Service Mihding Kan Ong October

Wihk me Tepiada October 4

Koul 190

10 min: Pakair kan en sahpwet. Pakair kan sang Atail Doadoahk ong Wehio.

17 min: “Mie Ahmw Mehn Akadei Ni Ahnsou Me Komw Kin Wia Ahmw Doadoahk en Kalohk?” Tepin koasoi pahn mwotomwotsang minit ehu, oh mwuri, peidek oh pasepeng kan. Pil koasoia duwen ire kan me pwarada nan pwuhken Our Ministry, pali 88-89. Kangoange koaros en loalenong ahr doadoahk en kalohk oh wia uwen me re kak en tuhwong aramas koaros.

18 min: “Pahpa oh Nohno kan​—Wia Kahlemeng Mwahu ong Noumwail Seri kan.” Tepin koasoi pahn mwotomwot sang rehn emen elder, oh mwuri, pahpa riemen pahn koasoiapene artikel wet. Ira pahn koasoiapene duwen perehla neira seri kan sang wiewia oh madamadau suwed akan me neira seri kan kin lelohng nan sukuhl, TV, oh kiserail kan me sohte iang pwoson mehlel oh pil aramas teikan. Brother riemenet pahn koasoiapene duwen madamadau kan en aramas me sohte kin kaselehda wahu, lokaia suwed kan oh mwomwen pitenmoang de likoun aramas en sampah, oh mehn kamweit me sohte konehng. Mwurin ira pahn koasoiapene duwen pahpa oh nohno kan en wia mehn kahlemeng mwahu ong neirail seri kan, ira pahn koasoiahda iaduwen kitail pahn kak kakeirada koaros tohnpeneinei kan en perenki wia onop en peneinei, iang tohwehda mihding kan, oh kalohk.​—Pil kilang Watchtower [lokaiahn wai] en July 1, 1999, pali 8-22; oh Awake! [lokaiahn wai] en September 22, 1991, pali 8-9.

Koul 101 oh kapakap.

Wihk me Tepiada October 11

Koul 171

10 min: Pakair kan en sahpwet. Ripoht en mwohni.

15 min: Dahme Kitail Wia Pahr Samwalahro? Padahk sang rehn Sounapwalih en Kalohk. Kousapahlih ripoht en mwomwohdiso en kalohk en pahr 1999. Kapinga en tohnmwomwohdiso doadoahk mwahu kan me irail wiahda. Kasalehda wasa kan me irail kak kekeirada. Kasalehong tohnmwomwohdiso kan ia mwomwen ahr kin iang towehda mihding kan oh wia onop en Paipel rehn aramas akan. Wiahda mehn akadei konehng kan ong sounpar kohkohdo.

20 min: “Dahme Komw Pahn Kak Koasoiaiong Emen Hindu?” Peidek oh pasepeng kan. Kawehwehda ia uwen kesempwal en koasoiaiong aramas akan duwen oaralap me kitail kak pwungkipene, oh kasalehda ire kan me kitail oh emen Hindu pahn kak pwungkipene. Kasalehda iaduwen kitail kak doadoahngki padahk kan me ntingihdi nan artikelo ong aramas akan me kin iang pelien lamalam teikan. Koasoanehdi ehu kamwomwada duwen emen pahn kalohkong emen Hindu. Ma ke perenki kilang iretik kan ong pelien lamalam en Hinduism, menlau kilang insert en Atail Doadoahk ong Wehio en February 1998 oh pwuhken Reasoning, pali 22 oh Mankind’s Search for God, irelaud 5.

Koul 140 oh kapakap.

Wihk me Tepiada October 18

Koul 193

12 min: Pakair kan en sahpwet oh ekspiriens en kalohk kan.

15 min: Anahn en mwomwohdiso.

18 min: Kohwei Wasa Koaros Me Aramas Akan Kin Mie! Padahk me poahsoanda pohn 1997 Yearbook, pali 42-48. Nin duwen kitail kin kaukaule iang doadoahk en kalohk ni ihmw lel ihmw, kitail pil kin kaskasik en rapahki ahnsou kan en kalohk ni ahnsou soh-lipilipil​—⁠ahnsou koaros, wasa koaros. Koasoia ekspiriens kan me kohsang Pwuhk en Pahr (Yearbook) ong iaduwen aramas teikan kin wia met oh pweida mwahu. Ma mie ahnsou, luke tohnmwomwohdiso kan en koasoia duwen pein ahr ekspiriens kan. Kangoange koaros en isaneki ahnsou mwahu en kalohkong aramas akan wasa koaros.

Koul 175 oh kapakap.

Wihk me Tepiada October 25

Koul 141

15 min: Pakair kan en sahpwet. Katamankin koaros en kapedolong neirail ripoht en kalohk ong sounpwong en October. Kangoange koaros en koasoanehdi arail ahnsou en iang doadoahk en kihseli makisihn kan erein sounpwong en November. Kousapahlih ekei sawas kan me pwarada nan Atail Doadoahk ong Wehio en November 1996, pali 8, ong iaduwen kitail kak kaunopada atail padahk kan. Doadoahngki makisihn kapw kan, koasoia ekei ire mwahu kan oh wia kamwomwada mwotomwot ehu de riau. Kasalehda iaduwen kitail kak koasoia duwen koasoandi en sawas.

15 min: Kopwahn Peidek. Padahk sang rehn emen elder.

15 min: Dahme Kahrehda Siohwa Kin Mweidong Sapwellime Aramas akan en Lelohng Kalokolok? Padahk sang rehn emen elder, poahsoanda pohn pwuhken Jehovah’s Witnesses​—Proclaimers of God’s Kingdom, pali 676-677. Nin duwen Sises me kohpadahr, ‘aramas koaros pahn kailongkinkumwailla.’ (Madiu 10:22) Ele kitail pahn kak lelohng kahpwal akan ni ahnsou me kitail kin wia atail doadoahk en kalohk, iang kisetail kan me sohte iang pwoson mehlel, de iengatail tohndoadoahk kan de tohnsukuhl akan me soh pwoson. Brothero me wia padahk wet pahn kawehwehda dahme kahrehda Siohwa kin mweidong kalokolok de uhweng en wiaiong kitail oh atail pahn dadaurete pahn imwikihla kapai tohto.

Koul 87 oh kapakap.