Kangoange Emenemen

Kitail kin alehdi kangoang ni atail kin patehng riatail Kristian kan. Ahpw pwe atail mihmihpene en uhdahn kangoang, kitail anahne wia laudsang patehngete riatail kan. Paipel padahkihong kitail en kangoange emenemen oh kakehlaka en emenemen pwoson. (Rom 1:​11, 12) Ni soangen ahl dah kan me kitail kak wia met?

Kangoange meteikan sang dahme ke nda. Karasepe, ni omw pasapeng nan mihting kan, kanahieng ken dehr nohn koasoia duwen omw madamadau de omw mour. Ahpw koasoia dahme ke sukuhlkihsang Siohwa, sapwellime mahsen oh sapwellime aramas akan. Ni omw koasoakoasoiong riomw Kristian kan, koasoia soahng kan me pahn kakehlaka arail pwoson.

Kangoange meteikan sang ni omw pilipil oh wiewia kan. Karasepe, ele meteikan pahn kilang me ke pilada en doadoahngki pali laud en omw ahnsou ong papah Siohwa mendahki met sohte mengei ong uhk, oh met kak kangoange irail. De re kilang ke kin iang towehda mihting en nan wihk kan mendahki omw kohwa soumwahu de ke pwang pwehki doadoahk.

Ke kin kangoange riomw Kristian kan sang dahme ke kin nda oh wia? Oh ke kin pohnese dahme riomw Kristian kan kin nda oh wia pwehn kangoangeiuk?