Iren Sawas kan ong Doaropwehn Kasukuhl ong Mihting en Mour oh Kalohk
April 1-7
SOAHNG KESEMPWAL KAN SANG MAHSEN EN KOHT | 1 KORINT 7-9
“Kiripw—Kisakis Ehu”
Isaneki Omw Wia Kiripw Men
3 Me kiripw men kin kalapw ahneki ahnsou oh pil saledek laudsang me pwopwoud men. (1 Kor. 7:32-35) Soangen kapai pwukat ele kin mweidohng ih en kalaudehla eh doadoahk en kalohk, katehlapahla eh limpoak ong meteikan, oh karanihala Siohwa. Kahrehda tohtohn Kristian kan kin kesempwalki kapai en wia kiripw men oh kin pilada en “ale” met erein ahnsoukis. Ekei ele sohte kin pilada kiripw nin tepio, ahpw ni arail irair kan kin wekidekla, re kin kapakap oh medemedewe arail irairo oh kin wehwehki me Siohwa kak ketin sewese irail en wiahda pilipil wet. Eri, re kin pohnese me arail irair wekilahr oh pilada ren kiripwte.
Ire Kesempwal akan Sang nan Pwuhken Korint
7:33, 34—Ia wehwehn mahsen pwukat “mehkan me kisehn sampah” me ohl oh lih pwopwoud kan kin kedirepwki? Pohl wasaht kin koasoakoasoia soangen kedirepw kan me aramas akan kin wia rahn koaros me pil aramas pwopwoud kan anahne en pwunodki. Mepwukat kin iangahki mwenge, likou oh wasahn kousoan ahpw e sohte kin pid me suwed kan en sampah wet me Kristian akan anahne en liksang.—1 Sohn 2:15-17.
Kiripw—Ahl Ong Doadoahk Ni Soh Koaromwpwe
14 Kristian kiripw men me kin doadoahngki ah irair en soh pwopwoud pwehn nantihong mehn akedei roporop kan sohte “mwahusang” Kristian pwopwoud kan. E kin kolokol ah irair en kiripw, kaidehn “pwehki mehkan me pid wehio,” ahpw pwehki pein ah ineng kan. (Madiu 19:12) Ohl kiripw men de lih kiripw men anahne “ngoangki apwalih mehkan me sapwelimen Kaun-o,” en “nantihong kaparanih Kaun-o,” oh en “papah Kaun-o ni kapehd mehlel oh unsek.” Met kin wehwehki en loaleniohng papah Siohwa oh Sises Krais. Ihte ma re wia met eri Kristian ohl oh lih kiripw kan kin “mwahusang” Kristian pwopwoud kan.
Raparapahki Soahng Kesempwal kan Sang Mahsen en Koht
Oaritik kan
Nan ekei irair kan me inenen apwal, ekei Kristian akan kin pilada en tohrohrasang de mweisang arail pwoud mendahki re sohte wiahda tiahk samin me pid wia nsenen pwopwoud. Nan soangen irair pwukat, Paipel kin kaweidki me emen me pahn tohrohrasang eh pwoud “sohte pahn pwurehng pwopwoudida, de e uhdahn pahn pwurehng eh wereko.” (1 Korint 7:11) Kristian menet sohte kin ahneki saledek en rapahki emen pwehn pwoudikihda. (Madiu 5:32) Kitail pahn tehkpene ekei kahrepe kan me ekei kin pilada en tohrohrasang arail pwoud.
Ohl pwopwoud kahng apwalih eh peneinei. Peneinei ehu ele uhdahn semwehmwe oh sohte itar arail anahn akan pwehki ohl pwopwoudo sohte kin apwalih irail mendahki e kak wia met. Paipel mahsanih: “Eri, ma emen sohte kin apwalih . . . uhdahn kisehn pein eh peneinei, e kahmahmkilahr eh pwoson, oh e suwedsang irail kan me sohte arail pwoson.” (1 Timoty 5:8) Ma ohlo sohte pahn wekila, liho ele pahn medemedewe ma e pahn anahne wiahda doaropwe en tohrohrasang eh pwoud pwehn pere eh anahn akan oh pil anahn en nah seri kan. Elder kan nan mwomwohdiso anahne tehk ni keneinei duwen Kristian emen me kahng apwalih eh peneinei. Emen me kahng apwalih eh peneinei pahn kakete piskensang nan mwomwohdiso.
