Pwais Kaselel me Irail me Pwulopwul kan Kak Ahneki
1 Irail tohto me met wiahla pahpa oh nohno kan kin tamanda mehkot me re kin wia ahnsou me re pwulopwul oh kekeirada nan padahk mehlel—rahn kan me mwomwohdiso kin kileledi ong kihla makisihn kan nan kalohk. Koasoandi wet tepida nan 1949 nan mwomwohdiso koaros. Ehu rahn nan ehu ehu wihk, sounkalohk koaros kin nantihong kihla makisihn kan: The Watchtower oh Awake! ong aramas akan me re kin tuhwong nanial akan, sang ihmw lel ihmw, sang sidohwa lel sidohwa kan oh pil wasa teikan. Me pwulopwul kan kin keieu kasikasik rahno pwe re kak wia soangen doadoahkohte me irail me laud kan nan mwomwohdiso kin wia. Ih duwen ahmw pepehm ahnsou me ke pwulopwul?
2 Sewese Noumw Seri kan en Kihla Makisihn kan: Irail seri kan me tikitik me sohte kak koasoi reirei ong tohnihmw kan kakete kihla makisihn kan. Seri tikitik kan kak sukuhliki padahk mengei oh mwotomwot pwehn kihla makisihn kan. Re kak ndahte mehkot mwotomwot me mwein pid kilel me mihmi nan kilin makisihno oh met pahn itar. Tohnihmw tohto kin perenki ale makisihn kan sang me pwulopwul kan oh re kin kalap koasoia me irail me pwulopwul kan kin mehlel oh tiahk mwahu. Ma kitail ekis sewese irail, re kak wia padahk mwahu ni arail pahn kihla makisihn kan oh met pahn wia sawas mwahu nin duwen doadoahk en kalohkiseli Wehin Koht. Ahpw, ni mehlel, ahnsou me seri kan pahn laudla, arail pahpa oh nohno kan pahn kak sewese irail en koahiekla ni arail wia doadoahk en kalohk.
3 Manuel tepida iang eh pahpa oh nohno kalohk ahnsou me e sounpahr siluh. Eh pahpa oh nohno kihong ih kisin padahk pwehn wadlikihla. E kin ngoangki iang eh pahpa oh nohno kalohk oh kin kihla makisihn kan, brochure kan oh pil tract kan. E kin pil kalohk ni ahnsou soh lipilipil. Ehu rahn, eh pahpa oh nohno wahla ih kohla mwemweit ni wasahn mwemweit (park) en mwadong, oh ahnsou me re lel wasao, e tepida kihong aramas me mihmi wasao tract kan. Mendahki e pwulopwul, Manuel kin ngoangki kalohk ong aramas akan oh met kin wia kangoang laud ong eh pahpa oh nohno iangahki irail nan eh mwomwohdiso pwon.—Lepin Padahk 22:6.
4 Rahn Kaunop koaros kileledier en wia “Rahn en Kihla Makisihn” oh ihme ntingdi pohn 2001 Calendar of Jehovah’s Witnesses. Kumwail pahpa oh nohno kan, se men kangoange kumwail en nsenohki rahno oh sewese noumw seri kan en kaukaule iang kalohk rahno pwe met kin wia pwais kaselel.