Koasoandi En Service Mihding
Wihk me Tepida January 12
10 min: Pakair en sahpwet. Ekei pakair kan sang Atail Doadoahk Ong Wehio. Koasoanehdi kamwomwada kan pwehn kasalehda iaduwen kitail kak kihla Kahn Iroir en January ni atail pahn doadoahngki padahk nan pali 4. Mwurin kamwomwada, kasalehda dahme sounkalohko wia me mwahu.
15 min: “Kesempwalpen Erpit me Kin Kohsang Sukuhliki Duwen Koht.”a Ma mie ahnsou, luhke tohnmwomwohdiso en koasoia duwen iren Paipel kan.
20 min: Kitail Perenki Pwuhk Kapw kan me Kitail Ahpwtehn Ale! Tohnmwomwohdiso pahn iang koasoi. Kitail perenki ale pwuhk kapw riau ni atail Kapokon en District me oaralap koasoia “Kalinganahda Koht.” Pwuhk kapw me oaralap koasoia: “See the Good Land” sohte duwehte pwuhk teikan me kitail naineki. Nan pwuhko, ke kak kilang oh sukuhliki mehkot kapw duwen Sapwen Inou. Ke kak kasalehda oaritik kan me mihmi nan map kan. Kasalehda iaduwen kitail kak doadoahngki pwuhk wet nan atail mour oh nan atail kalohk. Pwuhk kapw me oaralap koasoia: “Learn From the Great Teacher” pahn sewese neitail seri kan kekeirada ni pali ngehn. Kasalehda ekei oaralap kan me pwuhk wet kin koasoia, oh kasalehda iaduwen pahpa oh nohno kan iangahki seri kan kak paiekihda. Luhke tohnmwomwohdiso en kasalehda iaduwen pein irail kin doadoahngki pwuhk kapw kan.
Koul 89 oh kapakap.
Wihk me Tepida January 19
5 min: Pakair kan en sapwet.
10 min: Koakon en Peidek. Emen elder pahn wia padahk wet.
15 min: Anahn en sahpwet.
15 min: “Iaduwen Kitail Kak Sewese Irail me Pwoudki Sounkadehde kan Ahpw Saikinte Iangala Padahk Mehlel?”b Interview emen de riemen me wiahla ladu en Siohwa kan pwehki ira mwekidki mehn kahlemeng mwahu en arail pwoud kan oh iangala padahk mehlel.
Koul 65 oh kapakap.
Wihk me Tepida January 26
12 min: Pakair kan. Ripoht en mwohni. Katamanki sounkalohk kan en kapedolong neirail ripoht en kalohk en January. Koasoanehdi kamwomwada kan pwehn kasalehda iaduwen kitail kak kihla Watchtower en January 15 oh Awake! en January 22 ni atail pahn doadoahngki padahk kan nan pali 4. Nan kamwomwada koaros, sounkalohk pahn kihla makisihn kan koaros, ahpw e pahn koasoia duwen ehute. Nan ehu kamwomwada, kasalehda iaduwen kitail kak kihla makisihn kan ong mehn mparail.
15 min: Doadoahngki Mahsen en Koht nan Ahmw Mour Rahn Koaros. Emen brother pahn wia padahk wet oh tohnmwomwohdiso pahn iang koasoi. Kangoange koaros en doadoahngki mwahu neirail pwuhk me ede Examining the Scriptures Daily—2004 (Iren Rahn). Koasoia ire kesempwal kan sang ni pali 3-4. Idek rehn tohnmwomwohdiso mehnia ahnsou me irail diarada en wia Iren Rahn. Koasoia duwen iren rahn en rahno. Luhke tohnmwomwohdiso en kasalehda iaduwen kitail kak doadoahngki iren rahno nan atail mour. Kangoange koaros en medemedewe oh doudouloale iaduwen irail kak doadoahngki dahme irail sukuhliki nan iren rahn nan ehuehu rahn.
18 min: Wiahda Nanpwung Mwahu Rehn Iengetail Kristian kan. (Lepin Padahk 18:24; 27:9) Emen brother pahn wia padahk wet oh tohnmwomwohdiso pahn iang koasoi oh padahk wet pahn poahsoanda pohn Watchtower (lokaiahn wai) en December 1, 2000, pali 22-23. Ehu kapai me kin kohsang padahk mehlel iei atail ahnsou mwahu en ahneki kompoakpatail kan me mehlel. Atail miniminpene nan mihding kan, kalohk, oh ahnsou teikan kin kihong kitail ahnsou mwahu en ale kangoang sang meteikan. Iaduwen kitail kak kompoakepahnki meteikan nan mwomwohdiso? Kousapahlih koakon me oaralap koasoia “Six Steps to a Lasting Friendship,” oh luhke tohnmwomwohdiso en koasoia duwen ehu ehu ire kesempwal oh iaduwen kitail kak doadoahngki ire kan ni ahnsou me kitail ehuong riatail kan.
Koul 79 oh kapakap.
Wihk me Tepida February 2
10 min: Pakair kan en sahpwet. Kasalehda dahme kitail pahn kihla nan February. Kousapahlih padahk kan sang Atail Doadoahk Ong Wehio en sounpwong teiko.
20 min: “Tehk Kanahieng Iaduwen Kitail Kin Doadoahngki Atail Ahnsou.”c Luhke tohnmwomwohdiso en kasalehda dahme irail kin wia en dehr mweidohng soahng soh katepe kan en kauwehla arail wiewia soahng kan me katapan ong arail pali ngehn.
15 min: Kahlemengih Pohl Nin Duwen E Kin Kahlemengih Krais. (1 Kor. 11:1) Tohnmwomwohdiso pahn iang koasoi. Duwehte Sises, Pohl kin doadoahngki ah ahnsou mwahu koaros en kalohk ong “aramas akan me mihmiseli wasao.” (Wiewia 17:17) Mie wasa kan me kitail kak wia met nan pein atail wasahn kalohk? Ihs me kin “mihmiseli” ni ahnsou me kitail kin netinet, de ni ahnsou me kitail kohla doadoahk de sukuhl, de ni ahnsou me kitail kin iang taxi de bus? Ihs me kitail kin tuhwong ni ahnsou me kitail kin mihmi nan pein imwatail? Luhke tohnmwomwohdiso en kasalehda duwen arail ekspiriens kan ni ahnsou me irail kin kalohk ong aramas nan ehuehu rahn.
Koul 64 oh kapakap.
[Nting tikitik me mi pahs]
a Tepin koasoi pahn mwotomwot sang minit ehu, oh mwurin mwo, peidek oh pasapeng kan.
b Tepin koasoi pahn mwotomwot sang minit ehu, oh mwurin mwo, peidek oh pasapeng kan.
c Tepin koasoi pahn mwotomwot sang minit ehu, oh mwurin mwo, peidek oh pasapeng kan.