Tiahk lemei me inenen keper. Emen ele kin inenen lemei oh wia soahng kan me keper ong ahn eh pwoud roson de mour. Ma me lemeio wia Kristian men, elder kan nan mwomwohdiso pahn tehk ma met mehlel de soh. Emen me sohte kak koledi eh mwakar oh kin kalapw wia tiahk lemei pahn kakete piskenla.—Kalesia 5:19-21.
Uhwong laud me kin irehdihsang emen en wia kaudok mehlel. Emen ele kin kaukaule irehdi eh pwoud en dehr pousehla wia kaudok mehlel de idingkihong ih en kauwehla sapwellimen Koht koasoandi kan. Ma ih duwen met, emen me mihmi nan kahpwal wet anahne koasoanehdi ma e pahn wiahda doaropwehn tohrohrasang eh pwoud pwehn “peikiong Koht, a kaidehn aramas.”—Wiewia 5:29.
w00-E 7/15 31 par. 2
Ke Kak Kolokol Omw Tiahk Mwakelekel nan Sampah Suwed Ehu
Eri me pwulopwul kan, ren dehr mwadang pwopwoudida ni ahnsou me re tepida kehn ineng en wia nsenen pwopwoud. Pwopwoud anahne inou tengeteng ehu, oh ke anahne koahiekla pwe ken kak kapwaiada omw pwukoahn pwopwoud. (Senesis 2:24) E mwahu en awih lao emen “dauliher ahnsoun pwulopwul”—erein ahnsou me ineng en wia nsenen pwopwoud kin kehlail oh kak kasapwungehla omw pilipil kan. (1 Korint 7:36) Oh ia uwen eh wia elen soaloalokong oh dihp ong aramas laud men me inengieng pwopwoudida eh kin pidada wia nsenen pwopwoud ihte pwehki e saikinte diar emen en pwoudikihda!
April 8-14
SOAHNG KESEMPWAL KAN SANG MAHSEN EN KOHT | 1 KORINT 10-13
“Siohwa me Lelepek”
Peidek kan Sang Sounwadawad kan
Wahnpoaron Pohl ntingihedi me Siohwa “sohte pahn ketin mweidohng kumwail en ale songosong me kumwail sohte kak powehdi.” (1 Kor. 10:13) Ia duwe, met wehwehki me Siohwa kin ketin kasawih dahme kitail kakohng oh ketin pilada kahpwal kan me kitail pahn lelohng mwohn ar wiawi?
▪ Medewehla imwilahn dahme ekei medewehki peideko. Karasepe, emen brother me nah pwutako pein kemehla ih idek: ‘Ia duwe, Siohwa ketin kasawiher mwowe me ngehi oh ei pwoudo pahn kak dadaurete pahn kahpwalo me nait pwutako wiahda? Kahpwal wet wiawi pwehki Koht ketin koasoanehdier me se kak powehdi?’ Mie kahrepe mwahu en kamehlele me Siohwa kin ketin kamwakid de wekidala irair en atail mour ni ahl me pisetik duwehte met?
Atail tehk dahme Pohl koasoia nan 1 Korint 10:13 pahn sewese kitail en wehwehki met. Sohte mehn kadehde nan Paipel pwe kitail en kamehlele me Siohwa kin ketin kasawih mwowe dahme kitail kakohng oh eri ketin pilada mehnia kasongosong me kitail pahn lelohng poahsoankihda dahme e ketin kasawiher. Kitail pahn tehkpene kahrepe pahieu ong dahme kahrehda kitail kak ndahki met.
Keieu, Siohwa ketikihong aramas akan saledek en wiahda pilipil. E kupwurki kitail en pilada dahme kitail en wia nan atail mour. (Deud. 30:19, 20; Sos. 24:15) Ma kitail pilada ahl me pwung, kitail kak kilangwohng Siohwa en ketin kaweid kitail. (Lep. Pad. 16:9) Ahpw ma kitail pilada ahl me sapwung, kitail pahn lelohng imwila suwed. (Kal. 6:7) Ma Siohwa pahn ketin pilada mehnia kahpwal me pahn lelohng kitail, e sou pahn ketin katikala atail saledek en wiahda pilipil me e ketikihong kitail?
