Service Mihding Kan Ong April
Wihk me Tepida March 31
Koul 53
10 min: Pakair en sahpwet. Kousapahlih koakon me adaneki “Ahnsou Tohrohr Ehu.” Pakair ehu sang Atail Doadoahk ong Wehio.
15 min: “Kauwada Ahmw Peneinei.” Peidek oh pasepeng kan. Koasoi duwen ekspiriens kan sang pwuhken pahr (1995 Yearbook), pali 228.
20 min: “Sewese Peneinei kan en Anehki Koapwoaroapwoar Ong Ni Ahnsou Kohkohdo.” (Parakrap 1-5) Koasoi ni mwotomwot parakrap 1, oh mwurin mwo koasoia iaduwen sounkalohk men kak kahreong tohnihmwo en men wadek pwuhken Peneinei ni eh pahn kasalehda daidel en irelaud kan oh karasaras kan. Koasoanehdi ekei sounkalohk koahiek kan en wia kamwomwada kan sang parakrap 2-5. Kangoange koaros en nantiong kihla pwuhko rehn peneinei kan me kin perenki rong. Tamataman en koasoi duwen koasoandi en sawas.
Koul 71 oh kapakap.
Wihk me Tepida April 7
Koul 56
10 min: Pakair en sahpwet. Ripoht en mwohni.
20 min: “Kumwail en kin Kasapahlkalahngan.” Peidek oh pasapeng kan. Kapataiong ekei ire kan sang July 1, 1988, Watchtower, pali 11, parakrap 16-17. Kangoange koaros me kak en iang doadoahk en auxiliary pioneer nan April oh May.
15 min: “Sewese Peneinei kan en Anehki Koapwoaroapwoar Ong Ni Ahnsou Kohkohdo.” (Parakrap 6-8) Koasoia iaduwen sounkalohk men kak kihla pwuhken Peneinei ahnsou me e mihmi eh wasahn doadoahk, ni imwin sukuhl, ni wasahn mwemweit oh mwadong, ni ahnsou me e iang taxi de bus, oh pil iangahki ahnsou me e mwemweitla rehn eh peneinei kan. Koasoanehdi emen sounkalohk koahiek en wia kamwomwada sang parakrap 6 oh 7. Ahnsou me sounkalohk pahn pwurala rehn tohnihmwo, e pahn sewese ih en wehwehki iaduwen eh onopki Pwuhk Sarawi pahn sewese kaminiminpene eh peneinei. Tepida onopki brochure Dahme Koht Kupwurki Kitail en Wia? oh mwurin mwo tepida onopki pwuhken Mour Kohkohlahte, de tepida onopki pwuhken Mour Kohkohlahte sang nin tepio.
Koul 72 oh kapakap.
Wihk me Tepida April 14
Koul 63
10 min: Pakair en sahpwet. Kangoange tohnmwomwohdiso en sewese aramas me iang towehda Katamano oh Kapahrek Tohrohr.
17 min: Anahn en sahpwet. De emen elder pahn koasoi duwen artikel “Do You Really Need to Apologize?” sang nan September 15, 1996 Watchtower (lokaian wai) pali 22 lel 24.
18 min: Doadoahngki mwahu pwuhken pahr 1997 Yearbook of Jehovah’s Witnesses. Pahpa men pahn kousapahlih ire kaselel kan sang nan pali 3 lel 9 rehn eh peneinei. E pahn kasalehda dahme kahrehda kitail kak perenki kilang kekeirada kan nin duwen doadoahk en kalohk sampah pwon. E pahn pil kawehwe me, nan pahrwet, irail pahn wadek pwuhken pahr, erein minut kei ahnsou me irail pahn mwenge, iangahki iren rahn.
Koul 75 oh kapakap.
Wihk me Tepida April 21
Koul 67
10 min: Pakair en sahpwet. Kawehwe ong tohnmwomwohdiso me irail kakete kapidelong neirail doaropwe en auxiliary pioneer ong sounpwong en May. Kawehwe duwen koasoandi en tuhpene ong kalohk ong mwomwohdiso ong sounpwong en May.
20 min: “Perenki Kekeirada me Koht Ketikihda.” Emen elder pahn wia padahk wet ni ngoang. Koasoia duwen ekei ekspiriens kan oh kekeirada kan nan wehi kan sang ni pwuhken pahr kan (Yearbooks) sang pahr teikan.
15 min: Sewese Emen Sounkalohk Kapw Tepida Iang Kalohk. Koasoanehdi kamwomwada me sounkalohk koahiek men sewese aramaso me eh wia onop Pwuhk Sarawi reh oh elder kan ahpwtehn ndaiong ih me e kak tepida iang kalohk (unbaptized publisher). Ira koaros kousapahlih pwuhken Our Ministry, pali 111, parakrap 2. Sounkalohk koahieko kasalehda soangsoangen irair kan me sounkalohk kapwo pahn lelong ahnsou me e pahn iang kalohk ihmw-lel-ihmw oh e sohte pahn nsensuwed ma aramas sohte men rong. Sounkalohk koahieko kin koasoia ekspiriens ehu me kin kasalehda me kitail kin anehki peren ahnsou me emen kin men rong. Ira koaros kaunopada padahk en makasihn me mengei oh kamwomwada padahko. Sounkalohk koahieko uhd kapinga sounkalohk kapwo oh ira koaros koasoanehdi ara koasoandi en iang kalohk nan wihko.
Koul 89 oh kapakap.
Wihk me Tepida April 28
Koul 70
15 min: Pakair en sahpwet. Katamankin sounkalohk koaros en kapidelong neirail ripoht en awa kan ni imwin April. Pakairki eden sounkalohk kan me pahn iang doadoahk en auxiliary pioneer nan May. Kousapalih Kohpwahn Peidek.
18 min: Doadoahngki mwahu brochure Dahme Koht Kupwurki Kitail en Wia? Koasoaiada ekei ire kaselel kan nan brochure kapwo. Koasoia ekei ire kan kitail en doadoahngki pwehn tepiada onop Paipel rehn aramas. Koasoanehdi emen sounkalohk en wia kamwomwada duwen iaduwen e pahn doadoahngki brochure Kupwurki pwehn tepiada onop Paipel rehn emen me iang towehda Katamano.
12 min: Kousapahlih Dahme Kitail Pahn Kihla Nan Sounpwong en May. Kitail pahn kihla makasihn kan The Watchtower oh Awake! Koasoiada iaduwen kitail kak kaunopada ekei ire kaselel kan sang nan makasihn kan sang nan parakrap 3, 4 oh 8 ni pali 8 en November 1996 en Atail Doadoahk Ong Wehio. Koasoanehdi sounkalohk koahiek riemen me kak wia kamwomwada ehu de riau ni mwotomwot oh koasoia duwen koasoandi en sawas. Sounkalohk kan anahne en ntingihdi eden aramas me kin ale makasihn kan oh kapataiong edarail nan neirail list en makasihn route.
Koul 92 oh kapakap.