Dahme Komw Pahn Kak Koasoiaiong Emen Hindu?
1 Nin duwen me komw wehwehkiher, mie Hindu tohto me kin koasoan nan sahpw tohto, iangahki sahpwet. Met kin wehwehki me ehu rahn, ni ahnsou me ke pahn iang kalohk, ele mwein ke pahn kak tuhwong emen Hindu. Ni ahnsou me ke pahn tuhwong Hindu men, dahme ke pahn nda?
2 Tamanda Sawas Pwukat: Irail misineri kan me kin pweida ni ahr kalohkong Hindu kan, koasoia me kitail sohte anahne onopki laud padahk kan en Hindu pwehn kak lipwalipw arail kalohk ong irail. Padahk me mengei oh kadek kin pali laud en ahnsou kahrehong tohnihmwo en perenki rong. Idek mahs ma ke kak koasoiong tapwin peneinei. Ma e pahn perenki rong, e pahn mengei ong uhk en koasoiong tohnpeineinei teikan. Nin tepio, dehr wia soahngen koasoi me ahmw padahk me mwahusang dahme tohnihmwo kin kamehlele de ke men koasoi duwen ihte Koht mehlel de nting sarawi kan me keieu mering. Pwehki pali laud en irail Hindu kan kin kilangwong Paipel nin duwen pwuhk ehu me kohsang Pali kapi, ke kak ekis katikitikla ahr lipilipil kan sang ni omw pahn kawehwehong irail me pwuhk wet sohte kin utungada ehu wehi de keinek.
3 Doadoangki Mehn Doadoahk Pwung kan: Mie brochure riau me wiawihda pwehn kak sewese irail mehn Hindu kan. Why Should We Worship God in Love and Truth? wiawihda ni lokaiahn Gujarati oh Punjabi. Our Problems—Who Will Help Us Solve Them? wiawihda ni lokaiahn Indian 11. Brochure riau pwukat pil wiawihda ni loakaiahn Waii. Brochure pwukat “Look! I Am Making All Things New” oh Does God Really Care About Us? pil kin lipwalipw mwahu ong irail mehn Hindu kan. Brochure en Kupwurki oh pwuhken Knowledge ke kak pil doadoahngki ong onop Paipel rehrail.
4 Koasoia Duwen Ehu Oaralap me Kitail oh Irail kin Pwungkipene: E sohte apwal en diarada ehu oaralap me kitail oh mehn Hindu kan kin pwungkipene. Irail kin kamehlele me kitail kin koasoan nan ahnsou ehu me suwed kin inenen reklahr oh Koht pahn doadoahngki mehkot kapwuriamwei pwehn kihsang kahpwal akan sampah oh mwuhr ahnsoun me mehlel pahn wiawi. Ke kak kilang ia uwen mengei en doadoahngki padahk pwukat ong dahme padahk kan en Paipel kin padahkiong kitail duwen imwin rahn akan, kahn kamakam kowahlap, oh sampah kapw. Pali laud en Hindu kan kin kilangwong mour nin duwen kahpwal akan me sohte sawaspe, irail pahn perenki koasoia duwen oaralap pwukat, mouren peneinei, soahng suwed kan me kin kapilpene kitail oh dahme kak pere kitail sang soahng suwed pwukat, oh dahme kin wiawi ni ahnsou me emen pahn mehla. Komw kak doadoahngki padahk riau pwukat.
5 Met pahn mwahu rehn ohl pwopwoud men:
◼ “I kin tuhwong aramas akan me kin nsenohki duwen irairen mouren peneinei nan sahpw tohto. Dahme ke lemeleme pahn kak sewese tohnpeneinei kan en miniminpene? [Mweidong tohnihmw en sapeng.] Ekei aramas ese dahme nting en Hindu kan kin koasoia duwen peneinei kan, ahpw re saikinte kapahrekiong dahme Paipel mahsanih duwen oaralap wet. I men ehukihong komwi dahme pwuhken Kolose 3:12-14 mahsanih.” Mwurin wadawad en Paipel, kaselehong tohnihmwo irelaud 15 en pwuhken Knowledge oh nda: “I pahn perenki wadek irelaud wet ni ahnsou mwotomwot.”
6 Emen pwulopwul ele mwein pahn kak mwekidki met:
◼ “Sohte peikidpe me komw kin kamehlele Koht. Dahme komw lemeleme me iei kupwuren Koht ong kitail?” Mweidong tohnihmwo en sapeng. Oh wadek Senesis 1:28, oh nda: “Wasa tohto nin sampah me dirkihla aramas oh kahpwal akan kin tohto. Komw lemeleme me atail Sounkapikada pahn perenki sewese kitail en kamwahuiala atail kahpwal akan?” Mwurin e pahn sapeng uhk, doadoahngki ehu brochure de pwuhk me pahn konehng.
7 Perenkihda Imwila Mwahu kan: Ohlen Hindu men me sounpar 22 tuhwong emen sister me kin wia eh kalohk nan market ehu oh idek rehn liho ma e kak onop Paipel reh. E kawehwehong sister menet me sounpar waluh samwalahro e tamanda me e rong eh nohno oh sister menet koasoiapene duwen Paipel. Mendahki e perenki pasapeng pwung kan en Paipel ong en kihsang kahpwal akan me aramas akan kin lelohng, eh nohno sohte kin perenki rong, oh ohl menet lemeleme me ni ahnsowo e nohn pwulopwul en pein rapahki padahk mehlelo. Ahpw ni ahnsouwet e wiahla emen ohl, e men kalaudehla eh sukuhliki padahk mehlel. Sohte pwand en ohl pwulopwul menet eh sukuhliki duwen Paipel. Erein rahn 23te e kanokehla pwuhken Knowledge, oh sounpwong pahieu mwurin e tuhwong sister menet nan wasahn market, e peki ma e kak papidaisla!
8 Emen brother tepida onop Paipel rehn emen ohlen Hindu nan kisa ehu. Ohl menet kin lelong kahpwal akan nan eh pwopwoud. E pil kin kamwomw sakau. Ahpw ohl menet pwungki en mweidong Sounkadehde menet en ehukiong ih kaweid en Paipel me kin pid mouren peneinei. Ohlo kin pwungki padahk en Paipel me kin pid tiahk kan, oh e pwungki en onop Paipel. Ih oh eh peneinei tepida iang towehda mihding kan. Mwuhr re kin sewese kompoakarail kan oh kiserail kan ong duwen padahk mehlel. Lel ni ahnsouwet, aramas wenemen sang rehn aramas pwukat me ale padahk mehlel!
9 Kupwuren Koht iei “aramas koaros en ale komourparail oh marainkihla me mehlel.” (1 Tim. 2:4) Met kin pidada ohl oh lih akan me kin iang ehu pelien lamalam me kaidehn Kristian, duwehte Hinduism. Ma mie mehn Hindu kan nan ahmw wasahn kalohk, dahme ke soh tuhwong irail oh doadoahngki ekei sawas kan me ntingihdi nan artikel wet?