Keriau, Siohwa sohte kin ketin pere kitail sang “paisuwed” me kin lelohng kitail koaros. (Ekl. 9:11) Aksident laud kan, ele me kin inenen imwila suwed, kak pwarada pwehki kitail mihmi wasa ehu me kahpwal ehu kitail sohte kasik wiawi. Sises mahsanih duwen kahpwal ehu me wiawihong aramas 18 me mehla ni wasahn iroir ehu eh pwupwudiong pohrail. E ketin kasalehda me kahpwal pwukat kaidehn kupwuren Koht. (Luk 13:1-5) E sou pahn sapwung en medewe me Koht pahn ketin koasoanehdi mwowe ihs me pahn mour oh mehla pwehki mwekid ehu me wiawi ni soh kasikpe?
Kesiluh, emenemen kitail anahne kolokol atail lelepek ong Siohwa. Taman me Sehdan peidengki lelepek en irail kan me kin papah Siohwa oh kose me kitail sohte pahn kolokol atail loalopwoatohng Siohwa ni atail kin lelohng kasongosong kan. (Sohp 1:9-11; 2:4; Kaud. 12:10) Ma Siohwa ketin pere kitail sang ekei kasongosong kan pwehki e ketin medewe me kitail sohte kakohng, met sou pahn kalaudehla ahn Sehdan karaun likamw me dene kitail kin papah Koht pwehki pein atail ineng en roporop?
Kapahieu, Siohwa sohte anahne mwahngih soahng koaros me kin wiawiong kitail mwohn ar wiawi. Madamadauo me dene Koht ketin piladahier mwowe mehnia kasongosong me kitail pahn lelohng kin kasalehda me e mwahngiher soahng koaros duwen dahme pahn wiawiong kitail ahnsou kohkohdo. Ahpw soangen madamadau wet sohte kohsang nan Paipel. Koht uhdahn kak ketin mwahngih dahme pahn wiawi ni ahnsou kohkohdo. (Ais. 46:10) Ahpw Paipel kasalehda me e sohte kin ketin pilada en mwahngih soahng koaros me pahn wiawi mwohn ar wiawi. (Sen. 18:20, 21; 22:12) Ni toupahrek, e ketin kasalehda me e sapwellimanki manaman en mwahngih dahme pahn wiawi mwowe oh pil wauneki atail saledek en wiahda pilipil. Kaidehn ih met me kitail pahn kasik sang Koht men me kin ketin kesempwalki atail saledek oh ahnsou koaros doadoahngki sapwellime irair kaselel kan ni toupahrek?—Deud. 32:4; 2 Kor. 3:17.
Eri ia duwen atail kak wehwehki dahme Pohl koasoia ni eh nda: “Koht . . . sohte pahn ketin mweidohng kumwail en ale songosong me kumwail sohte kak powehdi”? Wasaht Pohl kawehwehda dahme Siohwa kin ketin wia, kaidehn mwohn, ahpw erein kasongosong kan kin wiawi. Dahme wahnpoarono koasoia kin kamehlelehiong kitail me sohte lipilipil soangen kasongosong dah me kin lelohng kitail nan atail mour, Siohwa pahn ketin sewese kitail ma kitail likih ih. (Mel. 55:22) Dahme Pohl nda kin poahsoankihda ire mehlel riau.
Keieu, kasongosong kan me kitail ahneki “kin lelohng aramas koaros.” Eri atail kasongosong kan pil kin wiawihong koaros. Kitail kak powehdi kasongosong pwukat ma kitail koapworopworki Koht. (1 Pit. 5:8, 9) Nan iretikitik kan mwohn 1 Korint 10:13, Pohl koasoia duwen kasongosong kan me mehn Israel ko lelohng nan sapwtehno. (1 Kor. 10:6-11) Irail kan me kin koapworopworki Siohwa kak dadaur pahn kahpwal ko. Ahpw ekei mehn Israel ko sapeikiong Siohwa. Re sohte kolokol arail loalopwoat pwehki re sohte koapworopworki ih.
