Nohliko lel Maiou Sang Isip

Aramas walemen me pitila nan nohliko, ahpw kadekadeo aramas pil tohtohla lela kid kid kei nan sampah. Eri, sounpahr 352 mwehrin Nohliko, Apram ipwidi. Kitail pil sukuhliki me Koht kapwaiada ah inou ong Apram oh ketikihong ih nah pwutak men. Mwuhri, Aisek naineki pwutak riemen, Koht eri pilada Seikop.

Seikop ahniki ehu peneinei laud, pwutak ehkriemen oh ekei serepein kan. Nain Seikop pwutak ehk kailongki riarail pwutak tikitik Sosep oh netikihla ih en ladu nan Isip. Mwuhri, Sosep wiahla emen kaun kesempwal nan Isip. Ni ansou me lehk suwed leledo, Sosep kasongehr rie kan pwen kilang ma mohngiohngarail wekidlahr. Eri, mwuhri ekis ahn Seikop peneinei pwon, mehn Israel kan, kohdihla Isip. Met wiawiehr sounpahr 290 mwehrin Apram ipwidi.

Eri sounpahr 215 mwuhri mehn Israel kan kin koukousoan nan Isip. Mwehrin Sosep mehla, irail eri wiahla ladu kei wasao. Kadekadeo, Moses ipwidi, oh Koht ketin doadoahngki ih pwen kamaiou mehn Israel kan sang Isip. Sounpahr pwukat koaros reireiki 857, oh poadoapoad en met kin pwarada nan pali RIAU.