Question Box

◼ E konehng en lopwolopw ni ahnsou me pakair kin kohda me emen me piskenla pwurodo nan mwomwohdiso?

Pwehki Siohwa Koht kin limpoak oh kadek, e koasoanehdi ehu ahl me irail me dipan kan kin kak pwurehng kenikenla reh oh pwurodo nan mwomwohdiso ma re koluhla mehlel. (Melkahka 51:12, 17) Ni ahnsou me met kin wiawi, kangoang kin kohwong kitail en kasalehda atail limpoak ong soangen aramas pwukat me koluhla mehlel.​—2 Kor. 2:​6-8.

Ahpw, mendahki kitail kin inenen perenki emen me piskenla kin pwurodo nan mwomwohdiso, e pahn konehng ma tohnmwomwohdiso pahn nennenla ahnsou me pakair wiawi ong mwomwohdiso. Watchtower (lokaiahn wai) en October 1, 1998, pali 17, [Kahn Iroir (lokaiahn Pohnpei) en April 1, 1999, pali 27] koasoia: “Ahpw, kitail anahne tamantaman me pali moron en tohnmwomwohdiso sohte kin wehwehki dahme kin keieu kahrehong aramaso en pisikenla de en kasapahldo. Patohngete met, ele mie irail kan nan mwomwodiso me pein apwalkihla de medengkihla met​—⁠ele ong ahnsou reirei​—⁠pwehki wiewia sapwung en aramaso me kolulahr. Ihme kahrehda, pwehki atail kin pehmtikihong soangen ire wet, ni ahnsou me pakair kin wiawi pwehki emen kin kasapahldo, kitail en koledi sang mahso kasamwo ih lau kitail kak pein kasamwo ih.”

Mendahki kitail kin inenen peren ni ahnsou me kitail kilang emen pwurodo nan padahk mehlel, e sohte pahn konehng en lopwolopw ni ahnsou me pakair en eh kasapahldo wiawi.