhke pik pahn tungoale wah kan,+
Oh mehmen me kin apwalih eh soumas pahn waunla.+
19 Duwehte omw kin kilang pein mesomw nan pihl,
Ke kin kilang pein kowe ni omw kilang meteikan.
21 Duwehte silper oh kohl eh kin kamwakelda nan wasahn kisiniei mwehl,+
Aramas kin ale songosong sang ni kaping me e alehdi.*
22 Mehnda ma ke sungki me pweipwei men peinar ehu
Duwehte krein mwutpene nan dahl takai ehu,
Eh pweipwei sohte pahn kohkohsang ih.
23 Ke anahne ese mwahu irair en noumw pelin sihpw.
Apwalih mwahu* noumw sihpw kan,+
24 Pwe reken kepwe sohte kin poatopoat,+
De pil nihn* ehu sohte kin mihmihte ong dih kan koaros.
25 Dihpw kan kin sohrala oh dihpw kapw kin pwarada,
Oh dihpw en nahna kan kin rikirikpene.
26 Wunen sihpw wol pwulopwul kan me kin wiahda omw likou,
Oh kuht wol kan me kin wia pweinen mwaht ehu.
27 Oh e pahn mie milik en kuht me itar en kamwengeiuk,
Kamwenge omw peneinei oh ketihnainih noumw lidu serepein kan.
28 Me suwed kan kin tangdoaui ni eh sohte me kin pwakipwakih irail,
2 Ni tohnsahpw ehu ar kin kauwehla kosonned,* kaun akan kin kalapw weliali.+
Ahpw sang ni sawas en aramas me ahneki loalokong oh dehde mwahu, kaun* pahn mihmihte.+
3 Aramas semwehmwe me kin widinge me tikitik men+
Kin rasehng keteu me kin wahsang mwenge koaros.
4 Irail akan me kin kesehla kosonned kin kapinga aramas suwed,
Ahpw irail akan me kin peikiong kosonned kin lingeringer pahrail.+
5 Aramas suwed kan sohte kak wehwehki pwung pahrek,
Ahpw irail akan me kin rapahki Siohwa kak wehwehki soahng koaros.+
6 Aramas semwehmwe men me kin weweidki eh loalopwoat
Mwahusang aramas kepwehpwe men me kin weweidki elen mwersuwed.+
7 Seri men me ahneki dehde mwahu kin peikiong kosonned,
Ahpw me kin kompoakepahnki aramas mehwo kan kin kanamenekihala seme.+
8 Mehmen me kin katohtohwehla eh kepwe sang ni wihn+ oh wihn laud me e kamangaikiong emen mwohni
Kin kihkihpene eh kepwe kan ong aramas me kin poakehla me semwehmwe.+
9 Mehmen me kin kahng rong kosonned
—Eh kapakap pil kin kasaut.+
10 Mehmen me kin pitihlahng aramas pwung men nan ahl suwed pahn pwupwudiong nan pwoar me e pein weirada,+
Ahpw me sohte karaunpe pahn sohsohki dahme mwahu.+
11 Aramas kepwehpwe kin medewe me e me loalokong,+
Ahpw aramas semwehmwe me ahneki dehde mwahu kak kasawih loalen aramaso.+
12 Ni aramas pwung ar kin kana, e kin mie peren* laud,
Ahpw ni me suwed ar kin alehdi manaman, aramas akan kin rukula.+
13 Mehmen me kin ekihla dipe kan sohte pahn pweida,+
Ahpw mehmen me kin wehkada oh kesehla mepwukat pahn alehdi kadek kalahngan.+
14 Meid peren aramas me kin tetehk eh wiewia kan ahnsou koaros,*
Ahpw mehmen me kin kakeptakaila eh mohngiong pahn pwupwudiong nan apwal.+
15 Kaun suwed men me kin kaunda aramas akan me sohte sawasparail
Kin rasehng laion men me wie ngiringir oh pehr men me tang uk pwehn poarehng seike.+
16 Kaun me sohte ahneki dehde mwahu kin doadoahngki eh manaman ni ahl suwed,+
Ahpw mehmen me kin kailongki ale mwohni ni ahl mwersuwed pahn mour werei.+
17 Aramas emen me pwukoahki dipen kamaramas pahn kin wie tangatang lao lel nan sousou.*+
Kaleke emen sewese ih.
