Koakon En Peidek

◼ Komw kin Kaunopada ong Kahpwal kan?

Nan sampah en ni ahnsouwet, “paisuwed kin lelohng aramas koaruhsie” oh ihme kahrehda brother oh sister kan kakete lelohng kahpwal me kin pid palien wini, oh meteikan pahn idingkihong irail en ale dok en nta. (Eklesiasdes 9:​11) Pwehn kaunopada mwahu mwohn kitail lelohng kahpwal pwukat, Siohwa ketikihong kitail sawas kan ni ahl tohto me kin kohsang sapwellime pwihn, ahpw e pil kasik me kitail pahn wia uwen me kitail kak pwehn kaunopada mwahu mwohn kahpwal akan pahn lelohng kitail. Tehk kanahieng ma kitail kin wia soahng pwukat:

• Weuwa doaropwe en “Advance Medical Directive/Release” ahnsou koaros.

• Tehk me noumw seri kan kin weuwa neirail “Identity Card” ahnsou koaros.

• Kousapahlih insert en Atail Doadoahk Ong Wehio en September 1992 oh praktis iaduwen kitail kak koasoiong toahkte kan oh sounkopwung kan duwen neitail seri kan oh dahme kahrehda kitail sohte men irail en ale doken nta.

• Kousapahlih artikel kan me kin pid nta oh soangen wini dah kan kitail kak ale pwehn kalaudehla nta me mihmi nan paliwaratail. (Kousapahlih: The Watchtower [lokaiahn wai] en October 1, 1994, pali 31; June 1, 1990, pali 30-1; March 1, 1989, pali 30-1; Awake! [lokaiahn wai] en December 8, 1994, pali 23-7; August 8, 1993, pali 22-5; November 22, 1991, pali 10; oh Atail Doadoahk ong Wehio en September 1992 oh November 1990 (insert kan). Kihpene mepwukat oh kihong nan ehu pwuhk.)

• Doadoahngki omw nsenmwakelekel oh wiahda omw pilipil ma ke pahn kak doadoahngki misihn kan me kin kamwekid omw nta likin paliwaromw de ma ke pahn doadoahngki “blood fractions.” (Ma ke pahn audehda kisin likou en “health-care durable power of attorney, de proxy”​—e konehng ken wia​—ke pahn kilang ehu wasa nan doaropwe wet me ke pahn kak ntingihdi pein omw pilipil ong soahngen epwelipen roson ke mwahuki.)

• Ma ke kak, mwohn ke pahn kapedolong imwen wini, kehsehkin elder kan pwe irail pahn kak sewese komwi oh, ma re anahne, re pahn kak kehsehkin Hospital Liaison Committee (HLC). Ma emen pwulopwul kapedolong imwin wini, idek rehn elder kan ma re kak kehsehkin brother kan me iang HLC mwadang.

Kasalehda Ni Sansal Me Komw Sohte Men Ale Doken Nta: Ripoht kan kin kasalehda me ekei brother oh sister kan kin pwand en padahkiong toahkte kan me irail sohte men ale doken nta. E sohte konehng en pwand ndaiong irail toahkte kan oh met pil wia keper ehu ong komwi, pwe re pahn kakete kihong uhk doken nta. Ma toahkte kan esehla omw lamalam oh pekipek kan kin ntingihdi nan doaroapwe kan ni oaritik, met kin sewese irail en sewese komwi ni mwadang oh met pahn pil kihong irail ahnsou en medemedewe duwen ahl tohrohr kan en sewese komwi ni epwelipen roson ahpw nta sohte iang.

Pwehki aramas koaros kakete lelohng kahpwal akan, oh kitail kakete lelohng kahpwal akan ahnsou me kitail sohte lemeleme me kitail pahn lelohng kahpwal, ihme e inenen kesempwal ni ahnsouwet en kaunopada mwahu pwehn pere pein komwi oh noumw seri kan sang ale doken nta.​—Lepin Padahk 16:20; 22:3.