Video ehu me Kesempwal oh Katapan Ahnsou Koaros
Ia mouren video me ede “David—He Trusted in God?” Iei met: me kitail anahne likih Siohwa duwehte Depit. (Melkahka 91:2) Ma aramas laud oh seri kan pahn kilang soahng kan me wiawi nan mour en Depit, met pahn sewese irail en sukuhliki sang mehn kahlemeng mwahu me e wiahda. (Melkahka 31:14) Pwe kitail en paiekihda laud, DVD wet pil kihda “Video Quiz” (kisin test) oh ekei “Learning Activities” (mehn kasukuhl kei).
Mahs ke pahn kilang video wet, oh mwuri, ke pahn pein idek rehmw: (1) Dahme kahrehda Siohwa pilada nanmwarki men me mwahu sang me kaunda mwowe? (1 Sam. 15:10, 11; 16:1) (2) Dahme kahrehda e sohte pilada emen sang rien Depit kan? (1 Sam. 16:6, 7) (3) Dahme kahrehda Sohl mwahuki Depit en kesengki arp? (1 Sam. 16:14-23) (4) Ihs Kolaiad? (1 Sam. 17:4-10) (5) Dahme kahrehda Depit men peiong Kolaiad? (1 Sam. 17:23, 24, 36, 37) (6) Ihs Sonadan? (1 Sam. 14:1) (7) Ni ahnsou dahieu me Depit wiahla imwintihti en Sohl? (1 Sam. 18:25-29) (8) Dahme kahrehda Depit sohte kemehla Sohl? (1 Sam. 26:7-11) (9) Dahme Sohl mehkihla? (1 Sam. 31:1-6) (10) Ia pepehm en Depit ni ahnsou me Sonadan mehla? (2 Sam. 1:11, 12) (11) Soangen inou dahieu me Siohwa wiaiong Depit? (2 Sam. 7:12, 13, 16) (12) Soangen dihp laud dahieu me Depit wiahda? (2 Sam. 11:1-5, 14-17) (13) Iaduwen Depit kasalehda me e koluhkihla dahme e wia? (Melkahka 51) (14) Mehn kasukuhl dah kan me Depit padahkiong Solomon ni ahnsou me e pwulopwul? (1 Nanmwarki 2:1-4; 1 Kronikel 22:6-13; 28:9, 10) (15) Iaduwen Depit, Sonadan oh kowe pahn paiekihda sapwellimen Sises kaunda?—Aiseia 11:6-9; Sohn 11:25, 26.
Nna, medemedewe duwen met: Iaduwen pein kowe pahn kak kahlemengih Depit nin duwen ah kin likih Koht?
Pahpa oh nohno kan, kasalehiong noumw seri kan duwen kesempwalpen likih Koht, duwehte me Depit kin wia.—Melkahka 56:11.