Paipel—Pwuhk Duwen Mehlel oh Kokohp

Pwuhk me Keieu Werei Ahpw Katapan (Mankind’s Oldest Modern Book) iei keieun video nan video siluh me mi nan DVD me adaneki Paipel​—Pwuhk Duwen Mehlel oh Kokohp (The Bible​—A Book of Fact and Prophecy). Mwurin omw kilang video wet, menlau sapengla peidek pwukat.

(1) Ia duwen Paipel kin pwungohng palien sains? (2) Ia duwen kitail ese me Paipel en rahnwet sohte weksang tepin nting en Paipel me wiawi mahs mahsie? (3) Dahme kesempwal duwen tepin nting en Paipel kan? (4) Dahme John Wycliffe, Johannes Gutenberg, William Tyndale, John Hus, Martin Luther, Casiodoro de Reina, oh Charles Taze Russel wia pwehn sewese Mahsen en Koht en kohpeseng nan sampah? Ia duwen kaudok likamw kan kin uhwong Paipel? (5) Ia duwen kaweid en Paipel kin sewese aramas kan en powehdi kahpwal me pid duwen pilein mwohni (1 Tim. 6:9, 10), katohrohrpeseng en pwopwoud oh kamwahl (1 Kor. 13:4, 5; Ep. 5:28-33), kahpwal en paliwar (Mel. 34:8), oh nohn kesempwalki mwohni oh kepwe (Mad. 16:26)? (6) Mehn kadehde dah kan kin kasalehda me emen kak powehdi kahpwal en liaktohrohr oh kailok nanpwungen wehi kan oh keinek kan ma e pahn doadoahngki kaweid kan en Paipel (Luk 10:27)? (7) Ni ahl dah kan omw sukuhlki Paipel kin sewese iuk en ahneki peren mehlel? (8) Ia duwen ke pahn doadoahngki video wet pwehn sewese meteikan?​—Kilang Atail Doadoahk ong Wehio en February 2006, pali 8.