Ngoangki Kalohki Padahk Mehlel Duwen Sises

Atail ngoang kin laudla ni atail ese ia duwen atail pahn ehukihong meteikan me mehlelo duwen Sises. Sises kin ketin rasehng takain pwukakeimw me pwoson mehlel kin kokouda powe. (Ep. 2:20) Ma soh ih, e pahn sohte atail koapworopwor ong mour. (Wiewia 4:12) Ihme kahrehda, e kesempwal me koaros en pohnese sapwellimen Sises pwukoa nan kupwuren Koht. Me tohto kin kamehlele padahk kan me uhwong Paipel. Kansensuwed pwe re pahn kakete sohte iang paiekihda kapai kan me Koht ketin inoukihong irail akan me kin pwoson Sises. Atail ngoangki me mehlelo pahn kamwakid kitail en sewese me mohngiong mehlel kan en wehwehkihla me pwung duwen Sises, eh nanpwungmwahu rehn Koht, oh sapwellime pwukoa nan kupwuren Koht. Erein ahnsoun Kataman, ke pahn iang ngoangki kalohki padahk mehlel duwen Sises?