18 Aramas me kin mour mwakelekel pahn poadoandoarla,+
Ahpw aramas me elen eh mour kin suwed pahn mwadangete pwupwudi.+
19 Aramas me kin koadoahke sapwe pahn dir kene pilawa,
Ahpw aramas me kin rapahki soahng soh katepe kan uhdahn pahn semwehmwehla.+
20 Aramas lelepek men pahn alehdi kapai tohto,+
Ahpw aramas me kin karuwaru en kepwehpwehla sohte pahn mwakelekelte.+
21 E sohte mwahu en lipilipilki aramas;+
Ahpw aramas emen kakete sapwung pwehki kisin pilawa.
22 Aramas peirin* men kin nannanti en kepwehpwehla,
Ahpw e sehse me semwehmwe pahn lelohng ih.
23 Mehmen me kin kapwungala emen+ pahn ale kasapahlkalahngan mwuhr,+
Laudsang mehmen me kin kapohlih ih.
24 Mehmen me kin pirapa seme oh ine oh nda, “E sohte sapwung,”+
Kin wia iengen aramas me kin kahrehda ohla.+
27 Mehmen me kin kisekise me semwehmwe sohte pahn anahne mehkot,+
Ahpw aramas me kin pohnsehse me semwehmwe pahn riahla pak tohto.
28 Aramas kin rukula ni me suwed kan ar kin alehdi manaman,
Ahpw ni ar sohrala, me pwung kan kin tohtohla.+
29 Aramas me kin keptakaite* mwurin eh kapwungpwungla pak tohto+
Pahn mwadangete ohla oh sohte kak mwahula.+
2 Aramas akan kin pereperen ni eh tohto me pwung kan,
Ahpw aramas akan kin ingihng ni me suwed men eh kin kakaun.+
3 Aramas me kin poakohng erpit kin kaperenda seme,+
Ahpw aramas me kin patehng lihen netiki paliwararail kan kin kesehla mwahl nah mwohni oh kepwe kan.+
4 Nanmwarki men kin kakehlaka eh wehi sang ni pwung pahrek,+
Ahpw aramas emen me kin raparapahki en ale kisakis kan ni ahl sapwung kin kauwehla wehio.
5 Aramas me kin kapohlih mehn mpe
Kin kihpeseng uhk ehu ni neho.+
7 Aramas pwung kin nsenohki repenpwung en me semwehmwe,+
Ahpw me suwed sohte kin nsenohki soahng pwukat.+
8 Aramas suwei kan kin rasehng irail akan me isikada kisin kahnimw ehu,+
Ahpw me loalokong kan kin kameleileidi lingeringer.+
9 Ni aramas loalokong men eh kin akpwungiong me pweipwei men,
E pahn mie weriwer oh kapailok, ahpw sohte nsenamwahu.+
12 Ma kaun emen kin rong dahme likamw,
Nah ladu kan koaros pahn suwed.+
13 Me semwehmwe oh sounkalokolok duwepenehte:*
Siohwa kin ketikihong nan pwoaren masara kan marain.*
16 Ni aramas suwed ar kin tohtohla, suwed kin tohtohla,
Ahpw aramas pwung pahn kilang ar pwupwudi.+
17 Kaiahne noumw seri oh e pahn kansenamwahwihiuk;
Oh e pahn kihong uhk peren laud.+
18 Ma sohte kaudiahl,* aramas akan pahn wia pein nsenarail,+
Ahpw meid peren irail akan me kin peikiong kosonned.+
19 Ladu men sohte pahn kapwungpwungla sang ni lokaia,
Pwe mehnda ma e wehwehki, e sohte pahn peikiong.+
20 Ke kilangehr aramas me kin koasoi ni eh sohte medemedewe?+
Mie koapworopwor ong aramas pweipwei men laudsang ih.+
21 Ma ladu men kin mweimweiong nsene sang ni eh pwulopwul,
Mwuhr e pahn wiahla aramas emen me sehse kalahngan.
