Ehu Mwetuwel Kasehlel

KILANG duen sampah wasaht! Soahngen lingan en mehkoaros! Kilang duen reh kan oh tuhke kan, rohs kan oh mahn akan. Ke kak kilang mehnia me elepant oh laion?

Iawasa mwetuwel kasehlel wet kohsang ie? Eri, kitail kilang duen Koht ah ketin kauonopada sampah ong kitail.

Keieu, Koht kahreong reh kan en wosada oh pwaindi sahpwo pwon. E pil ketin wiahda soahngen tuhke tikitik oh tuhke laud koaros. Tuhke pwukat koaros kahreong sampah wet en lingan. Ahpw tuhke pwukat koaros kin pil wia laud sang. Tohto en tuhke pwukat kin kihong kitail wah kan me iou.

Mwuhri Koht ketin wiahda mwahmw akan en pampap nan pihl oh menpihr kan en pihr pahn lahng. E ketin wiahda kidi, kat, oh oahs; mahn laud oh tikitik kan. Soahngen mahn da me kin mihmi nan wasa ke kin kousoan ie? Kaidehn mehlel me kitail pai pwehki Koht wiahda mehpwukat ong kitail?

Eri ni kaimwisekela, Koht ketin wiahda wasakis nan sampah wasa tohrohr. Wasaht e kahdaneki mwetuwel en Ihden. Iei wasakis me inenen kasehlel kowahlap. Mehkoaros wasao lingan. Koht mwahuki sampah pwon en wiahla duwehte mwetuwel wet.

Ahpw kilang duen kilel en mwetuwel wet. Ke kilang dahme Koht kilangehr me sohte mi wasaht? Kitail pahn tehk met.