Pahpa oh Nohno kan—Sewese Noumw Seri kan en Koahiekla Ni Arail Kin Iang Doadoahk en Kalohk
1 Atail mwomwohdiso kan paiekihda seri tohto me kin men papah Koht. (Eklesiasdes 12:1) Irail seri kan me iang kisehn irail me Siohwa luhke en kapinga ih. (Melkahka 148:12-14) Ihme kahrehda, pahpa oh nohno kan kin anahne sewese neirail seri kan en ese iaduwen irail pahn ehukihong mehteikan arail pwoson ni arail kin iang doadoahk en katohnpadahk.—Deuderonomy 6:6, 7.
2 Sewese Seri kan Ekis Ekis: Seri kan anahne ale sawas sang ni arail tikitik pwehn iang arail pahpa oh nohno kan kalohk. Mwohn ke pahn iang kalohk, sewese noumw seri kan en kaunopada pwe ren kak iang koasoiong aramas akan. Medemedewe mwowe dahme ke kaskasik irail en wia ni ahnsou me irail pahn tuhwong tohnihmwo. Seri tikitik kan kak kihla tract kan oh luhke aramas en iang towehda mihding kan nan Kingdom Hall. Seri kan me kin ese wadawad mwahu kak wadek iren Paipel kan. Re kak pil wia arail padahk mwotomwot oh kihla makasihn kan. Ahnsou me irail kin koahiekla, sewese irail en doadoahngki neirail Paipel nan arail padahk. Sounkalohk pwulopwul tohto kan pein tepida arail makasihn route oh kin kalap pwurehng pwurala rehn aramas akan. E pahn mwahu me irail pwulopwul kan oh irail me mah kan pahn ehupene nan kalohk, mwahusang irail me pwulopwul kan kelepw en ehupene. Sounkalohk maho pahn kak kawehwe ong tohnihmwo me irail me pwulopwul kan kin ale sawas en koahiekla ni eh kin iang doadoahk en kalohk.
3 Emen serepein pwulopwul idek rehn elder kan ma irail kak sewese ih en koahiekla pwehn kak iang wiahla sounkalohk men. Edetehn e sounpahr limaute ansouo oh sehse wadawad, e kak koasoiong tohnihmwo oh kawehwe duwen Wehin Koht. E wadlikihla iawasa iren Paipel mihmi ie, oh kin ese pakalahng iren Paipel kan, oh kin idek rehn tohnihmwo en wadek iren Paipel kan oh e pahn kawehwe.
4 Seri kan anahne wehwehki, ni arail kin kilang mehn kalemeng en arail pahpa oh nohno, en koasoanehdi mwahu ansoun kalohk pwehn kak iang kalohk kaukaule. Pahpa oh nohno pahn koasoanehdi koasoandi mwahu ehu ong kaukaule iang kalohk oh ira koaros pahn nannanti en kolokol arail koasoandi en kalohk pwe seri kan en wehwehki mwahu iahd irail koaros pahn iang kalohk.
5 Ma seri kan ese sang ni arail tikitik en perenki iang kalohk, irail pahn men anehki pwais kaselel kan duwehte iang doadoahk en pioneer. (1 Kor. 15:58) Kitail koaros anahne kangoange seri kan me kin mihmi nan atail mwomwohdiso en nantiong kekeirada nin duwen sounkapinga Siohwa kei.