22 Aramas me kin mwadang en lingeringer kin kahrehda pei;+
Mehmen me kin kalapw mwehl kin kauwehla kosonned tohto.+
23 Aklapalap en aramas emen pahn kahrehiong en tikitikla,+
Ahpw mehmen me kin aktikitik pahn alehdi lingan.+
24 Aramas me kin sewese lipirap men kin kailongki pein ih.
Ele e pahn alehdi poahngoak en wia kadehde,* ahpw e sohte pahn koasoia mehkot.+
26 Me tohto kin rapahki ahnsou mwahu en tuhwong* kaun emen,
Ahpw aramas kin alehdi pwung pahrek sang rehn Siohwa.+
27 Aramas me sohte kin pwung pahrek kin kasaut ong me pwung,+
Ahpw aramas me kin wia dahme pwung kin kasaut ong me suwed.+
30 Rohng kesempwal kan me mi nan mahsen en Akur nein Sake, me e koasoiaiong Idiel, ong Idiel oh Iukal.
2 I soaloalokong sang meteikan koaros,+
Oh I sohte ahneki koahiek en wehwehki me aramas anahne ahneki.
3 I sohte sukuhlki duwen erpit,
Oh I sohte ahneki kupwurokong en Me Keieu Sarawio.
4 Ihs me kohdalahr nanleng oh eri kohdihdo?+
Ihs me koledier kisinieng nan peh kan?
Ihs me koarukihpene pihl nan eh likou?+
Ihs me koasoanedier* irepen sampah?+
Ia mware oh mwaren sapwellime pwutaken—ma ke ese?
5 Mahsen en Koht koaros me min.*+
E ketin wia mehn sansar ong irail akan me kin rukula reh.+
6 Ke dehr kapatahiong mehkot nan sapwellime mahsen kan,+
Pwe ma ke wia met, e pahn ketin kapwunguhkala,
Oh ke pahn wiahla sounlikamw.
7 I peki rehmwi soahng riau.
Komw dehr ketin irehdihsang ie mepwukat mwohn ei mehla
8 Komw ketikihsang ie widing oh likamw.+
Komw dehr ketin wiahiong ie I en semwehmwehla de pil kepwehpwehla.
Komw ketin mweidohngiehte I en tungoale uwen me I anahne,+
9 Pwe I de medla oh kahmahmkin komwi oh nda, “Ihs Siohwa?”+
Oh pwe I de semwehmwehla oh pirap oh kasohwauwihala* mwaren ei Koht.
10 Ke dehr karaunlikamwih ladu men rehn eh soumas,
Pwe ma ke wia met, e pahn keriaiukala oh ke pahn pwukoahkihdi dihp wet.+
11 Mie dih ehu me kin keriahla ar pahpa kan
Oh sohte kin kapaia ar nohno kan.+
13 Mie dih ehu me uhdahn aklapalap
Oh kin kilengdiong meteikan!+
14 Mie dih ehu me ngihrail kan rasehng kedlahs
Oh tihn awarail kan rasehng naip;
Re kin kadallehla me tikitik kan en sampah
Oh me semwehmwe kan sang rehn aramas akan.+
15 Mwahs liht* kan naineki serepein riemen me kin weriwerki, “Kihdo! Kihdo!”
Mie soahng siluh me sohte kin medla,
Soahng pahieu me sohte mwahn kin nda, “Itar!”
17 Mehmen me kin kapailoke seme oh sapeikiong ine+
—Reipen* en wahu kan pahn palihasang pwoaren mese,
Oh ikel pwulopwul kan pahn kangala.+
18 Mie soahng siluh me nohn kapwuriamwei ong ie,*
Oh soahng pahieu me I sohte wehwehki:
19 Elen ikel men me kin pipihrseli pahnlahng,
Elen serpent men me kin limwlimwahdek pohn takai,
Elen sohp me kin seiseiloakseli nan madau,
Oh elen ohl emen me kin mi rehn lih pwulopwul men.
