Kilang Manaman en Pwuhk Sarawi!
Iaduwen? Ni atail pahn kilang video cassette me oaralap koasoia The Bible—Its Power in Your Life. Video cassette wet wia kasiluhn video cassette me pid oaralap en The Bible—A Book of Fact and Prophecy.
Ke mwahuki ahmw pwopwoud en pweida? Ke anahne sawas en dadaur nan ahnsou apwal wet? Dahme pwulopwul kan kak wia pwehn kekeirada mwahu oh wiahla aramas laud kan me mwahu oh wia arail pwukoah? Pwuhk Sarawi kak sewese kitail koaros, ih me video cassette wet kin kasalehda. Ke pahn rong ekei aramas koasoia iaduwen Pwuhk Sarawi kin wia mehkot manaman nan arail mour oh sewese irail en wia dahme mwahu. Ke pahn pil rong iaduwen Pwuhk Sarawi kin sewese irail en powehdi kahpwal kan nan mour en ahnsou wet.
Video cassette wet wia mehn sawas ong sewese irail me kapw kan en kilang kamwahupen sapwellimen Koht Mahsen nan arail mour. Society kolokol ekei video cassette pwukat me oaralap koasoia The Bible—Its Power in Your Life. Ke kak tuhwong brother me apwalih pwuhk kan oh oaht noumw cassette.