Sounapwalih en Kahnimw kan: Tehk Kanahieng Kaweid wet

Nan Atail Doadoahk Ong Wehio en July 1996, mie Kohpwahn Peidek me wia peidek wet: “Iaduwen ntingihdi en eden Sounkadehdehn Siohwa kan nan pwuhken telephone pahn wiawi ni ahl me konehng?” Pahnangin peidek wet, kaweid wet sansalda: “Nan kahnimw kan me mwomwohdiso tohto sang ehu, se kaweidki kumwail en ntingihdi met: Sounkadehdehn Siohwa kan, (Kahnimw), (Wehi), oh eden mwomwohdiso kan me tepikihda a, b, c (alphabetical order) oh adres en Kingdom Hall, oh nempe en telephone en mwomwohdiso kan.”

E sansal sang ripoht kan me mwomwohdiso tohto saikinte wia met de re wia ahpw e sapwung. Met kahrehda kahpwal kan en pwarada, keieu nan kahnimw laud kan me mwomwohdiso tohto mie. Se men peki rehn Sounapwalih en Kahnimw kan en tiengala mwowe oh tehk iaduwen eden Sounkadehdehn Siohwa kan ntingdi nan pwuhken telephone. Ma kileledi en ahd pwukat me sapwung de sohte kileledi douluhl, Sounapwalih en Kahnimw pahn tuhwong irail me kin wia pwuhken telephone oh padahkiong irail duwen dahme re anahne kapataiong de kapwungala nan pwuhko nin duwen dahme ntingihdi nan Atail Doadoahk Ong Wehio.