Keriau, “Koht me uhdahn mehlel.” Mehn kadehde kan duwen sapwellimen Koht wiewia ong sapwellime aramas akan kasalehda me e kin ketin kasalehiong sapwellime limpoak poatopoat ong me “poakohng ih oh kapwaiada sapwellime mahsen kan.” (Deud. 7:9) Mehn kadehde wet pil kasalehda me Koht kin ketin ahnsou koaros kapwaiada sapwellime inou kan. (Sos. 23:14) Pwehki eh kin ketin kasalehda lelepek mahso, irail kan me poakohng oh peikiong ih kak likih me e pahn ketin kapwaiada sapwellime inou riau pwukat me pid kasongosong kan me re ele pahn lelohng: (1) E sohte pahn ketin mweidohng kasongosong sohte lipilipil en nohn laudla me pahn kahrehiong irail en sohte kak powehdi, oh (2) ‘e pahn ketikihong irail kehlail.’
Ia duwen Siohwa eh kin ketikihda kehlail ong irail kan me kin likih ih ni arail lelohng kasongosong kan? Ni mehlel, ma e ketin kupwurki, e pahn ketikihsang kasongosong kan. Ahpw taman dahme Pohl koasoia: “E [Siohwa] pahn ketikihong kumwail kehlail pwe kumwail en kak dadaur oh pitsang nan songosongo.” Eri pak tohto, e kin ‘ketikihong kitail kehlail’ sang ni eh kin ketikihda dahme kitail anahne pwe kitail en kak dadaur pahn kasongosong kan oh pweida. Tehk ekei ahl me Siohwa ele kin ketikihong kitail kehlail:
▪ E kin ketin “sewesei [“kansenamwahwih,” NW] kitail nan atail apwal akan koaros.” (2 Kor. 1:3, 4) Siohwa kak ketin kansenamwahwih de kameleileidi atail madamadau, mohngiongitail, oh atail pepehm kan sang ni eh doadoahngki sapwellime Mahsen, sapwellime manaman, oh padahk mehlel me rasehng kisin tungoal me ladu lelepeko kihda.—Mad. 24:45; Sohn 14:16; Rom 15:4.
▪ E kak ketin kaweid kitail ni eh doadoahngki sapwellime manaman. (Sohn 14:26) Ni kasongosong kan ar pwarada, sapwellime manamano kak sewese kitail en tamanda koasoiepen Paipel kan oh kaweid kan oh eri ese ia duwen atail en wiahda kahk kan.
▪ E kak ketin doadoahngki sapwellime tohnleng kan pwehn sewese kitail.—Ipru 1:14.
▪ E kak ketin doadoahngki riatail Kristian kan en sewese kitail. Sang arail lokaia oh wiewia kan, re kak kakehlakahda kitail.—Kol. 4:11.
Eri dahme kitail kak nda duwen dahme Pohl koasoia nan 1 Korint 10:13? Siohwa sohte kin ketin pilada mehnia kasongosong me kitail pahn lelohng. Ahpw ma kasongosong kan lelohng kitail, kitail kak kamehlele met: Ma kitail uhdahn likih Siohwa, e sohte pahn ketin mweidohng atail kasongosong kan en nohn daulihala dahme aramas akan kak dadaur pah; e pahn ketin ahnsou koaros ketikihong kitail kehlail pwe kitail en kak dadaur pahn kasongosong pwukat. Ia uwen kansenamwahu en ese duwen met!
Raparapahki Soahng Kesempwal kan Sang Mahsen en Koht
w04-E 4/1 29
Peidek kan Sang Sounwadawad kan
Dahme kahrehda 1 Korint 10:8 mahsanih me mehn Israel 23,000 mehla ni rahn tehieu pwehki ar wiahda dipen nenek, a Nempe 25:9 mahsanih me meh 24,000?
Mie ire mehlel kei me ele kak kihda kahrepen iretikitik riau pwukat ara kasalehda wekpeseng en uwen tohtohn irail me mehla. Kahrepe mengei en wehwehki iei me uhdahn nempehn irail me mehla ele kak mi nanpwungen meh 23,000 oh 24,000.
Tehk pil ehu kahrepe. Wahnpoaron Pohl koasoia duwen mehn Israel ko arail mi Sidem eh wia mehn kataman ehu ong Kristian kan nan Korint, kahnimw ehu me ahd suwedki arail mour en tiahk suwed. E ntingihedi: “Kitail en dehr pil wia tiahk samin me pid wia nsenen pwopwoud, duwehte ekei irail me wiadahr tiahk samin me pid wia nsenen pwopwoud, oh meh 23,000 rehrail ahpw mehla.” Ni eh koasoakoasoia duwen irail me Siohwa pein ketin kemehla pwehki arail wiahda dipen nenek, Pohl koasoia me irail meh 23,000.—1 Korint 10:8.