20 Iet elen lih men me kin kamwahl:
E kin mwenge, limwihada ewe;
Mwuri e kin nda, “Sohte mehkot sapwung I wiahda.”+
21 Mie soahng siluh me kin kahrehiong sampah en rerada
Oh soahng pahieu me aramas sohte kak dadaur pah:
22 Lidu men eh kin kakaun nin duwen nanmwarki,+
Me pweipwei men eh kin direkihla mwenge,
23 Lih emen me aramas akan kailongki* eh pwopwoudida,
Oh serepein lidu men eh wiliandi dewen eh lih soumas.+
25 Ketitik kan sohte wia menmour kehlail kei,*
Ahpw re kin kaunopada kanarail mwenge ni ahnsoun karakar.+
29 Mie soahng siluh me ar kahk kan kapwuriamwei,
Soahng pahieu me kapwuriamwei ni ar kin mwekid:
30 Laion, me keieu kehlail nanpwungen mahn akan,
Me sohte kin tangasang emen;+
31 Kidien pwek mahn; kuht wol;
Oh nanmwarki men me nah karis en sounpei kan mi reh.
32 Ma ke kasapwilada pein kowe ni pweipwei+
De ma ke koasoakoasoane ken wia met,
Pwainkihdi ewomwen pehmwen.+
33 Pwe duwehte arih milik eh kin wiahla pwete
Oh pirer tumwen emen eh kin kakusiei nta,
Ih duwen kamwakidada lingeringer eh kin kahrehda akamai.+
31 Mahsen en nanmwarki Lemuel, rohng kesempwal me eh nohno kaweidki ih:+
2 Nei pwutak, dahme I pahn ndahwei,
Nei pwutak sang kapehdi, dahme I pahn ndahwei,
Oh nei pwutak me I kahukihla ni inou, dahme I pahn ndahwei?+
3 Ke dehr kauwehla mwahl omw kehl rehn lih akan,+
De pil idawehn elen mour me kin kauwehla nanmwarki kan.+
4 Lemuel, met sohte konehng nanmwarki kan,
E sohte konehng nanmwarki kan ren nim wain
Oh pil kaun akan ren nda, “Ia nimei wainen?”+
5 Pwe ren dehr nim wain oh manokehla kosonned kan
Oh kasapwungehla pwuhng en me tikitik kan.
7 Irail en nim oh manokehla arail semwehmwe;
Irail en sohla tamanda arail kahpwal kan.
8 Koasoiki irail kan me sohte kak lokaiahki pein irail;
Pere pwuhng en irail koaros me pahn melahr.+
א [Aleph]
10 Ihs me kak diarada lih pwopwoud koahiek* men?+
E uhdahn kesempwal sang rahr* kaselel kan.
ב [Beth]
11 Eh pwoud kin likih ih sang nan eh mohngiong,
Oh e ahneki soahng koaros me e anahne.
ג [Gimel]
12 Erein eh momour,
Liho kin wia me mwahu ong ohlo, a kaidehn me suwed.
ד [Daleth]
13 E kin ale wunen sihpw oh linen;
E kin perenki doadoahk.+
ה [He]
14 E kin wahdo kene mwenge sang wasa doh,+
Rasehng sohp en sounnetinet kan.
ו [Waw]
15 E pil kin pirida nin sohrahn,
Kaunopada kenen eh peneinei mwenge
ז [Zayin]
16 E kin medewehdahr mwaht ehu oh pwainda;
E kin wiahda mwetin kreip sang pein nah mwohni.*
ח [Heth]
ט [Teth]
18 E kin kilang me eh pesines kin mie kamwahupe;
Nah lamp sohte kin kunla nipwong.
י [Yod]
כ [Kaph]
20 E kin kapahla peho rehn me tikitik,
Oh e kin kadekohng me semwehmwe.+
ל [Lamed]
21 E sohte kin pwunodki eh peneinei pwehki sinoh,
Pwe eh peneinei pwon kin likawih likou mosul.*
מ [Mem]
22 E kin wiahda kidipen eh peht kan.
Eh likou kan kin wiawihkihda linen oh dereht ntahnmwel sang wunen sihpw.*
נ [Nun]
23 Eh pwoud kin ndand ni ewen kelen kahnimw kan,+
Wasa me e kin mwohd rehn ohl mah kan en sahpwo.
ס [Samekh]
24 E kin wiahda oh netikihla likou linen kan*
Oh e kin netikihong sounnetinet kan mehn kateng kan.
ע [Ayin]
25 E kin pwuhriong nan kehl oh lingan,
Oh e kin kilangwohng ahnsou kohkohdo ni koapworopwor.*
פ [Pe]
צ [Tsade]
27 E kin mwasamwasahn dahme kin wiawi nan imwe,
ק [Qoph]
28 Nah seri kan kin uhda oh lohki me e peren;
Eh pwoud kin uhda oh kapinga ih.
