Me Mehlel Duwen Wehin Koht
Sises ketin padahkihong sapwellime tohnpadahk ko ren kapakapki: “Samat me ketiket nanleng, mwaromwi en sarawihla. Sapwellimomwi Wehi en ketido. Kupwuromwi en kin wiawi nin sampah duwen eh kin wiawi nanleng.” (Madiu 6:9, 10) Dahkot Wehin Koht? Dahme e pahn wia? Oh dahme kahrehda kitail en kapakapki?
Sises me Nanmwarki en Wehin Koht.
Luk 1:31-33: “Ke pahn kihong ede Sises. Memenet pahn lapalap oh e pahn mwarenki Sapwellimen Wasa Lapalahpie, oh Siohwa Koht pahn ketikihong ih mwoalen seme Depit, oh e pahn ketin kaunda imwen Seikop nin duwen Nanmwarki men kohkohlahte oh sapwellime Wehi sohte pahn imwisekla.”
Wehio iei oaralap en dahme Sises kin ketin kalohkiseli.
Madiu 9:35: “Sises eri ketin kakahnseli nan kahnimw laud oh kisin kahnimw koaros, ketin padapadahk nan sinakoke kan oh ketin kalokalohki rongamwahu en Wehio oh pil ketin kamwahwihala soangen soumwahu oh luwet koaros.”
Sises ketin kasalehiong sapwellime tohnpadahk ko kilel ehu pwehn sewese irail en ese iahd me Wehio pahn ketido.
Madiu 24:7: “Pwe ehu tohnwehi pahn mahweniong ehu tohnwehi oh ehu wehi pahn mahweniong ehu wehi, oh ehuehu wasa lehk lapalap oh rerrer en sahpw pahn kin wiawi.”
Rahnpwukat sapwellimen Sises tohnpadahk kan kin kalohki Wehio nan sampah pwon.
Madiu 24:14: “Oh rongamwahu en Wehio pahn lohkseli wasa koaros me aramas kin mi ie nin sampah pwe en mie kadehde ong tohnwehi koaros, a mwuri, imwio ahpw pahn leledo.”