Watchtower ONLINE LIBRARY
Watchtower
ONLINE LIBRARY
Ponapean
  • PAIPEL
  • SAWASEPEN PAIPEL KAN
  • MIHTING KAN
  • fg iren mehn kasukuhl 15 peidek kan 1-4
  • Dahme Kahrehda Ken Pousehlahte Sukuhlki Duwen Rohng Mwahwo?

Sohte kasdo ong met

Kupwurmahk, mehkot sapwung en kihda kasdo

  • Dahme Kahrehda Ken Pousehlahte Sukuhlki Duwen Rohng Mwahwo?
  • Rohng Mwahu Sang Rehn Koht!
  • Ire kan me Duwehte Met
  • Sohte Elen Mour Ehu me Mwahusang Met
    Kahn Iroir Pakpakairki Wehin Siohwa—2014
  • Ia Duwen Omw Kak Karanihala Koht?
    Rohng Mwahu Sang Rehn Koht!
  • Peidek Kan En Paipel Pasapengla
    Kahn Iroir Pakpakairki Wehin Siohwa—2014
  • “Karanihala Koht Kin Mwahu” ong Kitail!
    Kahn Iroir Pakpakairki Wehin Siohwa (Ong Onop)—2025
Kilang Pil Ekei
Rohng Mwahu Sang Rehn Koht!
fg iren mehn kasukuhl 15 peidek kan 1-4

IREN MEHN KASUKUHL 15

Dahme Kahrehda Ken Pousehlahte Sukuhlki Duwen Rohng Mwahwo?

1. Ia duwen omw pousehlahte onop Paipel eh pahn wia kamwahupomw?

Lih riemen me wia onop en Paipel ni ahnsoun kommoal en doadoahk

Omw esehla padahk mengei kan en Paipel kin kalaudehla omw limpoak ong Siohwa. Kitail anahne nannantihte pwe limpoak wet en kehlailla. (1 Piter 2:2) Omw koapworopwor en mour soutuk kin poahsoankihda omw pousehlahte karanihala Koht sang ni omw kin onopki sapwellime Mahsen.​—Wadek Sohn 17:3; Sud 21.

Ni omw kin kekeirda esehla Koht, omw pwoson pahn pil kehlailla. Pwoson pahn seweseiuk ken kaperenda Koht. (Ipru 11:1, 6) E pahn kamwakid uhk ken koluhla oh wiahda wekidekla mwahu kan nan omw mour.​—Wadek Wiewia 3:19.

2. Ia duwen omw ese Koht eh kak wia kamwahu ong meteikan?

Lih emen me kapakapohng Koht

Ke kak ahneki nanpwungmwahu tohrohr ehu rehn Siohwa

Ke uhdahn pahn men ehukihong meteikan dahme ke sukuhlki. Kitail koaros kin perenki koasoia duwen rohng mwahu. Ni omw kin pousehlahte onop Paipel, ke pahn sukuhlki ia duwen omw pahn doadoahngki Paipel pwehn kawehwehda omw pwoson Siohwa oh pil rohng mwahu.​—Wadek Rom 10:13-15.

Me tohto kin tepida wia met ni arail ehukihong rohng mwahwo kompoakparail oh kisehrail kan. Kanahieng mwomwen omw koasoiong irail. Padahkihong irail duwen sapwellimen Koht inou kan ahpw dehr nda me arail pelien lamalam me sapwung. Ken pil taman me aramas akan kin kalapw mwekidki omw wiewia kadek laudsang dahme ke kin koasoia.​—Wadek 2 Timoty 2:24, 25.

3. Soangen nanpwungmwahu dahieu me ke kak ahneki rehn Koht?

Omw onopki Mahsen en Koht pahn seweseiuk ken kakairada omw nanpwungmwahu rehn Koht. Ehu rahn ke kak ahneki nanpwungmwahu tohrohr ehu rehn Siohwa. Ke kak wiahla kisehn sapwellime peneinei.​—Wadek 2 Korint 6:18.

4. Ia duwen omw kak pousehlahte kekeirda?

Ke kak esehla ia duwen omw kak doadoahngki kaweid kan en Paipel sang ni omw kin onopki sapwellime Mahsen. (Ipru 5:13, 14) Peki rehn emen Sounkadehdehn Siohwa en onop Paipel rehmw ni amwa pahn doadoahngki pwuhken Dahme Paipel Kak Padahkihong Kitail? Ni omw kin kalaudehla omw sukuhl sang Mahsen en Koht, omw mour pahn pweida mwahu.​—Wadek Melkahka 1:1-3; 73:27, 28.

Sounkadehdehn Siohwa kan me kangoange pwopwoud ehu en tepida onop en Paipel

Paipel audaudki “lingan en rongamwahu en Koht en peren.” (1 Timoty 1:11, NW) Ke kak karanihala Koht sang omw kin karanihala sapwellime aramas akan. (Ipru 10:24, 25) Sang ni omw kin pousehlahte nantihong kaperenda Siohwa, ke kin song en lelohng mouro me uhdahn mour mehlel, iei mour soutuk. Karanihala Koht iei me keieu mwahu me ke kak wia.​—Wadek 1 Timoty 6:19.

Pwehn kalaudehla omw wehwehki met, menlau kilang irelaud 18 en pwuhken Dahme Paipel Kak Padahkihong Kitail?

    Pwuhk kan en lokaiahn Pohnpei (1987-2025)
    Log Out
    Log In
    • Ponapean
    • Share
    • Me Ke Mwahuki
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share