Perenki Kekeirada me Koht Ketikihda

¹ Kristian kan nan tepin senturi wia sounkalohk en Wehio me ngoang kei. Irail kin peren ahnsou me ‘tohnmwomwohdiso wia tohtohla rahn koaros.’ (Wiewia 16:⁠5) Irail kalohkseli oh pil lelahng Eisia, Iurop oh Aperika oh met kahrehda tohto kamehlele padahk en Sises.

² Sises kohpada me nan imwin rahn akan, doadoahk en kalohk pahn lelahng ‘wasa koaros nan sampah’! (Madiu 24:14) Erein pahr en kalohk en 1996, mie ripoht en kekeirada laud kan iangahki tohtohlahn sounkalohk kan wasa koaros nan sampah. Mwomwohdiso kapw kan pil tohtohla. Pwehki kekeirada pwukat, Kingdom Hall kapw kan oh wasahn kapokon kapw kan anahne wiawihda iangahki kalaudlahn ekei rahn ohpis kan.

³ Nan Our Kingdom Ministry nan sounpwong en December 1996 (lokaian wai​—⁠insert) ripohtki doadoahk en wiahda Kingdom Hall kapw kan oh rahn ohpis kapw kan nan Aperika. Soangen doadoahkohte pil wiawi nan Latin Amerika. Ong pahr en kalohk 1996, Mexico ripohtki kekeirada en sounkalohk kan me 470,098 oh average Paipel study kan me 600,751, ihme irail anahne wiahda mwomwohdiso kapw 466! Kalaudelahn arail rahn ohpis pahn nek nan pahr 1999. Kekeirada kan duwehte mehpwukat pil wiawi nan sahpw teikan kin kahrehda doadoahk en wiahda Kingdom Hall kapw kan, wasahn kapokon kapw kan, rahn ohpis kapw kan oh kalaudehla en rahn ohpis kan en sohte uhdi.

⁴ Kauwada ihmw kin pweilaud wasa koaros, oh pali laud en riatail kan nan sampah sohte kak kihda sawas laud ni pali en mwohni de dipwisou kan. Ahpw, pwehki arail ngoangki papah Siohwa, irail wia kekeirada ni pali ngehn oh wie tohtohla. Lepin Padahk 28:27 kin kihda kangoang laud ong kitail oh e koasoia me ma ke “kihong me semwehmwe kan, ke ahpw sohte pahn anahneda mehkot.” Ni atail kin men kihda atail sawas pwehn sewese anahn pwukat e pahn kahrehda “soangen pahrekteieu” en anahn kan, oh pahn kahrehda koaros en anehki pepehm en peren me kin kohsang kihkihwei oh kitail koaros pahn perenki kilang kekeirada me Siohwa kin ketikihda.​—⁠2 Kor. 8:​14, 15; Wiewia 20:⁠35.

[Kilel nan pali 4,5]

Rahn Ohpis en Paraguay

[Kilel nan pali 4]

Rahn Ohpis en Ecuador

[Kilel nan pali 4,5]

Kalaudehlahn Rahn Ohpis en Mexico wiawihte

[Kilel nan pali 4,5]

Rahn Ohpis en Dominican Republic

[Kilel nan pali 4]

Rahn Ohpis en Brazil iangahki wasao me irail kalaudehla

[Kilel nan pali 4,5]

Rahn Ohpis en Uruguay wiawihte

[Kilel kan nan pali 5]

Kingdom Hall kan me wiawihda ni pweitikitik nan Latin America

1. Brazil

2. Nicaragua

3. Chile

4. Colombia

5. Mexico

6. Brazil

7. Peru

8. Venezuela

9. Mexico