Ahpw Nempe irelaud 25 padahkihong kitail me “mehn Israel ko eri kin iang tungoale kisin mwenge me kin meirongala ong Paal, koht en Peor, oh pil pwongih ih. KAUN-O eri ketin engiengda pahn mehn Israel.” Siohwa eri ketin kehkehlingkihong Moses en kemehla “kaunen mehn Israel kan.” Moses uhd ruwese sounkopwung ko ren kapwaiada kehkehliko. Ni ahnsou me Pineas mwadangete kemehla mehn Israel me wahdo lihen Midiano nan arail kahnimpwalo, ih ahnsou me “soumwahu lusuluso . . . tokedi.” Ireo imwikihla mahsen pwukat: “Soumwahwo eh kemelahr aramas rianen pahkid.”—Nempe 25:1-9.
E sansal me uwen tohtohn irail me mehla me kileldi nan pwuhken Nempe pil iangahki “kaunen mehn Israel kan” me sounkopwung ko kemehla oh pil irail me Siohwa pein ketin kemehla. Ele uwen tohtohn kaun akan me sounkopwung ko kemehla lel meh kid, kahrehda koaros patpene wiahda meh 24,000. Mehnda ma kaun pwukat de irail me kin tapiada kamwoarong, wiahda dipen nenek, iang wia kasarawi ko, de kihong mweimwei irail me iang wia soahng pwukat, irail pwukoahki dipen kin “iang tungoale kisin mwenge me kin meirongala ong Paal, koht en Peor, oh pil pwongih ih.”
Me pid duwen lepin lokaia me kawehwehdiong “pwongih,” doadoahk en roporop ehu me pid duwen Paipel kawehwehda me e kak wehwehki “emen pirehiong pein ih rehn emen.” Mehn Israel kan iei aramas ekei me inoukihong arail mour ong Siohwa, ahpw ni arail kin pwongih “Paal, koht en Peor,” irail kin kauwehla arail inou ong Koht. Mpen sounpar 700 mwuri, soukohp Oseia kasalehda dahme Siohwa ketin mahsanihki mehn Israel kan: “Ni ar leledo nin Nahna Peor, re ahpw tepihada kaudokiong Paal oh re mwadangete sautla duwehla koht kan me re kin poakohng.” (Oseia 9:10) Irail koaros me wia met konehng ale kadeik kehlail sang rehn Koht. Ihme kahrehda Moses katamankihong kadaudok en Israel kan: “Pein kumwail kadehdeier dahme KAUN-O ketin wiadahr nin Nahna Peor, duwen eh ketin kamwomwala irail koaros me kin pwongih Paal wasao.”—Deuderonomi 4:3.
Peidek kan Sang Sounwadawad kan
Ia duwe, sounkalohk sister men anahne koaduhpwel ni eh wia onop en Paipel rehn emen ma sounkalohk brother men iang ih?
▪ Nan oaralap “Peidek kan Sang Sounwadawad kan” me mi nan Kahn Iroir (lokaiahn wai) en July 15, 2002, e koasoia me sister kan anahne doadoahngki koaduhpwel ni ar wia onop en Paipel rehn emen ma brother men iang irail, sohte lipilipil ma brothero papidais de soh. Ahpw petehkpen ire wet wiawi mwuhr oh kasalehda me mie anahnepen wekidekla ehu ong kaweid wet.
Ma sister men wia onop en Paipel rehn emen oh sounkalohk brother men me papidaisehr iang ih, sistero uhdahn pahn men doadoahngki koaduhpwel. Eri, sistero kin kasalehda eh wauneki sapwellimen Siohwa koasoandi en tapwi nan mwomwohdisohn Kristian pwehki e wiewia pwukoa ehu me kin kalapw kohwong brother kan. (1 Kor. 11:5, 6, 10) De sistero kak peki rehn brothero en wia onop en Paipelo ma brothero koahiek oh pil kak wia.
Ahpw, ma sister men wia onop en Paipel rehn emen oh sounkalohk brother men iang ih ahpw brothero kaidehn eh pwoud oh e pil saikinte papidaisla, Paipel sohte kaweidki me sistero anahne doadoahngki koaduhpwel. Mendahki met, kadeikpen loalen ekei sister ele kamwakid irail en doadoahngki koaduhpwel pil nan soangen irair pwukat.
