Watchtower ONLINE LIBRARY
Watchtower
ONLINE LIBRARY
Ponapean
  • PAIPEL
  • SAWASEPEN PAIPEL KAN
  • MIHTING KAN
  • wp20 No. 1 pp. 14-15
  • Me Mehlel Duwen Ahnsou Kohkohdo

Sohte kasdo ong met

Kupwurmahk, mehkot sapwung en kihda kasdo

  • Me Mehlel Duwen Ahnsou Kohkohdo
  • Kahn Iroir Pakpakairki Wehin Siohwa (Ong Wehipokon)—2020
  • Sawaspen Oaralap kan
  • Ire kan me Duwehte Met
  • KAUN MWAHU
  • ROSON MWAHU
  • POPOHL UNSEK
  • SAMPAH PAHN DIREKIHLA ARAMAS MWAHU KAN
  • SAMPAH PWON PAHN WIAHLA PARADAIS EHU
  • Dahkot Wehin Koht?
    Kahn Iroir Pakpakairki Wehin Siohwa—2011
  • Sapwellimen Koht Ahnsou En Mweidong Lokolok En Mihmihete Kereniongehr Imwisekla
    Kahn Iroir Pakpakairki Wehin Siohwa—2001
  • Wehin Koht—Sikila Sang Wehi Teikan Koaros
    Kahn Iroir Pakpakairki Wehin Siohwa—2006
  • Kitail Kin Momour ni “Imwin Rahn akan”?
    Dahme Paipel Uhdahn Padahngki?
Kilang Pil Ekei
Kahn Iroir Pakpakairki Wehin Siohwa (Ong Wehipokon)—2020
wp20 No. 1 pp. 14-15
Aramas akan pereperenki mour nan Paradais

Me Mehlel Duwen Ahnsou Kohkohdo

Mie pak ke kin medewe dahme pahn wiawi ni ahnsou kohkohdo? Paipel kin kasalehda duwen soahng kesempwal kan me pahn kereniong wiawi oh pahn kamwakid aramas koaros nin sampah.

Sises ketin kawehwehda ia duwen atail pahn “ese me Wehin Koht kerendohr.” (Luk 21:31) E ketin kohpadahr me nanpwungen soahng koaros, pahn mie mahwen laud kan, rerrer en sapw laud kan, lehk lapalap, oh soumwahu lusulus​—soahng kan me kitail kin kilang rahnpwukat.​—Luk 21:10-17.

Paipel pil doula kasalehda me “ni imwin rahn akan” ong kaundahn aramas pahn sansaldahsang mwomwen mwekid en aramas de, mwekid suwed en aramas akan. Ke kak wadek duwen met nan 2 Timoty 3:1-5. Ni omw kin kilang soangen mwekid de wiewia pwukat, ele ke pahn pwungki me kokohp en Paipel wet pahrekiongete dahme kin wiawi ahnsou wet.

Ia wehwehn met? Ahnsowo kerendohr me Wehin Koht pahn ketin wiahda wekidekla laud kan me pahn uhdahn kamwahwihala mour nin sampah. (Luk 21:36) Nan Paipel, Koht ketin inoukihda soahng mwahu kan ong sampah oh ong aramas me kousoan loale. Iet ekei karasepe.

KAUN MWAHU

“E [Sises] ahpw ale manaman en kaunda wasa, wahu, oh lingan en nanmwarki, pwe tohn wehi kan koaros, keinek koaros, oh me kin lokaiahki soangen lokaia teikan en kin papah ih. Sapwellime manaman en kaunda wasa pahn poatopoat, oh sapwellime wehi sohte pahn imwisekla.”​—DANIEL 7:14.

Ia wehwehn met: Ke kak nsenamwahuki mour pahn kaundahn koperment me keieu mwahu me Koht ketin koasoanedier rehn sapwellime Ohl nin duwen Nanmwarki.

ROSON MWAHU

Serepein pwulopwul men uhdahsang nan eh wheelchairo oh alialu

“Sohte emen me kin kousoan nan sahpwo pahn kaulimkihla eh soumwahu.”​—AISEIA 33:24.

Ia wehwehn met: Ke solahr pahn soumwahuda de mwoatorala; ke pahn mour oh sohte pahn mehla.

POPOHL UNSEK

Kesik en mahwen ehu timpeseng

“E kin ketin katokehdi mahwen wasa koaros nin sampah.”​—MELKAHKA 46:9.

Ia wehwehn met: E solahr pahn mie mahwen oh lokolok koaros me mahwen kin kahrehda.

SAMPAH PAHN DIREKIHLA ARAMAS MWAHU KAN

“Aramas suwed kan pahn sohrala . . . a me aktikitik kan pahn sapwenikihla sahpwo [“sampah,” NW].”​—MELKAHKA 37:10, 11.

Ia wehwehn met: Aramas suwed kan solahr pahn mie, ihte aramas akan me men peikiong Koht.

SAMPAH PWON PAHN WIAHLA PARADAIS EHU

“Aramas akan pahn kauwada imwarail kan oh kousoanla loale. Re pahn wiahda ar mwetuwel en wain oh pahn kin nsenamwahuki wahn wain kan.”​—AISEIA 65:21, 22.

Ia wehwehn met: Sampah unsek pahn wiahla wasa kaselel ehu. Koht pahn ketin kapwaiada atail kapakapo me kupwure en pweida “nin sampah.”​—Madiu 6:10.

Aramas akan pereperenki mour nan Paradais
    Pwuhk kan en lokaiahn Pohnpei (1987-2025)
    Log Out
    Log In
    • Ponapean
    • Share
    • Me Ke Mwahuki
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share