ר [Resh]
29 Mie lih koahiek* tohto,
Ahpw kowe—ke siksang irail koaros.
ש [Shin]
30 Moakoamoak kakete widing, oh lingan kakete sohrala,*+
Ahpw lih emen me kin lemmwiki Siohwa pahn alehdi kaping.+
ת [Taw]
31 Katingiheki ih dahme e kin wia,*+
Oh eh doadoahk kan en wadohng ih kaping nan ewen kelen kahnimw kan.+
De “padahkihiuk; kaweid uhk nan mour.”
De “dahme pwung.”
De “karasaras.”
De “Wauneki laud.”
De “kaweid uhk; padahkihiuk.”
De “kosonned.”
LI, sheʼohl′. Kilang KLL.
De “Iang kiht usuhs.”
De “ehukihpene ehd (kopwou) ehu.”
LI, neʹphesh. Kilang KLL.
LI, neʹphesh. Kilang KLL.
LI, “moangen.”
De “wekila ni ei panawih kumwail.”
LI, ruʹach. Kilang KLL “pneuʹma; ruʹach.”
LI, “tungoale wahn.”
De “pilahn mwersuwed kan.”
LI, “ehu soahng.” Sansal me emen me eh tiahk kin tohrohrsang Koht.
LI, “mehn liki.” Sansal me emen me eh tiahk kin dohsang Koht.
De “lokaiahn kasongosong kan.”
LI, “kompoakepah keren.”
LI, “kohlongala.”
De “me kin kolokol eh loalopwoat.”
De “ei kosonned.”
LI, “omw mohngiong en peikiong.”
De “mehlel.”
LI, “idengek pohn.”
LI, “omw pwuhs.”
De “Me keieu mwahu.”
De “pweinen omw doadoahk.”
Kilang KLL.
Sansal me e dokedoke sapwellimen Koht irair kasalel kan me mi nan iretikitik en mwowe ko.
De “loisang mehkot.”
De “manaman nan pehmw pwehn.”
De “ei kosonned.”
LI, “Kauhlahng salengomw.”
LI, “udukarail kan koaros.”
De kakete, “Medemedewe mwahu.”
LI, “Kauhlahng salengomw.”
LI, “ehu soahng.” Kilang Lep 2:16.
LI, sheʼohl′. Kilang KLL.
De “kehl.”
LI, “Nan kapokon oh mwomwohdiso.”
De “pihl mwakelekel.”
Pil adaneki ibex.
De “kalitopwihiuk.”
LI, “ehu soahng.” Kilang Lep 2:16.
LI, “mehn liki.” Kilang Lep 2:16.
Me iei, kilelepen pweipwand.
De “kosonned.”
De “kaweid uhk.”
LI, “mehn liki.” Kilang Lep 2:16.
LI, neʹphesh. Kilang KLL.
LI, “sohte mohngiong.”
De “pweinen pweipwei sapahl.”
De “kosonned.”
LI, “ehu soahng.” Kilang Lep 2:16.
LI, “mehn liki.” Kilang Lep 2:16.
De “lokaiahn kasongosong kan.”
LI, “sohte mohngiong.”
De “likawihada likoun.”
LI, “Neh kan sohte mwahn kin mihmihte.”
Kilang Nem 24:6, ntp.
De “selmete kan.”
LI, neʹphesh. Kilang KLL.
LI, sheʼohl′. Kilang KLL.
LI, “ong nein aramas akan.”
De “mohngiong me ahneki koahiek en wehwehki.”
LI, “ei kaiahn.”
Kilang KLL.
De “kepwe me kin poatopoat.”
De “Sangete kawao.”
LI, “pwonopwon.”
LI, “kakehlakahda.”
De “koasoanehdi.”
De “nein aramas akan.”
LI “kaiahn.”
De “Sang ni eh kin pepehd.”
De “paradahr.”
De “E kemelahr kene uduk.”
LI, “sohte mohngiong.”
De “me soakoahiek kan.”
Me iei, erpit.
LI, “sohte mohngiong.”
LI, sheʼohl′. Kilang KLL.
De “Adamwahu en.”
