MOMOUR NIN DUWEN KRISTIAN KEI
Ia Duwen Atail Kak Wiahla Tohnsukuhl me Kin Kaukaule Onopki Paipel
Ke men lelepek pahn kahpwal kan duwehte dahme Daniel kin wia? Daniel kin kaukaule onopki Mahsen en Koht, iangahki kokohp loal kan. (Da 9:2) Kaukaule onopki Paipel kak seweseiuk en kolokol omw lelepek. Ia duwen? E kin kalaudehla omw pwoson me sapwellimen Siohwa inou kan pahn pweida. (Sos 23:14) E pil kak seweseiuk en kalaudehla omw limpoak ong Koht, me pahn kak kamwakid uhk en wia me pwung. (Me 97:10) Ahpw dahme ke kak tepikihda? Tehk ire kan me mi pah.
Dahme I pahn onopki? Koasoandien kaukaule onop pil kin pidada kaunopada ong mihting en mwomwohdiso kan. Ke pahn paiekihda omw wadawad en Paipel en ehuehu wihk ma ke doadoahngki ekis ahnsou en roporopki ire kan me ke sohte wehwehki. Pil patehng met, ekei kin pilada ren kalaudehla arail sukuhlki kokohp en Paipel kan, ekei irair kan duwen wahn sapwellimen Koht manaman, en wahnpoaron Pohl seiloak en misineri, de pil sapwellimen Siohwa kepikipik kan. Ma ke kin medemedewe ehu peidek sang nan Paipel erein rahno, ntingihedi oh wiahki oaralapo me ke pahn ropoproki nan omw onop en mwurin met.
Ia wasa me I kak alehdi ire kan? Ong ekei iren sawas kan, kilang kisin kasdo Research Tools for Discovering Spiritual Treasures. Pwehn song kilang uwen omw koahiek, roporopki kasansalepen ehuehu kaunen sampah kan me sansalda nan Daniel irelaud 7 nin duwen mahn kamasepwehk kei.
Ia uwen laud en ahnsou me I anahne kihong ong onop? Kaukaule onop iei ahl ehu me kak kakehlaka omw nanpwungmwahu rehn Siohwa. Ma anahn ke kak wia onop me mwotomwot oh ke kak ekisekis kalaudehla ahnsoun onop. Onopki Mahsen en Koht kin duwehte rapahki takai kesempwal kan; uwen tohtohn soahng kesempwal me ke kin diar, uwen laud en omw men rapahki eh pahn pil laudla! (Lep 2:3-6) Omw men sukuhlki Mahsen en Koht pahn laudla, oh kaukaule onopki Paipel pahn pousehlahte wia kisehn mehkot me ke kin kalapw wia nan omw mour.—1Pi 2:2.
DAHME MAHN KAMASEPWEHK KO NAN DANIEL IRELAUD 7 KIN WEHWEHKI?
Da 7:4
Da 7:5
Da 7:6
Da 7:7
PIL EHU PEIDEK:
Ia duwen Daniel 7:8, 24 eh pweida?
DAHME KE KAK WIA MWUHR:
Dahme mahn kamasepwehk ko me mi nan Kaudiahl irelaud 13 kin wehwehki?