Koasoandi En Service Mihding
Wihk me Tepida February 12
10 min: Pakair kan en sahpwet. Ekei pakair kan sang Atail Doadoahk Ong Wehio. Kitail pahn koasoipene duwen video cassette me oaralap koasoia The Bible—Mankind’s Oldest Modern Book nan Service Mihding me pahn wiawi wihk me tepida February 26. Kitail pahn koasoiaipene duwen peidek kan me mihmi ni pali 7 en Atail Doadoahk Ong Wehio en sounpwonget.
15 min: “Kapinga Siohwa Ni Atail Kin Wia Tiahk Mwahu.”a Koasoia ire kesempwal kan nan pwuhken Proclaimers, pali 187, parakrap 2-3.
20 min: “Iaduwen Kitail Kak Kamwekid Aramas akan en Kamehlele.” Emen brother me kin wia Pwuhk Study en Mwomwohdiso koasoi ong emen pioneer de emen sounkalohk koahiek oh ira koasoiapene artikel oh ire kesempwal kan me kohsang Watchtower (lokaiahn wai) en May 15, 1998, pali 21-23. Koasoia koakon me mih ni pali 23: “Reaching Your Student’s Heart.” Mwurin ira pahn pilada padahk likamw ehu me tohto kin kamehlele, ira koasoiapene iaduwen ira pahn sewese emen pwehn kamehlele padahk en Paipel me pid ireo.
Koul 208 oh kapakap.
Wihk me Tepida February 19
Koul 221
8 min: Pakair kan en sahpwet. Ripoht en mwohni.
15 min: Anahn en sahpwet.
22 min: “Kasansalehda Mwaren Siohwa oh Sapwellime Wiewia kan.”b Emen elder kousapahlih koasoandi tohrohr kan ong kalaudehla ahnsou nan kalohk nan March oh April, oh e pil pahn kangoange sounkalohk kan en wia uwen me re kak en koasoanehdi arail koasoandi kan pwe ren kak Auxiliary Pioneer. Koasoanehdi ren ekei me iang doadoahk en Auxiliary Pioneer nan April 2000 en koasoia ia uwen kaperen oh kamwahu kan me kohsang doadoahk wet. Kitail pahn sewese irail akan me sohla iang kalohk en pwurehng iang kalohk oh pil irail seri kan oh irail me kin onop Paipel en warohng iang kalohk nin duwen sounkalohk kan me saikinte papidais.—Kilang Atail Doadoahk Ong Wehio en November 2000, Koakon en Peidek.
Koul 27 oh kapakap.
Wihk me Tepida February 26
8 min: Pakair kan en sahpwet. Katamankin sounkalohk kan en kapedolong neirail ripoht en kalohk en February.
12 min: Padahk kan me Kitail Kak Doadoahngki Ni Atail Kihla Pwuhken Mour Kohkohlahte. Ke kin medemedewe padahk ehu me ke pahn wia pwehn kihla pwuhken Mour Kohkohlahte nan March? Ma ke tehk pali 4 oh pali 8 en Atail Doadoahk Ong Wehio en sounpwong kan me neklahr ko, ke pahn diar mehn sawas kan ong dahme kitail kak nda ni atail pahn tepin tuhwong aramas akan oh pil dahme kitail kak nda ni atail pahn pwurehng pwurala rehrail. Kousapahlih padahk riau de siluh sang padahk kan me ntingihdi nan Atail Doadoahk Ong Wehio. (August 1992 [pali 8]; September 1993 [pali 4]; September 1994 [pali 4]; February 1995 [pali 4]) Koasoanehdi kamwomwada riau pwehn kasalehda iaduwen emen sounkalohk kak tepida onop Paipel rehn aramas akan (using direct approach). Kangoange sounkalohk koaros en wia uwen me re kak en tepida Paipel Study kapw kan.
25 min: “Kitail en Kalahnganki Video Cassette me Oaralap Koasoia: The Bible—Mankind’s Oldest Modern Book.” Tohnmwomwohdiso pahn kihda pasapeng kan ong peidek kan me mihmi ni pali 7. Kasalehda me New World Translation kin tohtohki pwuhk rar pak 100 oh e kin mihmi ni lokaia 37 (ekei me unsek, ekei sohte unsek) oh ihme kahrehda New World Translation kin wia Pwuhk Sarawi ehu me kisehn Pwuhk Sarawi me keieu tohto nan sampah. Nan sounpwong en April, kitail pahn kousapahlih kesiluh en video en series wet. Oaralap en video cassette wet iei The Bible—Its Power in Your Life.
Koul 64 oh kapakap.
Wihk me Tepida March 5
5 min: Pakair kan en sahpwet.
18 min: “Siohwa Kak Ketikihong Kitail Kehl.”c Wia peidek kan ong tohnmwomwohdiso ong iaduwen kitail kak kawehwehda iren Paipel kan.
22 min: “Iaduwen Kitail Kak Pweida Mwahu Ni Atail Pahn Kalohk Doadoahngki Telephone.”* Sounapwalih en Kalohk pahn koasoia artikel wet. Koasoia mehn kangoang me kin mihmi nan Watchtower (lokaiahn wai) en December 15, 1999, pali 23, parakrap 17. Kousapahlih artikel me mihmi nan Atail Doadoahk Ong Wehio en November 2000 me oaralap koasoia: “Dahme Ke Pahn Nda Ma Ke Telephonela Wasakis oh Ke Anahne Koasoiong Misihn en Sapeng?” Kawehwehda dahme mwomwohdiso kak wia pwehn koasoanehdi wasahn kalohk ong doadoahngki telephone. Koasoanehdi ekei sounkalohk kan me doadoahngki telephone ong kalohk oh pweida mwahu.
Koul 108 oh kapakap.
[Nting tikitik me mi pahs]
a Tepin koasoi pahn mwotomwot sang minit ehu, oh mwurin mwo, peidek oh pasapeng kan.
b Tepin koasoi pahn mwotomwot sang minit ehu, oh mwurin mwo, peidek oh pasapeng kan.
c Tepin koasoi pahn mwotomwot sang minit ehu, oh mwurin mwo, peidek oh pasapeng kan.