Kohpwahn Peidek

◼ Ni ahnsou me peneinei pahn pekihda mwomwohdiso en sewese irail wia kapahrek en mehla ieu, mwein pahn mie ekei peidek kan me pahn pwarada:

Ihs me pahn wia kapahrek en mehla? Tohnpeneinei me pahn wia arail pilipil wasaht. Ele mwein irail pahn pilada emen brother me pepdais oh tiahk mwahu sang nan mwomwohdiso. Ma peneineio pahn pekihda pwihn en elder kan en pilada emen, irail pahn pilada emen elder koahiek pwehn wia kapahrek poasoanehda pohn padahk sang Society. Mendahki eldero sohte pahn wia kapahrek me pahn kapinga aramaso nohn daulihla, e konehng en koasoia duwen irair mwahu en aramaso.

Irail kak doadoahngki Kingdom Hall? Peneineio kak doadoahngki Kingdom Hall ma pwihn en elder kan pahn mweidohng oh ma e sohte kin kasapwungehla koasoandi en mihding kan. Peneineio kak doadoahngki Kingdom Hall ma aramaso iei emen brother oh sister en mwomwohdiso oh kin tiahk mwahu de ma ih nein emen tohnmwomwohdiso me sounpahr 18 de tikitik sang. Ma aramaso ndandki eh tiahk suwed de ma mie irair kei me kahdsuwedla mwomwohdiso, ele mwein elder kan sohte pahn mweidohng peneinei en doadoahngki Kingdom Hall ong kapahrek en mehla.​—⁠Kilang pwuhken Our Ministry, pali 62-3.

Pali laud en ahnsou, e sohte pahn mweimwei en doadoahngki Kingdom Hall pwehn wia kapahrek ong mehla en aramas men me sohte iang padahk mehlel. Ahpw, mie pak me elder kan kin mweidong peneinei en doadoahngki Kingdom Hall ma tohto en irail peneinei en aramas mehlahro Sounkadehde kan me pepdaislahr oh lelepek, oh tohto nan mwomwohdiso kin ese aramas mehlahro oh wehwehki me e sohte kin uhwong padahk mehlel oh pil mehn liki kin ese me aramas mehlahro kin tiahk mwahu, oh ma sohte tiahk en padahk likamw pahn wiawi nan Kingdom Hall, peneineio kak doadoahngki Kingdom Hall.

Ni ahnsou me elder kan pahn mweidong peneinei en doadoahngki Kingdom Hall, elder kan pahn medemedewe ma e pahn konehng en mweidong kohpwahn mehla en mihmi nan Kingdom Hall. Ma iei, elder kan pahn ndaiong peneineio me irail kak wahla kohpwa nan Kingdom Hall.

Iaduwen mehlahn Mehn Liki kan? Ma pali laud en aramas wehwehki me aramas mehlahro kin tiahk mwahu, emen brother kak wia kapahrek pwehn kamweitala aramas kan wasa me mehlao mie de ni sousou. Ahpw ma aramaso ndandki mour en tiahk suwed oh koaros kin ese me e kin kauwehla kosonned en Paipel, sohte brother me pahn kak wia kapahreko. Oh pil ehu, sohte brother pahn iang kaun en pelien lamalam likamw emen en wia kahparek en kamweitong irail me iang mehla. Oh pil ehu, emen brother sohte pahn wia kapahrek nan ihmw sarawi en pelien lamalam likamw.

Iaduwen ma aramas mehlahro emen piskenlahr? Pali laud en ahnsou, mwomwohdiso sohte pahn pid kapahrek en me mehlao, oh peneinei sohte kak doadoahngki Kingdom Hall. Ma aramaso tepida kasalehda koluhla mehlel oh men pwurodo nan mwomwohdiso, ma emen brother, ni nsen mwakelekel, men wia kapahrek poasoanehda pohn Pwuhk Sarawi, e kak wia wasa me mehlao mie de wasahn sousou, pwehn kak wia kadehdehong mehn liki kan oh pwehn kamweitala peneinei en aramas mehlahro. Ahpw mwohn brother menet pahn wia kapahreko, e mwahu ma e pahn tuhwong pwihn en elder kan oh rong arail kaweid me pid duwen ire wet. Ma e sohte konehng emen brother en wia kapahreko, e pahn mwahu ma brother men me kisehn peneinei en aramas mehlahro pahn wia kapahrek pwehn kamweitala peneineio.

Ke kak diarada sawas likin mehpwukat nan Watchtower (lokaian wai) en October 15, 1990, pali 30-1; September 15, 1981, pali 31; March 15, 1980, pali 5-7; June 1, 1978, pali 5-8; June 1, 1977, pali 347-8; March 15, 1970, pali 191-2; oh Awake! en September 8, 1990, pali 22-3 oh March 22, 1977, pali 12-​15.