IA DUWEN ATAIL PAHN KAK KAMWAHWIHALA ATAIL KOAHIEK NAN KALOHK
Kalaudehla Atail Koahiek nan Doadoahk en Kalohk—Wiahda Pein Omw Kisin Wiepen Padahk en Kihla Makasihn
DAHME KAHREHDA E KESEMPWAL: Mendahki kisin wiepen padahk kan me kin pwarada nan doaropwehn kasukuhl en mihting kin kihda iren sawas kei, mepwukat kin wiahte wiepen padahk kei. Ke anahne doadoahngki pein omw lokaia. Ele ke pahn men wia ehu wiepe tohrohr de pehm me ehu ire tohrohr me tohnsahpwet pahn men rong. Ma iei, mwurin omw wadek makasihno, tehk kisin wiepen padahk kan, oh kilang kisin kasdo kan me kasalehda kamwomwada kan, ke kak doadoahngki iren sawas kan pah pwehn wiahda pein omw kisin wiepen padahk.
IA DUWEN OMW PAHN WIA MET:
Pein idek rehmw, ‘I men doadoahngki ehu kisin wiepen padahk kan?’
EI
Kaunopada omw tepin koasoi kan. Mwurin omw rahnmwahu, kasalehda ni mwotomwot kahrepen omw pwarala reh. (Karasepe: “I pwarado wasaht pwehki . . . ”)
Kadokepene omw koasoi kan ni omw kihda peideko, iren Paipelo, oh dahme ke pahn kihla. (Karasepe: Pwehn kasalehda ehu iren Paipel me ke pahn wadek ele ke kak nda, “Ehu pasapeng me inenen mwahu me kak sapengala peidek wet kak dierek wasaht.”)
SOH
Pilada ehu ire sang makasihno me ke perenki oh me ke ese me aramas akan nan omw wasahn kalohk pahn perenki rong
Pilada ehu peidek me ke pahn idek pwehn kamwakid en tohnihmwo eh madamadau oh kahrehda kumwa en koasoakoasoipene ahpw en dehr idek peidek me kak kanamenekihala tohnihmwo. (Karasepe: Peidek kan me pwarada nan pali 2 en makasihn kan.)
Pilada iren Paipel ehu pwehn wadek. (Ma ke kihla Awake! ke kak pilada ma ke pahn wadek ehu iren Paipel de soh, pwehki makasihn wet wiawihda ong irail kan me sohte nohn wehwehki Paipel oh ele sohte kin likih pelien lamalam.)
Wiahda koasoi mwotomwot me kawehwehda ia duwen tohnihmwo eh pahn paiekihda sang eh wadek oaralapo
SOHTE LIPILIPIL
Kaunopada peidek me ke pahn sapeng ni omw pahn pwurehng pwurala
Kilelehdi ire kan me pahn seweseiuk en tamataman dahme ke pahn nda ni omw pwurehng pwurala