Dahme Paipel Mahsanih?

Ia duwe, Paipel kak seweseiuk en powehdi pwunod kan?

Dahme ke pahn nda?

• Ei

• Soh

• Mwein

Dahme Paipel mahsanih

“Mweidohng [Koht] amwail pwunod koaros, pwehki eh kin ketin apwahpwalih kumwail.” (1 Piter 5:7) Paipel kin kamehlelehiong kitail me Koht kak sewese kitail en kihsang atail pwunod kan.

Dahme kitail pil kak sukuhlkihsang Paipel?

• Sang ni kapakap, ke kak alehdi “sapwellimen Koht popohl” me kin kihsang pwunod.​—Pilipai 4:6, 7.

• Pil patehng met, wadek Mahsen en Koht kak seweseiuk en powehdi pwunod kan.​—Madiu 11:28-30.

Ia duwe, pwunod pahn kak sohla?

Ekei aramas kamehlele . . . me pwunod kin wia kisehn en aramas mour, a ekei kin kamehlele me kitail sohla pahn pwunod nan ehu soangen mour mwurin atail mehla. Ia omw madamadau?

Dahme Paipel mahsanih

Koht pahn ketin ketikihsang soahng kan me kin kahrehda pwunod. “Mehla solahr pahn wiawi, solahr mwahiei, solahr nsensuwed, solahr medek.”​—Kaudiahl 21:4.

Dahme kitail pil kak sukuhlkihsang Paipel?

• Pahn kaundahn Wehin Koht, aramas akan pahn mour ni popohl oh nsenamwahu.​—Aiseia 32:18.

• Soahng kapwunod koaros pahn manokonokla.​—Aiseia 65:17.