“Koht Iei Limpoak”

1. Koht limpoak kin luke kitail,

‘Iang ie keid, poakohng elei.’

Poakohng Koht oh mehn mpatail,

Rahn koaros pahn diren mwahu.

Ih elen mour me keieu mwahu;

Ih me kitail rapahki.

Limpoak en Krais kin pweida mwahu.

E pahn sansalda rehtail.

2. Limpoak kin kamwakid kitail

En pil poakohng meteikan.

Ma kitail wiahda sapwung

E pahn sewese kitail.

Limpoak min oh sohte peirin;

Limpoak kadek, kaneng’mah.

Kitail poakohng riatail kan.

Kitail esehda limpoak.

3. Dehr mweidohng lingeringer en

Kahluwa elen omw mour.

Kilangwohng Koht, e pahn sawas,

Kihong uhk kosonned kat:

Poakohng Koht oh pil mehn mpomw,

Iei wehwehn limpoak mehlel.

Ahnsou koaros kasalehda

Limpoak en Koht ni kadek.