Doadoahngki Neitail Kahn Iroir ni Ahl me Keieu Mwahu
Kitail kak sewese aramas mohngiong mehlel tohto ren paiekihda Kahn Iroir? Ei, kitail kak ma kitail doadoahngki neitail Kahn Iroir ni ahl me keieu mwahu. Dahme kak sewese kitail? Tehk kaweid pwukat:
◼ Wadek Kahn Iroir: Wadek ehuehu Kahn Iroir. Ni omw kin wadek ehuehu iren onop, idek rehmw, ‘Ihs me pahn perenki ire wet? Nohno men, ohl emen de me pwulopwul men?’ Nan pein noumw Kahn Iroir, kilelehdi ehu de riau ire me ke kak doadoahngki ni omw pahn kihla Kahn Iroir. Eri medewe duwen tepin omw koasoi me pahn kamwakid tohnihmw en perenki rong.
◼ Kitail Kak Kihla Kahn Iroir Tohtohsang Mahs?: Ehuehu mwomwohdiso kin ale Kahn Iroir tohtohsang mahs. Ke kak kalaudehla omw ahnsou en iang kihla Kahn Iroir?
◼ Koasoanehdi Rahn en Kihla Kahn Iroir: Mwomwohdiso tohto kin koasoanehdi rahn ehu en kihla Kahn Iroir. Ke kak iang utung koasoandi en Mwomwohdiso en kihla Kahn Iroir? Ma soh, song en kaukaule doadoahngki ekei ahnsoun kalohk pwe ken kihla Kahn Iroir ni omw pahn kin kalohk ihmw lel ihmw oh pwurehng pwurala rehn aramas akan.
◼ Kin Wahda Kahn Iroir: Wahda Kahn Iroir ni omw pahn seiloak de netinet. Kihong iengomw tohndoadoahk kan, mehn mpomw kan, tohnsukuhl kan de sounpadahk kan ni omw pahn koasoiong irail. Ekei me pwulopwul kan kin wahda Kahn Iroir me mie ire kan me re medewe me arail sounpadahk kan de iengerail tohnsukuhl kan pahn perenki wadek. Wahda Kahn Iroir ni omw pahn netinetseli, oh kihong sounetinet kan mwurin omw pahn nek. Pali laud en kitail kin kaukaule pwainda kahs; dahme kitail sou kihong aramas me kin kihda kahs Kahn Iroir? E mwahu en kin mie Kahn Iroir rehmw, ni omw peneinei eh pahn mwemweit rehmw, ni omw pahn iang werennansapw, de ni omw pahn awiawih tuhwong emen aramas. Ke kak medewe ahnsou mwahu teikan ken kihla Kahn Iroir?
Kahn Iroir kin kesempwalte, mehnda ma e sohte kohieng aramas erein sounpwong me kilikilel ie. Audepe kan kin kesempwalte mehnda ma e wereila. E sou pahn mwahu ken nantihong kihla Kahn Iroir en mahs ko ong aramas me kin perenki wadek sang ken kihdi oh manokehla? Ehu ahl me ke kak wia met iei ni omw pahn kihdi ehu Kahn Iroir en mahs ni wenihmwo ma sohte tohnihmwo.