Kapai kan ong Irail me Kin Sewese Emen me Anahne Sawas

Aramas tohto nan sampah pwon kin anahne kanarail mwenge oh arail wasahn kousoan. Ekei ihte anahne koapworopwor ehu ong ahnsou kohkohdo. Ia duwen atail pahn nantihong sewese soangen aramas pwukat pwe kitail en alehdi kupwuramwahu oh kapai en Koht?

DAHME PAIPEL MAHSANIH

“Ni omw kin kisekise me semwehmwe kan, duwehte omw patohwanohng KAUN-O, oh KAUN-O ahpw pahn ketin kasapahldohng uhk.”​—LEPIN PADAHK 19:17.

IA WEHWEHN EN SEWESE EMEN ME ANAHNE SAWAS

Sises mahsanih karasaras ehu duwen ohl emen me sounpirap kan keme oh kohkohsang pwehn mehla. (Luk 10:29-37) Aramas emen me sehse ihs ohlo ahpw uhdi oh sewesehda ih. E wia met mendahki e kohsang ehu wasa tohrohr.

Ohl kadek menet sohte ihte winie ohlo oh kihong dahme e anahne, ahpw e pil kansenamwahwihala oh kihsang ih nan eh kahpwalo.

Dahme kitail sukuhlkihsang karasaras wet? Sises ketin kasalehda me kitail en sewese irail me anahne sawas ni ahl sohte lipilipil. (Lepin Padahk 14:31) Paipel padahkihong kitail me Koht pahn kereniong ketikihsang semwehmwe oh lokolok. Ahpw mwein kitail kin medewe, ia duwen oh iahd Koht pahn ketin kapwaiada met? Oaralap kan en mwurin met pahn koasoia duwen kapai kan me Sounkapikpomw ketin nekinekid ong uhk.