Koasoandi En Service Mihding
Wihk me Tepida April 12
10 min: Pakair en sahpwet. Ekei pakair kan sang Atail Doadoahk Ong Wehio. Koasoanehdi kamwomwada pwehn kasalehda iaduwen kitail kak kihla Kahn Iroir en April ni atail doadoahngki padahk me kileledi ni pali 8. Nan kamwomwada, sounkalohk pahn pil kasalehda dahme kitail kak nda ni ahnsou me tohnihmw pahn nda “I kedirepw.”—Kilang pwuhken Reasoning, pali 19-20.
15 min: “Kitail en Kihong Siohwa Dahme Keieu Mwahu.”a Ni ahnsou me ke koasoia parakrap 4, luhke tohnmwomwohdiso en koasoia duwen ahl akan me irail kin kasalehda limpoak ong aramas ahnsoun kalohk.
20 min: “Mwengehn Ngehn Ni Ahnsou me Konehng.”b Doadoahngki peidek kan me mihmi pah. Ni ahnsou me ke koasoia parakrap 2, mweidohng emen de riemen nan mwomwohdiso en koasoia, ni mwotomwot, duwen kapokon me re iang me re tamataman.
Koul 45 oh kapakap.
Wihk me Tepida April 19
8 min: Pakair en sahpwet.
17 min: “Kahlemengih Lamalam me Sises kin Ketin Sapwellimaniki.”c Doadoahngki peidek kan me mihmi pah. Ni ahnsou me ke koasoia parakrap 4, luhke irail me iang Auxiliary Pioneer en koasoia duwen kapai kan me irail kin alehdi pwehki arail iang Auxiliary Pioneer.
20 min: “Tepida Onop en Paipel kan nan Kupwurki Brochure.”d Sounapwalih en Kalohk pahn wia padahk wet. E pahn koasoanehdi kamwomwada me kileledi nan parakrap 6. Luhke sounkalohk kan en koasoia dahme irail wia ni ahnsou irail tepida onop en Paipel nan Kupwurki brochure ni ahnsou me irail tepin tuhwong tohnihmw.
Koul 97 oh kapakap.
Wihk me Tepida April 26
12 min: Pakair en sahpwet. Ripoht en mwohni. Katamankin sounkalohk kan en kapedolong neirail ripoht ong April. Kasalehda dahme kitail pahn kihla nan May. Koasoaehdi kamwomwada riau pwehn kasalehda iaduwen kitail kak kihla Watchtower en April 15 oh Awake! en April 22 ni atail doadoahngki padahk kan ni pali 8. Nan kamwomwada, sounkalohko pahn kihla Watchtower oh Awake! ahpw e pahn koasoia duwen ehute makisihn. Nan kamwomwada ehu, kasalehda iaduwen emen kak kalohk ong ienge tohndoadoahk men de ienge tohnsukuhl men.
20 min: Anahn en sahpwet.
13 min: “Kisinlikou Sang Rehn Governing Body.” Luhke tohnmwomwohdiso en idawehn emen me koahiek wadawad en wadek kisinlikou wet. Kasalehda ire ehu de riau me pahn kangoange tohnmwomwohdiso kan.
Koul 17 oh kapakap.
Wihk me Tepida May 3
12 min: Pakair en sahpwet. Ni mwotomwot, koasoia duwen dahme kitail kak wia nan sounpwong en summer (June, July, August): Auxiliary Pioneer, kamwahuwihala de onehda sapahl imwomw, oh pil iang wia ekei mehn kamweit kan. Ma mie ekei wasahn kalohk me mwomwohdiso sohte kin kalap kalohk ie, pakairki duwen koasoandi kan me mwomwohdiso wiahda pwehn kalohk wasa pwukat. Tohnmwomwohdiso pahn kanahieng pwe irail sohte pahn katiasang mihding kan, kalohk oh pein onop ni ahnsou me irail pahn wia soahng teikan nan summer. (Lepin Padahk 21:5) Katamanki koaros en kapedolong neirail ripoht en kalohk, sohte lipilipil ma irail mihmihte nan pein arail wasahn kousoan de irail seiloak.
18 min: “Kumwail me Pwulopwul kan—Wadek Mahsen en Koht!”e Koasoanehdi mwowe me emen de riemen (me pwulopwul) en koasoia duwen ara koasoandi en wadek Paipel oh iaduwen ira kin paiekihda ara wadawad. Kangoange me pwulopwul en wiahda arail mehn akadei en wadek Paipel pwon. Koasoia duwen ire kesempwal kan nan pwuhken Benefit From Theocratic Ministry School Education, pali 10, parakrap 4.
15 min: Koakon en Peidek. Emen elder pahn wia padahk wet. Koasoia duwen kahrepe kan me kitail en mwadang kihda atail sawas, nin duwen dahme Watchtower (lokaiahn wai) en January 15, 1992, pali 16-17.
Koul 72 oh kapakap.
[Nting tikitik me mi pahs]
a Tepin koasoi pahn mwotomwot sang minit ehu, oh mwurin mwo, peidek oh pasapeng kan.
b Tepin koasoi pahn mwotomwot sang minit ehu, oh mwurin mwo, peidek oh pasapeng kan.
c Tepin koasoi pahn mwotomwot sang minit ehu, oh mwurin mwo, peidek oh pasapeng kan.
d Tepin koasoi pahn mwotomwot sang minit ehu, oh mwurin mwo, peidek oh pasapeng kan.
e Tepin koasoi pahn mwotomwot sang minit ehu, oh mwurin mwo, peidek oh pasapeng kan.