Dahme Ke Kak Ndaiong nan Answering Machine?

Telephone kin wia ehu ahl mwahu en kalohk ong aramas akan me kitail sohte kak tuhwong ni imwarail de aramas akan me kin kousoan nan wasa kan me kitail sohte kak pidelong. Ahpw aramas tohto rahnpwukat solahr kin sapeng telephone, ahpw answering machine me kin sapeng. Ma answering machine pahn sapeng uhk, dahme ke kak wia? Ke dehr kakunla. Ahpw ke kak kaunopada mwahu ehu padahk oh ntingihdi padahko pwe ken kak wadek ong nan telephone. Kamwomwada pwe ken kak koasoi ni elen kadek oh ni mwomwen ngilen koasoi. Dahme ke kak nda?

Ke kak kasamwo tohnihmwo en iang towehda Mihding en Wehipokon me pahn wiawi nan Kingdom Hall. Mwein ke kak nda: “I sohte kak diarada komwi ni imwomwo. Ma komw men rong ehu padahk me poahsoankihda Paipel me pid duwen [oaralap en kapahrek], menlau kohdo Kingdom Hall en Sounkadehdehn Siohwa kan. Se kin luhke wehi pokon. Sohte pweipwei en rong padahk.” Mwurin mwo, ke kak nda ni sansal mehnia rahn oh kuloak depe mihding pahn wiawi, oh kawehwe mwahu iawasa Kingdom Hall mih ie.

Pehmitikiong me kapw kan me pahn iang towehda mihding kan, oh rahn mwahu ong irail oh kasamwo irail. Menlau en dehr manokehla en kangoange irail en wia onop en Paipel ni soh isepe!