LI, “kehkehlik.”
LI, “sohte mohngiong.”
De “dipwisou kesempwal.”
De kakete, “kin mi pohn ahl me kolahng mour.”
De “wisik lokaia.”
De “kaweid.”
De “pahtou; kahpwal.”
De “ong eh kaunen doadoahk.”
De “koapworopworki.”
De “kin kapwarehda wahn.”
De “likamw.”
De “takain paun unsek.”
Kilang Nem 14:44, ntp.
De “irail kan me kin pohnese ar soh itar akan.”
De “Dipwisou kesempwal kan.”
De “me kin pohnsehse Koht.”
LI, “sohte mohngiong.”
LI, “pwaindi ire ehu.”
De “komour.”
LI, “kin tatki.”
De “kaselel.”
De “aramas me ahneki limpoak loalopwoat.”
De “kanamenek.”
LI, “Peh ong peh.”
LI, “kamwerepeseng.”
LI, neʹphesh. Kilang KLL.
LI, “pahn kamworouroula.”
LI, “kanimpile laud.”
Kilang KLL.
De “kanamenek.”
LI, “pahn sohsohki kisinieng.”
LI, neʹphesh. Kilang KLL.
De “rasehng sounkam aramas men me rukuruk oh awiawih.”
LI, “pilawa.”
LI, “sohte mohngiong.”
LI, “ewe.”
De “ni rahnohte.”
LI, “pwaindi.”
LI, “dahme pwung.”
LI, “irail me wia sounkaweid en.”
De “kansensuwedihala.”
De “kapwung.”
LI, “ewe.”
LI, neʹphesh. Kilang KLL.
De “dahme e kin nda.”
LI, neʹphesh. Kilang KLL.
LI, neʹphesh. Kilang KLL.
LI, “pahn kamworouroula.”
LI, neʹphesh. Kilang KLL.
De “Ahpw aramas semwehmwe men sohte kin rong lipwoar.”
LI, “pereperen.”
Kilang Nem 14:44, ntp.
De “irail kan me kin koasoiapene mehkot.”
De “Kepwehpwe sang ni mehkot soh katepe.”
LI, “kihpenehki peh.”
De “mahsen.”
De “Kosonned.”
De “peneu.”
LI, neʹphesh. Kilang KLL.
LI, “kekeid rehn.”
De “e.”
De “kaloke; doadoahngki tuhke.”
De kakete, “mwadang.”
De “pirek.”
De kakete, “me pweipwei kin pitih meteikan sang.”
De “sohte men wiahda tomw.”
De “mie ineng mwahu.”
De “lingeringer.”
De “aramas me ahneki koahiek en madamadau.”
LI, neʹphesh. Kilang KLL.
LI, “Mohngiong en aramas me ahneki dehde mwahu.”
De “Sapeng ni mpahi.”
De “kamedek.”
De “Lokaia me kin kamwahwihala wasa.”
De “peneu.”
De “pweinen.”
De “apwal.”
LI, sheʼohl′. Kilang KLL.
De “oh Apadon.”
De “panawih.”
LI, ruʹach. Kilang KLL “pneuʹma; ruʹach.”
De “pwakipwakih.”
De “mwahu.”
De “pingiping.”
LI, “me mwengehsang nan dewen kamwenge mahn.”
LI, “sohte mohngiong.”
De “koasoi rir.”
LI, “sang ni pasapeng en ewe.”
LI, sheʼohl′. Kilang KLL.
De “kanamenek.”
De “medewe mwahu duwen eh pahn sapeng; medewe mwohn eh pahn koasoi.”
LI, “kamworourowihala tih kan.”
LI, neʹphesh. Kilang KLL.
LI, “mohngiong.”
LI, “Koasoanehdi mohngiong wia kisehn aramas.”
De “pasapeng pwung.” LI, “pasapeng en lowe.”
LI, “min.”
LI, “Katapwurelahng Siohwa omw doadoahk kan.”
LI, “Peh ong peh.”
De “soikala.”
Met kin dokedoke keteu me wiawi mpen sounpwong en April me kin anahn pwehn kapwarehda wahn krein. Kilang Ortk B15.
LI, neʹphesh. Kilang KLL.
LI, “diar mwahu.”