April 22-28
SOAHNG KESEMPWAL KAN SANG MAHSEN EN KOHT | 1 KORINT 14-16
“Koht Pahn Ketin Wiahla ‘Mehkoaros ong Koaruhsie’”
“Mehla Pahn Lohdi”
10 “Imwio” iei imwin Kaundahn Krais Erein Pahr Kid, ni ahnsou me Sises pahn ni karakarahk oh loaloapwoat kapwurelahng ah Koht oh Seme Wehio. (Kaudiahl 20:4) Kupwuren Koht en “ketikipene soahng koaruhsie nanleng oh sampah pahn tahpwteieu, iei pahn Krais” pahn pweida. (Episos 1:9, 10) Ahpw, keieu, Krais pahn kauwehla “kaun akan koaros, me lapalap oh manaman akan” me kin uhwong kupwuren Koht Lapalahpie. Met kin pidada laud sang ohla me pahn wiawi ni Armakedon. (Kaudiahl 16:16; 19:11-21) Pohl mahsanih: “Pwe Krais pahn ketin kakaun, Koht lao pahn ketin kalowehdi sapwellime imwintihti kan oh ketikihdiong pahn aluweluwe kan. Oh imwintihti me pahn lohdi keieu mwuhr, iei mehla.” (1 Korint 15:25, 26) Ehi, lipwen dipen Adam koaros oh mehla pahn kohsang. Eri, ihme konehng Koht pahn kihsang audepen “sousou kan” ni ah pahn kapwurehdohng mour irail me melahr kan.—Sohn 5:28.
kr-E 237 par. 21
Wehio Kapwaiada Kupwuren Koht Pohn Sampah
21 Ahpw dahme pahn wiawihong mehla, me imwilahn soumwahu, me kohsang dihp? Iei atail “imwintihti me keieu mwuhr,” imwintihti men me kin kalowehdi aramas soh unsek koaros sohte lipilipil ahnsou dah. (1 Kor. 15:26) Ahpw ia duwe, mehla wia imwintihti kamasepwehk men ong Siohwa? Tehk dahme Aiseia kohpada: “KAUN-O, wasa Lapalahpie pahn ketin kamwomwala mehla kohkohlahte! E pahn ketikihsang pilenmesen aramas koaros.” (Ais. 25:8) Ke kak medewehla ni ahnsowo? Solahr mehla pahn wiawi, solahr wasahn sousou kan, solahr sengisengki nsensuwed en mehla! Ahpw, e pahn mie sengiseng en peren ni Siohwa eh pahn ketin kapwaiada sapwellime inou kaperen en kamourada irail me melahr akan! (Wadek Aiseia 26:19.) Eri, soangen nsensuwed tohtohie me mehla kin kahrehda pahn mwahula.
Popohl Erein Pahr Kid oh Kohkohlahte!
17 Mahsen pwukat “pwe Koht en ketin kakaun mehkoaruhsie” pahn kawehwehda mwahu mwomwen mour ni kaimwiseklahn pahr kido. Ia wehwehn met? Medewehla nan Ihden ahnsou me Adam oh Ihp wia kisehn sapwellimen Siohwa peneinei meleilei ehu. Siohwa, kaunen lahng oh sampah, ketin kaunda mehkoaros me e ketin kapikada, mehnda ma nanleng de sampah. Irail kak koasoiong, kaudokiong oh ale kapai sang rehn Siohwa. E “ketin kakaun mehkoaruhsie.”
Raparapahki Soahng Kesempwal kan Sang Mahsen en Koht
Wahnpoaron Pohl Kin Irehdi Lih akan Ren Dehr Iang Koasoi?
