Watchtower ONLINE LIBRARY
Watchtower
ONLINE LIBRARY
Ponapean
  • PAIPEL
  • SAWASEPEN PAIPEL KAN
  • MIHTING KAN
  • lfb iren mehn kasukuhl 24 p. 62-p. 63 par. 3
  • Irail Kauwehla Arail Inowo

Sohte kasdo ong met

Kupwurmahk, mehkot sapwung en kihda kasdo

  • Irail Kauwehla Arail Inowo
  • Mehn Kasukuhl kan me Ke Kak Sukuhlkihsang Paipel
  • Ire kan me Duwehte Met
  • Kou Kohl
    Nai Pwuhk en Poadoapoad Kan en Paipel
  • Sukuhliki Sapwellimen Siohwa Ahl Akan
    Kahn Iroir Pakpakairki Wehin Siohwa—2005
  • Tuhke Pwoat me Wie Lullul
    Mehn Kasukuhl kan me Ke Kak Sukuhlkihsang Paipel
  • Ire Kesempwal akan Sang Nan Pwuhken Eksodus
    Kahn Iroir Pakpakairki Wehin Siohwa—2004
Kilang Pil Ekei
Mehn Kasukuhl kan me Ke Kak Sukuhlkihsang Paipel
lfb iren mehn kasukuhl 24 p. 62-p. 63 par. 3
Mehn Israel ko koul oh kahlek pidipidakih kouwol kohlo

IREN MEHN KASUKUHL 24

Irail Kauwehla Arail Inowo

Siohwa mahsanihong Moses: ‘Kohdahdo rehi pohn nahnaht. I pahn ntingihedi kosonned ko pohn pelien takai riapali oh kihong uhk.’ Moses doudahla pohn nahnao oh mihmihki mwo erein rahn oh pwohng 40. Erein eh mihmi mwo, Siohwa ketin ntingihediong Kosonned Eiseko pohn takai riapalio oh ketikihong takai ko rehn Moses.

Moses kesehdiong takai riapalio pohn pwehlo

Mwurin ahnsou kei, mehn Israel ko lemehier me Moses keseiraillahr. Irail eri ndaiong Aaron: ‘Se mwahuki emen en kahluwa kiht. Wiahiong kiht emen kohten!’ Aaron eri nda: ‘Kumwail kihdo noumwail kohl kan.’ Ih eri kapeipeseng kohl ko oh wiakihda sansal en kouwol men. Aramas ako eri nda: ‘Kouwol menet at Koht me kahluweikitodo sang Isip!’ Irail eri tapiada kaudokiong kouwol kohlo, oh irail wiahda kamadipw ehu. Ia duwe, met sapwung? Ei, pwehki aramas ako inoukihda me re pahn kaudokiong Siohwa kelehpw. Ahpw met irail kauwehla inowo.

Siohwa mwahngihada dahme wiewiawio, oh e mahsanihong Moses: ‘Kohdihla rehn aramas ako. Pwe irail sapeikiong ie oh kaukaudokiong koht likamw men.’ Moses eri kohdihla sang pohn nahnao, weuwa takai riapalio.

Ni eh kerendohng wasao, Moses rongada ngilen aramas kokoul. Ih eri kilangada arail kahkahlek oh pwongpwongih kouwolo. Moses uhdahn lingeringerda. Ih eri kesehdiong takai riapalio nan pwehlo, oh takai ko pwalpeseng. E ahpw poarehngete kouwolo kauwehla. Ih eri idek rehn Aaron: ‘Ia duwen aramas pwukat ar kahrehiong uhk ken wiahda soahng suwed wet?’ Aaron eri sapengki: ‘Ke dehr lingeringer. Ke esehier mwomwen aramas pwukat. Irail men ahneki emen koht, eri I kesehlong neirail kohl kan nan kisinieio oh kouwol menet pa pwarada!’ E sohte konehng Aaron en wia met. Moses eri pwuradahla pohn nahnao oh peki rehn Siohwa en ketin mahkohng aramas ako.

Siohwa kin ketin mahkohng irail kan me men peikiong ih. Ke kak kilang uwen eh kesempwal ong mehn Israel ko ren idawehn en Moses kaweid?

“Eri, ni omw pahn wia inou ong Koht, kapwaiada mwadang uwen omw kak. E sohte kin ketin kupwure me pweipwei kan. Kapwaiada dahme ke inoukihda me ke pahn wia.”​—Eklesiasdes 5:4

Peidek kan: Dahme mehn Israel ko wia ni ahnsou me Moses sohte mi rehrail? Dahme Moses wia ni ahnsou me e pwurodo?

Eksodus 24:12-18; 32:1-30

    Pwuhk kan en lokaiahn Pohnpei (1987-2025)
    Log Out
    Log In
    • Ponapean
    • Share
    • Me Ke Mwahuki
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share