LI, “Oh mem en kilin au.”
LI, neʹphesh. Kilang KLL.
LI, “Ewe.”
De “koasoakoasone pilahn mwersuwed.”
De “kaselel.”
LI, “pohn kepe.”
De “meleilei.”
LI, “meirong.”
De “nein nah pwutak kan.”
De “pahpa nohno kan.”
De “pwutak kan.”
De “pwung.”
De “lapalap.”
De “wia takai ehu me kin wahdo kupwuramwahu.”
LI, “pwaindi.”
LI, “kakusala pihl kan.”
LI, “mohngiong.”
De “Ni eh sohte ahneki lamalam mwahu.”
LI, “sohte mohngiong.”
LI, “diar mwahu.”
De “mwahu ong kamwahwihala paliwar.”
De “kamadahda tih kan.”
LI, “sang pahnadi.”
LI, “katik.”
De “idingkihong aramas pwung men kalokolok en pwain.”
De “mwamwahliki.”
LI, neʹphesh. Kilang KLL.
De “soahng kan me emen kin kadallehla ni mehwo.”
LI, “kin ileilehda,” me iei, sohte me kak sair oh sohte keper.
De “ma sohla eh koapworopwor?”
De “kasawih ih.”
LI, “katohrepeseng.”
LI, “ewe.”
LI, neʹphesh. Kilang KLL.
LI, “pitipit en neh kan.”
De “aramas sapan.”
LI, “alehda mohngiong.”
LI, “diar mwahu.”
LI, “daulih.”
De “laion pwulopwul men me wunaun ni tepinwere.”
De “akamai.”
LI, neʹphesh. Kilang KLL.
LI, neʹphesh. Kilang KLL.
De “katingiheki.”
De “inengieng.”
De “kaweid en.”
De “laion pwulopwul men me wunaun ni tepinwere.”
De kakete, “E pahn rapahkiseli erein ahnsoun dondol ahpw sohte diar mehkot.”
De “Koasoandi kan.” LI, “Kaweid.”
LI, “pwutak kan.”
De “Soangen takain paun riau oh soangen mehn deudeu riau ong mehn sosohng.”
De “Pwutak.”
Kilang KLL.
De “mehn liki men.”
De “Pilawa me alahlda ni widing.”
De “kehlailla.”
De “kaweid.”
De “me kin kasongosongki kilin ewe kan.”
De “soangen takain paun riau.”
De “ahl me e pahn keid loale?”
De “irisasang.”
De “kahrepen wiewia kan.”
De “kamwahu.”
De kakete, “ong irail kan me kin rapahki mehla.”
De “akamai.”
De “alehda loalokong.”
LI, “kisakis ni ahl sapwung me mi pahnadi.”
De “poakohng soahng kapere kan.”
De “akamai.”
LI, “kadallehla.”
De “powehdi”
Kilang Nem 14:44, ntp.
Kilang Nem 14:44, ntp.
De “iangahki eh tiahk kanamenek!”
LI, “koasoi kohkohlahte.”
LI, “Ahd ehu.”
LI, “Kenikenla.”
LI, “kin tuhpene.”
De “kalokepe.”
LI, neʹphesh. Kilang KLL.
De “pwutak; me pwulopwul.”
LI, “me nan pwoaren mas mwahu.”
De “Repenpwung.”
LI, “loalokong.”
LI, “ehu soahng.” Kilang Lep 2:16.
De “pwutak; me pwulopwul.”
De “Ireiukedi.”
De kakete “Uhdihsang koapworopworki pein omw koahiek en wehwehki.”
De “aramas me nan mas suwed.”
LI, “eh mohngiong sohte mi rehmw.”
LI, “me kin ketin pwainirailda sapahlo.”
De “pwutak; me pwulopwul.”
LI, sheʼohl′. Kilang KLL.
LI, “Ei mwidihlik kan.”
De “Alehda.”
LI, “mehn liki.” Kilang Lep 2:16.
De “edied.”
De “kihpene wain doal pwe ren song.”
De “I sohte kehn medek.”
De “I pahn pil pwurehng rapahki.”
De “Peneinei.”
De “pweida; komourala.”
De “Ahn me pweipwei pilahn kan.”
De “rahnen apwal.”
De “kahrepen wiewia kan.”
