Ma Seri Men me Ke Tuhwong

Ma seri men me kitail tuhwong, kitail anahne peki ma kitail kak tuhwong eh pahpa de nohno. Met kasalehda atail wauneki kaunen arail peneinei. (Lep. Pad. 6:20) Ma serio lukei kitail en pedolong nan imwarail, kitail anahne nda soh. Ma kitail sohte kak tuhwong eh pahpa nohno, kitail anahne pwurala ehu ahnsou tohrohr.

Ma serio ekis laud, ele sounpar 15 kohda, e pil pahn mwahu en idek ma kitail kak tuhwong eh pahpa nohno. Ma kitail sohte kak tuhwong ira, ele kitail kak idek ma eh pahpa nohno kin mweidohng ih en pein pilada soahng kan me e pahn wadek. Ma ira mweidohng, kitail kak kihong ih pwuhk kan oh mwein kasalehiong ih jw.org.

Ahnsou me kitail pahn pwurala rehn me pwulopwul men me perenki rong, kitail anahne idek ma kitail kak tuhwong eh pahpa nohno. Met pahn mweidohng kitail en kawehwehda kahrepen atail kin pwarala rehrail oh kasalehiong irail kaweid likilik kan nan Paipel ong peneinei kan. (Mel. 119:86, 138) Atail kasalehda wahu oh nsenohki pahpa nohno pahn wia kadehde mwahu oh ele pahn kihong kitail ahnsou mwahu en ehukihong peneineio rohng mwahu.​—1 Pit. 2:12.