Wahnpoaron Pohl ntingihedi: “Lih akan pahn kin nennenla, sohte lokaia nan pokon en mwomwohdiso kan.” (1 Korint 14:34) Ia wehwehn eh koasoi? Ia duwe, e sohte kesempwalki arail madamadau? Soh. E kin kalapw koasoia arail kin kihwei padahk mwahu. (2 Timoty 1:5; Taitus 2:3-5) Nan nah kisinlikou ong mehn Korint ko, Pohl kaweidki lih akan oh pil irail kan me kin lokaiahki lokaia kapwonopwon kan oh kawehwehda kokohp kan ren “nennenla” ni ahnsou me emen iengerail Kristian wie koasoakoasoi. (1 Korint 14: 26-30, 33) Mwein ekei lih Kristian kan kin uhdahn perenkihda arail diarada padahk mehlel kahrehda re kin sopuk me wia padahko pwehn peidek, nin duwen tiahk en sapwarail. Pwehn dehr kahrehda pingiping, Pohl kangoange irail en “kalelapak rehn arail werek kan nan imwarail kan.”—1 Korint 14:35.
it-1-E 1197-1198
Sohte Kak Mwerpeseng
Miniminiong Sises me duwehte sapwellime kaiasada, ienge kan me iang wia serien sohso pil kin iasada kaidehn ongete mour soutuk nin duwen ngehn akan, ahpw pil ong mour me sohte kak mehla oh paliwar me sohte kak mwerpeseng. Pwehki arail momourier, papah ni lelepek, oh mehla ni arail wia paliwar kei me kak mwerpeseng, met irail aleier paliwar ngehn kei me sohte kak mwerpeseng, nin duwen me Pohl koasoia ni sansal nan 1 Korint 15:42-54. Eri e sansal me mour me sohte kak mehla kin dokedoke soangen irair en mour ehu me re pahn alehdi, me sohte imwi oh me sohte pahn sohrala, ahpw soahng kan me sohte kak mwerpeseng kin dokedoke paliwar me Koht ketikihong irail, soangen paliwar ehu me sohte kak matala, ohla de sohrala. Eri e mwomwen me Koht ketikihong irail kehl en pein wie momour, oh sohte anahne ehu soangen kehl duwehte sapwellime kepikipik teikan, me paliwar uduk oh ngehn. Met mehn kadehde kehlail ehu me Koht ketin koapworopworkin irail. Ahpw arail momour nin duwen met sohte wehwehki me Koht sohte ketin kakaun irail; oh re duwehte arail Tapwi Krais Sises, kin pousehlahte uhpahiong kupwuren Samarailo oh sapwellime kaweid kan.—1Ko 15:23-28; kilang mour me sohte kak mehla (immortality); en emen mour (soul).
April 29–May 5
SOAHNG KESEMPWAL KAN SANG MAHSEN EN KOHT | 2 KORINT 1-3
“Siohwa—‘Koht en Kansenamwahu Koaros’”
“Iang Sengiseng Rehn me Kin Sengiseng kan”
4 Samatail limpoak pil ketin mwahngih uwen kamedek ni emen me e ketin poakohng mehla, duwehte sapwellime ladu ko Eipraam, Aisek, Seikop, Moses oh Nanmwarki Depit. (Nemp. 12:6-8; Mad. 22:31, 32; Wiewia 13:22) Paipel kasalehiong kitail me Siohwa uhdahn ketin kasikasik rahno me e pahn ketin kaiasada ohl lelepek pwukat. (Sohp 14:14, 15) Ni ahnsowo, irail pahn peren oh ahneki roson unsek. Sapwellimen Siohwa Meseniho pil pwoula. Paipel mahsanih me Sises iei me kin “kapakaparanih” Koht. (Lep. Pad. 8:22, 30) Kitail sohte kak pil medewehla uwen Siohwa eh kupwurtoutoukihla eh mahsanih duwen weirek laud me sapwellime Ohlo ahneki ni eh pwoula.—Sohn 5:20; 10:17.
“Iang Sengiseng Rehn me Kin Sengiseng kan”
14 E kak pil apwal en ese dahme ke pahn ndaiong emen me pahtou. Ahpw Paipel mahsanih me “lokaiahn loalokong kin kamwahwihala wasa.” (Lep. Pad. 12:18) Me tohto diarada lokaia kansenamwahu kan sang kisin pwuhk me oaralape Ahnsou me Emen me Ke Poakohng Mehla pwehn ehukihong meteikan. Ahpw dahme keieu sawas iei en “sengiseng rehn me kin sengiseng kan.” (Rom 12:15) Gaby, me eh pwoudo mehla, nda me ekei pak, ihte ahl en kasalehda eh pepehm iei sang ni eh kin sengiseng. E pil nda: “Ihme kahrehda I kin ekis nsenamwahula ni kompoakepahi ko ar iang ie sengiseng. Ni ahnsou ko, I pehm me I sohte kin kelehpwki ei nsensuwed.”