De “mwehlda.”
Me iei, Siohwa oh nanmwarkio.
De kakete, “Pasapeng inen kin duwehte metik ehu.”
De “omw peneinei.”
LI, “sohte mohngiong.”
LI, “I alehdi kaiahn.”
De “ire rir duwen meteikan.”
De “rohng suwed.”
De “silper perperda.”
LI, “kisakis en likamw.”
LI, “loh mwuterek.”
De kakete, “widing.”
De “soda.”
LI, “me kin kailongkin uhko.”
Me iei, en kameleileidi aramaso oh katikala eh lingeringer.
De “akamai.”
LI, neʹphesh. Kilang KLL.
LI, “wasasseli mwohn.”
Lokaiahn wai, “swallow.” Menpihr menet kin kalapw wiahda pese pohn ihmw kan.
De “mehn kaweid mahn.” Sahl me kin pirapiriong ni tepinweren oh ewen mahn pwe en kaunda.
De “Pwe ke de wiahiong uhk en pahrekiong ih.”
LI, “nim tiahk lemei.”
De “aramas koaros.”
De kakete, “iang pidada.”
De “soahng kan me emen kin kadallehla ni mehwo.”
LI, “Kilin au me kin lullulki.”
De “Pwe eh mohngiong kasaut douluhl.”
LI, “rahn ehu pahn naitikihada.”
LI, “mehn keiru men.”
LI, “Mehn liki men.”
De kakete, “me sohte mehlel; ni idihd.”
LI, “tiakedi.”
De “tangasang.”
De “kalokepe.”
De “mehn liki men.”
De “akamai.”
LI, “mesen kompoakepah.”
De “Sheol oh Apadon.”
De “Kaping me aramas alehdi kin kasalehda soangen aramas dahmen ih.”
De “Nsenohki; Tetehk.”
De “elin kapwat en nanmwarki.”
De “laion pwulopwul.”
De “uhwong.”
LI, “e.”
De “lingan.”
De “me kin lemw ahnsou koaros.”
De “pwoahr.”
De “noahrok.”
LI, “pahn kamworouroula.”
De “kakeluwakihala tepinwere.”
De “sohte karaunpe.”
LI, neʹphesh. Kilang KLL.
De kakete, “Ahpw me pwung kin nantihong doare eh mour.”
LI, ruʹach. Kilang KLL “pneuʹma; ruʹach.”
LI, “kin tuhpene.”
Me iei, E kin ketikihong ira mour.
De “Kaiahn; Kalokolok.”
De “kaweid sang Koht.”
De “rong kahula me pid keria ehu.”
De “Rerrerki.”
De “kihdi.”
De kakete, “rapahki kupwuramwahu en.” LI, “rapahki mesen.”
LI, “kauwadahr.”
De “kamwakelkihda kisiniei.”
De “kauwehla.”
LI, “pwise.”
Soangen mwahs me kin mi nan pihl oh kin mihkasang nta ni eh kin pasehng aramas de mahn.
LI, sheʼohl′. Kilang KLL.
Menpihr menet duwehte sioahk ahpw e lapalahsang.
De “siksang dahme I dehdehki.”
De “sohte poakohng.”
De “uhdahn loalokong.”
LI, “iei aramas kei me sohte kehlail.”
Mahn men me duwehte rapit me kin mi nan wasa takain.
LI, “iei aramas kei me sohte kehlail.”
De “tohrohrpeseng ni pwihn kan.”
De “Sewese repenpwung en.”
De “mwahu.”
Kilang KLL.
De kakete, “arail doadoahk.”
De “sang pein eh doadoahk kan.” LI, “sang wahn peh kan.”
LI, “pirehiong ni lukope kehlail.”
Tuhkehn dereht laud oh tikitik kin kadoadoahk pwehn kapir de wiahda dereht.
LI, “riau.”
Met iei dereht me wiawihdahsang wunen sihpw oh kaduh nan poh ntahnmwel.
De “likoun loale kan.”
De “kouruhrki rahn me kohkohdo.”
De “kosonned en kadek; kosonned en limpoak loalopwoat.”
LI, “e sohte kin tungoale pilawahn dangahnga.”
De “mwahu.”
De “sohte audepe.”
LI, “Kihong ih wahn peh kan.”