Kapikada lel Nohlik

Iawasa lahng oh sampah kohsang ie? Iawasa ketipin, maram oh usu, oh pil soahng tohto nan sampah kohsang ie? Paipel kihda pasapeng pwung ni ah koasoaia me mehpwukat Koht me kapikada. Ihme neitail pwuhk pahn tapikihda keieun poadoapoad en Paipel duen kapikpikda.

Keieun mehkan me Koht kapikada, duen me kitail sukuhliki, iei ngehn kan me duwehte pein ih. Irail pwukat iei tohnleng kan. Sampah kapikapikda ong aramas duwehte kitail. Ihme Koht ketin wiahda ohlo oh liho me adaneki Adam oh Ewa oh ketikihong ira nan mwetuwel lingan ehu. Ahpw ira sapeik ong Koht oh sohlahr ahniki pwuhng en memour.

Kapatapene koaros, sang kapikpikadahn Adam leldo Nohlik lapalap wereiki sounpahr 1,656. Erein ansou pwukat aramas suwed tohto mi nan sampah. Nan lahng, pil mie ngehn soh sansal kan, Sehdan oh nah tohnleng suwed kan. Nan sampah, mie Kein oh pil me suwed tohto teikan, iangahki ekei ohl kan me inenen kehlail. Ahpw pil mie aramas mwahu nan sampah—Eipel, Ihnok oh Noah. Nan Pali EHU kitail pahn wadek duen aramas pwukat oh mehkan me wiawiehr.