Raparapahki Soahng Kesempwal kan Sang Mahsen en Koht
Peidek kan Sang Sounwadawad kan
Mehn “kadehdepen mehkoaros” oh “kilel” dahieu me emenemen Kristian keidi alehdi sang rehn Koht?—2 Kor. 1:21, 22.
▪ Kadehdepen mehkoaros: Nin duwen me ehu dikseneri koasoia, lepin lokaiahn Krihk me kawehwehdi “kadehdepen mehkoaros” nan 2 Korint 1:22 iei “lokaia ehu me kamanamanlahr pahn kosonned oh kin kadoadoahk ong pesines.” Met wehwehki “keieun pwilidi en mwohni, pwilidi en mwohni, koasoandi en wia pwapwain, inou ehu, me kin pwainla ekis en pweipweio mwohn uhdahn pweinehu pahn pweipweila, oh met kak kamanahla kisinlikou kesempwalo de kamanahla contract ehu.” Me pid me keidi ko, pweinen pweipwei unsek ehu de keting me 2 Korint 5:1-5 kasalehda kin pid arail en alehda mour ehu nanleng me sohte kak ohla de mehla. Keting wet pil iangahkihte arail alehdi kisakis en mour soutik nin duwen ngehn kei.—1 Kor. 15:48-54.
Ni lokaiahn Krihk en rahnwet, ehu lepin lokaia me kak kadoadoahk duwehte met iei rihng en inou en pwopwoud. Met wia karasaras konehng ehu ong irail ko me pahn wiahla ni karasaras kisehn sapwellimen Krais werek.—2 Kor. 11:2; Kaud. 21:2, 9.
▪ Kilel: Mahso, kilel ehu kin kadoadoahk pwehn sainla kadehdehpen ihs me pwung en ahneki mehlelpen inou ehu. Ong irail me keidi kan, re “kileldi” ni karasaras, sang ni arail keikihdi sapwellimen Koht manaman nin duwen sapwellime kei. (Ep. 1:13, 14) Ahpw kileldi wet saikinte uhdahn nekier. Kileldi wet pahn wiawi mwohn me keidio mehla ahpw lelepekte de pahn wiawi mwohnte kahn kamakam kowahlapo tepida.—Ep. 4:30; Kaud. 7:2-4.
w10-E 8/1 23
Ke Kin Ese Duwen Met?
Dahme wahnpoaron Pohl medemedewe ni eh koasoia duwen “kapar en powehdi”?
▪ Pohl ntingihedi: “Koht . . . ketin kahluwei kitail ahnsou koaros nan kapar en powehdi rehn Krais oh ketin kahrehiong loalokong duwen ih me duwehte pwohtik pwohmwahu ehu en ikiparpeseng wasa koaros sang ni atail doadoahk! Pwe ong Koht kitail rasehng pwohtik pwohmwahu en Krais nanpwungen irail kan me pahn komourla oh nanpwungen irail kan me pahn sohrala; ong mehn mwuhr ko, pwohn mehla me kin kahluwalahng mehla, a ong mehn mwowe ko, pwohtik pwohmwahu en mour me kahluwalahng mour.”—2 Korint 2:14-16.
Wahnpoarono koasokoasoia duwen tiahk en mehn Rom ni ar kin wia kapar ni kasarawi pwehn kawauwih kaunen sounpei men pwehki eh kalowehdi imwintihti kan en wehio. Ni kasarawi pwukat, kepwehn lohdi ko oh me selidi nan mahweno ko koaros kasansalda oh kouwol kan pakahrlahng wasahn meirongo nindoken kaunen sounpei me kanao oh nah karis en sounpeio ale kapingpen wehipokon. Ni kaimwiseklahn kaparo, kouwol ko kin meirongala oh me selidi tohto kin kakete kamakamala.
Karasaras en “pwohtik pwohmwahu en Krais” me kin wia kilelepen mour ong ekei oh mehla ong meteikan, “ele kohsang tiahk en mehn Rom ni ar kin isikada warpwohmwahu nan ahl me re kin kapar ie,” nin duwen me ehu pwuhk koasoia. (The International Standard Bible Encyclopedia) E pil doula koasoia: “Pwohn pwohtiko me wia kilelepen kana ong me kana ko kin katamankihong me selidi ko me re awiawih kamakamala.”